RAPHA HIQWA LAK 26
26
Isak Ka Gerar Hiq Na Shongto
1Kanan mung na ram dong nongto. Arka kongkhuji Abraham pat na dongtaq kra jai thong she riito. Kiimaq Isak ka Philistain mung hokhamwe Abimelekh phana Gerar chela na kihoto. 2Tatiwe ka Isak phana saükito. Raüta akha nguto, “Ejip mung na naq kikiq. Armung na, Ngi raq chongtiikang hiq kiijaq silaq. 3Arjaq shonglaq. Kiimaq Ngi ka ümniirai misi kang. Kiimaq ümniika mishman kuq kang. Ngi raq armung thun tlotli ka ümniima mikuqha kiimaq ümsaü ümsetiim ma mikuq kang. Ngi raq ümwe Abraham ma kiqkham raüpot khakuq kang kra mitiikuha. 4Ngi raq ümsaü ümsetiim ka ra na raiqsaiq diimtlaq kiikha awealot mai mitiipu kuqha. Kiimaq Ngi raq tsangshiq ma armung thun ara tlotli mikuqha. Ngi raq ümsaü ümsetiim shiiman kuq kang kiikha, maiq mung thun tlotli raq tsangshiq kiimin shiiman kuqlaq nguta Ngi jaq wa mijaü. 5Ngi raq ümniika mishman kuqha. Jamkhano ngukla Abraham raq Ngi aming langto. Raüta Ngi raq akuqha thungtri raütu nai aming thun wiita langto.”
6Kiimaq Isak ka Gerar chela na shongto. 7Kiimaq kiijaq siti maiqwere raq tsang-nyung ka juwa nguta waito. Kiijaq apaiq raq tsang-nyung ka ashea nyung nguta chongto. Apaiq raq tsang-nyung ka tsang-nyung dea nguta tantan chongmak riito. Jamkhano ngukla apaiq ka kra mungti maiq raq tsang-nyung shamhea wa kra chhi raüta achak ka nyeaho kham ma, tsangshiq raq apaiq ka atsea morbaiq miraq nguta ahai riito. 8Riita Isak ka kra mung na ashaqpuq shongjai niishe, Hokhamwe Abimelekh raq rajam kitan pu maq hiq nü na liito. Raüta apaiq raq Isak nai Rebeka ka sinyung siwe tiitsa hainga kra chhito. 9Kiimaq Abimelekh raq Isak ka tiiheakito. Raüta akha nguto, “Riita kriinyung ka ümchak kata nya! Riita ümniiraq apaiq ka ümshea nyung nguta jam nguto chong laü?”
Kiijiishe apaiq raq treto, “Ngi raq tiima ka, ngi raq apaiq ka ijamti nyung nguta chongha la maiq raq ngi ka atsea mirbaiq sham nguta tiima kang.”
10“Ara ümniiraq naishiq ma jamlai wa riilaü?” nguta Abimelekh raq nguto. “Isenginok phongwa maiq weshi ra ka ümchak rai kon rai dam raüha: raüla ümniiraq naishiq ma ngarai mitiitang haü wa.” 11Kiimaq Abimelekh raq nokwe tarü ma honlam tsii akha chong kuqto, “Jurwa arwe ara nai tsang-nyung ka shummii jiiq, kriiti ka tiitsailaq atsea mirbaiq.”
12Isak raq kra mung na tsam lai wanto. Raüta kra rawii apaiq raq tsam ka alai ümchuwa wantaq kriithaq na aliip shishi rongboq jutto. Jamkhano ngukla Tatiwe raq apaiq ma shiimanto. 13Apaiq ka chiithe jong ma jawan ruq li riito. Raüta pinthum chiithe jong she jawanto. 14Apaiq jaq na nyamse sku kong kiimaq minsaü kong kiimaq ajaqshisetiim kong pahea she riito. Kra ningkhan Philistainnok ka apaiq ma makshu rashe she riito. 15Kra ningkhan tsangshiq raq, awe Abraham pat na apaiq jaqshisetiim raq athuthü khappong thun ka tsangshiq raq wiita tiima baiqto.
16Kiijiishe Abimelekh raq Isak ma nguto, “Ümniika nai mung arwa awa she riiwan laq. Ümniika naishiq thaq na ajong ala she jawan laü.” 17Kra ningkhan Isak ka kiiwa wawanto. Raüta Gerar hiq thung tan wang niishe apaiq piitiip ka teito. Apaiq ka kiijaq heashi shong wanto. 18Raüta apaiq raq kra binjü na khappong thun ka thongshi ri hali thu nongto. Kriithun ka Abraham pat na athu riito. Shatmaq Philistainnok raq Abraham tsaikai jai na tiitang baiqto. Isak raq kra khappong thun mang ka awe raq jamkho mangtaq kra phan phan mang nongto.
19Isak jaqshisetiim raq kra hiq thung tan na khappong ashi thuto. Raüta kiijaq kham ka humto. 20Kiimaq Gerar chelati sku rümti kong ka Isak sku rümti kong rai riitsoto. Raüta nguto, “Arka naishiq kham.” Kra ningkhan Isak raq kra khappong ka “Tatso,” nguta mangto.
21Kiimaq Isak jaqshisetiim raq khappong ashi hali thu nongto. Kiimaq kra khappong miitu min tatso hali dong nongto. Kriikha na apaiq raq kra khappong ka “Wesang Ralii,” nguta mangto. 22Kiimaq apaiq ka kiiwa ahin niishe tiisot wanto. Raüta khappong ashi hali thu nongto. Kra miitu ka riitso mak she riito. Kra ningkhan apaiq raq kra khappong ka “Wase” ngutiishe mangto. Apaiq raq nguto, “Ümchaü kla Tatiwe raq nashiq ma armung na shong miitu wase miishe tiijato. Kiimaq nashiq ka arjaq rongboq she mishong wan rong i.”
23Isak ka kiiwa laü wanto. Raüta Beersheba chela niishe laü hoto. 24Kra rawa Tatiwe ka apaiq phana kito. Raüta akha nguto, “Ngi ka ümwe Abraham Shiikeawe. Ümniika naqhaikiq. Ngi ka ümniirai asi. Ngi raq ümniika mishman kang. Kiimaq ümniima ümsaü ümsetiim ka pahea mikuqha. Jamkhano ngukla Ngi raq ijaqshise Abraham ma kiqkham kuqkang.” 25Kiimaq Isak raq kiijaq berong-wacha ashi haito. Raüta Tatiwe ka shomnoqto. Raüta apaiq raq apiitiip ka kiijaq teito. Kiimaq ajaqshisetiim raq kiijaq khappong ashi thuto.
Isak Nai Abimelekh Liipan Na Tongshongto
26Abimelekh ka Gerar chela maq apaiq ma tsii chongketi Ahuja kiimaq apaiq phentu ajongwe Phikol kra sheawan raüta Isak rai riihumwa wato. 27Kra ningkhan na Isak raq waito, “Riita ümchaü namtsam ka ngi rai jam miitu riihumwa wa walan? Man niika namshiq raq ngi ka wesang ralii ikha liilan. Kiimaq ngi ka nam mung wa ajo riibaiq lan?”
28Kiijiishe tsangshiq raq treto, “Ümchaü ka naishiq raq sapkai she. Tatiwe ka ümniirai asi. Kiimaq naishiq raq tiima tiikai nashiq liipan na sinkham tongshong raükha sichang. Ümniiraq naishiq ma kiqkham kechang nguta tiima tiikai. 29Naishiq raq ümniima jamlai min tiibiti mai siwan kai, kiikhiisii ümniiriimin naishiq ma jamlai min naq tiibikiq. Naishiq raq ümniika lungwiikai. Laita ümniika naimung wa hansang maq tlaü wan kai. Riita ümchaü ka naishiq raq chhikai she. Tatiwe raq ümniika shiimanto.” 30Kiimaq Isak raq tsangshiq miitu phaqsea aheawiq klo kuqto. Kiimaq tsangshiq raq kra dung ka phaqsiqto. 31Kriimaq napjai ranap she ranap chu maq tsangshiq loweatek raq maiqmii kiqkham raüpot kra shat thüto. Raüta kra sinkham raüpot ka sil maq thang thüto. Raütiishe Isak raq tsangshiq rai warong liijo nguta kiim riiphea bom shatto. Raüta tsangshiq ka silu riija raütiishe kiim riipheato.
32Kra ranaiq na Isak jaqshisetiim ka apaiq phana wato. Raüta tsangshiq raq khappong ashi thutaq kra bom apaiq ma chongto. Tsangshiq raq nguto, “Naishiq raq khappong thulaita kham ka lapkai.” 33Kiimaq apaiq raq kra khappong ka “Sinkham,” nguta mangto. Kiimaq Beersheba chela mang ka arwiishe dongkito.
Esau Raq Pongmung Sheare Lamto
34Isaü ka arawii wiiroqblai maiq she angu na, apaiq raq Hitaiq sheare nyungnai lamto. Tsangnai mang ka Judith. Apaiq ka Beerise. Kiimaq nyungshi mang ka Basemath. Apaiq ka Elon se. 35Tsangnai raq Isak nai Rebeka rilung ka kai umkoq ümphaq tiijabaiqto.
Currently Selected:
RAPHA HIQWA LAK 26: TANGSBSI
Highlight
Share
Copy
Want to have your highlights saved across all your devices? Sign up or sign in
Tangsa Naga Bible - ASII LAKDAP
Copyright © 2015 by The Bible Society of India
Used by permission. All rights reserved worldwide.
RAPHA HIQWA LAK 26
26
Isak Ka Gerar Hiq Na Shongto
1Kanan mung na ram dong nongto. Arka kongkhuji Abraham pat na dongtaq kra jai thong she riito. Kiimaq Isak ka Philistain mung hokhamwe Abimelekh phana Gerar chela na kihoto. 2Tatiwe ka Isak phana saükito. Raüta akha nguto, “Ejip mung na naq kikiq. Armung na, Ngi raq chongtiikang hiq kiijaq silaq. 3Arjaq shonglaq. Kiimaq Ngi ka ümniirai misi kang. Kiimaq ümniika mishman kuq kang. Ngi raq armung thun tlotli ka ümniima mikuqha kiimaq ümsaü ümsetiim ma mikuq kang. Ngi raq ümwe Abraham ma kiqkham raüpot khakuq kang kra mitiikuha. 4Ngi raq ümsaü ümsetiim ka ra na raiqsaiq diimtlaq kiikha awealot mai mitiipu kuqha. Kiimaq Ngi raq tsangshiq ma armung thun ara tlotli mikuqha. Ngi raq ümsaü ümsetiim shiiman kuq kang kiikha, maiq mung thun tlotli raq tsangshiq kiimin shiiman kuqlaq nguta Ngi jaq wa mijaü. 5Ngi raq ümniika mishman kuqha. Jamkhano ngukla Abraham raq Ngi aming langto. Raüta Ngi raq akuqha thungtri raütu nai aming thun wiita langto.”
6Kiimaq Isak ka Gerar chela na shongto. 7Kiimaq kiijaq siti maiqwere raq tsang-nyung ka juwa nguta waito. Kiijaq apaiq raq tsang-nyung ka ashea nyung nguta chongto. Apaiq raq tsang-nyung ka tsang-nyung dea nguta tantan chongmak riito. Jamkhano ngukla apaiq ka kra mungti maiq raq tsang-nyung shamhea wa kra chhi raüta achak ka nyeaho kham ma, tsangshiq raq apaiq ka atsea morbaiq miraq nguta ahai riito. 8Riita Isak ka kra mung na ashaqpuq shongjai niishe, Hokhamwe Abimelekh raq rajam kitan pu maq hiq nü na liito. Raüta apaiq raq Isak nai Rebeka ka sinyung siwe tiitsa hainga kra chhito. 9Kiimaq Abimelekh raq Isak ka tiiheakito. Raüta akha nguto, “Riita kriinyung ka ümchak kata nya! Riita ümniiraq apaiq ka ümshea nyung nguta jam nguto chong laü?”
Kiijiishe apaiq raq treto, “Ngi raq tiima ka, ngi raq apaiq ka ijamti nyung nguta chongha la maiq raq ngi ka atsea mirbaiq sham nguta tiima kang.”
10“Ara ümniiraq naishiq ma jamlai wa riilaü?” nguta Abimelekh raq nguto. “Isenginok phongwa maiq weshi ra ka ümchak rai kon rai dam raüha: raüla ümniiraq naishiq ma ngarai mitiitang haü wa.” 11Kiimaq Abimelekh raq nokwe tarü ma honlam tsii akha chong kuqto, “Jurwa arwe ara nai tsang-nyung ka shummii jiiq, kriiti ka tiitsailaq atsea mirbaiq.”
12Isak raq kra mung na tsam lai wanto. Raüta kra rawii apaiq raq tsam ka alai ümchuwa wantaq kriithaq na aliip shishi rongboq jutto. Jamkhano ngukla Tatiwe raq apaiq ma shiimanto. 13Apaiq ka chiithe jong ma jawan ruq li riito. Raüta pinthum chiithe jong she jawanto. 14Apaiq jaq na nyamse sku kong kiimaq minsaü kong kiimaq ajaqshisetiim kong pahea she riito. Kra ningkhan Philistainnok ka apaiq ma makshu rashe she riito. 15Kra ningkhan tsangshiq raq, awe Abraham pat na apaiq jaqshisetiim raq athuthü khappong thun ka tsangshiq raq wiita tiima baiqto.
16Kiijiishe Abimelekh raq Isak ma nguto, “Ümniika nai mung arwa awa she riiwan laq. Ümniika naishiq thaq na ajong ala she jawan laü.” 17Kra ningkhan Isak ka kiiwa wawanto. Raüta Gerar hiq thung tan wang niishe apaiq piitiip ka teito. Apaiq ka kiijaq heashi shong wanto. 18Raüta apaiq raq kra binjü na khappong thun ka thongshi ri hali thu nongto. Kriithun ka Abraham pat na athu riito. Shatmaq Philistainnok raq Abraham tsaikai jai na tiitang baiqto. Isak raq kra khappong thun mang ka awe raq jamkho mangtaq kra phan phan mang nongto.
19Isak jaqshisetiim raq kra hiq thung tan na khappong ashi thuto. Raüta kiijaq kham ka humto. 20Kiimaq Gerar chelati sku rümti kong ka Isak sku rümti kong rai riitsoto. Raüta nguto, “Arka naishiq kham.” Kra ningkhan Isak raq kra khappong ka “Tatso,” nguta mangto.
21Kiimaq Isak jaqshisetiim raq khappong ashi hali thu nongto. Kiimaq kra khappong miitu min tatso hali dong nongto. Kriikha na apaiq raq kra khappong ka “Wesang Ralii,” nguta mangto. 22Kiimaq apaiq ka kiiwa ahin niishe tiisot wanto. Raüta khappong ashi hali thu nongto. Kra miitu ka riitso mak she riito. Kra ningkhan apaiq raq kra khappong ka “Wase” ngutiishe mangto. Apaiq raq nguto, “Ümchaü kla Tatiwe raq nashiq ma armung na shong miitu wase miishe tiijato. Kiimaq nashiq ka arjaq rongboq she mishong wan rong i.”
23Isak ka kiiwa laü wanto. Raüta Beersheba chela niishe laü hoto. 24Kra rawa Tatiwe ka apaiq phana kito. Raüta akha nguto, “Ngi ka ümwe Abraham Shiikeawe. Ümniika naqhaikiq. Ngi ka ümniirai asi. Ngi raq ümniika mishman kang. Kiimaq ümniima ümsaü ümsetiim ka pahea mikuqha. Jamkhano ngukla Ngi raq ijaqshise Abraham ma kiqkham kuqkang.” 25Kiimaq Isak raq kiijaq berong-wacha ashi haito. Raüta Tatiwe ka shomnoqto. Raüta apaiq raq apiitiip ka kiijaq teito. Kiimaq ajaqshisetiim raq kiijaq khappong ashi thuto.
Isak Nai Abimelekh Liipan Na Tongshongto
26Abimelekh ka Gerar chela maq apaiq ma tsii chongketi Ahuja kiimaq apaiq phentu ajongwe Phikol kra sheawan raüta Isak rai riihumwa wato. 27Kra ningkhan na Isak raq waito, “Riita ümchaü namtsam ka ngi rai jam miitu riihumwa wa walan? Man niika namshiq raq ngi ka wesang ralii ikha liilan. Kiimaq ngi ka nam mung wa ajo riibaiq lan?”
28Kiijiishe tsangshiq raq treto, “Ümchaü ka naishiq raq sapkai she. Tatiwe ka ümniirai asi. Kiimaq naishiq raq tiima tiikai nashiq liipan na sinkham tongshong raükha sichang. Ümniiraq naishiq ma kiqkham kechang nguta tiima tiikai. 29Naishiq raq ümniima jamlai min tiibiti mai siwan kai, kiikhiisii ümniiriimin naishiq ma jamlai min naq tiibikiq. Naishiq raq ümniika lungwiikai. Laita ümniika naimung wa hansang maq tlaü wan kai. Riita ümchaü ka naishiq raq chhikai she. Tatiwe raq ümniika shiimanto.” 30Kiimaq Isak raq tsangshiq miitu phaqsea aheawiq klo kuqto. Kiimaq tsangshiq raq kra dung ka phaqsiqto. 31Kriimaq napjai ranap she ranap chu maq tsangshiq loweatek raq maiqmii kiqkham raüpot kra shat thüto. Raüta kra sinkham raüpot ka sil maq thang thüto. Raütiishe Isak raq tsangshiq rai warong liijo nguta kiim riiphea bom shatto. Raüta tsangshiq ka silu riija raütiishe kiim riipheato.
32Kra ranaiq na Isak jaqshisetiim ka apaiq phana wato. Raüta tsangshiq raq khappong ashi thutaq kra bom apaiq ma chongto. Tsangshiq raq nguto, “Naishiq raq khappong thulaita kham ka lapkai.” 33Kiimaq apaiq raq kra khappong ka “Sinkham,” nguta mangto. Kiimaq Beersheba chela mang ka arwiishe dongkito.
Esau Raq Pongmung Sheare Lamto
34Isaü ka arawii wiiroqblai maiq she angu na, apaiq raq Hitaiq sheare nyungnai lamto. Tsangnai mang ka Judith. Apaiq ka Beerise. Kiimaq nyungshi mang ka Basemath. Apaiq ka Elon se. 35Tsangnai raq Isak nai Rebeka rilung ka kai umkoq ümphaq tiijabaiqto.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tangsa Naga Bible - ASII LAKDAP
Copyright © 2015 by The Bible Society of India
Used by permission. All rights reserved worldwide.