ROMEMAI 6
6
Nuan Ga Shaimibo Chiudi Khrista Ga Khat Thiujiu Lungmibo
1Sichiusai aliuniu degu din ralo? Tingwang lungsiat hai kengkhang raleng aliu nuan-ga lungbam rama? 2Palingjiu sichiu makge! Aliu nuan-ga shaikhai mibo-e, dechiujiu aliu nuan-ga lungbam ralo? 3Khrista Jesu zan-ga tadui nphum mibo aliu mathiu, Rapiu gu shaiboga tadui nphum khai mibo-e chiubo naliuniu sisiak bamme. 4#Col 2.12.Aliuniu tadui nphumbo gase, pagu kashaibo gase nphum ncham khai mibo-e, chiusai Rapiu gu kendibo ganiu Khrista tu kashaibo gasu piringsu khai mibo kum, aliudi kasanbo ringtingga lungmi raleng-e.
5Palamra aliuniu Rapiu shaikhai mibo aliga khat thiukhai misai, Arapiu gu ringsulan mibo gadi khat thiurabo-e. 6Nuan pumtu kam mahalujiu, aliuniu nuan vang thiuta mira, Khrista gu singchaiga aliugu kaguangbo lunlungse shaikhai macham mibo-e chiubo aliuniu si-e. 7Palamra aliuniu shaikhai misai, aliudi nuan pumtan gasu khenrang thiu mibo-e. 8Aliuniu Khrista panai shaikhai macham mibo donniu, aliudi pah panai ring macham rabo-e chiubo aliuniu malumme. 9Palamra Khrista niu shaibo gasu ringsulan mibo donniu wadaodi shailan lakge, kashaibo siniu pariga wadaodi mawanglan lakge. 10Paniu shaikhai mibo pashit sira nuan-ga malod khat shaikhai mibo-e, chiudi paniu ringjiu bambo ringting sira Tingwang khuga tingtheng karingbo si-e. 11Haise kumjiu naliudi naliu ronna nuan-ga shaikhai mibo-e, chiudi Khrista Jesu pen gasu Tingwang khuga ring bambo-e,chiubo maningtao lulo.
12Sijengniu nuan hainiu naliu mipum riga pijiu mawangmak milo. 13Sichiujiu naliu pum maniase kasaboga thinjiu nuan ga pipad tamilo; chiudi naliu pumsiak hai Tingwang khuga kashaibo gasu ringwang lanbo kum, naliu pum mania hinase Tingwang khuga tacheng matipboga thinra pipad lulo. 14Palamra nuan situ naliu riga pijiu mawangmak rabo-e, delosai naliu hai tacheng tajai hangga lung makge, chiudi Tingwang lungsiat hangga bambo-e.
Tacheng Matipbo Vangmai
15Dechiu ralo? Aliu Tacheng-tajai hangga bam makge, chiudi Tingwang lungsiat hangga bambo jengniu nuan tenkhe chiubo ma? Sichiu makge! 16Naliuniu mai khat kadin piune chiujiu pikhai misai sibo piu vang thiu mibo-e, kashaibo padrabo nuan vangdi sui-e, maksai Tingwang khuga kam majikhaibo kadin piubo vang thiudi sui-e chiubo naliuniu masanjiu sibamme. 17Chiudi Tingwang tu thuonlulo! Palamra pawan khatga naliu nuan vang thiu bamliu tadi, naliuniu daolubo majibo katikhai gasu, naliu lungchun pakhiangnaniu kadinpiu lude. 18Nuan gasu naliutu khenrang thiukhai mibo jengniu tacheng matipbo vang thiu mide. 19(Naliu hai chamainagu kasonbo lunlungga bambo donniu, Iniu naimachangna ladga dinbo-e). Palamra pawan khatga naliu hai masan makboga khatdi kasaboga pikhaijiu bamniu-e. Sise kumjiu tuhoira naliu pum pakhiangna hai tacheng matipbo khatdi masanbo vang kumjiu pipad lulo.
20Delosai naliu nuan vangmai thiubam niubo tinggara, naliu tacheng matipbo gasu khenrang thiubam niubo-e. 21Tenkhai mibo maning khaijiu tuhoira mangambo gahai naliuleng degu kagengbo bamlo? Sibo ngamkamdung sira kashaibo si-e! 22Chiudi tuhoira naliutu nuan gasu khenrang thiukhai mide, sichiujiu Tingwang vangmai thiu mide. Naliuleng kagengbo sira pakhuga pakhiangna pipadbo ringting si-e, sichiujiu siseniu tingtheng karingbo daolu rabo-e. 23Palamra nuan phijeng sira kashaibo-e, chiudi Tingwang niu aliu Rapiu Jesu Khrista pen gasu pikhaibo kalen sira tingtheng karingbo si-e.
Currently Selected:
ROMEMAI 6: LIANBSI
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.
ROMEMAI 6
6
Nuan Ga Shaimibo Chiudi Khrista Ga Khat Thiujiu Lungmibo
1Sichiusai aliuniu degu din ralo? Tingwang lungsiat hai kengkhang raleng aliu nuan-ga lungbam rama? 2Palingjiu sichiu makge! Aliu nuan-ga shaikhai mibo-e, dechiujiu aliu nuan-ga lungbam ralo? 3Khrista Jesu zan-ga tadui nphum mibo aliu mathiu, Rapiu gu shaiboga tadui nphum khai mibo-e chiubo naliuniu sisiak bamme. 4#Col 2.12.Aliuniu tadui nphumbo gase, pagu kashaibo gase nphum ncham khai mibo-e, chiusai Rapiu gu kendibo ganiu Khrista tu kashaibo gasu piringsu khai mibo kum, aliudi kasanbo ringtingga lungmi raleng-e.
5Palamra aliuniu Rapiu shaikhai mibo aliga khat thiukhai misai, Arapiu gu ringsulan mibo gadi khat thiurabo-e. 6Nuan pumtu kam mahalujiu, aliuniu nuan vang thiuta mira, Khrista gu singchaiga aliugu kaguangbo lunlungse shaikhai macham mibo-e chiubo aliuniu si-e. 7Palamra aliuniu shaikhai misai, aliudi nuan pumtan gasu khenrang thiu mibo-e. 8Aliuniu Khrista panai shaikhai macham mibo donniu, aliudi pah panai ring macham rabo-e chiubo aliuniu malumme. 9Palamra Khrista niu shaibo gasu ringsulan mibo donniu wadaodi shailan lakge, kashaibo siniu pariga wadaodi mawanglan lakge. 10Paniu shaikhai mibo pashit sira nuan-ga malod khat shaikhai mibo-e, chiudi paniu ringjiu bambo ringting sira Tingwang khuga tingtheng karingbo si-e. 11Haise kumjiu naliudi naliu ronna nuan-ga shaikhai mibo-e, chiudi Khrista Jesu pen gasu Tingwang khuga ring bambo-e,chiubo maningtao lulo.
12Sijengniu nuan hainiu naliu mipum riga pijiu mawangmak milo. 13Sichiujiu naliu pum maniase kasaboga thinjiu nuan ga pipad tamilo; chiudi naliu pumsiak hai Tingwang khuga kashaibo gasu ringwang lanbo kum, naliu pum mania hinase Tingwang khuga tacheng matipboga thinra pipad lulo. 14Palamra nuan situ naliu riga pijiu mawangmak rabo-e, delosai naliu hai tacheng tajai hangga lung makge, chiudi Tingwang lungsiat hangga bambo-e.
Tacheng Matipbo Vangmai
15Dechiu ralo? Aliu Tacheng-tajai hangga bam makge, chiudi Tingwang lungsiat hangga bambo jengniu nuan tenkhe chiubo ma? Sichiu makge! 16Naliuniu mai khat kadin piune chiujiu pikhai misai sibo piu vang thiu mibo-e, kashaibo padrabo nuan vangdi sui-e, maksai Tingwang khuga kam majikhaibo kadin piubo vang thiudi sui-e chiubo naliuniu masanjiu sibamme. 17Chiudi Tingwang tu thuonlulo! Palamra pawan khatga naliu nuan vang thiu bamliu tadi, naliuniu daolubo majibo katikhai gasu, naliu lungchun pakhiangnaniu kadinpiu lude. 18Nuan gasu naliutu khenrang thiukhai mibo jengniu tacheng matipbo vang thiu mide. 19(Naliu hai chamainagu kasonbo lunlungga bambo donniu, Iniu naimachangna ladga dinbo-e). Palamra pawan khatga naliu hai masan makboga khatdi kasaboga pikhaijiu bamniu-e. Sise kumjiu tuhoira naliu pum pakhiangna hai tacheng matipbo khatdi masanbo vang kumjiu pipad lulo.
20Delosai naliu nuan vangmai thiubam niubo tinggara, naliu tacheng matipbo gasu khenrang thiubam niubo-e. 21Tenkhai mibo maning khaijiu tuhoira mangambo gahai naliuleng degu kagengbo bamlo? Sibo ngamkamdung sira kashaibo si-e! 22Chiudi tuhoira naliutu nuan gasu khenrang thiukhai mide, sichiujiu Tingwang vangmai thiu mide. Naliuleng kagengbo sira pakhuga pakhiangna pipadbo ringting si-e, sichiujiu siseniu tingtheng karingbo daolu rabo-e. 23Palamra nuan phijeng sira kashaibo-e, chiudi Tingwang niu aliu Rapiu Jesu Khrista pen gasu pikhaibo kalen sira tingtheng karingbo si-e.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.