LUK 11
11
Suri sanna phrwngmani
(Mat 6.9-13; 7.7-11)
1Jisu salsa kwrẃngsa-o suri sanwi tongmani. Bo suri san bai khe bini sagri khoroksa hai hwnwi sa kha, “Subrai, Johon bini sagrirokno phrwngma hai nwng’-bo chwngno suri sanna phrwng di.”
2Jisu bórokno hai hwnwi sa kha, “Norok ahai khe suri san di:
“ ‘Apha:
Nini mung kwthar surijak thung;
nini ha phai thung.
3Chini nangmani chámung
sal brúm brúm rw di
4chini sumsokno nakar di,
tamni hwn khe chwngno
hamya khlainai jotono’-no
chwng nakaro,
chwngno belai khe ta
amjok di.’ ”
5Jisu bini sagrirokno hai hwnwi sa kha, “Rom di, hor diboro nini kiching khoroksano nwng hai hwnwi sa kha, ‘O kiching, mairung malaktham rohor gra di. 6Kwrẃngsa-o thángna hwnwi phaiwi thani tabuk’-no kiching khoroksa ani nogo sók phaiwi rw phai kha, yang le chá rwnani mungsa phano kwrwi.’ 7Phiya nini a kiching nok bisingo tongwi hai hwnwi sa hór kha. ‘Ano tekto ta rw di! Dugar berebwi khibi kha, chwrai-khonairok ang bai thu-ui tongo. Ang bachaui mungsa phano rohorwi man glak.’ 8Hai khe ang norokno o kók sa-o, bo kiching wngma bai bachaui rw ya phano nwng lachi ya khe san máng tongma bai bo nini nangma jora tẃi bachaui rohornai.
9“Aboni bagwino norokno ang o kók sa-o: San di, hakhe norok mannai; naituk di, hakhe norok nuknai, dugar bu di, hakhe norok phiyogwi rwjaknai. 10Tamni hwn khe sannai borok bo mano, naituknai borok bo nugo, dugar bunai borok bo phiyogwi rwjago. 11Bwsla á san khe chibuk rwnai abo tẃi bupha norokni bisingo sabo tong? 12Eba khe toktẃi san khe sindrai rwnai sabo tong? 13Norok aswk hamya twtwi bwsano manwi kaham rwna siui tongo, hai khe chuknohani Phani thani sannairokno bo Phola Kwthar rwnai o kók bwswk se kubui!”
Jisu ba Belsebulni phan bai mwtai hamya rwkhlai pho
(Mat 12.22-30; Mar 3.20-27)
14Khoroksano boba khlai tonnai mwtai hamyano Jisu rwkhlaiwi rohor kha. Mwtai hamya ongkhorwi tháng khe a borok kók sacha kha, hakhe lukurok uanajak bai kha. 15Bórokni bisingo baksa hai hwnwi sa kha, “Mwtai hamyarokni bokhorok Belsebulni phan bai se bo mwtai hamya rwkhlai-o.”#Mat 9.34; 10.25. 16Bo Kaitor bai chongjak da hwnwi baksa potaliui naina bagwi “Mungsa swk soidom phunuk di,” hwnwi bono hwn lai kha.#Mat 12.38; 16.1; Mar 8.11.
17Bórok uansukma kókno Jisu saui manẃi ahai sa kha, “Hani bororok uálai kak lai khe a ha tong ya. Nokni bororok uálai kak lai khe a núkhung baiwi thángo. 18Abo hai’-no Soitanni ha-o bórok kiching bórok uálaiwi kak lai khe bini ha bahai khe tongnai? Belsebul rwmani phan bai se ang mwtai hamya rwkhlai-o hwnwi norok sa-o. 19Belsebulni phai bai se ang mwtai hamya rwkhlai khe norokni bororok saboni phan bai rwkhlai sla? Norokni bororokni o kókno cha ya hwnwi phunugo! 20Ahai ya, ang Kaitorni phan bai se mwtai hamya rwkhlai-o abo’-no Kaitorni ha norokni thani sók phai kha hwnwi sijak rw-o.
21“Phan gwnang borok da-sengrok tẃi bini nok mwrwk khe nokni manwirok tong rwgo. 22Phiya, bini slái phan gwnang bono kosonwi mechen phai khe bo khá ragwi tongmani a da-sengrokno segwi tubu-ui manwirok banta khe rw-o.
23“Ani bwkhak tong ya borok bo ani kena ari; ang bai thumchru ya khe a borok piring-poroi se khlai-o.”#Mar 9.40.
Mwtai hamya kiphilmani
(Mat 12.43-45)
24“Borok khoroksa swkni sakni mwtai hamya ongkhor khe bo ha kwrano himgurungwi bathakthai naituk gra-o. Ulo kwrẃngsa-o phano nuk ya khe ‘Ang ongkhorwi phaima a nogo’-no tháng phir anw,’ hwnwi bo sa-o. 25Hakhe bo kiphilwi thángwi a nokno pharjak sipjak tei bebak thiti nugwi-o. 26Abono nugwi thángwi bo bini slái chengta mwtai hamya tei mak snino ringwi tubu-ui aro’-no aro tong phai-o. Hakhe a borok swkangni slái teibo digi-sigi wngo.”
Sabo hamchajak?
27Jisu o kók saui tong phuru luku bisingni bwrwi masa bono hai hwnwi sacha kha, “Nono ogo tẃinai a bwrwi hamchajak! Nwng chámani a abuk hamchajak!”
28Tamo khe Jisu hai hwnwi sa kha, “Aboni slái Kaitorni kók khnaui abo hai khe tongnairok se hamchajak!”
Bui soidomni samung naina pho
(Mat 12.38-42)
29Borok kuthum rwrwk Jisu hai hwnwi sa rwrwk, “Tabukni bororok bwswk chengta gwja! Bórok soidomni samung phunuk di hwno. I’nhi, Jonani a soidomno karwi tei mungsa soidom phano phunukjak glak.#Mat 16.4; Mar 8.12. 30Jona Ninobisongni thani phunukjakma hai Borokni Sajlabo tabukni bororokni thani abo hai’-no phunukjak anw.#Jon 3.4. 31Jerani salo ha salgrabaini isiri bachaui tabukni bororokno majra ber anw, tamni hwn khe Solomonni kók elemi khnana hwnwi bo haktor buchukni phai kha; ang norokno o kók sa-o, aile Solomonni slái phano oro teibo manwi kotor tongo.#1Ha 10.1-10; 2Bo 9.1-12. 32Jerani salo Ninobisong bachaui tabukni bororokno majra ber anw, tamni hwn khe Jona pírma bai bórok sumsok yakar kha; ang norokno o kók sa-o, aile Jonani slái phano oro teibo manwi kotor tongo.”#Jon 3.5.
Bwsakni chati
(Mat 5.15; 6.22-23)
33“Chati phnangwi kebo hakhoro huiwi ton ya, eba khe twk bai kholobwi ton ya, tamo khe nok bisingo hapnairok pohor nukna tẃi khe thopna-o tono.#Mat 5.15; Mar 4.21; Luk 8.16. 34Nini mokol’-no nini bwsakni chati. Nini naisikma kepleng khe bwsak gwnangwi chẃngnai; phiya nini naisikma bejua khe bwsak gwnangwi mwnaknai. 35Aboni bagwino nini bisingni chati da thwi langno abo hus khe tong di. 36Kwrẃngsa phano mwnakma kwrwi wngwi nini bwsak gwnangwi chati chẃng khe nini thani chati chẃngma hai nini bwsak gwnangwi chẃngsaui phai anw.”
Pharisairok tei Kerong phrwngnairokni cha yano Jisu phunukmani
(Mat 23.1-36; Mar 12.38-40)
37Jisu o kók sa bai khe Pharisai khoroksa bono mai khopsa chá rwna hwnwi kobok phai kha, hakhe bo nok bisingo habwi chána achuk kha. 38Cháma swkang Jisuno yak súma nuk ya wngwi a Pharisai uanajak kha. 39Aboni bagwino Subrai bono hai hwnwi sa kha, “Norok Pharisairok! Norok mairang lotano saka saka simi hu-o, aile bwkha bising bising norok buini manwi sekna máng se uansugui tongo, buini hamya khlaina máng se uansugui tongo, 40Bepotarrok! Sakano snamnaisa Kaitor bo bisingninobo snamnai ya diba? 41Tamo khe mairang lota-o tongmano kwrwirokno rw di, hakhe se norokni bebak’-no sap-sutra wngnai.
42“Pharisairok, norok bwswk se hamya sitra no! Norok banta, wsundwi tei bebak daloni kaichi-o kaisa Kaitorno rwui tongo, yang khe buino sói khe nainani, Kaitorno hamjaknani abono khe norok samung nangjak ya. Abo tẃirokno khlaiwi’-no omo hai khe tongthai klai-o.#Leb 27.30.
43“Pharisairok, norok bwswk se hamya sitra no! Norok thumnogo buini slái bwskango achukna nai-o, hati-haba-o bui bai khulumjakna nai-o. 44Norok bwswk se hamya sitra no! Norok wng kha simalwng hwnwi saui man yaui bororok him laiwi tongmani abo tẃi simalwng hai.”
45Kerong phrwngnai khoroksa bono hai hwnwi sa kha, “Hodakra, o kók saui nwng chwngno suda lachi rw kha.”
46Jisu hai hwnwi sa kha, “Kerong phrwngnairok, norokbo bwswk se hamya sitra no! Norok buini phikungo poja hilik boksaui simi rw-o, chubana hwnwi le yasichuk bai suda érwi nai ya. 47Norok bwswk se hamya sitra no! Norokni chuchusong aswk diyari butharmani norok a diyarirokni mangkhorno naithok khe snamo. 48Norok abo hai’-no norokni chuchusong samung tongmano kaham hwnwi gosi-o; bórok khe diyarirokno buthar kha, norok khe simalwng tisa kha. 49Aboni bagwi Kaitorni Elem hai hwnwi sa kha, ‘Ang bórokni thani diyari bai ani kók sanairokno rohor anw. Bórok baksano buthar anw, baksano sátok anw.’ 50-51Aboni bagwino takchengjak phuruni simi aswk diyarirokni thẃi kochok rwmani majra tabukni bororokni sago klainai, Abelni simi mareui háyá bai nokthar kwcharo butharjaknai Sakariani thẃini majra tabukni bororokni sago klainai. Au, ang norokno o kók sa-o, tabukni bororokni sago bebak majra klainai!#Yap 4.8; 2Bo 24.20-21.
52“Kerong phrwngnairok, norok bwswk se hamya sitra no! Elem nokni surani norok yapha-o naui ton kha; norokbo bisingo hap ya, hapna nainairoknobo hap rw ya.”
53-54Jisu aroni ongkhorwi tháng kheno Kerong phrwngnairok tei Pharisairok bono seja lai kha; bo tháisa swk kók cha ya sa khe bono khẃi-o kwcha rwna hwnwi bórok bono podrepot kók sẃng lai kha.
Currently Selected:
LUK 11: KOKBSI
Highlight
Share
Copy
Want to have your highlights saved across all your devices? Sign up or sign in
Kok Borok Bible (Re-edited), Baibel Kwthar
Copyright © 2017 by The Bible Society of India
Used by permission. All rights reserved worldwide.
LUK 11
11
Suri sanna phrwngmani
(Mat 6.9-13; 7.7-11)
1Jisu salsa kwrẃngsa-o suri sanwi tongmani. Bo suri san bai khe bini sagri khoroksa hai hwnwi sa kha, “Subrai, Johon bini sagrirokno phrwngma hai nwng’-bo chwngno suri sanna phrwng di.”
2Jisu bórokno hai hwnwi sa kha, “Norok ahai khe suri san di:
“ ‘Apha:
Nini mung kwthar surijak thung;
nini ha phai thung.
3Chini nangmani chámung
sal brúm brúm rw di
4chini sumsokno nakar di,
tamni hwn khe chwngno
hamya khlainai jotono’-no
chwng nakaro,
chwngno belai khe ta
amjok di.’ ”
5Jisu bini sagrirokno hai hwnwi sa kha, “Rom di, hor diboro nini kiching khoroksano nwng hai hwnwi sa kha, ‘O kiching, mairung malaktham rohor gra di. 6Kwrẃngsa-o thángna hwnwi phaiwi thani tabuk’-no kiching khoroksa ani nogo sók phaiwi rw phai kha, yang le chá rwnani mungsa phano kwrwi.’ 7Phiya nini a kiching nok bisingo tongwi hai hwnwi sa hór kha. ‘Ano tekto ta rw di! Dugar berebwi khibi kha, chwrai-khonairok ang bai thu-ui tongo. Ang bachaui mungsa phano rohorwi man glak.’ 8Hai khe ang norokno o kók sa-o, bo kiching wngma bai bachaui rw ya phano nwng lachi ya khe san máng tongma bai bo nini nangma jora tẃi bachaui rohornai.
9“Aboni bagwino norokno ang o kók sa-o: San di, hakhe norok mannai; naituk di, hakhe norok nuknai, dugar bu di, hakhe norok phiyogwi rwjaknai. 10Tamni hwn khe sannai borok bo mano, naituknai borok bo nugo, dugar bunai borok bo phiyogwi rwjago. 11Bwsla á san khe chibuk rwnai abo tẃi bupha norokni bisingo sabo tong? 12Eba khe toktẃi san khe sindrai rwnai sabo tong? 13Norok aswk hamya twtwi bwsano manwi kaham rwna siui tongo, hai khe chuknohani Phani thani sannairokno bo Phola Kwthar rwnai o kók bwswk se kubui!”
Jisu ba Belsebulni phan bai mwtai hamya rwkhlai pho
(Mat 12.22-30; Mar 3.20-27)
14Khoroksano boba khlai tonnai mwtai hamyano Jisu rwkhlaiwi rohor kha. Mwtai hamya ongkhorwi tháng khe a borok kók sacha kha, hakhe lukurok uanajak bai kha. 15Bórokni bisingo baksa hai hwnwi sa kha, “Mwtai hamyarokni bokhorok Belsebulni phan bai se bo mwtai hamya rwkhlai-o.”#Mat 9.34; 10.25. 16Bo Kaitor bai chongjak da hwnwi baksa potaliui naina bagwi “Mungsa swk soidom phunuk di,” hwnwi bono hwn lai kha.#Mat 12.38; 16.1; Mar 8.11.
17Bórok uansukma kókno Jisu saui manẃi ahai sa kha, “Hani bororok uálai kak lai khe a ha tong ya. Nokni bororok uálai kak lai khe a núkhung baiwi thángo. 18Abo hai’-no Soitanni ha-o bórok kiching bórok uálaiwi kak lai khe bini ha bahai khe tongnai? Belsebul rwmani phan bai se ang mwtai hamya rwkhlai-o hwnwi norok sa-o. 19Belsebulni phai bai se ang mwtai hamya rwkhlai khe norokni bororok saboni phan bai rwkhlai sla? Norokni bororokni o kókno cha ya hwnwi phunugo! 20Ahai ya, ang Kaitorni phan bai se mwtai hamya rwkhlai-o abo’-no Kaitorni ha norokni thani sók phai kha hwnwi sijak rw-o.
21“Phan gwnang borok da-sengrok tẃi bini nok mwrwk khe nokni manwirok tong rwgo. 22Phiya, bini slái phan gwnang bono kosonwi mechen phai khe bo khá ragwi tongmani a da-sengrokno segwi tubu-ui manwirok banta khe rw-o.
23“Ani bwkhak tong ya borok bo ani kena ari; ang bai thumchru ya khe a borok piring-poroi se khlai-o.”#Mar 9.40.
Mwtai hamya kiphilmani
(Mat 12.43-45)
24“Borok khoroksa swkni sakni mwtai hamya ongkhor khe bo ha kwrano himgurungwi bathakthai naituk gra-o. Ulo kwrẃngsa-o phano nuk ya khe ‘Ang ongkhorwi phaima a nogo’-no tháng phir anw,’ hwnwi bo sa-o. 25Hakhe bo kiphilwi thángwi a nokno pharjak sipjak tei bebak thiti nugwi-o. 26Abono nugwi thángwi bo bini slái chengta mwtai hamya tei mak snino ringwi tubu-ui aro’-no aro tong phai-o. Hakhe a borok swkangni slái teibo digi-sigi wngo.”
Sabo hamchajak?
27Jisu o kók saui tong phuru luku bisingni bwrwi masa bono hai hwnwi sacha kha, “Nono ogo tẃinai a bwrwi hamchajak! Nwng chámani a abuk hamchajak!”
28Tamo khe Jisu hai hwnwi sa kha, “Aboni slái Kaitorni kók khnaui abo hai khe tongnairok se hamchajak!”
Bui soidomni samung naina pho
(Mat 12.38-42)
29Borok kuthum rwrwk Jisu hai hwnwi sa rwrwk, “Tabukni bororok bwswk chengta gwja! Bórok soidomni samung phunuk di hwno. I’nhi, Jonani a soidomno karwi tei mungsa soidom phano phunukjak glak.#Mat 16.4; Mar 8.12. 30Jona Ninobisongni thani phunukjakma hai Borokni Sajlabo tabukni bororokni thani abo hai’-no phunukjak anw.#Jon 3.4. 31Jerani salo ha salgrabaini isiri bachaui tabukni bororokno majra ber anw, tamni hwn khe Solomonni kók elemi khnana hwnwi bo haktor buchukni phai kha; ang norokno o kók sa-o, aile Solomonni slái phano oro teibo manwi kotor tongo.#1Ha 10.1-10; 2Bo 9.1-12. 32Jerani salo Ninobisong bachaui tabukni bororokno majra ber anw, tamni hwn khe Jona pírma bai bórok sumsok yakar kha; ang norokno o kók sa-o, aile Jonani slái phano oro teibo manwi kotor tongo.”#Jon 3.5.
Bwsakni chati
(Mat 5.15; 6.22-23)
33“Chati phnangwi kebo hakhoro huiwi ton ya, eba khe twk bai kholobwi ton ya, tamo khe nok bisingo hapnairok pohor nukna tẃi khe thopna-o tono.#Mat 5.15; Mar 4.21; Luk 8.16. 34Nini mokol’-no nini bwsakni chati. Nini naisikma kepleng khe bwsak gwnangwi chẃngnai; phiya nini naisikma bejua khe bwsak gwnangwi mwnaknai. 35Aboni bagwino nini bisingni chati da thwi langno abo hus khe tong di. 36Kwrẃngsa phano mwnakma kwrwi wngwi nini bwsak gwnangwi chati chẃng khe nini thani chati chẃngma hai nini bwsak gwnangwi chẃngsaui phai anw.”
Pharisairok tei Kerong phrwngnairokni cha yano Jisu phunukmani
(Mat 23.1-36; Mar 12.38-40)
37Jisu o kók sa bai khe Pharisai khoroksa bono mai khopsa chá rwna hwnwi kobok phai kha, hakhe bo nok bisingo habwi chána achuk kha. 38Cháma swkang Jisuno yak súma nuk ya wngwi a Pharisai uanajak kha. 39Aboni bagwino Subrai bono hai hwnwi sa kha, “Norok Pharisairok! Norok mairang lotano saka saka simi hu-o, aile bwkha bising bising norok buini manwi sekna máng se uansugui tongo, buini hamya khlaina máng se uansugui tongo, 40Bepotarrok! Sakano snamnaisa Kaitor bo bisingninobo snamnai ya diba? 41Tamo khe mairang lota-o tongmano kwrwirokno rw di, hakhe se norokni bebak’-no sap-sutra wngnai.
42“Pharisairok, norok bwswk se hamya sitra no! Norok banta, wsundwi tei bebak daloni kaichi-o kaisa Kaitorno rwui tongo, yang khe buino sói khe nainani, Kaitorno hamjaknani abono khe norok samung nangjak ya. Abo tẃirokno khlaiwi’-no omo hai khe tongthai klai-o.#Leb 27.30.
43“Pharisairok, norok bwswk se hamya sitra no! Norok thumnogo buini slái bwskango achukna nai-o, hati-haba-o bui bai khulumjakna nai-o. 44Norok bwswk se hamya sitra no! Norok wng kha simalwng hwnwi saui man yaui bororok him laiwi tongmani abo tẃi simalwng hai.”
45Kerong phrwngnai khoroksa bono hai hwnwi sa kha, “Hodakra, o kók saui nwng chwngno suda lachi rw kha.”
46Jisu hai hwnwi sa kha, “Kerong phrwngnairok, norokbo bwswk se hamya sitra no! Norok buini phikungo poja hilik boksaui simi rw-o, chubana hwnwi le yasichuk bai suda érwi nai ya. 47Norok bwswk se hamya sitra no! Norokni chuchusong aswk diyari butharmani norok a diyarirokni mangkhorno naithok khe snamo. 48Norok abo hai’-no norokni chuchusong samung tongmano kaham hwnwi gosi-o; bórok khe diyarirokno buthar kha, norok khe simalwng tisa kha. 49Aboni bagwi Kaitorni Elem hai hwnwi sa kha, ‘Ang bórokni thani diyari bai ani kók sanairokno rohor anw. Bórok baksano buthar anw, baksano sátok anw.’ 50-51Aboni bagwino takchengjak phuruni simi aswk diyarirokni thẃi kochok rwmani majra tabukni bororokni sago klainai, Abelni simi mareui háyá bai nokthar kwcharo butharjaknai Sakariani thẃini majra tabukni bororokni sago klainai. Au, ang norokno o kók sa-o, tabukni bororokni sago bebak majra klainai!#Yap 4.8; 2Bo 24.20-21.
52“Kerong phrwngnairok, norok bwswk se hamya sitra no! Elem nokni surani norok yapha-o naui ton kha; norokbo bisingo hap ya, hapna nainairoknobo hap rw ya.”
53-54Jisu aroni ongkhorwi tháng kheno Kerong phrwngnairok tei Pharisairok bono seja lai kha; bo tháisa swk kók cha ya sa khe bono khẃi-o kwcha rwna hwnwi bórok bono podrepot kók sẃng lai kha.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kok Borok Bible (Re-edited), Baibel Kwthar
Copyright © 2017 by The Bible Society of India
Used by permission. All rights reserved worldwide.