YAPHANG 33
33
Jakob Esau bai malaimani
1Jakob naiwi nuk kha, Esau bini borok khorokrabrwirokno tẃiwi phaimani nuhur kha, hakhe bo bwsarokno, Lea, Rahel tei khoroknwi selengjwkrokno khaknwi khe khagwi rw kha. 2Bo selengjwkrok bai bórokni bwsarokno ton kha tei aboni ulo khe Lea bai bini bwsarokno tei uklogo khe Rahel bai Josep. 3Jakob khe bórok bebakni slái bwskango, bo bini takhukni bwskango sógwi khe’-no uáisni ha-o klaiwi botok khe khulum kha. 4Tamo khe Esau bo bai malaina bagwi khachigwi tháng kha tei kotogo kwbagwi motom su kha tei bórok kap lai kha. 5Esau yang yang naiwi nai khe bwrwirokno tei chwrairokno nuk khe hai hwnwi sẃng kha, “Nwng bai baksa o borokrok sabo wng bai kha?”
Jakob hai hwnwi sa kha, “Bórok khe, Kaitor khairogwi nini o selengno rwmani bwsarok se.” 6Hakhe selengjwkrok, bwsarok bai phaiwi bono khulum phai kha. 7Hakhe Lea bai bwsarok phaiwi khulum phai kha, bebakni ulo khe Jakob bai Rahel phaiwi khulum phai kha.
8Esau hai hwnwi sẃng kha, “Ang tei kubun bodolrok malaimarok le tamo? Abórokni gujok ba tamo wng lang?”
Jakob hai hwnwi sa kha, “Abo nini bwkha manna bagwi se.”
9Esau hai hwnwi sa kha, “Takhuk, ani kwbángma’-no tongo, ninino nwng’-no na di.”
10Jakob hai hwnwi sa kha, “I’nhi, ang nono koi ja-o, nwng ano bwkha phurwi’-no tong khe nwng ang rwmani ani yakni hilino yachak ja di. Ang nini mwkhangno Kaitorni mwkhang hai khe nugo. Nwng ano tabuk belai kheno kaham khe na kha. 11Ang nini bagwi tubuma hilino yachak ja di; Kaitor ano khairogwi tongmani bai ani bebak nangmarokno Kaitor ano rw bai kha.” Bo yachak yasak’-no Jakob bono koi máng tong kha.
12Hakhe Esau hai hwnwi sa kha, “Phai di tháng lai si anw, ang lam rw gra anw.”
13Jakob hai hwnwi sa kha, “Nwng saui mano chwrairok kebel máng, merarok, mal-matarok bórokni bwsa kwlwiroknobo ma uansugo, bórok salsa ma him khe bebakno thwi se pái bainai. 14Nwng ani slái swkang tháng gra si di, ang twrwk twrwk khe phai anw. Ang mal-mata tei bwsarokno tẃiwi ang doui manma tẃi’-no doui phaiwi nono Seiro malai phai anw.”
15Esau hai hwnwi sa kha, “Ani kisa borokno nwng bai klang anw.”
Tamo khe Jakob hai hwnwi sa kha, “Nwng ano chajak khe se wng kha, abo ba tamo nangnai?” 16Hakhe, Esau Salono bini lama Seir bwkhak tháng kha. 17Jakob khe Sukoto#33.17: Sukot: O bumung Hibru kók bai khe, khorok bomthai hwnma se. tháng kha tei aro bini bagwi tei bini mal-matarokni bagwi nok tangwi kha. Aboni bagwino abono Sukot hwnwi mung pharjago.
18Hakhe Jakob Padan-aramni phaiwi Kanan hani Sekemni kamiyungo kaham kwrwng khe sók phaiwi aro batham khlai kha. 19#Jos 24.32; Joh 4.5.Sekemni bupha Hamorni bwsarokni aroni a hano rukphai khók sara rwui paiwi na kha. 20Bo aro háyá kaisa tisa kha tei abono El-Elohe-Israil hwnwi mung phar kha.
Currently Selected:
YAPHANG 33: KOKBSI
Highlight
Share
Copy
Want to have your highlights saved across all your devices? Sign up or sign in
Kok Borok Bible (Re-edited), Baibel Kwthar
Copyright © 2017 by The Bible Society of India
Used by permission. All rights reserved worldwide.
YAPHANG 33
33
Jakob Esau bai malaimani
1Jakob naiwi nuk kha, Esau bini borok khorokrabrwirokno tẃiwi phaimani nuhur kha, hakhe bo bwsarokno, Lea, Rahel tei khoroknwi selengjwkrokno khaknwi khe khagwi rw kha. 2Bo selengjwkrok bai bórokni bwsarokno ton kha tei aboni ulo khe Lea bai bini bwsarokno tei uklogo khe Rahel bai Josep. 3Jakob khe bórok bebakni slái bwskango, bo bini takhukni bwskango sógwi khe’-no uáisni ha-o klaiwi botok khe khulum kha. 4Tamo khe Esau bo bai malaina bagwi khachigwi tháng kha tei kotogo kwbagwi motom su kha tei bórok kap lai kha. 5Esau yang yang naiwi nai khe bwrwirokno tei chwrairokno nuk khe hai hwnwi sẃng kha, “Nwng bai baksa o borokrok sabo wng bai kha?”
Jakob hai hwnwi sa kha, “Bórok khe, Kaitor khairogwi nini o selengno rwmani bwsarok se.” 6Hakhe selengjwkrok, bwsarok bai phaiwi bono khulum phai kha. 7Hakhe Lea bai bwsarok phaiwi khulum phai kha, bebakni ulo khe Jakob bai Rahel phaiwi khulum phai kha.
8Esau hai hwnwi sẃng kha, “Ang tei kubun bodolrok malaimarok le tamo? Abórokni gujok ba tamo wng lang?”
Jakob hai hwnwi sa kha, “Abo nini bwkha manna bagwi se.”
9Esau hai hwnwi sa kha, “Takhuk, ani kwbángma’-no tongo, ninino nwng’-no na di.”
10Jakob hai hwnwi sa kha, “I’nhi, ang nono koi ja-o, nwng ano bwkha phurwi’-no tong khe nwng ang rwmani ani yakni hilino yachak ja di. Ang nini mwkhangno Kaitorni mwkhang hai khe nugo. Nwng ano tabuk belai kheno kaham khe na kha. 11Ang nini bagwi tubuma hilino yachak ja di; Kaitor ano khairogwi tongmani bai ani bebak nangmarokno Kaitor ano rw bai kha.” Bo yachak yasak’-no Jakob bono koi máng tong kha.
12Hakhe Esau hai hwnwi sa kha, “Phai di tháng lai si anw, ang lam rw gra anw.”
13Jakob hai hwnwi sa kha, “Nwng saui mano chwrairok kebel máng, merarok, mal-matarok bórokni bwsa kwlwiroknobo ma uansugo, bórok salsa ma him khe bebakno thwi se pái bainai. 14Nwng ani slái swkang tháng gra si di, ang twrwk twrwk khe phai anw. Ang mal-mata tei bwsarokno tẃiwi ang doui manma tẃi’-no doui phaiwi nono Seiro malai phai anw.”
15Esau hai hwnwi sa kha, “Ani kisa borokno nwng bai klang anw.”
Tamo khe Jakob hai hwnwi sa kha, “Nwng ano chajak khe se wng kha, abo ba tamo nangnai?” 16Hakhe, Esau Salono bini lama Seir bwkhak tháng kha. 17Jakob khe Sukoto#33.17: Sukot: O bumung Hibru kók bai khe, khorok bomthai hwnma se. tháng kha tei aro bini bagwi tei bini mal-matarokni bagwi nok tangwi kha. Aboni bagwino abono Sukot hwnwi mung pharjago.
18Hakhe Jakob Padan-aramni phaiwi Kanan hani Sekemni kamiyungo kaham kwrwng khe sók phaiwi aro batham khlai kha. 19#Jos 24.32; Joh 4.5.Sekemni bupha Hamorni bwsarokni aroni a hano rukphai khók sara rwui paiwi na kha. 20Bo aro háyá kaisa tisa kha tei abono El-Elohe-Israil hwnwi mung phar kha.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kok Borok Bible (Re-edited), Baibel Kwthar
Copyright © 2017 by The Bible Society of India
Used by permission. All rights reserved worldwide.