A’NPHUTNA 42
42
Joseph Sōpui he’n Egypt a Sâng Incho Ansena
1Jacob khan Egypt ram a sâng ka-om ti hi athei pha asahei hneng, “Heisa mo heikhat bek nanta tlomak? 2Egypt a sâng ka-om ti ṭong ke’n kathei; eini vonṭâma nithi sik a inphut nihring theina sik se una ajingbek varachôk ruh,” ati.#Ṭōn 7.12 3Khava jâra Joseph shung sōkpui changlo asōpui 10 hei kha Egypt a sâng incho kase jo hei, 4tâk Joseph shung sōkpui anaipa Benjamin chu anmani leh leitir mak a kae, ajârchu ama hnenga heikhat kasōk nôk thei tia aleiṭit a kae.
5Jacob sahei khan mihlop-hei leh sâng incho kahong hei, ajârchu Canaan ram sâk leikatâng jo. 6Joseph kha Egypt a ram vaikarôn inkhat achangna sâng kha raleichung pumpuia mihei hneng ajōr jo. Khana Joseph sōpui he’n kahong heia ahmai kunga anhmai raleia kakhup heia ankamuk. 7Joseph in asōpuihei ahmu hei pha, aleimanhret jo hei, tâk amanhret mak hei kapōhrep a aleitlo hei. Ama’n hnuk kasetak a, “Khontinga akahong chei mo?” tia ader hei.
“Keini sâng incho Canaana inphut akahong ung kae,” tia anmasôn.
8Joseph khan asōpuihei kha aleimanhret he’num, anmani’n chu leimanhret mak hei. 9Ama’n anmani chungchânga rahmang aleinei kha amandonsōt a, “Nangni mi ka-en inthlip, ram ka-en inthlip chei kae; nangni kanram tlâksamna kajongsōt sik a akahong chei kae,” ati hei.#Aph 37.5-10
10“Changmak, apu,” tia anmasôn. “Nasōk kapōa, keini hichu sâng incho akahong ung kae. 11Keini hi u leh nai pet ung kae. Mi ka-en inthlip changmak ung, apu, keini malung intheng ung kae,” anti.
12Joseph in, “Changmak! Nangni kanram tlâksamna aka-enlea akahong chei kae,” ati.
13Anmani’n, “Keini kankhenga sōpui 12 ung kae, apu, Canaan ram mi inkhat sapase ung kae. Kannaipa inkhat chu kathi jo, mathlum pen khachu kanpa leh ka-omsap hei,” anti.
14Joseph in amasôn hei, “Nangni kati jo chei kha kae. Mi ka-en inthlip chei kae. 15Hing’hin nangni enmansinna nei sik chei kae: Rengpa rahminga a’ntep eng kae khachu nannai mathlum pen kha hin’hin nanheiṭhōi mak lai seng nangni sesōt yamak ning. 16Nankâra inkhat akase ngar cheia nantavaṭhōi sik kae. Alakseng chei chu nanṭong hri kha akadik nâk mo enmansin theina sik a remi manhrunga da sik chei kae. Kha achangmak inchu, rengpa ahring lai seng, nangni ram ka-en inthlip chei kae.” 17Khava sōa anmani kha kurkhum shunga ni 3 sik a ada jo hei.
18Ni 3 tluk ning Joseph in an-hnenga, “Kei Pathen kaṭit mi eng kae, ahlam inkhat a nangni hringkhō kaṭhensōt pek sik chei. 19Nangni malung intheng enmansinna sik a, nankâra inkhat hiva nan-omna kurkhum a hin ka-om sik; alakseng chu kasethei sik chei khana vonṭâm kade nan-innshung mihei hneng nantarachôk sâng hi vapek hei ruh. 20Khana nannai mathlum pen kha kahnenga nantaheiṭhōi nger sik kae. Hivahin nangni ṭong kadik nanhri ti kha amanchên sik kae khana ke’n nangni that mak chei ning,” ati.
Hivahi anmani kahnōm jo heia 21khana anmani khat leh khat inbek hei, “Kadik, tûn hi ninaipa hnenga nilei tlona kara kha nichunga inrengna nihong ratō jo kae; ama’n inthōpuina ader me pha khan ama inreng hêr jo ti kha nimanhret, tâk eini’n leirangei pek mak me. Khava jâra khan tûn eini’n hiva inrengna hi niratō jo kae,” anti.
22Reuben in, “Ke’n ninai kha tlomanset mak rih kalei ti chei; nangni’n leirangei mak chei. Tûn ama thina man kha eini a’npe male jo me kae,” ati.#Aph 37.21-22 23Joseph khan anṭong hri kha aleimanhret, tâk khavakha anmani’n chu manhret mak hei, ajârchu ahnenga ṭong anta leihri kha mihe’n anmale pek heia kae. 24Joseph in adahlon heia abinga vakaṭap jo. Avea ṭong ahei hri thei nôk pha, hong inle nôk a Simeon kha avasura ankhenga hmaikunga aleikhit jo.
Joseph Uhei Canaan An-inle
25Joseph khan a-uhei tinbu hei kha sâng thōn mansipna sik, ansêr hei kha antinbu et a thōn male pekna sik khana anhlam hro theina sik a bu pekna sik heia ṭong aleimasō jo. Ahri kapōa anleitlo pek jo hei. 26A-uhei khan antarachôk sâng phur hei kha shakōrtung chunga anmando heia leikasesōt jo hei. 27Jân anlei rekna hmun a ankâra inkhat in ashakōrtung thlai pekna sik atloa atinbu aleimazer jo khana asêr kha atinbu chung tak a aleiom kha ahmu jo. 28Asōpuihei abek heia, “Kasêr anhongpek male jo eng,” ati. “Hin katinbu shunga leika-om,” ati. Anmalung kadonga, anṭit joa khat leh khat indertō hei, “Pathen in nichunga heipen mo atlo jo hi?” anti.
29Anmani Canaana anpa Jacob hneng anhongtlung pha, anhnenga aleikasōk rakip kha anleihri pek: 30“Egypt a ram vaikarôn khan kanhnenga hnuk kana tak a aleirakôk ung khana aram kadōia ram ka-en inthlip ahnôn ung. 31Keini’n kanmasôn, ‘Ram ka-en inthlip changmak ung, malung intheng ung kae. 32Keini kanpa inkhat sapase kankhenga 12 ung kae. Kannai inkhat chu kathi jo, mathlum pen kha kanpa leh Canaana ka-om hei,’ kanti. 33Mipa khan, ‘Hing’hin nangni malung intheng nâk chei mo ke’n kajongsōt sik: nankâra inkhat kei hneng ka-om sik; alakseng chu vonṭâm kade nan-innshung mihei sik a sâng nanchoia kase sik chei. 34Kahnenga nannai mathlum pen kha heiṭhōi ruh. Khantō khan nangni malung intheng mi chei kae, ram ka-en inthlip changmak chei, ti hi kamanhret sik; nansōpuipa kapek male sik chei, khana nangni hin ka-om thei sik chei khana invei nantlo thei sik’ ati ung,” antipek.
35Khava sōa antinbu hei kha anhong manrōk pha, ama ama sêr mârsha et kha anleihmu jo; sêr hei kha anhmu pha anmani leh anpa kha kaṭi jo hei. 36Anpa khan anhnenga, “Kasa rakip kamanhmang sik hei hi nanta madu mo? Joseph inhmang jo; Simeon inhmang jo; atûn Benjamin ṭhōisōt sik a nanmadu nôk. Malung a’nrim khachu kei eng kae!” ati.
37Reuben in apa hneng, “Ke’n Benjamin hi kaheiṭhōi male mak inchu kasapa 2 heiso that heiroh. Ama hi kei ta-ensui sik a amanngan roh, kaheiṭhōi male nger sik,” ati.
38Tâk-kha Jacob in, “Kasapa hi nangni leh inṭhōi yamak ning; a-upa kathi jo; ama rōk hi aka-om jo kae. Hlam kâra achunga heimo inkhat kasōk thei. Kei chu kater jo eng, malung inrimna nantapek eng khan athat sik jo eng kae,” ati.
Currently Selected:
A’NPHUTNA 42: KOMRBSI
Highlight
Share
Copy
Want to have your highlights saved across all your devices? Sign up or sign in
Komrem Revised Bible - LEKHARABU INTHENG
Copyright © Bible Society of India, 2015.
Used by permission. All rights reserved worldwide.
A’NPHUTNA 42
42
Joseph Sōpui he’n Egypt a Sâng Incho Ansena
1Jacob khan Egypt ram a sâng ka-om ti hi athei pha asahei hneng, “Heisa mo heikhat bek nanta tlomak? 2Egypt a sâng ka-om ti ṭong ke’n kathei; eini vonṭâma nithi sik a inphut nihring theina sik se una ajingbek varachôk ruh,” ati.#Ṭōn 7.12 3Khava jâra Joseph shung sōkpui changlo asōpui 10 hei kha Egypt a sâng incho kase jo hei, 4tâk Joseph shung sōkpui anaipa Benjamin chu anmani leh leitir mak a kae, ajârchu ama hnenga heikhat kasōk nôk thei tia aleiṭit a kae.
5Jacob sahei khan mihlop-hei leh sâng incho kahong hei, ajârchu Canaan ram sâk leikatâng jo. 6Joseph kha Egypt a ram vaikarôn inkhat achangna sâng kha raleichung pumpuia mihei hneng ajōr jo. Khana Joseph sōpui he’n kahong heia ahmai kunga anhmai raleia kakhup heia ankamuk. 7Joseph in asōpuihei ahmu hei pha, aleimanhret jo hei, tâk amanhret mak hei kapōhrep a aleitlo hei. Ama’n hnuk kasetak a, “Khontinga akahong chei mo?” tia ader hei.
“Keini sâng incho Canaana inphut akahong ung kae,” tia anmasôn.
8Joseph khan asōpuihei kha aleimanhret he’num, anmani’n chu leimanhret mak hei. 9Ama’n anmani chungchânga rahmang aleinei kha amandonsōt a, “Nangni mi ka-en inthlip, ram ka-en inthlip chei kae; nangni kanram tlâksamna kajongsōt sik a akahong chei kae,” ati hei.#Aph 37.5-10
10“Changmak, apu,” tia anmasôn. “Nasōk kapōa, keini hichu sâng incho akahong ung kae. 11Keini hi u leh nai pet ung kae. Mi ka-en inthlip changmak ung, apu, keini malung intheng ung kae,” anti.
12Joseph in, “Changmak! Nangni kanram tlâksamna aka-enlea akahong chei kae,” ati.
13Anmani’n, “Keini kankhenga sōpui 12 ung kae, apu, Canaan ram mi inkhat sapase ung kae. Kannaipa inkhat chu kathi jo, mathlum pen khachu kanpa leh ka-omsap hei,” anti.
14Joseph in amasôn hei, “Nangni kati jo chei kha kae. Mi ka-en inthlip chei kae. 15Hing’hin nangni enmansinna nei sik chei kae: Rengpa rahminga a’ntep eng kae khachu nannai mathlum pen kha hin’hin nanheiṭhōi mak lai seng nangni sesōt yamak ning. 16Nankâra inkhat akase ngar cheia nantavaṭhōi sik kae. Alakseng chei chu nanṭong hri kha akadik nâk mo enmansin theina sik a remi manhrunga da sik chei kae. Kha achangmak inchu, rengpa ahring lai seng, nangni ram ka-en inthlip chei kae.” 17Khava sōa anmani kha kurkhum shunga ni 3 sik a ada jo hei.
18Ni 3 tluk ning Joseph in an-hnenga, “Kei Pathen kaṭit mi eng kae, ahlam inkhat a nangni hringkhō kaṭhensōt pek sik chei. 19Nangni malung intheng enmansinna sik a, nankâra inkhat hiva nan-omna kurkhum a hin ka-om sik; alakseng chu kasethei sik chei khana vonṭâm kade nan-innshung mihei hneng nantarachôk sâng hi vapek hei ruh. 20Khana nannai mathlum pen kha kahnenga nantaheiṭhōi nger sik kae. Hivahin nangni ṭong kadik nanhri ti kha amanchên sik kae khana ke’n nangni that mak chei ning,” ati.
Hivahi anmani kahnōm jo heia 21khana anmani khat leh khat inbek hei, “Kadik, tûn hi ninaipa hnenga nilei tlona kara kha nichunga inrengna nihong ratō jo kae; ama’n inthōpuina ader me pha khan ama inreng hêr jo ti kha nimanhret, tâk eini’n leirangei pek mak me. Khava jâra khan tûn eini’n hiva inrengna hi niratō jo kae,” anti.
22Reuben in, “Ke’n ninai kha tlomanset mak rih kalei ti chei; nangni’n leirangei mak chei. Tûn ama thina man kha eini a’npe male jo me kae,” ati.#Aph 37.21-22 23Joseph khan anṭong hri kha aleimanhret, tâk khavakha anmani’n chu manhret mak hei, ajârchu ahnenga ṭong anta leihri kha mihe’n anmale pek heia kae. 24Joseph in adahlon heia abinga vakaṭap jo. Avea ṭong ahei hri thei nôk pha, hong inle nôk a Simeon kha avasura ankhenga hmaikunga aleikhit jo.
Joseph Uhei Canaan An-inle
25Joseph khan a-uhei tinbu hei kha sâng thōn mansipna sik, ansêr hei kha antinbu et a thōn male pekna sik khana anhlam hro theina sik a bu pekna sik heia ṭong aleimasō jo. Ahri kapōa anleitlo pek jo hei. 26A-uhei khan antarachôk sâng phur hei kha shakōrtung chunga anmando heia leikasesōt jo hei. 27Jân anlei rekna hmun a ankâra inkhat in ashakōrtung thlai pekna sik atloa atinbu aleimazer jo khana asêr kha atinbu chung tak a aleiom kha ahmu jo. 28Asōpuihei abek heia, “Kasêr anhongpek male jo eng,” ati. “Hin katinbu shunga leika-om,” ati. Anmalung kadonga, anṭit joa khat leh khat indertō hei, “Pathen in nichunga heipen mo atlo jo hi?” anti.
29Anmani Canaana anpa Jacob hneng anhongtlung pha, anhnenga aleikasōk rakip kha anleihri pek: 30“Egypt a ram vaikarôn khan kanhnenga hnuk kana tak a aleirakôk ung khana aram kadōia ram ka-en inthlip ahnôn ung. 31Keini’n kanmasôn, ‘Ram ka-en inthlip changmak ung, malung intheng ung kae. 32Keini kanpa inkhat sapase kankhenga 12 ung kae. Kannai inkhat chu kathi jo, mathlum pen kha kanpa leh Canaana ka-om hei,’ kanti. 33Mipa khan, ‘Hing’hin nangni malung intheng nâk chei mo ke’n kajongsōt sik: nankâra inkhat kei hneng ka-om sik; alakseng chu vonṭâm kade nan-innshung mihei sik a sâng nanchoia kase sik chei. 34Kahnenga nannai mathlum pen kha heiṭhōi ruh. Khantō khan nangni malung intheng mi chei kae, ram ka-en inthlip changmak chei, ti hi kamanhret sik; nansōpuipa kapek male sik chei, khana nangni hin ka-om thei sik chei khana invei nantlo thei sik’ ati ung,” antipek.
35Khava sōa antinbu hei kha anhong manrōk pha, ama ama sêr mârsha et kha anleihmu jo; sêr hei kha anhmu pha anmani leh anpa kha kaṭi jo hei. 36Anpa khan anhnenga, “Kasa rakip kamanhmang sik hei hi nanta madu mo? Joseph inhmang jo; Simeon inhmang jo; atûn Benjamin ṭhōisōt sik a nanmadu nôk. Malung a’nrim khachu kei eng kae!” ati.
37Reuben in apa hneng, “Ke’n Benjamin hi kaheiṭhōi male mak inchu kasapa 2 heiso that heiroh. Ama hi kei ta-ensui sik a amanngan roh, kaheiṭhōi male nger sik,” ati.
38Tâk-kha Jacob in, “Kasapa hi nangni leh inṭhōi yamak ning; a-upa kathi jo; ama rōk hi aka-om jo kae. Hlam kâra achunga heimo inkhat kasōk thei. Kei chu kater jo eng, malung inrimna nantapek eng khan athat sik jo eng kae,” ati.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Komrem Revised Bible - LEKHARABU INTHENG
Copyright © Bible Society of India, 2015.
Used by permission. All rights reserved worldwide.