ROMEMAI 1
1
1Jesu Khrista vangpiu, ladlangtadmai thiura kupad khaibo, khatdi Tingwang gu kawicham leng kadpad khaibo Paul niu:
2Masanbo ariakga raokhai mibo kum kawicham haise Tingwang niu phaimiukakungdung khuga nda ladriat thiukhai mibo-e. 3Sisera, Nahpiu, aliu Rapiu Jesu Khrista haitu chamainagu lunlung ganiu David gu kaikik thiujiu mana khaide; 4Masanbo Hiupuina gu lunlungga pahai kashaibo gasu ringsulan mibo donniu Tingwang Nahpiu-e chiubo madukhai mide. 5Papen gasu Tingwang niu atudi ladlangtadmai khat pithiu khaijiu, Khrista jengniu jat hina kadin piujiu malumlu raleng-e. 6Rome ga bammai naliu tudi Jesu Khrista gu thiulu raleng Tingwang niu kukhaibo-e.
7Tingwang niu lungsajiu pamai thiura kulubo, Rome ga bammai khuga Iniu raokhaibo-e:
Aliu piu Tingwang khatdi Rapiu Jesu Khrista niu naliu khuga lungsiat khatdi agi-manaibose pikhaibo thiumilo.
Thuonkiubo Chamkeng
8Raiboga, naliugu malum hai kadihpiri pabam hinaga chiukam bamme chiubo donniu Jesu Khrista pen gasu Iniu a-Rawang tu thuonkiu-e. 9-10Palam-ra, Iniu kakheng thiubo wan machang naliu lamga saomakjiu Iniu maningtao bamme chiubo Tingwang niu sibamme. Sichiujiu Nahpiu lamga Kawibo Champaose alungchun pakhiangna siniu dinron bamme. Sichiujiu Tingwang niu maningbo saisuijiu tuhoi kanambo wan haiga Iniu naliu khuga wangtang lura khengjiu bambo-e. 11Palamra naliutu matipkhai raleng Hiupuina gu thoidam lutao machamra Iniu naliutu adao khaini siak bamme. 12Iniu dinbo sira, naliudi agu malum pen gasu, Idi naliu malum pen gasu khat khattu nkha lura leng-e.
13 #
Tk 19.21. Asingna maidung yo, Iniu kakibo Nkengmai ruangga parasy daolubo kumjiu, naliu ruanggadi daolura jengniu naliu khuga wang raleng I maningjiu bamme, chiudi tuhoi katangbo atu khamjiu bamme, chiubo naliuniu sisiak rabo-e. 14Palamra mai hina khuga, disumai khugadi, disumakmai khugadi, wakasimai khugadi, khatdi wasi kamakmai khugadi Iniu kamrabo thao bamme. 15Sijengniu Rome ga bammai naliu khugadi, Kawicham hai dinron raleng Iniu machunjiu bambo-e.
Kawicham Gu Pumtan
16 #
Mk 8.38. Kawicham jengniu I mangambo thiu lakge. Kawicham haitu Iniu malumsiak bamme, palamra haise malumbo mai hinaniu ranlubo ngaolura Tingwang gu pumtan-e, raiboga Jehudi mai khuga, sibosai Nkengmai khuga di-e. 17#Hab 2.4.Palamra Kawicham hainiu dechiujiu Tingwang niu maidungtu kam maji khailo chiubo madukhai-e; Haise raokhai mibo kumbo-e: “Malumbo gasu Tingwang khuga kam majikhai mibo maise ringrabo-e.”
Chamaina Gu Kamaobo
18Nuan phungbo khatdi kasa kambo maidung, chiubora majibo situ silura khambo maidung riga Tingwang gu lungpomse tinggen lamsu madulen khai mide. 19Tingwang niu paliutu sajai pikhai mide, palamra Tingwang lamga silura, Tingwang papum siakniu kam malakhai mibo-e. 20Tingwang niu kadihpiri dambo gasu pagu ngao ngam makbo lunlung chiubora pagu pamalan thiu makbo pumtan nai pagu charagu lunlung gasu masanjiu madukhai mibo-e; sichiujiu Tingwang niu damkhai mibo hinase paliuniu ngao mibo-e. Sijengniu sibo maidung situ kuak khai silak mibo-e. 21#Eph 4.17,18.Paliuniu Tingwang tu sibamme, chiudi patuse paliuniu Tingwang-e chiujiu chakhuang thiu makge, maksai patu thuon makge. Chakhuang thiurabo sung khatdi thuonrabo sung paliugu makumse mathaku mide, sichiujiu paliugu kapangbo lungchunse tamiu mide. 22Paliuniu din-e, paliura ningting-e chiudi paliura pang-e. 23#Taj 4.16-18.Halan makbo Tingwang tu kahumrabo sung paliuniu halan suibo chamai, maksai thingna, maksai pangen madai thiubo khaoring, maksai paganiu tonjiu tadbo wakhaomeng kamkhai lujiu kahum bamme.
24Sijengniu Tingwang niudi paliutu taniaboga, paliuniu machunbo saisuijiu paliuniu khat-khat khuga kamangambo ngam kamra pikhai mide. 25Paliuniu Tingwang gu majibo situ aratboniu nkhiak mide. Dampao tusuang paniu damkhaibo mania situ kahumme, khatdi macha-e. Dampao Tingwang patura pamalan thiu makjiu thuon rabo siakge! Amen.
26Haichiubo jengniu paliutu Tingwang niu mangambo lungchun gase phutkhai mide. Sichiujiu maipuidung siniudi pajai kamakbo lunlungga lungmaojiu pathak kamak kam bamme. 27Sichiujiu maipiudung siniudi maipuidungtu maluang nphiuji rabo sung, paliu karai khat khattu maluang bamme. Sichiujiu maipiudung siniu paliu karai mangambo thak hai kambo jengniu, paliugu kamaobo saisuijiu paliu riga sajai phungwang bambo-e.
28Palamra paliuniu Tingwang gu majibo tasise paliu lungchun-ga khaini makbo jengniu, Tingwang niu paliu chunse taniaboga pikhaijiu paliuniu kammak rabose kam mide. 29Kasabo hina siniu phuilujiu, chiubora patiuni kasabo, npui-npiu lungmaobo, pathak sabo , maitu manmabo, maitu gibo, adap-alekbo, aratbo khatdi marengbo siniu phuijiu bamme. 30Paliu ladtumme, maiken tiakge, paliuniu Tingwang tu mareng-e, tasao thiu-e, chaliang-e, khatdi tasao thiu-e. Paliura kasabo ronna rang-e, paliu puipiu kadin piumakge. 31Paliu-chun paliu-ra thiu makge, paliu ladriat situ majai makge. paliura maitu lungsasibo maksai nkhakhai sibo wadi ha-e. 32Haikumbo kammaidung sira Tingwang gu tacheng-tajai saisuijiu shai bui-e chiubo paliuniu din-e. Chiudi sikumbose paliuniu kamjiu bamme, khatdi maidungtu sikumbo kamra kachu khaijiu bamme.
Currently Selected:
ROMEMAI 1: LIANBSI
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.
ROMEMAI 1
1
1Jesu Khrista vangpiu, ladlangtadmai thiura kupad khaibo, khatdi Tingwang gu kawicham leng kadpad khaibo Paul niu:
2Masanbo ariakga raokhai mibo kum kawicham haise Tingwang niu phaimiukakungdung khuga nda ladriat thiukhai mibo-e. 3Sisera, Nahpiu, aliu Rapiu Jesu Khrista haitu chamainagu lunlung ganiu David gu kaikik thiujiu mana khaide; 4Masanbo Hiupuina gu lunlungga pahai kashaibo gasu ringsulan mibo donniu Tingwang Nahpiu-e chiubo madukhai mide. 5Papen gasu Tingwang niu atudi ladlangtadmai khat pithiu khaijiu, Khrista jengniu jat hina kadin piujiu malumlu raleng-e. 6Rome ga bammai naliu tudi Jesu Khrista gu thiulu raleng Tingwang niu kukhaibo-e.
7Tingwang niu lungsajiu pamai thiura kulubo, Rome ga bammai khuga Iniu raokhaibo-e:
Aliu piu Tingwang khatdi Rapiu Jesu Khrista niu naliu khuga lungsiat khatdi agi-manaibose pikhaibo thiumilo.
Thuonkiubo Chamkeng
8Raiboga, naliugu malum hai kadihpiri pabam hinaga chiukam bamme chiubo donniu Jesu Khrista pen gasu Iniu a-Rawang tu thuonkiu-e. 9-10Palam-ra, Iniu kakheng thiubo wan machang naliu lamga saomakjiu Iniu maningtao bamme chiubo Tingwang niu sibamme. Sichiujiu Nahpiu lamga Kawibo Champaose alungchun pakhiangna siniu dinron bamme. Sichiujiu Tingwang niu maningbo saisuijiu tuhoi kanambo wan haiga Iniu naliu khuga wangtang lura khengjiu bambo-e. 11Palamra naliutu matipkhai raleng Hiupuina gu thoidam lutao machamra Iniu naliutu adao khaini siak bamme. 12Iniu dinbo sira, naliudi agu malum pen gasu, Idi naliu malum pen gasu khat khattu nkha lura leng-e.
13 #
Tk 19.21. Asingna maidung yo, Iniu kakibo Nkengmai ruangga parasy daolubo kumjiu, naliu ruanggadi daolura jengniu naliu khuga wang raleng I maningjiu bamme, chiudi tuhoi katangbo atu khamjiu bamme, chiubo naliuniu sisiak rabo-e. 14Palamra mai hina khuga, disumai khugadi, disumakmai khugadi, wakasimai khugadi, khatdi wasi kamakmai khugadi Iniu kamrabo thao bamme. 15Sijengniu Rome ga bammai naliu khugadi, Kawicham hai dinron raleng Iniu machunjiu bambo-e.
Kawicham Gu Pumtan
16 #
Mk 8.38. Kawicham jengniu I mangambo thiu lakge. Kawicham haitu Iniu malumsiak bamme, palamra haise malumbo mai hinaniu ranlubo ngaolura Tingwang gu pumtan-e, raiboga Jehudi mai khuga, sibosai Nkengmai khuga di-e. 17#Hab 2.4.Palamra Kawicham hainiu dechiujiu Tingwang niu maidungtu kam maji khailo chiubo madukhai-e; Haise raokhai mibo kumbo-e: “Malumbo gasu Tingwang khuga kam majikhai mibo maise ringrabo-e.”
Chamaina Gu Kamaobo
18Nuan phungbo khatdi kasa kambo maidung, chiubora majibo situ silura khambo maidung riga Tingwang gu lungpomse tinggen lamsu madulen khai mide. 19Tingwang niu paliutu sajai pikhai mide, palamra Tingwang lamga silura, Tingwang papum siakniu kam malakhai mibo-e. 20Tingwang niu kadihpiri dambo gasu pagu ngao ngam makbo lunlung chiubora pagu pamalan thiu makbo pumtan nai pagu charagu lunlung gasu masanjiu madukhai mibo-e; sichiujiu Tingwang niu damkhai mibo hinase paliuniu ngao mibo-e. Sijengniu sibo maidung situ kuak khai silak mibo-e. 21#Eph 4.17,18.Paliuniu Tingwang tu sibamme, chiudi patuse paliuniu Tingwang-e chiujiu chakhuang thiu makge, maksai patu thuon makge. Chakhuang thiurabo sung khatdi thuonrabo sung paliugu makumse mathaku mide, sichiujiu paliugu kapangbo lungchunse tamiu mide. 22Paliuniu din-e, paliura ningting-e chiudi paliura pang-e. 23#Taj 4.16-18.Halan makbo Tingwang tu kahumrabo sung paliuniu halan suibo chamai, maksai thingna, maksai pangen madai thiubo khaoring, maksai paganiu tonjiu tadbo wakhaomeng kamkhai lujiu kahum bamme.
24Sijengniu Tingwang niudi paliutu taniaboga, paliuniu machunbo saisuijiu paliuniu khat-khat khuga kamangambo ngam kamra pikhai mide. 25Paliuniu Tingwang gu majibo situ aratboniu nkhiak mide. Dampao tusuang paniu damkhaibo mania situ kahumme, khatdi macha-e. Dampao Tingwang patura pamalan thiu makjiu thuon rabo siakge! Amen.
26Haichiubo jengniu paliutu Tingwang niu mangambo lungchun gase phutkhai mide. Sichiujiu maipuidung siniudi pajai kamakbo lunlungga lungmaojiu pathak kamak kam bamme. 27Sichiujiu maipiudung siniudi maipuidungtu maluang nphiuji rabo sung, paliu karai khat khattu maluang bamme. Sichiujiu maipiudung siniu paliu karai mangambo thak hai kambo jengniu, paliugu kamaobo saisuijiu paliu riga sajai phungwang bambo-e.
28Palamra paliuniu Tingwang gu majibo tasise paliu lungchun-ga khaini makbo jengniu, Tingwang niu paliu chunse taniaboga pikhaijiu paliuniu kammak rabose kam mide. 29Kasabo hina siniu phuilujiu, chiubora patiuni kasabo, npui-npiu lungmaobo, pathak sabo , maitu manmabo, maitu gibo, adap-alekbo, aratbo khatdi marengbo siniu phuijiu bamme. 30Paliu ladtumme, maiken tiakge, paliuniu Tingwang tu mareng-e, tasao thiu-e, chaliang-e, khatdi tasao thiu-e. Paliura kasabo ronna rang-e, paliu puipiu kadin piumakge. 31Paliu-chun paliu-ra thiu makge, paliu ladriat situ majai makge. paliura maitu lungsasibo maksai nkhakhai sibo wadi ha-e. 32Haikumbo kammaidung sira Tingwang gu tacheng-tajai saisuijiu shai bui-e chiubo paliuniu din-e. Chiudi sikumbose paliuniu kamjiu bamme, khatdi maidungtu sikumbo kamra kachu khaijiu bamme.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.