LUKE 9
9
Methakeyimi kerikenako ketsüpü zhopo thisü
1Süsa püsaji mi kerikenako cü kengusü, mu keku khapü uko tsüsü therükesu hukeyi mu kethi thi menü keyi. 2Uko ketsüpü Jihova kede zhopo thi mu kethikeni thi kesürho sünode. 3Pü ukoce poti, neko revüla mhapüri pü hite, nthü, lesi, tsükhri, mori presa sheri, mori bola sheri kena khita hite. 4Nekota celü kehopülü lüsheri sülüba zode tasalatate. 5Neko züyi kemuko kehopüsheri neko nade sülü taprata ketoce, npheyo nyophasheri kekhuvate, rüna süo metsü kesü zasi. 6Uko taprata side jüyikeve zhopothi rüna metülü, mu kethi thi kesürho sü. 7Herod tetrarch (governor) püsüko kethi seba. Pülü kehokero (meyhu) thita, kekrelamori humi pücepoti John saketa-o rhüla sütele sizi süta. 8Humi poti, Elijah lavorite, kekremiko poti, saju kepomi hijü voketako (saketako) rhüla vorite, 9Herod lüti, I john pi veve, püsopüta, I püju seshu bate, süla püngosünyü tata.
Apostleko la kevori, mu minyepüngu vathi kesü
10Apostleko voritice uko thi keyiko pü püce posü, pü ukozü mikedira cejükesa pülü Bethsaida nadeko yizulü vota. 11Thümako süse kesü püsa mejivorita, mu pü Jihova kede jupü ukoce posü; mu uko thikesürhosü moze kesuko yhi kesürhosü. 12Tüsozho vota kezüce, methakeyiko püce vori (mikerikenako) de püce poti, makroko ketsü metavate ukopo rüna ukhüce tavo keba kezüthi mu u ketico ngoyi ketola; uko kesa cejü hico ba ketala. 13Pü uko ce poti, neko mhapü ukopo tiyite, uko poti, tsükhrida püngu mu fü kena kezü bamole, uko tavo thüma metüla mhakhriyi kemosa. 14Kekrelamori uko thüma nyepüngu ta ketala, püsajikoce poti, ukopo hiepüngu kezü kropü thi bayi te, 15Uko sübi thiyi, mu ukopo bayi, 16Süsa pü fü kena mu tsükhrida püngu khiyi, tüyo peyi, de pü jopü süko yosü süko cephro süde khapü methakeyiko po kezapü makro tsüsüno khasü. 17Uko metü tiyi, de meguyi, süsalü tishoko kengupü merha kerikena chuyi.
Peter phra kesü, Khrista zoleti
18Pü lebi kechothi bari, methakeyiko püce ba; pü uko ketsode, “thümako apü sopülizi baya?” 19Uko püce poti, John Baptist lezi bate, humi poti, Elijah lezi bate; kekre miko poti, saju kepomi hijü vo ketako mepüle zi bale (rhüla voritale). 20Pü uko ketsode “vele neko apü sopüle ziba”? Peter püjü kelakesü, Jihova, Khrista zole. 21Pü rekrisü ukoce poti, mhasüo pü mipü ceri pohite.
Jisu mejümera püsü mu rhüla kesü kepo
22Thümanuo mhakekrolü kemezhe zoto, mehimi, thevo kezhoko, mu lesikeseko pü melavato, mu pü dokhri vato, side zhosülü rhüla sütato.
Methakeyiko medophi keti
23pü uko metüce poti, mhace thüma humi asamejito lize, pütho pü mela va moze su, pü Cross (n phe medü) pü asameji mozesu. 24Kekrelamori pü kerhüro kelayi nyüsa tisa pü medi vato, vele pü kehü medi va lize, alano, süo ngolayito. 25Mhace mipü cejü metü prapü püzhü thiyi zori pü medi vaze, mori pühu vaze, kedipü kemeve ba.? 26Kehopüri ala mengata lize mori ajükola sheri, thümanuo zapozale thide Püpo mu tüyochoyiko zü kiri tinha püri (sheri) püzapo menga tato.
Pükehüthi mekre kesü
27I nekoce jüthopü posüto, hice ketha humi Jihova kede ngokemothe sata keho kropü tha. 28Pü hikopokevasa, Peter, John, mu James ko zü cejütuyokho, kechothi ketola. 29Pü kechothi kebace pühü thimekre prarita, pü füneko megapü vava türüprü prari ta. 30Hihe, thüma kena püzü kerethi bata, süni Moses mu Elijah ni. 31Zapozale thide mengosü, kepo keti püco lize püpo dipüsü Jerusalem lü thimo shüta sheri kepo. 32Vele Peter mu püzü ketani zünyü bata, uko co kesürice pü zapozale kethi ngo mu püzü kebani sheri ngo. 33Uni püzü kekho ketace Peter püce poti, kemethao, hako hice vori tsühi verizo; hakopo kereshüce 3 (sü) thisü toma, pü nla, pü Moses la mu pü Elijah la; dipüla pü süpo ba sheri pü semo. 34Pü sizipo kebalü kemhüpü kiri de tavo uko zhu yita, mu uko mpe bata kemhülü lü ketala. 35Kemhülü thefüpü voride poti, hiohi anu akhrüo zo, püfü reniyite. 36Mhafü-o ta ketasa, Jisu lebi bade ngoyi, uko mhasüko pü mipü ceri pomode khapü meta, uko kengoko.
Sajiko kekukedi,
37Süsanha uko cejütuyo kiri tice thüma kekro tavo püzü kesü. 38Thüma krolü mipü semüto de püce poti, Hihe, kemethao, nce choyo, anu pesütehe, kekrelamori anu pü lebi zole. 39Kesu rüpü pütüyi de pü methi mu püpo mhütsa melu tatale, püvü kesüsa pü khava tatayo. 40I nsajiko pühu vano posü, vele uko thiyi hote. 41Jisu püfü kelasü de poti, neko kemelü kediko mu kebü keta shuyeko, apo dithe pü neko zü bata, mu neko khrühi zo bata? Nnu zü hice vorite. 42Pütavori züri, therüo pü kedüsü püpo retuta, side pü cerhasü, Jisu mesakemo rüpü kethisü, mu natsio thi kesürhosü; de khapü püpo tsüsü. 43Uko metü Jihova keku ngopü ungo shuta, vele Jisu uko ngothi kebace sajiko cepoti.
Jisu püsü po kesü.
44Hikopo neko nilü lüte, kekrelamori thüma Nuo tüpü mibelü sü vato, 45Vele uko ke po süo seyimo, ukola kevapü meta ketala, süla uko lüyirimo; mu uko kepo süo ketsori mpeta,
Natsio pü zhopo thi kesü
46Ukolü sopü kezhotho thito sheri mhalü bata, 47Jisu uko lüdo seyi, de natsimipü khapü ukodolü methasü de. 48Uko cepoti, sopü azalü thümane hio züyi sheri azü yizo, mu azükeyimi a ketsü kesüo ri züyi yo; kekrelamori nekodolü kenithoo sü kezhothoo thito.
Kelekre keti kerhe kesü
49John püfü kelasü, poti kemethao, mipü nzakhi therükesu hu tade hako ngole, hako pü khasüte, kekrelamori pü uko zü tamo tila. 50Jisu püce poti, pü khahite, kekrelamori uko metsu kemomi sü ukokromi zo.
Galilee lü ta keta thelao, ngokemezhe rüpü
51Pütü tsovori ketabi pü Jerusalem lükho ketosü lüsü ta, püzü pü süpe zo vota. 52Jü choyimiko ketsü pü pü mhüjü sü mu uko tavo rüna keni pülü lüyi. Samaritan rüna, püla thethi kesü ketola. 53Uko püzüyi muta, kekrelamori pü Jerusalem lü kho ketola. 54Pü sajiko James mu John ni poti, Niepoo, nmedo lize hako me tüyo chosüde kiri uko thüva toma, Elijah thi kesü bide? 55Vele pü rügüsü ni kethita, neni dipü rüpü zhorüle sheri semo. 56Kekrelamori thüma nuo mi kerhüro meka ketola vorimo, vele uko kelasü ketola, mu uko ta rena kekre pülü vota.
Saji kethi medo kephi kekrepü
57Uko chodelü tavo kezüce, mipü püce poti, Niepoo, no dipüce voto sheri I n saji thitatole. 58Jisu püce poti, mesüriko ucene, tüyorako ukro ba, vele thüma Nuo püpi khakesü thiri di. 59Pü mikekre püce poti, asameji yite, vele süo poti, Niepoo apo tavo apo khrüva merate. 60Jisu püce po kesü, kesami po pü kesako khrü vate, vele no tavo Jihova kede zhopo thisüte. 61Kekremipü poti, Niepoo I nsa meji tole, vele apo tavo ukoce vebate sizi mera vate, acelü kebakoce. 62Jisu püce poti, mipüri metho dico tüsü püba regüsala püsaco kepemi Jihova kede po shümo.
Currently Selected:
LUKE 9: NAG5BSI
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.
LUKE 9
9
Methakeyimi kerikenako ketsüpü zhopo thisü
1Süsa püsaji mi kerikenako cü kengusü, mu keku khapü uko tsüsü therükesu hukeyi mu kethi thi menü keyi. 2Uko ketsüpü Jihova kede zhopo thi mu kethikeni thi kesürho sünode. 3Pü ukoce poti, neko revüla mhapüri pü hite, nthü, lesi, tsükhri, mori presa sheri, mori bola sheri kena khita hite. 4Nekota celü kehopülü lüsheri sülüba zode tasalatate. 5Neko züyi kemuko kehopüsheri neko nade sülü taprata ketoce, npheyo nyophasheri kekhuvate, rüna süo metsü kesü zasi. 6Uko taprata side jüyikeve zhopothi rüna metülü, mu kethi thi kesürho sü. 7Herod tetrarch (governor) püsüko kethi seba. Pülü kehokero (meyhu) thita, kekrelamori humi pücepoti John saketa-o rhüla sütele sizi süta. 8Humi poti, Elijah lavorite, kekremiko poti, saju kepomi hijü voketako (saketako) rhüla vorite, 9Herod lüti, I john pi veve, püsopüta, I püju seshu bate, süla püngosünyü tata.
Apostleko la kevori, mu minyepüngu vathi kesü
10Apostleko voritice uko thi keyiko pü püce posü, pü ukozü mikedira cejükesa pülü Bethsaida nadeko yizulü vota. 11Thümako süse kesü püsa mejivorita, mu pü Jihova kede jupü ukoce posü; mu uko thikesürhosü moze kesuko yhi kesürhosü. 12Tüsozho vota kezüce, methakeyiko püce vori (mikerikenako) de püce poti, makroko ketsü metavate ukopo rüna ukhüce tavo keba kezüthi mu u ketico ngoyi ketola; uko kesa cejü hico ba ketala. 13Pü uko ce poti, neko mhapü ukopo tiyite, uko poti, tsükhrida püngu mu fü kena kezü bamole, uko tavo thüma metüla mhakhriyi kemosa. 14Kekrelamori uko thüma nyepüngu ta ketala, püsajikoce poti, ukopo hiepüngu kezü kropü thi bayi te, 15Uko sübi thiyi, mu ukopo bayi, 16Süsa pü fü kena mu tsükhrida püngu khiyi, tüyo peyi, de pü jopü süko yosü süko cephro süde khapü methakeyiko po kezapü makro tsüsüno khasü. 17Uko metü tiyi, de meguyi, süsalü tishoko kengupü merha kerikena chuyi.
Peter phra kesü, Khrista zoleti
18Pü lebi kechothi bari, methakeyiko püce ba; pü uko ketsode, “thümako apü sopülizi baya?” 19Uko püce poti, John Baptist lezi bate, humi poti, Elijah lezi bate; kekre miko poti, saju kepomi hijü vo ketako mepüle zi bale (rhüla voritale). 20Pü uko ketsode “vele neko apü sopüle ziba”? Peter püjü kelakesü, Jihova, Khrista zole. 21Pü rekrisü ukoce poti, mhasüo pü mipü ceri pohite.
Jisu mejümera püsü mu rhüla kesü kepo
22Thümanuo mhakekrolü kemezhe zoto, mehimi, thevo kezhoko, mu lesikeseko pü melavato, mu pü dokhri vato, side zhosülü rhüla sütato.
Methakeyiko medophi keti
23pü uko metüce poti, mhace thüma humi asamejito lize, pütho pü mela va moze su, pü Cross (n phe medü) pü asameji mozesu. 24Kekrelamori pü kerhüro kelayi nyüsa tisa pü medi vato, vele pü kehü medi va lize, alano, süo ngolayito. 25Mhace mipü cejü metü prapü püzhü thiyi zori pü medi vaze, mori pühu vaze, kedipü kemeve ba.? 26Kehopüri ala mengata lize mori ajükola sheri, thümanuo zapozale thide Püpo mu tüyochoyiko zü kiri tinha püri (sheri) püzapo menga tato.
Pükehüthi mekre kesü
27I nekoce jüthopü posüto, hice ketha humi Jihova kede ngokemothe sata keho kropü tha. 28Pü hikopokevasa, Peter, John, mu James ko zü cejütuyokho, kechothi ketola. 29Pü kechothi kebace pühü thimekre prarita, pü füneko megapü vava türüprü prari ta. 30Hihe, thüma kena püzü kerethi bata, süni Moses mu Elijah ni. 31Zapozale thide mengosü, kepo keti püco lize püpo dipüsü Jerusalem lü thimo shüta sheri kepo. 32Vele Peter mu püzü ketani zünyü bata, uko co kesürice pü zapozale kethi ngo mu püzü kebani sheri ngo. 33Uni püzü kekho ketace Peter püce poti, kemethao, hako hice vori tsühi verizo; hakopo kereshüce 3 (sü) thisü toma, pü nla, pü Moses la mu pü Elijah la; dipüla pü süpo ba sheri pü semo. 34Pü sizipo kebalü kemhüpü kiri de tavo uko zhu yita, mu uko mpe bata kemhülü lü ketala. 35Kemhülü thefüpü voride poti, hiohi anu akhrüo zo, püfü reniyite. 36Mhafü-o ta ketasa, Jisu lebi bade ngoyi, uko mhasüko pü mipü ceri pomode khapü meta, uko kengoko.
Sajiko kekukedi,
37Süsanha uko cejütuyo kiri tice thüma kekro tavo püzü kesü. 38Thüma krolü mipü semüto de püce poti, Hihe, kemethao, nce choyo, anu pesütehe, kekrelamori anu pü lebi zole. 39Kesu rüpü pütüyi de pü methi mu püpo mhütsa melu tatale, püvü kesüsa pü khava tatayo. 40I nsajiko pühu vano posü, vele uko thiyi hote. 41Jisu püfü kelasü de poti, neko kemelü kediko mu kebü keta shuyeko, apo dithe pü neko zü bata, mu neko khrühi zo bata? Nnu zü hice vorite. 42Pütavori züri, therüo pü kedüsü püpo retuta, side pü cerhasü, Jisu mesakemo rüpü kethisü, mu natsio thi kesürhosü; de khapü püpo tsüsü. 43Uko metü Jihova keku ngopü ungo shuta, vele Jisu uko ngothi kebace sajiko cepoti.
Jisu püsü po kesü.
44Hikopo neko nilü lüte, kekrelamori thüma Nuo tüpü mibelü sü vato, 45Vele uko ke po süo seyimo, ukola kevapü meta ketala, süla uko lüyirimo; mu uko kepo süo ketsori mpeta,
Natsio pü zhopo thi kesü
46Ukolü sopü kezhotho thito sheri mhalü bata, 47Jisu uko lüdo seyi, de natsimipü khapü ukodolü methasü de. 48Uko cepoti, sopü azalü thümane hio züyi sheri azü yizo, mu azükeyimi a ketsü kesüo ri züyi yo; kekrelamori nekodolü kenithoo sü kezhothoo thito.
Kelekre keti kerhe kesü
49John püfü kelasü, poti kemethao, mipü nzakhi therükesu hu tade hako ngole, hako pü khasüte, kekrelamori pü uko zü tamo tila. 50Jisu püce poti, pü khahite, kekrelamori uko metsu kemomi sü ukokromi zo.
Galilee lü ta keta thelao, ngokemezhe rüpü
51Pütü tsovori ketabi pü Jerusalem lükho ketosü lüsü ta, püzü pü süpe zo vota. 52Jü choyimiko ketsü pü pü mhüjü sü mu uko tavo rüna keni pülü lüyi. Samaritan rüna, püla thethi kesü ketola. 53Uko püzüyi muta, kekrelamori pü Jerusalem lü kho ketola. 54Pü sajiko James mu John ni poti, Niepoo, nmedo lize hako me tüyo chosüde kiri uko thüva toma, Elijah thi kesü bide? 55Vele pü rügüsü ni kethita, neni dipü rüpü zhorüle sheri semo. 56Kekrelamori thüma nuo mi kerhüro meka ketola vorimo, vele uko kelasü ketola, mu uko ta rena kekre pülü vota.
Saji kethi medo kephi kekrepü
57Uko chodelü tavo kezüce, mipü püce poti, Niepoo, no dipüce voto sheri I n saji thitatole. 58Jisu püce poti, mesüriko ucene, tüyorako ukro ba, vele thüma Nuo püpi khakesü thiri di. 59Pü mikekre püce poti, asameji yite, vele süo poti, Niepoo apo tavo apo khrüva merate. 60Jisu püce po kesü, kesami po pü kesako khrü vate, vele no tavo Jihova kede zhopo thisüte. 61Kekremipü poti, Niepoo I nsa meji tole, vele apo tavo ukoce vebate sizi mera vate, acelü kebakoce. 62Jisu püce poti, mipüri metho dico tüsü püba regüsala püsaco kepemi Jihova kede po shümo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chakhesang Chokri Naga New Testament © Bible Society of India, 2015. Used by permission. All rights reserved worldwide.