RAPHA HIQWA LAK 5
5
Atam Saüse Phan
(1 Ka 1.1-4)
1Arka Atam saüse phan manphan raüpot. (Shiikeawe raq maiq phansangtaq akhing na, apaiq raq tsangshiq ka apaiq la apaiq kloto. 2Apaiq raq tsangshiq ka maiqwe nai jechak kloto. Raüta tsangshiq ka shiiman kuqto. Raüta tsangshiq ka “Maiqse” nguta mangto.) 3Riita Atam ka arawii 130 she angu na ase maiqwe se ashi, apaiq la apaiq humto. Kiimaq apaiq raq apaiq ka Seth nguta mangto. 4Kriijai maq, Atam ka rawii 800 hali sito. Raüta asetiim thun abiti hali humto. 5Raüta arawii 930 angu na tsaito.
6Riita Seth ka arawii 105 she angu na, ase maiqwe se ashi humto, apaiq mang ka Enosh. 7Kiimaq kra jai miimin arawii kra 807 hali sinongto. Kiimaq asetiim thun ka ahinti min humto. 8Raüta arawii 912 angu na tsaito.
9Riita Enosh ka arawii 90 she angu na, apaiq raq ase maiqwe se ashi humto. Amang ka Kenan. 10Raüta arawii ka 815 hali sinongto. Asetiim ka ahinti thun min humto. 11Raüta arawii 905 angu na tsaito.
12Riita Kenan ka arawii 70 she angu na, apaiq raq ase maiqwe se ashi humto. Amang ka Mahalalel. 13Raüta arawii ka 840 hali sinongto. Kiimaq asetiim ahinti thun min humto. 14Raüta arawii 910 angu na tsaito.
15Riita Mahalalel ka arawii 65 she angu na, apaiq raq ase maiqwe se ashi humto. Amang ka Jared. 16Riita arawii ka 830 hali sinongto. Kiimaq asetiim ahinti thun min humto. 17Raüta arawii 895 angu na tsaito.
18Riita Jared ka arawii 165 she angu na, apaiq raq ase maiqwe se ashi humto. Amang ka Enokh. 19Raüta arawii ka 800 hali sinongto. Kiimaq asetiim ahinti thun min humto. 20Raüta arawii 962 angu na tsaito.
21Riita Enokh ka arawii 65 she angu na, apaiq raq ase maiqwe se ashi humto. Amang ka Methusela. 22Kriijai maq, Enokh ka Shiikeawe rai rintiishi maq arawii 300 hali sinongto. Raüta asetiim ahinti thun min humto. 23Apaiq ka arawii 365 na saüli sito. 24Apaiq raq arilung ka Shiikeawe rai rintiishi maq sito. Raüta apaiq ka amoshe riikito. Jamkhano ngukla Shiikeawe raq apaiq ka shea wanto.
25Riita Methusela ka arawii 187 she angu na, apaiq raq ase maiqwe se ashi humto. Amang ka Lamekh. 26Raüta arawii ka 782 hali sinongto. Raüta asetiim ahinti thun min humto. 27Kiimaq arawii 969 angu na tsaito.
28Riita Lamekh ka arawii 182 she angu na, apaiq raq ase maiqwe se ashi humto. 29Raüta akha nguto, “Tatiwe raq hiqraikhü ka manson raüta tiipat baiqtaq kiiwa, ara nono ariiraq nashiq ka jaqjasham chamchao mong wa mitiihang kuq wan.” Kriikha maq apaiq raq no ka Nowaq nguta mangto. 30Lamekh ka arawii 595 hali sinongto. Raüta asetiim ahinti thun min humto. 31Raüta arawii 777 angu na tsaito.
32Nowaq ka arawii 500 jai niishe, apaiq raq asetiim ka maiqsere wetsam humto Shem, Ham kiimaq Japheth.
Currently Selected:
RAPHA HIQWA LAK 5: TANGSBSI
Highlight
Share
Copy
Want to have your highlights saved across all your devices? Sign up or sign in
Tangsa Naga Bible - ASII LAKDAP
Copyright © 2015 by The Bible Society of India
Used by permission. All rights reserved worldwide.
