A’NPHUTNA 15
15
Abram leh Pathen Intep
1Khava sōa Abram in hmangtalâr inkhat aneia Rōngpu’n hinga ahri kha athei, “Ṭitmak roh, Abram, ke’n nang thina sik a inphut napho kachang sik eng, khana inpâkman kalentak kapek sik che.”
2Tâk-kha Abram in amasôn, “Rōngpu Chunghnung, heimo akaṭha inpâkman napek sik eng, ke’n sa leh kha neimak enga? Kakarōi kahlō sik inkhat rōk kha Damascus Eliezer kha kae. 3Nang in sa leh kha apek mak chea, kasōk inkhat in kakarōi ahlō sik jo kae.”
4Khava pha Rōngpu’n ahnenga ave nôk a ahri kha athei, “Hiva sōk Eliezer hin nakarōi hlōmak ning; nang sapa khet in nakarōi ahlō sik kae.” 5#Ro 4.18; He 11.12Rōngpu’n vânga ama aṭhōisōt a, “Chungvân so enroh; ârsi heiso tei hei roh; sova jahrep sōn leh pâr nanei sik kae,” atipek.
6 #
Ro 4.3; Ga 3.6; Jam 2.23 Abram in Rōngpu chunga ataksen, khava jâra Rōngpu’n achunga amalung katlâia, ama arahlânga kae.
7Khava pha Rōngpu’n ahnenga, “Hiva ram hi pekna sik chea, Babylon ram a Ur a inphut nahei kaṭhōisōt Rōngpu kha kei eng kae,” ati.
8Tâk-kha Abram in ader, “Rōngpu Chunghnung, hiva ram hi keita achang sik kha heikhong mo kamanhret sik?”
9Ama’n amasôn, “Kum 3 akatluk et jo hei sehrat inkhat, ke inkhat, kemōng inkhat khana pherva inkhat leh vaṭhu inkhat kahnenga heichoi heiroh.” 10Abram in ranhei kha Pathen hneng aheiṭhōi heia, athat heia ṭhen hnia a-ât khōi et a, inhngettō et a, gôr hnia ada hei; tâk vahei khachu tuk rachen mak heia kae. 11Hmeravōi chunga hmuthong jōng kachu hei, tâk Abram in ahnong sōt heia kae.
12Kani ahlutsō jo pha, Abram kaje hnger jo. Ṭit ka-om tak leh inpirna’n achunga jōng katlung jo.#Jb 4.13,14 13Rōngpu’n ahnenga, “Natu nasa, nasōnhei kha miram a khōhmea vaka-om sik hei; anmani kha sōk vakachang sik hei, mi’n êng kasetak a kum 400 khōdeng antamanthei sik hei kae.#Sōk 1.1-14; Ṭōn 7.6 14Tâk-kha ke’n anmani sōk a akahmang jât-hei kha karâkna kapek sik hei, khana anmani’n khava miram kha anhei dahlon pha, nei hingja anta’nrôn sōt sik kae.#Sōk 12.40,41; Ṭōn 7.7 15Nang mông chu kum kasôtjap kahring sik che, malung kahōia kathi sik chea kha anhre sik che. 16Hiva hmun a hin natu-nasahei anhe’nle mak hma khang 4 chu kathleng sik jo; ajârchu Amorhei kha anṭhatmakna pui atluk a karâkna pha atluk mak kârseng ke’n hnongsōt mak hei ning,” ati.
17Kani ahlut sōa ahong inthim pha, hmeikhu kakhû bephu inkhat leh hmeiser kavârtak inkhat manhret manloa heikasōk a hmeravōihei kâra heikavârsōt. 18Khava sōa khava hmun a khan Rōngpu’n, Abram leh intepna inkhat asyema, “Ke’n hiva ram Egypt a inphut Euphrates ramri katlung#Ṭōn 7.5 ram rakip hi nasōn-napâr hei hneng pek sik a intep eng; 19khana Kenhei, Keniz hei leh Kadmon hei ram a, 20Hit-hei, Periz leh Rephaim hei ram a, 21Amorhei, Canaanhei, Girgash hei leh Jebush-hei ram, akhenga a’nveisa sik kae,” ati.
Currently Selected:
A’NPHUTNA 15: KOMRBSI
Highlight
Share
Copy
Want to have your highlights saved across all your devices? Sign up or sign in
Komrem Revised Bible - LEKHARABU INTHENG
Copyright © Bible Society of India, 2015.
Used by permission. All rights reserved worldwide.
A’NPHUTNA 15
15
Abram leh Pathen Intep
1Khava sōa Abram in hmangtalâr inkhat aneia Rōngpu’n hinga ahri kha athei, “Ṭitmak roh, Abram, ke’n nang thina sik a inphut napho kachang sik eng, khana inpâkman kalentak kapek sik che.”
2Tâk-kha Abram in amasôn, “Rōngpu Chunghnung, heimo akaṭha inpâkman napek sik eng, ke’n sa leh kha neimak enga? Kakarōi kahlō sik inkhat rōk kha Damascus Eliezer kha kae. 3Nang in sa leh kha apek mak chea, kasōk inkhat in kakarōi ahlō sik jo kae.”
4Khava pha Rōngpu’n ahnenga ave nôk a ahri kha athei, “Hiva sōk Eliezer hin nakarōi hlōmak ning; nang sapa khet in nakarōi ahlō sik kae.” 5#Ro 4.18; He 11.12Rōngpu’n vânga ama aṭhōisōt a, “Chungvân so enroh; ârsi heiso tei hei roh; sova jahrep sōn leh pâr nanei sik kae,” atipek.
6 #
Ro 4.3; Ga 3.6; Jam 2.23 Abram in Rōngpu chunga ataksen, khava jâra Rōngpu’n achunga amalung katlâia, ama arahlânga kae.
7Khava pha Rōngpu’n ahnenga, “Hiva ram hi pekna sik chea, Babylon ram a Ur a inphut nahei kaṭhōisōt Rōngpu kha kei eng kae,” ati.
8Tâk-kha Abram in ader, “Rōngpu Chunghnung, hiva ram hi keita achang sik kha heikhong mo kamanhret sik?”
9Ama’n amasôn, “Kum 3 akatluk et jo hei sehrat inkhat, ke inkhat, kemōng inkhat khana pherva inkhat leh vaṭhu inkhat kahnenga heichoi heiroh.” 10Abram in ranhei kha Pathen hneng aheiṭhōi heia, athat heia ṭhen hnia a-ât khōi et a, inhngettō et a, gôr hnia ada hei; tâk vahei khachu tuk rachen mak heia kae. 11Hmeravōi chunga hmuthong jōng kachu hei, tâk Abram in ahnong sōt heia kae.
12Kani ahlutsō jo pha, Abram kaje hnger jo. Ṭit ka-om tak leh inpirna’n achunga jōng katlung jo.#Jb 4.13,14 13Rōngpu’n ahnenga, “Natu nasa, nasōnhei kha miram a khōhmea vaka-om sik hei; anmani kha sōk vakachang sik hei, mi’n êng kasetak a kum 400 khōdeng antamanthei sik hei kae.#Sōk 1.1-14; Ṭōn 7.6 14Tâk-kha ke’n anmani sōk a akahmang jât-hei kha karâkna kapek sik hei, khana anmani’n khava miram kha anhei dahlon pha, nei hingja anta’nrôn sōt sik kae.#Sōk 12.40,41; Ṭōn 7.7 15Nang mông chu kum kasôtjap kahring sik che, malung kahōia kathi sik chea kha anhre sik che. 16Hiva hmun a hin natu-nasahei anhe’nle mak hma khang 4 chu kathleng sik jo; ajârchu Amorhei kha anṭhatmakna pui atluk a karâkna pha atluk mak kârseng ke’n hnongsōt mak hei ning,” ati.
17Kani ahlut sōa ahong inthim pha, hmeikhu kakhû bephu inkhat leh hmeiser kavârtak inkhat manhret manloa heikasōk a hmeravōihei kâra heikavârsōt. 18Khava sōa khava hmun a khan Rōngpu’n, Abram leh intepna inkhat asyema, “Ke’n hiva ram Egypt a inphut Euphrates ramri katlung#Ṭōn 7.5 ram rakip hi nasōn-napâr hei hneng pek sik a intep eng; 19khana Kenhei, Keniz hei leh Kadmon hei ram a, 20Hit-hei, Periz leh Rephaim hei ram a, 21Amorhei, Canaanhei, Girgash hei leh Jebush-hei ram, akhenga a’nveisa sik kae,” ati.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Komrem Revised Bible - LEKHARABU INTHENG
Copyright © Bible Society of India, 2015.
Used by permission. All rights reserved worldwide.