JOHAN 17
17
Jesuq Raq Asengi Miitu Achu Jaüto
1Jesuq raq arthun bomtsi ara ajaqshisetiim ma chongkuq lot raütiishe, apaiq raq ra nü na liito. Raüta, akha achu jaüto, “I We lei, akhing saüto she. Üm Se khushü ka tiijong laq. Krai mren, üm Se riimin üm khushü ka mitiijong. 2Ümniiraq apaiq ma maiqse angu wiita hupkhang wan miitu arang ka kuq laü she. Krai mren, ümniiraq apaiq ma sengi ümchuwa kuq laü, kriima apaiq raq pattup pat-sa rilung she mikuq. 3Riita pattup pat-sa rilung ngutlaq: Tsangshiq raq ümnaq kli riikhaqli Shiikeawe nguta sap tlo kiimaq ümniiraq atiiki haü Jesuq Khristo kra sap tlaq kra tsangshiq ma pattup pat-sa rilung. 4Ngi raq üm khushü jonglu ka mangjong hiq na tiichhi kuq kang she. Kiimaq ümniiraq ngi ma jaqsham athaü haü kriimin kun li shamkuq kang. 5I We lei! Riita ümchaü min, ra nai hiq min mitiiq shaq niiphü, i khushü jonglu siwantaq irhali, ümchaü ümniirai mantut na, tiijong kuq nonglaq.
6“Ümniiraq ngi ma mangjong hiq wa maiqse ümchuwa kuq laü, tsangshiq ma ngi raq üm mang ka triisap kuq kang she. Tsangshiq ka ümsengi. Ümniiraq tsangshiq ka i wokhong na tiisi laü. Tsangshiq raq ümbomtsi ka lang wanto she. 7Kiimaq ümniiraq ngi ma phanrap kuq laü irka, ümjaq wiidea nguta ümchaü tsangshiq raq wiita sapto she. 8Ümniiraq ngi ma ümbomtsi ka tsangshiq ma chongkuq laq nguta, thaü laü irka, ngi raq tsangshiq ma, chongkuq kang she. Kiimaq tsangshiq raq, ümbomtsi ka tao wanto she. Tsangshiq raq ngi ka ümpha wiidea akiha ngutiimin sap wanto she. Kiimaq, tsangshiq raq ngi ka ümniiraq atiikihaü dea nguta kamtlo.
9“Ngi raq tsangshiq miitu achu jaü tiikang. Ngi raq mangjong maiqse miitu ka achu jaü mang. Shatmaq, ümniiraq ngi ma ümchuwa kuq laü, tsangshiq miituli achu jaükuq tiikang. Tsangshiq ka ümsengi. 10Ngi rii ümchuwa sitlaq kriika ümniirii. Kiimaq, ümniirii ümchuwa sitlaq, kriika ngi rii. Kiimaq, tsangshiq lümaq, i khushü jong ara tiichhikuq tlo. 11Riita, ümchaü ka ngi ümphana wawan she. Ngi ka mangjong hiq na simang she. Shatmaq, tsangshiq ka mangjong hiq niili. Asii i We lei! Tsangshiq ka ümmang jong ningkun, ngi ma kuqlaü kriimaq khup wong kuqshat riilaq. Krai mren, nanai jamkho kiqshi maq sitiikai, kiikhiisii tsangshiq min kiqshi tsiimshi maq mishong nga laq. 12Ngi ka tsangshiq rai adam sikang liipan na, ümniiraq akuq haü ümmang jong ningkun maq, ngi raq tsangshiq ka khup wong kuqshat maq rüm wan kang. Ngi raq tsangshiq phong wa, ashi min tiiko mang maq, aheawiq maq tiichhan chhi wan kang. Ashi momiq wantaq riiwe kla, Asii lakdap na awaiq thü bomtsi kra tiikupi wan nguta sholam wailam phan na kihoto. 13Riita, ümchaü ka ngi ümphana wawan nong she. Kiimaq, arthun chongkuq tiikang arka, tsangshiq ka tsan na chochi asho-awo maq misi laq nguta ngo maq chongkuq tiikang. 14Ngi raq tsangshiq ma ümbomtsi ka chongkuq kang she. Kriikha maq, mangjong maiqse raq, tsangshiq ka ngeng tlo. Ara jamkhano ngukla, ngi ka mangjong hiq rii riimang. Krai mren, tsangshiq kiimin mangjong hiq rii riimak. 15Ngi raq tsangshiq ka mangjong hiq arwa ümniiraq shea wan laq ngutiika ngu mang. Shatmaq, tsangshiq ka Abi Thawe maklii kiiwa khup wong kuq shat riilaq nguta achü jaü tiikang. 16Ngi ka mangjong hiq rii riimang. Krai mren, tsangshiq kiimin mangjong hiq rii ka riimak. 17Tsangshiq ka tengteng bomtsi phumram kham maq tiisii bat kuq laüta, ümwokhong na asii wiq maq rümkom laq. Ümbomtsi ka tengteng. 18Ümniiraq ngi ka jamkho mangjong hiq na tiikilaü, kiikhiisii hali, ngi raq tsangshiq kiimin mangjong hiq na tiiki tiikang. 19Kiimaq, ngi raq i khum arka tsangshiq tingkhu na, ümniima kiinong kuq tiikang. Krai mren, tsangshiq riimin, tsangshiq khum ka, ümniima kiinong kuq raüta misi laq.
20“Ngi raq achu jaü tiikang arka, tsangshiq miitu lamlamse li ka riimak. Shatmaq, tsangshiq raq traho bom chongkuq tlaq kra tsütsa tai raüta, ngi ma ümchuwa kamwan tlaq, kriiti miitu min, achu jaükuq tiikang. 21Ngi raq, tsangshiq tarü ka weshi ikha, kiqshi tsiimshi miidea mishong nga laq nguta, achu jaü tiikang. I We lei! Tsangshiq ka nanai puk na mishang laq. Ümniika i pum na, kiimaq ngi ka ümpum na. Tsangshiq ka pumshi ikha mija wan laq. Krai mren, mangjong maiqse raq, ngi ka ümniiriidea tiiki laü nguta mikam wan. 22Ümniiraq ngi ma i khushü jonghea kuq laü. Kriika, ngi raq tsangshiq miishe kuq kang. Arka, nanai jamkho pumshi hanshi maq sitiikai, akhiisii hali, tsangshiq kiimin pumshi hanshi maq misi laq nguta ngo maq kuq tiikang. 23Ngi ka tsangshiq rai pumshi. Kiimaq ümniika ngi rai pumshi. Krai mren, tsangshiq ka weshi ikhli she misi laq. Ara chhi raütiishe, mangjong maiqse raq, ngi ka ümniiriidea tiikilaü, kiimaq ümniiraq tsangshiq ka ngi jamkho lungwii tlaü, kiikhiisii lungwii tlaü ngutiishe misap wan.
24“I We lei! Ümniiraq tsangshiq ka i sengi ma tiija wan laü she. Krai mren, ngi raq tsangshiq ka, ngi ümbano sitiikang, kiijaq ngi rai adam na tiisi wan dam rotiikang. Akha siwan hai jiitiq, ümniiraq i khushü tiijong kuq laü kra, tsangshiq raq michhi wan. Ara jamkhano chongtiikang ngukla, ara ra nai hiq armin mitiiq pha wan shaq niiphü dongdii, ümniiraq ngi ka lungwii wan laü ihata. Kriikha maq, i khushü tiijong kuq tlaü kata. 25I We lei! Ümniika tingting! Mangjong maiqse raq ümniika juwa sap mak. Shatmaq, ngi riika asap ha. Kiimaq artiim riimin, ngi ka ümniiriidea mangjong hiq na tiiki laü nguta asap. 26Ngi raq tsangshiq ma, ümmang ka triisap kuq wan kang she. Kiimaq, arthaq niimin ngi raq ümmang ka tsangshiq ma, atsaü maq triisap kuq wan ruq li mirha. Krai mren, ümniiraq ngi lungwii tlaü, ümmang chan tsantsii ka tsangshiq tsan mong na misi wan. Krai mren, ngi min tsangshiq rai tsanshi mongshi maq misi wan dam ha.”
Currently Selected:
JOHAN 17: TANGSBSI
Highlight
Share
Copy
Want to have your highlights saved across all your devices? Sign up or sign in
Tangsa Naga Bible - ASII LAKDAP
Copyright © 2015 by The Bible Society of India
Used by permission. All rights reserved worldwide.
JOHAN 17
17
Jesuq Raq Asengi Miitu Achu Jaüto
1Jesuq raq arthun bomtsi ara ajaqshisetiim ma chongkuq lot raütiishe, apaiq raq ra nü na liito. Raüta, akha achu jaüto, “I We lei, akhing saüto she. Üm Se khushü ka tiijong laq. Krai mren, üm Se riimin üm khushü ka mitiijong. 2Ümniiraq apaiq ma maiqse angu wiita hupkhang wan miitu arang ka kuq laü she. Krai mren, ümniiraq apaiq ma sengi ümchuwa kuq laü, kriima apaiq raq pattup pat-sa rilung she mikuq. 3Riita pattup pat-sa rilung ngutlaq: Tsangshiq raq ümnaq kli riikhaqli Shiikeawe nguta sap tlo kiimaq ümniiraq atiiki haü Jesuq Khristo kra sap tlaq kra tsangshiq ma pattup pat-sa rilung. 4Ngi raq üm khushü jonglu ka mangjong hiq na tiichhi kuq kang she. Kiimaq ümniiraq ngi ma jaqsham athaü haü kriimin kun li shamkuq kang. 5I We lei! Riita ümchaü min, ra nai hiq min mitiiq shaq niiphü, i khushü jonglu siwantaq irhali, ümchaü ümniirai mantut na, tiijong kuq nonglaq.
6“Ümniiraq ngi ma mangjong hiq wa maiqse ümchuwa kuq laü, tsangshiq ma ngi raq üm mang ka triisap kuq kang she. Tsangshiq ka ümsengi. Ümniiraq tsangshiq ka i wokhong na tiisi laü. Tsangshiq raq ümbomtsi ka lang wanto she. 7Kiimaq ümniiraq ngi ma phanrap kuq laü irka, ümjaq wiidea nguta ümchaü tsangshiq raq wiita sapto she. 8Ümniiraq ngi ma ümbomtsi ka tsangshiq ma chongkuq laq nguta, thaü laü irka, ngi raq tsangshiq ma, chongkuq kang she. Kiimaq tsangshiq raq, ümbomtsi ka tao wanto she. Tsangshiq raq ngi ka ümpha wiidea akiha ngutiimin sap wanto she. Kiimaq, tsangshiq raq ngi ka ümniiraq atiikihaü dea nguta kamtlo.
9“Ngi raq tsangshiq miitu achu jaü tiikang. Ngi raq mangjong maiqse miitu ka achu jaü mang. Shatmaq, ümniiraq ngi ma ümchuwa kuq laü, tsangshiq miituli achu jaükuq tiikang. Tsangshiq ka ümsengi. 10Ngi rii ümchuwa sitlaq kriika ümniirii. Kiimaq, ümniirii ümchuwa sitlaq, kriika ngi rii. Kiimaq, tsangshiq lümaq, i khushü jong ara tiichhikuq tlo. 11Riita, ümchaü ka ngi ümphana wawan she. Ngi ka mangjong hiq na simang she. Shatmaq, tsangshiq ka mangjong hiq niili. Asii i We lei! Tsangshiq ka ümmang jong ningkun, ngi ma kuqlaü kriimaq khup wong kuqshat riilaq. Krai mren, nanai jamkho kiqshi maq sitiikai, kiikhiisii tsangshiq min kiqshi tsiimshi maq mishong nga laq. 12Ngi ka tsangshiq rai adam sikang liipan na, ümniiraq akuq haü ümmang jong ningkun maq, ngi raq tsangshiq ka khup wong kuqshat maq rüm wan kang. Ngi raq tsangshiq phong wa, ashi min tiiko mang maq, aheawiq maq tiichhan chhi wan kang. Ashi momiq wantaq riiwe kla, Asii lakdap na awaiq thü bomtsi kra tiikupi wan nguta sholam wailam phan na kihoto. 13Riita, ümchaü ka ngi ümphana wawan nong she. Kiimaq, arthun chongkuq tiikang arka, tsangshiq ka tsan na chochi asho-awo maq misi laq nguta ngo maq chongkuq tiikang. 14Ngi raq tsangshiq ma ümbomtsi ka chongkuq kang she. Kriikha maq, mangjong maiqse raq, tsangshiq ka ngeng tlo. Ara jamkhano ngukla, ngi ka mangjong hiq rii riimang. Krai mren, tsangshiq kiimin mangjong hiq rii riimak. 15Ngi raq tsangshiq ka mangjong hiq arwa ümniiraq shea wan laq ngutiika ngu mang. Shatmaq, tsangshiq ka Abi Thawe maklii kiiwa khup wong kuq shat riilaq nguta achü jaü tiikang. 16Ngi ka mangjong hiq rii riimang. Krai mren, tsangshiq kiimin mangjong hiq rii ka riimak. 17Tsangshiq ka tengteng bomtsi phumram kham maq tiisii bat kuq laüta, ümwokhong na asii wiq maq rümkom laq. Ümbomtsi ka tengteng. 18Ümniiraq ngi ka jamkho mangjong hiq na tiikilaü, kiikhiisii hali, ngi raq tsangshiq kiimin mangjong hiq na tiiki tiikang. 19Kiimaq, ngi raq i khum arka tsangshiq tingkhu na, ümniima kiinong kuq tiikang. Krai mren, tsangshiq riimin, tsangshiq khum ka, ümniima kiinong kuq raüta misi laq.
20“Ngi raq achu jaü tiikang arka, tsangshiq miitu lamlamse li ka riimak. Shatmaq, tsangshiq raq traho bom chongkuq tlaq kra tsütsa tai raüta, ngi ma ümchuwa kamwan tlaq, kriiti miitu min, achu jaükuq tiikang. 21Ngi raq, tsangshiq tarü ka weshi ikha, kiqshi tsiimshi miidea mishong nga laq nguta, achu jaü tiikang. I We lei! Tsangshiq ka nanai puk na mishang laq. Ümniika i pum na, kiimaq ngi ka ümpum na. Tsangshiq ka pumshi ikha mija wan laq. Krai mren, mangjong maiqse raq, ngi ka ümniiriidea tiiki laü nguta mikam wan. 22Ümniiraq ngi ma i khushü jonghea kuq laü. Kriika, ngi raq tsangshiq miishe kuq kang. Arka, nanai jamkho pumshi hanshi maq sitiikai, akhiisii hali, tsangshiq kiimin pumshi hanshi maq misi laq nguta ngo maq kuq tiikang. 23Ngi ka tsangshiq rai pumshi. Kiimaq ümniika ngi rai pumshi. Krai mren, tsangshiq ka weshi ikhli she misi laq. Ara chhi raütiishe, mangjong maiqse raq, ngi ka ümniiriidea tiikilaü, kiimaq ümniiraq tsangshiq ka ngi jamkho lungwii tlaü, kiikhiisii lungwii tlaü ngutiishe misap wan.
24“I We lei! Ümniiraq tsangshiq ka i sengi ma tiija wan laü she. Krai mren, ngi raq tsangshiq ka, ngi ümbano sitiikang, kiijaq ngi rai adam na tiisi wan dam rotiikang. Akha siwan hai jiitiq, ümniiraq i khushü tiijong kuq laü kra, tsangshiq raq michhi wan. Ara jamkhano chongtiikang ngukla, ara ra nai hiq armin mitiiq pha wan shaq niiphü dongdii, ümniiraq ngi ka lungwii wan laü ihata. Kriikha maq, i khushü tiijong kuq tlaü kata. 25I We lei! Ümniika tingting! Mangjong maiqse raq ümniika juwa sap mak. Shatmaq, ngi riika asap ha. Kiimaq artiim riimin, ngi ka ümniiriidea mangjong hiq na tiiki laü nguta asap. 26Ngi raq tsangshiq ma, ümmang ka triisap kuq wan kang she. Kiimaq, arthaq niimin ngi raq ümmang ka tsangshiq ma, atsaü maq triisap kuq wan ruq li mirha. Krai mren, ümniiraq ngi lungwii tlaü, ümmang chan tsantsii ka tsangshiq tsan mong na misi wan. Krai mren, ngi min tsangshiq rai tsanshi mongshi maq misi wan dam ha.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tangsa Naga Bible - ASII LAKDAP
Copyright © 2015 by The Bible Society of India
Used by permission. All rights reserved worldwide.