RAPHA HIQWA LAK 16
16
Hagar Nai Ishmael
1Abram tanyung Sarai raq apaiq ma ase ka humkuq mak dea riito. Shatmaq adi-nyung Ejip mungti jechak se amang Hagar ngutlaq kriika asi riito. 2Kra ningkhan apaiq raq Abram ma nguto, “Tatiwe raq ngi ka khanghü rahüli riishat shat thühoto. Riita ümniika idi nyung kraili hainga liina? Jursap apaiq riitiq ngi ma ise ashi ra lo humkuq jiiq riila.” Kiimaq Abram riimin Sarai bom ka taito. 3Kra ningkhan apaiq raq Hagar ka Abram ma chakliip miitu kuqto. (Arka Abram ka Kanan mung na wiiroqshi sijai she wa bom riito.) 4Kiimaq Abram ka Hagar rai haingato. Kiimaq apaiq ka wiihan she riito. Riita Hagar raq apaiq ka wiihan she nguta tho he raüta apaiq ka ashkong she riito. Kiimaq Sarai ka shummiito.
5Kiijiishe Sarai raq Abram ma nguto, “Hagar raq ngi shummiitlaq arka ümjiq kha na. Ngi raq ijaq maq apaiq ka ümniima kuqkang. Kiimaq apaiq raq apaiq ka wiihan she nguta sap raüta, apaiq raq ngi she shummiihoto. Tatiwe riitiq mipholaq. Nanai liipan na ümniisha riikhaqli shea ngi wa riikhaq li!”
6Kiijiishe Abram raq treto, “Ahea na. Apaiq ka ümdi nyung kata. Kiimaq apaiq ka ümwokhong na khata. Apaiq ka jamkhii tiija wa rotlaü kriika ümniiraq thili kata.” Kiijiishe Sarai raq Hagar ka tiibitaq she haihiihoto. Kriikha niishe apaiq ka aju she riihoto.
7 Tatiwe rase raq Hagar ka kumtsaiphii binjü na Shur hiq na kailam na jüraise asi kiijaq riihumto. 8Kiimaq apaiq nguto, “Hagar, Sarai di-nyung lei, ümniika ümba maq aki haü wa? Kiimaq ümnüna kai wa?”
Kiijiishe apaiq raq treto, “Ngi ka itijong-nyung wokhong wa juho tiikang.”
9Apaiq raq nguto, “Apaiq phana jang wakiq. Laüta adi-nyung ma jalaq.” 10Raüta apaiq raq nguto, “Ngi raq ümsaü ümsetiim ka pahea mitiipa kuqha. Tsangshiq ka maiq raq awea min wealot mak miraq. 11Ümse ka maiqwe se michii haü. Kiimaq ümniiraq apaiq ka Ishmael nguta mimang haü. Jamkhano ngukla Tatiwe raq ümnaq hoqsii laü kra taito she. 12Shatmaq ümse ka shiipuqhü kumtoq kaü ikha misi. Apaiq ka maiq wiitarü rai riingeng raüta misi wan. Kiimaq maiq wiita ka apaiq rai riingeng raütli misi. Apaiq ka apaiq ma ta-nyangseno rai pong na trai raütli misi.”
13Kiijiishe Hagar raq apaiq nai apaiq she riibomto, “Riita ngi raq Shiikeawe rai ngohea shaq shaq dea sha riihum kang? Kra taü maq ngi ka kra chongke ma atrali shea sitiikang?” Kra ningkhan apaiq raq Tatiwe apaiq rai riibomti ka “Shiikeawe ka Maiq Chhitiwe,” nguta nguto. 14Kra ningkhan maiq raq Kadesh nai Bered hiq liipan wa khappong ka, “Atratiwe Khappong Ngi Chhitiwe” nguta mangto.
15Hagar raq Abram ma ase maiqse ashi hum kuqto. Kiimaq apaiq raq ase ka Ishmael nguta mangto. 16Kiitiika Abram rawii ka wiiroq tiichat ri wiitrok riito.
Currently Selected:
RAPHA HIQWA LAK 16: TANGSBSI
Highlight
Share
Copy
Want to have your highlights saved across all your devices? Sign up or sign in
Tangsa Naga Bible - ASII LAKDAP
Copyright © 2015 by The Bible Society of India
Used by permission. All rights reserved worldwide.
RAPHA HIQWA LAK 16
16
Hagar Nai Ishmael
1Abram tanyung Sarai raq apaiq ma ase ka humkuq mak dea riito. Shatmaq adi-nyung Ejip mungti jechak se amang Hagar ngutlaq kriika asi riito. 2Kra ningkhan apaiq raq Abram ma nguto, “Tatiwe raq ngi ka khanghü rahüli riishat shat thühoto. Riita ümniika idi nyung kraili hainga liina? Jursap apaiq riitiq ngi ma ise ashi ra lo humkuq jiiq riila.” Kiimaq Abram riimin Sarai bom ka taito. 3Kra ningkhan apaiq raq Hagar ka Abram ma chakliip miitu kuqto. (Arka Abram ka Kanan mung na wiiroqshi sijai she wa bom riito.) 4Kiimaq Abram ka Hagar rai haingato. Kiimaq apaiq ka wiihan she riito. Riita Hagar raq apaiq ka wiihan she nguta tho he raüta apaiq ka ashkong she riito. Kiimaq Sarai ka shummiito.
5Kiijiishe Sarai raq Abram ma nguto, “Hagar raq ngi shummiitlaq arka ümjiq kha na. Ngi raq ijaq maq apaiq ka ümniima kuqkang. Kiimaq apaiq raq apaiq ka wiihan she nguta sap raüta, apaiq raq ngi she shummiihoto. Tatiwe riitiq mipholaq. Nanai liipan na ümniisha riikhaqli shea ngi wa riikhaq li!”
6Kiijiishe Abram raq treto, “Ahea na. Apaiq ka ümdi nyung kata. Kiimaq apaiq ka ümwokhong na khata. Apaiq ka jamkhii tiija wa rotlaü kriika ümniiraq thili kata.” Kiijiishe Sarai raq Hagar ka tiibitaq she haihiihoto. Kriikha niishe apaiq ka aju she riihoto.
7 Tatiwe rase raq Hagar ka kumtsaiphii binjü na Shur hiq na kailam na jüraise asi kiijaq riihumto. 8Kiimaq apaiq nguto, “Hagar, Sarai di-nyung lei, ümniika ümba maq aki haü wa? Kiimaq ümnüna kai wa?”
Kiijiishe apaiq raq treto, “Ngi ka itijong-nyung wokhong wa juho tiikang.”
9Apaiq raq nguto, “Apaiq phana jang wakiq. Laüta adi-nyung ma jalaq.” 10Raüta apaiq raq nguto, “Ngi raq ümsaü ümsetiim ka pahea mitiipa kuqha. Tsangshiq ka maiq raq awea min wealot mak miraq. 11Ümse ka maiqwe se michii haü. Kiimaq ümniiraq apaiq ka Ishmael nguta mimang haü. Jamkhano ngukla Tatiwe raq ümnaq hoqsii laü kra taito she. 12Shatmaq ümse ka shiipuqhü kumtoq kaü ikha misi. Apaiq ka maiq wiitarü rai riingeng raüta misi wan. Kiimaq maiq wiita ka apaiq rai riingeng raütli misi. Apaiq ka apaiq ma ta-nyangseno rai pong na trai raütli misi.”
13Kiijiishe Hagar raq apaiq nai apaiq she riibomto, “Riita ngi raq Shiikeawe rai ngohea shaq shaq dea sha riihum kang? Kra taü maq ngi ka kra chongke ma atrali shea sitiikang?” Kra ningkhan apaiq raq Tatiwe apaiq rai riibomti ka “Shiikeawe ka Maiq Chhitiwe,” nguta nguto. 14Kra ningkhan maiq raq Kadesh nai Bered hiq liipan wa khappong ka, “Atratiwe Khappong Ngi Chhitiwe” nguta mangto.
15Hagar raq Abram ma ase maiqse ashi hum kuqto. Kiimaq apaiq raq ase ka Ishmael nguta mangto. 16Kiitiika Abram rawii ka wiiroq tiichat ri wiitrok riito.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tangsa Naga Bible - ASII LAKDAP
Copyright © 2015 by The Bible Society of India
Used by permission. All rights reserved worldwide.