JOHAN 14
14
Jesuq Kli Awe Phana Walam
1“Namshiq ka naq chapa rongkiq, kiimaq naq tiimangchan rongkiq,” nguta Jesuq raq tsangshiq ma tsii chongkuqto. “Shiikeawe miili kam ronglaq. Kiimaq ngi miimin kam ronglaq. 2I We jam na asi chang tap ka pahea asi. Kiimaq ngi ka namshiq miitu asi chang tap ajam kra tiije wan wawan li tiikang. Kiijaq asi wan chang tap ajam ahü ngu raü ka, ngi raq namshiq ma bom ka akha jaram wa michong. 3Kiimaq ngi ka kiina wawan li lata, namshiq miitu asi anga chang tap ajam kra mitiije wanli ha. Lata, ngi ümbano sitiikang kiijaq, namshiq min ngi rai adam miishe siwan miitu, ngi ka namshiq phana kinong lata hali, namshiq ka i phana misheaki nong ha. Krai mren, namshiq ka ngi rai adam niishe misi wan han. 4Namshiq raq ngi wawan tiikang hiqshong kiina wawan chang lam kri asap han she.”
5Kiijiishe, “Tatiwe, ümniika ümbano wawan tlaü, kriika naishiq riiri sap mai. Riita, kra hiqshong na wawan chang lam ka naishiq riiri sap mai, naishiq ka kiina jamkho miwa?” nguta Thomas raq apaiq ma waito.
6Kiijiishe, Jesuq raq “Ngi ahata lam. Ngi ahata tengteng bomtsi. Kiimaq ngi ahata rilung tsitsü raü. Ngi ara tlea raüta, Awe pha na jumin walot mak.” 7Kiimaq, apaiq raq tsangshiq ma chongkuqto, “Riita ümchaü sanha, namshiq raq ngi ri asap han she. Krai mren, namshiq raq i We kiimin misap wan han. Kiimaq, ümchaü ara miiphat she, namshiq raq apaiq ka asap han she. Kiimaq apaiq sham min chhi lan she.”
8Kiijiishe, Philip raq apaiq ma chongto, “Tatiwe, naishiq ma Awe ka tiichhi kuq laq. Naishiq miika kriili akhek raa tlo.”
9Kiijiishe, Jesuq raq treto, “Ngi ka luhea she namshiq tarü rai adam na siwan kang. Kra taü maq dongdii min, ümchaü niitaq ngi ka juwa, ümniiraq sap maüli shatshat sha Philip? Jurwa i sham chhitaq, kriiti riika, i We sham kiimin chhito she. Kra taümaq dongdii min, ümniiriika, ‘Naishiq ma Awe sham ka tiichhi kuqlaq’ ngutiika jamkho ngutlaü? 10Philip, riita, ümniiriika ngi ka i We rai, i We ka ngi rai pumshi hanshi maq sitiikai ngutiika kam maü shiita? Ngi raq namshiq ma bom chongkuq tiikang arka, ngi raq, i tsiitsii maq achong kuq ha ka riimak. I We ka i khum na si raüta, apaiq tsiitsii maq jaqsham tlo. 11Ngi ka i We rai, i We ka ngi rai adam na sitlo, nguta chongkuq tiikang bomtsi arma kamwan rong liina. Kiimaq arma kamwan man jiika, ngi raq i jaq sham ümchuwa sham tiikang arma kamwan rongliina. 12Ngi raq chongtiikang arka tengteng: Jurwa ngi ma kam tlaq, kriiti riika, i jai phan phan, awang chang jaq misham wan. Kriika tengteng. Apaiq riika, i jaqsham thaq niimin, ajong lin she misham wan. Ara jamkhano chongtiikang ngukla, ngi ka i We pha niishe wawan tiikang. 13Kiimaq i mang na namshiq raq jamlai phan wa mijaü han, kriika ngi raq misham kuq ha. Krai mren, Ase lümaq Awe khushü ka mijong. 14Namshiq ka i jaqshisetiim kha maq, ngi ma chong han jiika, ngi raq namshiq ma jaq ka misham kuq ha.
Asii Wenyi Saükai Kiqkham
15“Namshiq raq ngi lungwii han jiika, i wokhong na silanta, ngi raq namshiq ma aming kuq tiikang kra lang lanta misi han. 16Kiimaq, ngi raq, i We ma namshiq Khrumti weshi tiikilaq nguta michong ha. Krai mren, apaiq raq, namshiq khrumti weshi she mitiiki. Apaiq ka pattup pat-sa namshiq rai adam she misi wan. 17Apaiq raq maiqse ka Shiikeawe rai sham triichhike wanti Asii Wenyi. Apaiq raq Shiikeawe tiima tsantsii ka maiqse ma tiichhi kuqtlo. Mangjong maiqse raq apaiq ka tsangshiq tsan mong na tao mak. Ara jamkhano tao mak ngukla, tsangshiq raq apaiq sham ka chhi mak. Kiimaq mang min riisap mak. Shatmaq, namshiq raq apaiq ka asap han. Ara jamkhano chongtiikang ngukla, apaiq ka namshiq rai adam sitlo. Kiimaq, apaiq ka namshiq mongjii na sitlo.
18“Ngi wawan jai, namshiq ka jechi nomi setiim ikhiika, tiimang chan mang. Ngi ka namshiq phana hali mijangki nong ha. 19Jaqlo liipan niili, mangjong maiqse raq ngi ka chhi mak she miraq. Shatmaq, namshiq raq i sham ka michhi han. Kiimaq ngi ümkho atra sitiikang, kiikhiisii namshiq min atra misi han. 20Kra ngi dong wan ranaiq akhing she saü wa raütiq, namshiq raq ngi arka i We rai pumshi hanshi dea sitiikang, kiimaq ngi ka namshiq rai jamkho pumshi hanshi maq sitiikang, kiikhiisii hali namshiq min, ngi rai pumshi hanshi miidea sitlan ngutiishe misap han.”
21“Jurwa i bomchong aming ara thü raüta, lang wan tlaq, kriiti ka ngi lungwii wanti. Jurwa ngi lungwii tlaq, kriiti ka, i We riimin milungwii. Kriiti ka ngi riimin milungwii ha. Lata, i tsan i tsii ka apaiq ma mitiichhi kuq ha.”
22Kra tai raütiishe, Judas (Judas Iskariot ka riimak) raq Jesuq ma bom ka akha waito, “Tatiwe, ümniiraq ümrilung khushü chhainyii jong ka, naishiq miika tiichhikuq raü, mangjong maiqse ma tiichhi kuq maü ka jamkho?”
23Kiijiishe, Jesuq raq apaiq bom ka treto, “Jurwa ngi lungwii tlaq, kriiti ka i wokhong na, i bom chong ka phaqchii nichii maq tai raüta misi. I We raq apaiq ka kai milungwii. Kiimaq, i We nainai ka kilaita, apaiq rai adam na misi hai. 24Jurwa ngi ka lungwii mak, kriiti ka, i bom chong armin lang mak miraq. Ara i manphan i jüche namshiq ma ümchuwa phanchan kuq tiikang arka, i tsiitsii maq achong kuq ha ka riimak. Shatmaq, ngi tiikaiti we, i We raq ngi ma jamlai kiq wa tiidea kuq tlaq, kra bomtsi kli tlü chong kuq tiikang.
25“Ngi ka namshiq rai adam sitiikang liipan na, arthun bomtsi ara chongkuq tiikang. 26I We raq Asii Wenyi ka, i mang na mitiiki. Apaiq ka namshiq Khrumti we. Ümchaü ngi raq, namshiq ma ümchuwa bomtsi chongkuq tiikang thun arka, apaiq riishe hali, namshiq tsan mong na tiidokuq wan nong raüta, tsangriri hea miishe wiita michong kuq wan nong.
27“Namshiq ma ngi raq hansang rilung she kuq tiikang. Arka i tsan mong na sitlaq hansang khap kriiwa triisha tsümkuq tiikang. Arka mangjong maiqse raq akuq hansang rilung ikhiika riimak. Jai na jamlai mra wa pin wan tlaq, kra miitu namshiq ka akhiismin naq chapa rongkiq. Kiimaq naq hanghun rongkiq, kiimaq naqhai rongkiq. 28Ngi raq namshiq ma tsii chongke, ‘Ngi ka awa wan she. Shatmaq, ajang mirki nong ha,’ nguta chong kuq pha ira atai han kata. Namshiq raq ngi ka ngohea shaqshaq lungwii tlan jiika, ngi ka i We phana wawan nguta bomchongke kra tai lanta, namshiq ka khoqriiq khiq li she mirhan wa. Ara jaram wa chongtiikang ngukla, apaiq ka ngi thaq na ajong. 29Ngi raq ara, ümchaü namshiq ma kra mra pin wan aranaiq akhing ka misaü wan shaq na, tlu na bom chongkuq tiikang arka, kra chong tiikang aranaiq kriishe saü wan jai, namshiq raq i bomchong arka teng wato dea nguta, ngi ma mikam laq, nguta ngo maq namshiq ma chongkuq tiipha ahata. 30Ngi ka ümchaü namshiq rai manphan riichan apa ka riibom lap mang she. Ara jamkhano chongtiikang ngukla, ara mangjong hiq ara rümti we ka saü wanto she. Apaiq raq ngi ka hupkhang wanlot mak. 31Shatmaq, mangjong maiqse raq ara bomtsi ara sap chang akhek. Ngi raq i We ka kai lungwii tiikang. Kriikha maq, phanrap na, i We raq ngi ma jamlai bomtsi wa chongkuq tlaq, kriili ngi raq sham tiikang.
“Lo, tiidong rongphiishe. Nashiq ka arjam maq tiido rong i she. Warong i.
Currently Selected:
JOHAN 14: TANGSBSI
Highlight
Share
Copy
Want to have your highlights saved across all your devices? Sign up or sign in
Tangsa Naga Bible - ASII LAKDAP
Copyright © 2015 by The Bible Society of India
Used by permission. All rights reserved worldwide.
JOHAN 14
14
Jesuq Kli Awe Phana Walam
1“Namshiq ka naq chapa rongkiq, kiimaq naq tiimangchan rongkiq,” nguta Jesuq raq tsangshiq ma tsii chongkuqto. “Shiikeawe miili kam ronglaq. Kiimaq ngi miimin kam ronglaq. 2I We jam na asi chang tap ka pahea asi. Kiimaq ngi ka namshiq miitu asi chang tap ajam kra tiije wan wawan li tiikang. Kiijaq asi wan chang tap ajam ahü ngu raü ka, ngi raq namshiq ma bom ka akha jaram wa michong. 3Kiimaq ngi ka kiina wawan li lata, namshiq miitu asi anga chang tap ajam kra mitiije wanli ha. Lata, ngi ümbano sitiikang kiijaq, namshiq min ngi rai adam miishe siwan miitu, ngi ka namshiq phana kinong lata hali, namshiq ka i phana misheaki nong ha. Krai mren, namshiq ka ngi rai adam niishe misi wan han. 4Namshiq raq ngi wawan tiikang hiqshong kiina wawan chang lam kri asap han she.”
5Kiijiishe, “Tatiwe, ümniika ümbano wawan tlaü, kriika naishiq riiri sap mai. Riita, kra hiqshong na wawan chang lam ka naishiq riiri sap mai, naishiq ka kiina jamkho miwa?” nguta Thomas raq apaiq ma waito.
6Kiijiishe, Jesuq raq “Ngi ahata lam. Ngi ahata tengteng bomtsi. Kiimaq ngi ahata rilung tsitsü raü. Ngi ara tlea raüta, Awe pha na jumin walot mak.” 7Kiimaq, apaiq raq tsangshiq ma chongkuqto, “Riita ümchaü sanha, namshiq raq ngi ri asap han she. Krai mren, namshiq raq i We kiimin misap wan han. Kiimaq, ümchaü ara miiphat she, namshiq raq apaiq ka asap han she. Kiimaq apaiq sham min chhi lan she.”
8Kiijiishe, Philip raq apaiq ma chongto, “Tatiwe, naishiq ma Awe ka tiichhi kuq laq. Naishiq miika kriili akhek raa tlo.”
9Kiijiishe, Jesuq raq treto, “Ngi ka luhea she namshiq tarü rai adam na siwan kang. Kra taü maq dongdii min, ümchaü niitaq ngi ka juwa, ümniiraq sap maüli shatshat sha Philip? Jurwa i sham chhitaq, kriiti riika, i We sham kiimin chhito she. Kra taümaq dongdii min, ümniiriika, ‘Naishiq ma Awe sham ka tiichhi kuqlaq’ ngutiika jamkho ngutlaü? 10Philip, riita, ümniiriika ngi ka i We rai, i We ka ngi rai pumshi hanshi maq sitiikai ngutiika kam maü shiita? Ngi raq namshiq ma bom chongkuq tiikang arka, ngi raq, i tsiitsii maq achong kuq ha ka riimak. I We ka i khum na si raüta, apaiq tsiitsii maq jaqsham tlo. 11Ngi ka i We rai, i We ka ngi rai adam na sitlo, nguta chongkuq tiikang bomtsi arma kamwan rong liina. Kiimaq arma kamwan man jiika, ngi raq i jaq sham ümchuwa sham tiikang arma kamwan rongliina. 12Ngi raq chongtiikang arka tengteng: Jurwa ngi ma kam tlaq, kriiti riika, i jai phan phan, awang chang jaq misham wan. Kriika tengteng. Apaiq riika, i jaqsham thaq niimin, ajong lin she misham wan. Ara jamkhano chongtiikang ngukla, ngi ka i We pha niishe wawan tiikang. 13Kiimaq i mang na namshiq raq jamlai phan wa mijaü han, kriika ngi raq misham kuq ha. Krai mren, Ase lümaq Awe khushü ka mijong. 14Namshiq ka i jaqshisetiim kha maq, ngi ma chong han jiika, ngi raq namshiq ma jaq ka misham kuq ha.
Asii Wenyi Saükai Kiqkham
15“Namshiq raq ngi lungwii han jiika, i wokhong na silanta, ngi raq namshiq ma aming kuq tiikang kra lang lanta misi han. 16Kiimaq, ngi raq, i We ma namshiq Khrumti weshi tiikilaq nguta michong ha. Krai mren, apaiq raq, namshiq khrumti weshi she mitiiki. Apaiq ka pattup pat-sa namshiq rai adam she misi wan. 17Apaiq raq maiqse ka Shiikeawe rai sham triichhike wanti Asii Wenyi. Apaiq raq Shiikeawe tiima tsantsii ka maiqse ma tiichhi kuqtlo. Mangjong maiqse raq apaiq ka tsangshiq tsan mong na tao mak. Ara jamkhano tao mak ngukla, tsangshiq raq apaiq sham ka chhi mak. Kiimaq mang min riisap mak. Shatmaq, namshiq raq apaiq ka asap han. Ara jamkhano chongtiikang ngukla, apaiq ka namshiq rai adam sitlo. Kiimaq, apaiq ka namshiq mongjii na sitlo.
18“Ngi wawan jai, namshiq ka jechi nomi setiim ikhiika, tiimang chan mang. Ngi ka namshiq phana hali mijangki nong ha. 19Jaqlo liipan niili, mangjong maiqse raq ngi ka chhi mak she miraq. Shatmaq, namshiq raq i sham ka michhi han. Kiimaq ngi ümkho atra sitiikang, kiikhiisii namshiq min atra misi han. 20Kra ngi dong wan ranaiq akhing she saü wa raütiq, namshiq raq ngi arka i We rai pumshi hanshi dea sitiikang, kiimaq ngi ka namshiq rai jamkho pumshi hanshi maq sitiikang, kiikhiisii hali namshiq min, ngi rai pumshi hanshi miidea sitlan ngutiishe misap han.”
21“Jurwa i bomchong aming ara thü raüta, lang wan tlaq, kriiti ka ngi lungwii wanti. Jurwa ngi lungwii tlaq, kriiti ka, i We riimin milungwii. Kriiti ka ngi riimin milungwii ha. Lata, i tsan i tsii ka apaiq ma mitiichhi kuq ha.”
22Kra tai raütiishe, Judas (Judas Iskariot ka riimak) raq Jesuq ma bom ka akha waito, “Tatiwe, ümniiraq ümrilung khushü chhainyii jong ka, naishiq miika tiichhikuq raü, mangjong maiqse ma tiichhi kuq maü ka jamkho?”
23Kiijiishe, Jesuq raq apaiq bom ka treto, “Jurwa ngi lungwii tlaq, kriiti ka i wokhong na, i bom chong ka phaqchii nichii maq tai raüta misi. I We raq apaiq ka kai milungwii. Kiimaq, i We nainai ka kilaita, apaiq rai adam na misi hai. 24Jurwa ngi ka lungwii mak, kriiti ka, i bom chong armin lang mak miraq. Ara i manphan i jüche namshiq ma ümchuwa phanchan kuq tiikang arka, i tsiitsii maq achong kuq ha ka riimak. Shatmaq, ngi tiikaiti we, i We raq ngi ma jamlai kiq wa tiidea kuq tlaq, kra bomtsi kli tlü chong kuq tiikang.
25“Ngi ka namshiq rai adam sitiikang liipan na, arthun bomtsi ara chongkuq tiikang. 26I We raq Asii Wenyi ka, i mang na mitiiki. Apaiq ka namshiq Khrumti we. Ümchaü ngi raq, namshiq ma ümchuwa bomtsi chongkuq tiikang thun arka, apaiq riishe hali, namshiq tsan mong na tiidokuq wan nong raüta, tsangriri hea miishe wiita michong kuq wan nong.
27“Namshiq ma ngi raq hansang rilung she kuq tiikang. Arka i tsan mong na sitlaq hansang khap kriiwa triisha tsümkuq tiikang. Arka mangjong maiqse raq akuq hansang rilung ikhiika riimak. Jai na jamlai mra wa pin wan tlaq, kra miitu namshiq ka akhiismin naq chapa rongkiq. Kiimaq naq hanghun rongkiq, kiimaq naqhai rongkiq. 28Ngi raq namshiq ma tsii chongke, ‘Ngi ka awa wan she. Shatmaq, ajang mirki nong ha,’ nguta chong kuq pha ira atai han kata. Namshiq raq ngi ka ngohea shaqshaq lungwii tlan jiika, ngi ka i We phana wawan nguta bomchongke kra tai lanta, namshiq ka khoqriiq khiq li she mirhan wa. Ara jaram wa chongtiikang ngukla, apaiq ka ngi thaq na ajong. 29Ngi raq ara, ümchaü namshiq ma kra mra pin wan aranaiq akhing ka misaü wan shaq na, tlu na bom chongkuq tiikang arka, kra chong tiikang aranaiq kriishe saü wan jai, namshiq raq i bomchong arka teng wato dea nguta, ngi ma mikam laq, nguta ngo maq namshiq ma chongkuq tiipha ahata. 30Ngi ka ümchaü namshiq rai manphan riichan apa ka riibom lap mang she. Ara jamkhano chongtiikang ngukla, ara mangjong hiq ara rümti we ka saü wanto she. Apaiq raq ngi ka hupkhang wanlot mak. 31Shatmaq, mangjong maiqse raq ara bomtsi ara sap chang akhek. Ngi raq i We ka kai lungwii tiikang. Kriikha maq, phanrap na, i We raq ngi ma jamlai bomtsi wa chongkuq tlaq, kriili ngi raq sham tiikang.
“Lo, tiidong rongphiishe. Nashiq ka arjam maq tiido rong i she. Warong i.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tangsa Naga Bible - ASII LAKDAP
Copyright © 2015 by The Bible Society of India
Used by permission. All rights reserved worldwide.