LUKE 11
11
Jisu kechozho
1Jisu kechothi keba tüpülü thethi pülü kechothi la ketace, mipü püsameji tade püce poti, Niepoo John püsajiko metha kesübi no sheri kecho kethizho thapü hako meka süte. 2Pü ukoce poti, neko kecho kethice hizi thite, hako po tüyokebao, nza kemesao thiyite, Nkede thivorite; Nmedo thiyite cejülü hiri pü tüyo bi süte, 3Thathava (tüsonha) kha pü hatsü süte. 4Hako kephoma va hatsü süte, hari mi hakoyo kekri ketako vapü ketsübi. Hazü medokephilü lühite, siziti mole keshülü hakela yite.
Utü kemolü kevori züo jüve
5Pü ukopoi, neko humi ukhrethomi ne de mesotülu ta pücevo, de püce poti, Azü-o, tsükrida sü kha atsü süte. 6Kekrelamori azümipü revü ace voritele, mu I mhapüri khapütsüti bamote. 7Pü celü bade lüti, akebü hite, cekha khave, anuneko sheri azü thezilü züte, Itasü mhapü ntsüsü hote. 8I nekoce posüto, pütho tasü mhakha pütsü mozosheri, süo püzümi tila pütü kemoce zosheri, pü tasü de mha pü sümokesudü khapü tsüto. 9I nekoce posüto, chote khapü tsüto, phute, ngoyito; cekha kedüsüte, khri pütsüto. 10Kekrelamori chotimi ngoyiyo, kephumiri ngoyito, cekha ketu kesümi ri cekha khripü pütsüto.
Mipone pü kejüvekesü
11Mhace miponepü unupüce tsükhri cholize pü ketsü kha pütsü tome? Mori mhace füpü chosü ze tenhipü pütsü tome? 12Mori pü thevüjü cho süze, seba khapü tsütome 13Mhace nekesumi zori mhakeveko kha nenuneko ketsü do se lize, neko Po tüyo kebao Kemesa Rüpü kha pücecho kebako tsümo tome?
Jisu therükesu Beelzebub khi therükesuko hu ketapü pümejo keti
14Pü therükesu jüpoyi keho rüpü husü. Kesu rüpüo taprata, jüpoyi kehoo jüpo yita, süla thümako ungothi ta. 15Vele humi poti, Beelzebub, therü kesuko kezhoo züde kesu rüpüko huba. 16Humi pü medophide tüyo zasi phuta. 17Vele pü uko lüdo seba, süla ukoce poti, kede kehopüri kezaphro ta lize pü kede ditato; cekro kengomude kezata lize cekrosüo retu tato. 18Mhace Satan sheri püdolü kengomu ta lize pü kede dipü bide bayita? Kekrelamori neko lüti, I Beelzebub zü rüpü kesuko zü tayo ziba. 19Mhace I Beelzebub zü rüpü kesuko huba lize, nenu thepumiko sopü züde huya? Süla neko ne ketito (sheco süko). 20Vele mhace I Jihova kede voriba keta sejo mote, nekoce vori bate. 21Thüma kekumi keredepü pükedeba füba tisa, pümhapüzhüko krü bayo, 22Vele püce kukutimi püce vori talize, de pümeniva, pü melü keba rineko khi pütata, de püzhüko mpre yita. 23Sopüno azü tamo sheri pü ametsu ta, sopüno azü mha kengu kesayo moshele pü mha püzhüko kelhu vayo.
U tho kethi kelhü rede keyi kemathozho
24Therükesu rüpü thüma püyo taketa ce, pü thethi keshükolü voyo, pü kerelü thi phude, ngoyi mo ketace pütasala pükehüthi tapra ketalü lavo tayo. 25Pü tavori tice ce süo methu ba mu ketsopü mezü ngoyi. 26Pü tavo püceri sukuti rüpü thüna züvoriyo. Uko tavori sülü hüta; thümasüo kehü thelaco keraceri suku tayo. 27Pü süko po kethace, theno mipü pü krolü semeto de poti, “thenomi nobu sopü n nune pü sheri thejokepütho, sosopüpü no sheri.” 28Püpoti. Vele, Ile, süo ceri sopüno Jihova jüko reni mu khiyi sheri süo thejo kepütho.
Jonah sa yo zasi
29Thümako tavo kefükeyice pü ukoce poti, tsünumihi nuhü kesupü, uko zasi phutayo, zasi kha uko tsü hote, Jonah saju kepo yo zo kemosa. 30Jonah yo zasi khapü Ninevimiko tsüsü, sü bide thüma Nuo yo tsü kehü nuko tsü süto. 31Mekhroco kedepü sürei de tsünumiko yo sheco thito, de uko mejo tato; kekrelamori pü cejü valalü tavori de Solomon mhase ri ne, hihe, Solomon ceri zhoku tipü hice tha. 32Nineveh thümako tasü tsünumi zü thayi de uko mejo tato, kekrelamori uko Jonas zhopola thelü redeyi ketala; Hihe, Jonas ceri zhoku tipü hice tha.
Meto kha kejüve kesü
33Mipüsheri meto khapü keresülü süva yomo, mori kha merhakhro süyo mo; vele kha metobayo süde thüma kevoriko po mhango ketola. 34Themo kevesü umhüzo, nmhü ve kebala upho (nmo) metü vekrü bayo; vele nmhü vemo ketasa npho metü züte. 35N yo keba kebao la menuyite, zübüta mo ketola. 36Mhace nmo metü vekrü ba lize, püceri zü ta moze, meto keve mhava vekrü keba bi. 37Pü mhapo kebace Pharisee mipü püpo tavo pücelü mhatino püphu vori, pü tavo de mhati ketola bayi. 38Pharisee-o püngo kesüce pübe metü ra kemola püngo thita, mhaketi mhüjü.
Jisu Phariseemiko kesu kerho po süta
39Niepoo pücepoti, tsühi ne Phariseemiko chozuco tehe mefü thikemesa phiyo, vele ulüco mhakesu kelü mu kerhoko chu pü tayo. 40Ne kemeloko, chozu thi kesüo thelü laku sheri thisü mo me? 41Vele mhakha mitsü mi Za süte, no thi kebabi, hihe, nla mhametü mesazo. 42Vele ne Phariseemiko kesukerho, nreko zakeri zapü mhakenitho kori khasüyo, gako sheri, si neko yo Jihova kekhrü zalü kejütho mu kekhrü di no; hiko thiti mesüzo mu kekreko sheri thimo keta mesümo. 43Phariseemiko, kesukerho, neko Synagogues kolü theba kerekrü kolü ba, duka kolü thüma kelu tayo. 44Phariseemiko, lesikeseko, yo kesukerho, kethera ketako; neko mhakhrelü ngokemo bi, thümako sükoyo ta voyo upi se kemola
Jisu kesurho popü thezho keseko ce kesü
45Thezhokesemipü püce poti, kemethao no hako sheri meshude pobate ile, 46Pü pokesü, neko thezhokekhiko yo kesu kerho, mipo püyi keho thezhoko kha mipo püyo, mo neko becüne sheri püjü yomo. 47Nekoyo kesu kerho, neko saju kepoko mhakhre chüsü de neponeko süko dokhri süyo. 48Nepo neko thi kesü neko zhopo kozo, uko süko dokhri süzo, neko süko mhakhre chüsü. 49Süla Jihova mhase po kesü, I saju kepo mu Apostleko ketsü süto, süko humi ukopo dokhri to mu methi meni to. 50Thajü saju kepoko za mekrü kesü metü vo thaketso tsüdo nuhüko po shu tato. 51Abel za mekrü kesülü vo Zacharia ketso kereshüce dolü mu kereshüba yo; I nekoce potüsüto, süko metü vo tsü nuhüko yo kutato. 52Neko thezho kekhikoyo kesukerho, neko mhase cabi khipü tate, neko sheri thiyomo mu mipori süko zümu. 53Mhahiko püpo kesüsa, lesikeseko mu Phariseeko püpo mhaposasü ketola pu kethuta. 54Püri bata, mu pütalü kepo tüyi ketola side pü mejo ketola.
Currently Selected:
LUKE 11: NAG5BSI
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.
LUKE 11
11
Jisu kechozho
1Jisu kechothi keba tüpülü thethi pülü kechothi la ketace, mipü püsameji tade püce poti, Niepoo John püsajiko metha kesübi no sheri kecho kethizho thapü hako meka süte. 2Pü ukoce poti, neko kecho kethice hizi thite, hako po tüyokebao, nza kemesao thiyite, Nkede thivorite; Nmedo thiyite cejülü hiri pü tüyo bi süte, 3Thathava (tüsonha) kha pü hatsü süte. 4Hako kephoma va hatsü süte, hari mi hakoyo kekri ketako vapü ketsübi. Hazü medokephilü lühite, siziti mole keshülü hakela yite.
Utü kemolü kevori züo jüve
5Pü ukopoi, neko humi ukhrethomi ne de mesotülu ta pücevo, de püce poti, Azü-o, tsükrida sü kha atsü süte. 6Kekrelamori azümipü revü ace voritele, mu I mhapüri khapütsüti bamote. 7Pü celü bade lüti, akebü hite, cekha khave, anuneko sheri azü thezilü züte, Itasü mhapü ntsüsü hote. 8I nekoce posüto, pütho tasü mhakha pütsü mozosheri, süo püzümi tila pütü kemoce zosheri, pü tasü de mha pü sümokesudü khapü tsüto. 9I nekoce posüto, chote khapü tsüto, phute, ngoyito; cekha kedüsüte, khri pütsüto. 10Kekrelamori chotimi ngoyiyo, kephumiri ngoyito, cekha ketu kesümi ri cekha khripü pütsüto.
Mipone pü kejüvekesü
11Mhace miponepü unupüce tsükhri cholize pü ketsü kha pütsü tome? Mori mhace füpü chosü ze tenhipü pütsü tome? 12Mori pü thevüjü cho süze, seba khapü tsütome 13Mhace nekesumi zori mhakeveko kha nenuneko ketsü do se lize, neko Po tüyo kebao Kemesa Rüpü kha pücecho kebako tsümo tome?
Jisu therükesu Beelzebub khi therükesuko hu ketapü pümejo keti
14Pü therükesu jüpoyi keho rüpü husü. Kesu rüpüo taprata, jüpoyi kehoo jüpo yita, süla thümako ungothi ta. 15Vele humi poti, Beelzebub, therü kesuko kezhoo züde kesu rüpüko huba. 16Humi pü medophide tüyo zasi phuta. 17Vele pü uko lüdo seba, süla ukoce poti, kede kehopüri kezaphro ta lize pü kede ditato; cekro kengomude kezata lize cekrosüo retu tato. 18Mhace Satan sheri püdolü kengomu ta lize pü kede dipü bide bayita? Kekrelamori neko lüti, I Beelzebub zü rüpü kesuko zü tayo ziba. 19Mhace I Beelzebub zü rüpü kesuko huba lize, nenu thepumiko sopü züde huya? Süla neko ne ketito (sheco süko). 20Vele mhace I Jihova kede voriba keta sejo mote, nekoce vori bate. 21Thüma kekumi keredepü pükedeba füba tisa, pümhapüzhüko krü bayo, 22Vele püce kukutimi püce vori talize, de pümeniva, pü melü keba rineko khi pütata, de püzhüko mpre yita. 23Sopüno azü tamo sheri pü ametsu ta, sopüno azü mha kengu kesayo moshele pü mha püzhüko kelhu vayo.
U tho kethi kelhü rede keyi kemathozho
24Therükesu rüpü thüma püyo taketa ce, pü thethi keshükolü voyo, pü kerelü thi phude, ngoyi mo ketace pütasala pükehüthi tapra ketalü lavo tayo. 25Pü tavori tice ce süo methu ba mu ketsopü mezü ngoyi. 26Pü tavo püceri sukuti rüpü thüna züvoriyo. Uko tavori sülü hüta; thümasüo kehü thelaco keraceri suku tayo. 27Pü süko po kethace, theno mipü pü krolü semeto de poti, “thenomi nobu sopü n nune pü sheri thejokepütho, sosopüpü no sheri.” 28Püpoti. Vele, Ile, süo ceri sopüno Jihova jüko reni mu khiyi sheri süo thejo kepütho.
Jonah sa yo zasi
29Thümako tavo kefükeyice pü ukoce poti, tsünumihi nuhü kesupü, uko zasi phutayo, zasi kha uko tsü hote, Jonah saju kepo yo zo kemosa. 30Jonah yo zasi khapü Ninevimiko tsüsü, sü bide thüma Nuo yo tsü kehü nuko tsü süto. 31Mekhroco kedepü sürei de tsünumiko yo sheco thito, de uko mejo tato; kekrelamori pü cejü valalü tavori de Solomon mhase ri ne, hihe, Solomon ceri zhoku tipü hice tha. 32Nineveh thümako tasü tsünumi zü thayi de uko mejo tato, kekrelamori uko Jonas zhopola thelü redeyi ketala; Hihe, Jonas ceri zhoku tipü hice tha.
Meto kha kejüve kesü
33Mipüsheri meto khapü keresülü süva yomo, mori kha merhakhro süyo mo; vele kha metobayo süde thüma kevoriko po mhango ketola. 34Themo kevesü umhüzo, nmhü ve kebala upho (nmo) metü vekrü bayo; vele nmhü vemo ketasa npho metü züte. 35N yo keba kebao la menuyite, zübüta mo ketola. 36Mhace nmo metü vekrü ba lize, püceri zü ta moze, meto keve mhava vekrü keba bi. 37Pü mhapo kebace Pharisee mipü püpo tavo pücelü mhatino püphu vori, pü tavo de mhati ketola bayi. 38Pharisee-o püngo kesüce pübe metü ra kemola püngo thita, mhaketi mhüjü.
Jisu Phariseemiko kesu kerho po süta
39Niepoo pücepoti, tsühi ne Phariseemiko chozuco tehe mefü thikemesa phiyo, vele ulüco mhakesu kelü mu kerhoko chu pü tayo. 40Ne kemeloko, chozu thi kesüo thelü laku sheri thisü mo me? 41Vele mhakha mitsü mi Za süte, no thi kebabi, hihe, nla mhametü mesazo. 42Vele ne Phariseemiko kesukerho, nreko zakeri zapü mhakenitho kori khasüyo, gako sheri, si neko yo Jihova kekhrü zalü kejütho mu kekhrü di no; hiko thiti mesüzo mu kekreko sheri thimo keta mesümo. 43Phariseemiko, kesukerho, neko Synagogues kolü theba kerekrü kolü ba, duka kolü thüma kelu tayo. 44Phariseemiko, lesikeseko, yo kesukerho, kethera ketako; neko mhakhrelü ngokemo bi, thümako sükoyo ta voyo upi se kemola
Jisu kesurho popü thezho keseko ce kesü
45Thezhokesemipü püce poti, kemethao no hako sheri meshude pobate ile, 46Pü pokesü, neko thezhokekhiko yo kesu kerho, mipo püyi keho thezhoko kha mipo püyo, mo neko becüne sheri püjü yomo. 47Nekoyo kesu kerho, neko saju kepoko mhakhre chüsü de neponeko süko dokhri süyo. 48Nepo neko thi kesü neko zhopo kozo, uko süko dokhri süzo, neko süko mhakhre chüsü. 49Süla Jihova mhase po kesü, I saju kepo mu Apostleko ketsü süto, süko humi ukopo dokhri to mu methi meni to. 50Thajü saju kepoko za mekrü kesü metü vo thaketso tsüdo nuhüko po shu tato. 51Abel za mekrü kesülü vo Zacharia ketso kereshüce dolü mu kereshüba yo; I nekoce potüsüto, süko metü vo tsü nuhüko yo kutato. 52Neko thezho kekhikoyo kesukerho, neko mhase cabi khipü tate, neko sheri thiyomo mu mipori süko zümu. 53Mhahiko püpo kesüsa, lesikeseko mu Phariseeko püpo mhaposasü ketola pu kethuta. 54Püri bata, mu pütalü kepo tüyi ketola side pü mejo ketola.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.