LUKE 1
1
1Keiyei malungshina Theophilus: Thimi rapne kaihangrei thukkur lhourap heiya muyernanungei toubine yane maneyei'mkhei mayethutnanungei marshikwurkhou. 2#1 Jn 1.1; Pao 1.21; Heb 2.3. Haallei waiyoubi yai mitne muthungbi heirou yane kanungei shunthutdurkhou lhangaiyei paolaa heiya yane mayethutkhoulei. 3#Pao 1.1. Heineri, Neiyei thang lhangai hoiniyasu, ngamri, keine lhoubomrap namyerwa heiya waiyouna'rouweine lhangaidui holphabi, heirapya lhangaine heirou waiknaini neinungkhi mayepine lhangairou'same toubi keinekhi ningchalei. 4#Jn 20.31. Heini ngam hoibine neinungei shunmatupikur namyerwa heiya chimhakme toubi munanungei keinekhi neinungei mayepilei.
Yuiluppi John'ya Puknanungei Shunthutkhou
5 #
1 Ch 24.10. Herod'ne Judea'yei Krung hoiyeinung, Suipipu Abijah'yei phunghlamrei Zechariah toubi ung Suipipu khat leikhou. Heirou aiyei nuei minri Elizabeth toubi ung, a heiwikhi Suipipuei phunghlamrei pukkhou napuiya khat. 6Yakhu shangram heiri Dunpuei Tloulamrap heirou Chaytlou rapya hilthungbi Dunpuei maibongra lhangaiyei chaanra paalkhou. 7Yakhu shangramri chanaokhi leikhoumak, ngamri tarwurnei cha pukmakur. 8Nungkhatnui'rouri Zechariah'ne Pukhrumna Cheemra Puwatlhou toubine leiyeinungri, 9#Hoy 30.7. yai Pukhrumna Cheemmei youkna khoine heinenungri khrahpal doura Pukhrumnei mrohmei hongnei trumri anung hungdakur. Heitounei ngamrou ane Pukhrumna Cheemwaira wachangkur. 10Heirou ane mrohmei hongbi leiyeinung thimichung rapne cheem baora leibi, yane Dunpuya khrumchakur. 11#Lk 2.9; Pao 5.19. Heirouri Puei Thangring khatne mrohmei hongbi klei khrahpallei thya lhangra mayungbine anungei muyerkur. 12Heirou Zechariah'ne aya muwurnarouri, aiyei ukningra plangkur, heirou chi'knakhi kathukkur. 13#Lk 1.30,60. Heiya Thangring heine anung shun, “Chimak, Zechariah! Ngamri neiyei shunchakur heiri Dunpune mayekpila, heirou neinu heiwini neinungei chanapawa khat pukpirou. Heirou nangne aiyei min John toubine thulpirou. 14Heirouri naiyei nungkngai hakrao hoirou, heirou thimi dei rapkhi aya pukyeinung nungkngai langthourou! 15#Msh 6.3; Lk 7.33. A heiri Dunpuei mit'thrilnara tang thimi khat hoirou. A heiri tulkhi mongmakrou. Heitoubi a heiri puknarei waiyoubine Lhawai Khyingne thimrou, 16heirou ane Israellei thimi rapya yaiyei Dunpuei bira yenruilhakpirou. 17#Mal 4.5; Mt 11.14; 17.13. Heitoubi ane Upawaei maibongra lamkrini loucharou, heitoubi Elijahnakne lhawaira mantrang napawa khat hoirou. Ane pa rapbei ukning heiri chanao rapnung'tlim khouyerou; heitoubi shunya ningmak thimi rapya ane shingkheiyei chim'lhoura khalyernanung kallengyerthurou; heitoubi ane Dunpuei thimi rapya anung'tlim marshikyerheirou.” 18#Lk 1.34. Heirouri Zechariah'ne Thangring heinung loukngai, “Neiyei kyun heiya keine koutoubi muserouwo? Koungameiyo toulangnungri keiri tarwura, heirou keiyei nukhi beimakne yentarwura.” 19#Dan 8.16; 9.21; Mt 18.10. Heirou Thangring heine anung loushun, “Keiri Gabrial, keiya yenyilpi Dunpuei maibongra keine mayungbi leilei. Heirou neinungei anakei lhangai paoya shunpinanungei toubine keiya yenkyil. 20Heiya nangne keiyei shunpikur pao lhangai awaya uklumpimaklei! Tlou awari aiyei trum hungtlungeinung chimne hungthukeirou. Nangne uklumpimaknei ngamrou, nangri tlou thukmakarou, heirouri keiyei tlou kantom awaya chimne hungthukbongyenri, nangri tlouyun manemakarou.” 21Heirouri thimi rapne ngaakbi leiyeinung yane yunkril, ‘Kouya tounei Zechariah'ne Pukhrumna Cheemwaira heinak tlane leikurasa?’ toubine ningchakur. 22Heirouri ane yenkallengeinung, a heiri kou tloukhi yunthut manemakura, heirouri yane loumukur touri ane Pukhrumna Cheemwaira kar'anbi Dunpuei mairungya muwurlarou. Heirou ane tlou yunchangmakurnei ngamrou, yanungei aiyei hutne martupikur. 23Heirou ane Pukhrumna cheemmei puwatlhou churnei trum luikur heirouri, Zechariah'ne aiyei cheemra kallengkur. 24Heihillou tlamakne leibi aiyei nu Elizabeth heiri nao uryouwura, heitounei ngamrou ane tangla tlun-phanga cheem'rouwei pothutmakne munne yulbi leikur. 25#Kan 30.23; Isa 4.1. Heirou ane kyun, “Arouri Dunpune keiya trungpila, Ane keiyei thimi rapbei maibongrei rikraikna heiwaya louthutdurpila!” 26Elizabethni sharitbi klei heiri tangla tlun-thruk hungtlungkur heirouri Dunpune Gabrial Thangringya Galilee'yei yulthungra yenhilkur. 27#Mt 1.18. Heirou ane David'yei phungh lamrei Joseph toubi ung napawa khatdei ngaimankhou nangaka Marynung paolhangai yenpikur. 28Thangring heine yongbi anungei shun, “Napuiya rapbei hangra likarsui lhangaiwi, Neiyei malungdam hoiyalo! Dunpune neiya kalhonpilei, heitoubi neiya kringpilaksu!” 29Maryne aiyei tlouya mayeknarou aiyei ukningra kalthi plangkur, heirou aiyei kyun tlou heiwari kouweiyo toubi ngakkur. 30#Lk 1.13. Heirou Thangring heine anung loushun, “Chimaklo, Mary; Dunpune neiya beimakne kringpilei. 31#Mt 1.21. Nangne nao urrou, heitoubi neiyei chanapawa khat pukrou, heirou nangne Aiyei min Jesu toubi ungrou. 32#2 Sa 7.12,13,16; Isa 9.7. A heiri beimak thang lhangai thimi hoirou, heitoubi Aya yerrouwei tangdui-choudui Dunpuei Chanapawa toubi ungrou.”
Umpu Dunpune Aya Aiyei patar David'nakne hoiyerrou.
33“Heirouri Ane Jacobei yu-cha rapbei Krung hoibine, Aiyei Krungbom heiri klui naimakne thrungeirou!” 34#Lk 1.18. Heirou Maryne Thangringnung loukyun, “Keiri nangaka khuime. Heinakei lhou heiya koutoubi keinungei thukrouwo?” 35#Mt 1.20. Heirou Thangring heine anung loumallang, “Lhawai Khyingne neidoura yongtungbi, heirou Dunpuei mantrang heiri neinungei leipirou. Heine ngam hoibine Khyingei Chanapawa heiya Dunpuei Chanapawa toubi ungrou. 36Neiyei neene Elizabethya thilak, a heiwiri chanao tlamakaroume toubine leikhou, heiya a heiri tarkurya hoiyanungkhi, angturi nao urbi ai'msha ritkur heiwari tangla tlun-thruk hungtlungura. 37#Kan 18.14; Lk 11.27-28. Arou Dunpuei touchangmakri koukhatkhi mak.” 38“Keiri Puei shok-napuiya khatme, heine Neiyei kyun heinakrimne keinungei thukniyasu,” toubi Maryne loukyun. Heirouri Thangring heine aya lakurkhoubi shaalkur.
Maryne Elizabethya Wamuril
39Heiyei hillouri Maryne khnotni marshikbi, heirou ane khnotni lhungdou ramra klei Judeaei Krungkul heirou wakur. 40Ane Zechariahyei cheemra wachangbine, Elizabethya murilnei tlouya bebine wakaryemkur. 41Heirouri Elizabeth'ne Mary'ne karyemnei tlouya wabekur heiwaya loumayeknarouri, aiyei ukrei nao heichane loukanchekchakur. Heirou Elizabeth'ri Lhawai Khyingne thimkur; 42heirou ane hou chouni loukyun, “Nangri napuiya nam'rouwei duiyei likarsui lhangai napuiya khat, heirou neiyei pukrou kyou chanapawa heikhi likarsuiyei chanapawa hoirou! 43Kouya tounanungei keinung anakei lhouya thukyerkuro, touri keiyei Puei puiwine keiyei leinara wabine murilkur awari kouwo? 44Ngamri keine neiyei murilnei karyem tlou wabekurya loumayekkurle, tallengne keiyei ukrilrei nao ari hakrao nungkngaine chunchawura. 45Dunpuei lhangai pao heiri chimne hungthukeirou toubi nangne malungamkur heiso neinung kounakei nungkngai hoikurawo!”
Mary'ne Dunpuya Mathangnei Laa
46Heirou Maryne kyun, “Keiyei ukningne Dunpuya mathanglei, 47Kei lhawairi keiyei Dunpu Kalpipuei ngamrou nungwailei. 48Ngamri, Ane Aiyei mandikur naiwi keiya malumpimakne yukthrilpilei! Arouwei waiyoubi thimi namyerne keiyari likarsuiwi toubine ungpirouleiya. 49Kouweiyo toulanungri, thang'allei Dunpune keinungei tangkur lhoubomya toupiwurla. Aiyei minri khying hoiniyasu! 50Chaan khat'rouweine chaan khat phane Aya rikrai khrumpi thimi rapnung kringpiya mutpilei. 51Ane Aiyei mantrangkur hutya malanthutpi, heirou lhangaimak tangcha thimi rapya yai lhangaimak waikraang heiya khepchekkurla. 52Ane mantrangkur Krung rapya yaiyei krungbom heirouwei taangsundawurbi, heirou kanring-kanwai, mandicha rapya choune taangbaangpiwurla. 53Ane msul thimi rapya lhangaiyei lhoune thimyerpi, heitoubi laldun thimi rapya hutdingni malhetkur. 54Ane kaiyei nutar-patar rapnung kantomkhou heiya tlungyerpi, heirou Aiyei shok Israel rapya trungpinanungei pothutpi. 55#Mic 7.20; Kan 17.7; 18.18; 22.17. Ane Abraham'nung kringpinei lhoubomya mayekthutpilei; heirou aiyei yu-charap namyeryakhi malumpimaklei!” 56Maryne Elizabeth'le pulne tangla tlun'khyum leimalnakhoubi, heirou ane aicheemra shaalkur.
Yuiluppi John'ya Puknei
57Heirou Elizabeth naokhounei trum hungnarouri, ane chanapawa khat pukkurla. 58Heirou aiyei cheemlhunyei thimi rapne, heirou aiyei cheemkhur-rokhurrei thimirap nammanekhi, Dunpune aidoura kounak kngakkei lhouya thukyerkurya, heirou heinak lhangaiyei likarsui hoiyerwurnei lhouya mayeknarouri, yane nungkngai hakraone wachangbi ale pulne leimalnakur. 59#Lev 12.3; Kan 17.12. Heirouri nao heiri hapta khat hungtlungkur heirouri, yane aya murdinnei lhou tounanungei marshikkur, heitoubi yane aiyei min heiri ‘Zechariah’ toubi aiyei pawaei min hilthungne thulnanungei marshikkur. 60Heiya aiyei puiwine yamakne, “Tourimakhui! Aiyei min heiri heisi ungmakrou, heiya ‘John’ toubi ungrou,” toubi loukyun. 61Heisi tounarouri yane, “Heiya naiyei cheemkhur-bommai arouri heinaksi minri hunekhi ungrilmakhuilei!” toubi anungei heishun. 62Heirouri yane aiyei pawanung hutne martubi, anungei nao heiya kounaksi minya ungnileiyo toubine heingaithikur. 63#Lk 1.13. Heirou Zechariah'ne mayenanungei thlungpak khatle heirou mayechei khat bubine, “Aiyei minri John toubi ungrou” toubine ane mayethutpikur. Heirouri yane beimak ngakkur! 64Heirouri Zechariah heiri hanui tlou yunthut manekur, heirou ane Dunpuya mathangkur. 65Heirou yaiyei cheemlhunyei thimi rapri beimakne chikur, heirouri pao heiwari Judeayei ram karyoune mayekkur. 66Heiyei lhouya mayekkur thimirap namyerwane yaiyaiyei ukningra ningchabi yunkril, “Anakei chanapawa ari kounaksi thimi hoiwurleisanu?” Ngamri Dunpuei mantrangei hut heiri aidoura kalhonpilei.
Zechariahyei Yunthutkhou Tlourap
67John'yei pa Zechariah'ri Lhawai Khyingne thimbi, heirou ane Dunpuei pao lhangai yunthutkhou: 68“Kane Israellei Pu Dunpuya mathangase! Ane aiyei thimi rapya trungpinanung yongpilei, heirou Ane yaya malhetthutpila. 69Ane kanungei thang'allei Kalpipu khat malanpila, heirou A heiri Aiyei shok David'yei yu-cha. 70Ane bongei waiyoubi Aiyei khying Thimkhui rapnung tlou kantompi khoula, 71touri Ane kaya kaiyei yeekna thimi rapbei hutrouwei kalpirou, heirou kaya machin thimi rapbei mantrangrouwei kalpirou. 72Ane yunkhou touri kaiyei patar rapnungei Aiyei kringpi kheiya mutpirou, heitoubi Aiyei khying mardingpikur heiwaya ningthutpirou. 73Kaiyei Patar Abrahamnung rekrek tlou kantombi mardingpikhou, touri Ane kaiyei yeekna thimi rapbei hutrouwei kaya lhukthutpirou; 74heitoubi Ane kaya koukhi chi'kna makne Aya watlhou touyerlei, 75heineri kaiyei chaan khatrou Aiyei maibongra khying thimi heirou tharmu chim thimirap hoirouda.
76“Keiyei Chanapawa, Neiyari Yerrouwei Choudui Dunpuei Thimkhui khat hoirou. Nangne Puei maibong loulamribi Aiyei lamya loumarshikrou, 77heirou thimi rapya yaiyei papya kukpibi kalpi pharou toubine shunthutpirou. 78Kaiyei Dunpuri Kringpikhei heirou malungshi khei. Ane kanungei Ralthutpinei kwaarya phayerpirou, 79heitoubi kmehyei khiyaram daakra klei thimirap namyerrei doura Thangmunrei yukwaarpirou, heiyanungri kai chaanyei hokarya kyingei 80#Lk 2.40; 2.52. lamra ruipirou.” Douwa heichari lhawairakhi heirou sharungrakhi tangbaangurbi rongtlungura. Heitoubi ane Israellei kulyom maibongra pothutbongyenri ramhangra karwaichabithil leikhou.
Currently Selected:
LUKE 1: MARIBSI
Highlight
Share
Copy
Want to have your highlights saved across all your devices? Sign up or sign in
Maring Naga Bible - KHYINGEI PU'TLOU
Copyright © 2013 by The Bible Society of India
Used by permission. All rights reserved worldwide.
LUKE 1
1
1Keiyei malungshina Theophilus: Thimi rapne kaihangrei thukkur lhourap heiya muyernanungei toubine yane maneyei'mkhei mayethutnanungei marshikwurkhou. 2#1 Jn 1.1; Pao 1.21; Heb 2.3. Haallei waiyoubi yai mitne muthungbi heirou yane kanungei shunthutdurkhou lhangaiyei paolaa heiya yane mayethutkhoulei. 3#Pao 1.1. Heineri, Neiyei thang lhangai hoiniyasu, ngamri, keine lhoubomrap namyerwa heiya waiyouna'rouweine lhangaidui holphabi, heirapya lhangaine heirou waiknaini neinungkhi mayepine lhangairou'same toubi keinekhi ningchalei. 4#Jn 20.31. Heini ngam hoibine neinungei shunmatupikur namyerwa heiya chimhakme toubi munanungei keinekhi neinungei mayepilei.
Yuiluppi John'ya Puknanungei Shunthutkhou
5 #
1 Ch 24.10. Herod'ne Judea'yei Krung hoiyeinung, Suipipu Abijah'yei phunghlamrei Zechariah toubi ung Suipipu khat leikhou. Heirou aiyei nuei minri Elizabeth toubi ung, a heiwikhi Suipipuei phunghlamrei pukkhou napuiya khat. 6Yakhu shangram heiri Dunpuei Tloulamrap heirou Chaytlou rapya hilthungbi Dunpuei maibongra lhangaiyei chaanra paalkhou. 7Yakhu shangramri chanaokhi leikhoumak, ngamri tarwurnei cha pukmakur. 8Nungkhatnui'rouri Zechariah'ne Pukhrumna Cheemra Puwatlhou toubine leiyeinungri, 9#Hoy 30.7. yai Pukhrumna Cheemmei youkna khoine heinenungri khrahpal doura Pukhrumnei mrohmei hongnei trumri anung hungdakur. Heitounei ngamrou ane Pukhrumna Cheemwaira wachangkur. 10Heirou ane mrohmei hongbi leiyeinung thimichung rapne cheem baora leibi, yane Dunpuya khrumchakur. 11#Lk 2.9; Pao 5.19. Heirouri Puei Thangring khatne mrohmei hongbi klei khrahpallei thya lhangra mayungbine anungei muyerkur. 12Heirou Zechariah'ne aya muwurnarouri, aiyei ukningra plangkur, heirou chi'knakhi kathukkur. 13#Lk 1.30,60. Heiya Thangring heine anung shun, “Chimak, Zechariah! Ngamri neiyei shunchakur heiri Dunpune mayekpila, heirou neinu heiwini neinungei chanapawa khat pukpirou. Heirou nangne aiyei min John toubine thulpirou. 14Heirouri naiyei nungkngai hakrao hoirou, heirou thimi dei rapkhi aya pukyeinung nungkngai langthourou! 15#Msh 6.3; Lk 7.33. A heiri Dunpuei mit'thrilnara tang thimi khat hoirou. A heiri tulkhi mongmakrou. Heitoubi a heiri puknarei waiyoubine Lhawai Khyingne thimrou, 16heirou ane Israellei thimi rapya yaiyei Dunpuei bira yenruilhakpirou. 17#Mal 4.5; Mt 11.14; 17.13. Heitoubi ane Upawaei maibongra lamkrini loucharou, heitoubi Elijahnakne lhawaira mantrang napawa khat hoirou. Ane pa rapbei ukning heiri chanao rapnung'tlim khouyerou; heitoubi shunya ningmak thimi rapya ane shingkheiyei chim'lhoura khalyernanung kallengyerthurou; heitoubi ane Dunpuei thimi rapya anung'tlim marshikyerheirou.” 18#Lk 1.34. Heirouri Zechariah'ne Thangring heinung loukngai, “Neiyei kyun heiya keine koutoubi muserouwo? Koungameiyo toulangnungri keiri tarwura, heirou keiyei nukhi beimakne yentarwura.” 19#Dan 8.16; 9.21; Mt 18.10. Heirou Thangring heine anung loushun, “Keiri Gabrial, keiya yenyilpi Dunpuei maibongra keine mayungbi leilei. Heirou neinungei anakei lhangai paoya shunpinanungei toubine keiya yenkyil. 20Heiya nangne keiyei shunpikur pao lhangai awaya uklumpimaklei! Tlou awari aiyei trum hungtlungeinung chimne hungthukeirou. Nangne uklumpimaknei ngamrou, nangri tlou thukmakarou, heirouri keiyei tlou kantom awaya chimne hungthukbongyenri, nangri tlouyun manemakarou.” 21Heirouri thimi rapne ngaakbi leiyeinung yane yunkril, ‘Kouya tounei Zechariah'ne Pukhrumna Cheemwaira heinak tlane leikurasa?’ toubine ningchakur. 22Heirouri ane yenkallengeinung, a heiri kou tloukhi yunthut manemakura, heirouri yane loumukur touri ane Pukhrumna Cheemwaira kar'anbi Dunpuei mairungya muwurlarou. Heirou ane tlou yunchangmakurnei ngamrou, yanungei aiyei hutne martupikur. 23Heirou ane Pukhrumna cheemmei puwatlhou churnei trum luikur heirouri, Zechariah'ne aiyei cheemra kallengkur. 24Heihillou tlamakne leibi aiyei nu Elizabeth heiri nao uryouwura, heitounei ngamrou ane tangla tlun-phanga cheem'rouwei pothutmakne munne yulbi leikur. 25#Kan 30.23; Isa 4.1. Heirou ane kyun, “Arouri Dunpune keiya trungpila, Ane keiyei thimi rapbei maibongrei rikraikna heiwaya louthutdurpila!” 26Elizabethni sharitbi klei heiri tangla tlun-thruk hungtlungkur heirouri Dunpune Gabrial Thangringya Galilee'yei yulthungra yenhilkur. 27#Mt 1.18. Heirou ane David'yei phungh lamrei Joseph toubi ung napawa khatdei ngaimankhou nangaka Marynung paolhangai yenpikur. 28Thangring heine yongbi anungei shun, “Napuiya rapbei hangra likarsui lhangaiwi, Neiyei malungdam hoiyalo! Dunpune neiya kalhonpilei, heitoubi neiya kringpilaksu!” 29Maryne aiyei tlouya mayeknarou aiyei ukningra kalthi plangkur, heirou aiyei kyun tlou heiwari kouweiyo toubi ngakkur. 30#Lk 1.13. Heirou Thangring heine anung loushun, “Chimaklo, Mary; Dunpune neiya beimakne kringpilei. 31#Mt 1.21. Nangne nao urrou, heitoubi neiyei chanapawa khat pukrou, heirou nangne Aiyei min Jesu toubi ungrou. 32#2 Sa 7.12,13,16; Isa 9.7. A heiri beimak thang lhangai thimi hoirou, heitoubi Aya yerrouwei tangdui-choudui Dunpuei Chanapawa toubi ungrou.”
Umpu Dunpune Aya Aiyei patar David'nakne hoiyerrou.
33“Heirouri Ane Jacobei yu-cha rapbei Krung hoibine, Aiyei Krungbom heiri klui naimakne thrungeirou!” 34#Lk 1.18. Heirou Maryne Thangringnung loukyun, “Keiri nangaka khuime. Heinakei lhou heiya koutoubi keinungei thukrouwo?” 35#Mt 1.20. Heirou Thangring heine anung loumallang, “Lhawai Khyingne neidoura yongtungbi, heirou Dunpuei mantrang heiri neinungei leipirou. Heine ngam hoibine Khyingei Chanapawa heiya Dunpuei Chanapawa toubi ungrou. 36Neiyei neene Elizabethya thilak, a heiwiri chanao tlamakaroume toubine leikhou, heiya a heiri tarkurya hoiyanungkhi, angturi nao urbi ai'msha ritkur heiwari tangla tlun-thruk hungtlungura. 37#Kan 18.14; Lk 11.27-28. Arou Dunpuei touchangmakri koukhatkhi mak.” 38“Keiri Puei shok-napuiya khatme, heine Neiyei kyun heinakrimne keinungei thukniyasu,” toubi Maryne loukyun. Heirouri Thangring heine aya lakurkhoubi shaalkur.
Maryne Elizabethya Wamuril
39Heiyei hillouri Maryne khnotni marshikbi, heirou ane khnotni lhungdou ramra klei Judeaei Krungkul heirou wakur. 40Ane Zechariahyei cheemra wachangbine, Elizabethya murilnei tlouya bebine wakaryemkur. 41Heirouri Elizabeth'ne Mary'ne karyemnei tlouya wabekur heiwaya loumayeknarouri, aiyei ukrei nao heichane loukanchekchakur. Heirou Elizabeth'ri Lhawai Khyingne thimkur; 42heirou ane hou chouni loukyun, “Nangri napuiya nam'rouwei duiyei likarsui lhangai napuiya khat, heirou neiyei pukrou kyou chanapawa heikhi likarsuiyei chanapawa hoirou! 43Kouya tounanungei keinung anakei lhouya thukyerkuro, touri keiyei Puei puiwine keiyei leinara wabine murilkur awari kouwo? 44Ngamri keine neiyei murilnei karyem tlou wabekurya loumayekkurle, tallengne keiyei ukrilrei nao ari hakrao nungkngaine chunchawura. 45Dunpuei lhangai pao heiri chimne hungthukeirou toubi nangne malungamkur heiso neinung kounakei nungkngai hoikurawo!”
Mary'ne Dunpuya Mathangnei Laa
46Heirou Maryne kyun, “Keiyei ukningne Dunpuya mathanglei, 47Kei lhawairi keiyei Dunpu Kalpipuei ngamrou nungwailei. 48Ngamri, Ane Aiyei mandikur naiwi keiya malumpimakne yukthrilpilei! Arouwei waiyoubi thimi namyerne keiyari likarsuiwi toubine ungpirouleiya. 49Kouweiyo toulanungri, thang'allei Dunpune keinungei tangkur lhoubomya toupiwurla. Aiyei minri khying hoiniyasu! 50Chaan khat'rouweine chaan khat phane Aya rikrai khrumpi thimi rapnung kringpiya mutpilei. 51Ane Aiyei mantrangkur hutya malanthutpi, heirou lhangaimak tangcha thimi rapya yai lhangaimak waikraang heiya khepchekkurla. 52Ane mantrangkur Krung rapya yaiyei krungbom heirouwei taangsundawurbi, heirou kanring-kanwai, mandicha rapya choune taangbaangpiwurla. 53Ane msul thimi rapya lhangaiyei lhoune thimyerpi, heitoubi laldun thimi rapya hutdingni malhetkur. 54Ane kaiyei nutar-patar rapnung kantomkhou heiya tlungyerpi, heirou Aiyei shok Israel rapya trungpinanungei pothutpi. 55#Mic 7.20; Kan 17.7; 18.18; 22.17. Ane Abraham'nung kringpinei lhoubomya mayekthutpilei; heirou aiyei yu-charap namyeryakhi malumpimaklei!” 56Maryne Elizabeth'le pulne tangla tlun'khyum leimalnakhoubi, heirou ane aicheemra shaalkur.
Yuiluppi John'ya Puknei
57Heirou Elizabeth naokhounei trum hungnarouri, ane chanapawa khat pukkurla. 58Heirou aiyei cheemlhunyei thimi rapne, heirou aiyei cheemkhur-rokhurrei thimirap nammanekhi, Dunpune aidoura kounak kngakkei lhouya thukyerkurya, heirou heinak lhangaiyei likarsui hoiyerwurnei lhouya mayeknarouri, yane nungkngai hakraone wachangbi ale pulne leimalnakur. 59#Lev 12.3; Kan 17.12. Heirouri nao heiri hapta khat hungtlungkur heirouri, yane aya murdinnei lhou tounanungei marshikkur, heitoubi yane aiyei min heiri ‘Zechariah’ toubi aiyei pawaei min hilthungne thulnanungei marshikkur. 60Heiya aiyei puiwine yamakne, “Tourimakhui! Aiyei min heiri heisi ungmakrou, heiya ‘John’ toubi ungrou,” toubi loukyun. 61Heisi tounarouri yane, “Heiya naiyei cheemkhur-bommai arouri heinaksi minri hunekhi ungrilmakhuilei!” toubi anungei heishun. 62Heirouri yane aiyei pawanung hutne martubi, anungei nao heiya kounaksi minya ungnileiyo toubine heingaithikur. 63#Lk 1.13. Heirou Zechariah'ne mayenanungei thlungpak khatle heirou mayechei khat bubine, “Aiyei minri John toubi ungrou” toubine ane mayethutpikur. Heirouri yane beimak ngakkur! 64Heirouri Zechariah heiri hanui tlou yunthut manekur, heirou ane Dunpuya mathangkur. 65Heirou yaiyei cheemlhunyei thimi rapri beimakne chikur, heirouri pao heiwari Judeayei ram karyoune mayekkur. 66Heiyei lhouya mayekkur thimirap namyerwane yaiyaiyei ukningra ningchabi yunkril, “Anakei chanapawa ari kounaksi thimi hoiwurleisanu?” Ngamri Dunpuei mantrangei hut heiri aidoura kalhonpilei.
Zechariahyei Yunthutkhou Tlourap
67John'yei pa Zechariah'ri Lhawai Khyingne thimbi, heirou ane Dunpuei pao lhangai yunthutkhou: 68“Kane Israellei Pu Dunpuya mathangase! Ane aiyei thimi rapya trungpinanung yongpilei, heirou Ane yaya malhetthutpila. 69Ane kanungei thang'allei Kalpipu khat malanpila, heirou A heiri Aiyei shok David'yei yu-cha. 70Ane bongei waiyoubi Aiyei khying Thimkhui rapnung tlou kantompi khoula, 71touri Ane kaya kaiyei yeekna thimi rapbei hutrouwei kalpirou, heirou kaya machin thimi rapbei mantrangrouwei kalpirou. 72Ane yunkhou touri kaiyei patar rapnungei Aiyei kringpi kheiya mutpirou, heitoubi Aiyei khying mardingpikur heiwaya ningthutpirou. 73Kaiyei Patar Abrahamnung rekrek tlou kantombi mardingpikhou, touri Ane kaiyei yeekna thimi rapbei hutrouwei kaya lhukthutpirou; 74heitoubi Ane kaya koukhi chi'kna makne Aya watlhou touyerlei, 75heineri kaiyei chaan khatrou Aiyei maibongra khying thimi heirou tharmu chim thimirap hoirouda.
76“Keiyei Chanapawa, Neiyari Yerrouwei Choudui Dunpuei Thimkhui khat hoirou. Nangne Puei maibong loulamribi Aiyei lamya loumarshikrou, 77heirou thimi rapya yaiyei papya kukpibi kalpi pharou toubine shunthutpirou. 78Kaiyei Dunpuri Kringpikhei heirou malungshi khei. Ane kanungei Ralthutpinei kwaarya phayerpirou, 79heitoubi kmehyei khiyaram daakra klei thimirap namyerrei doura Thangmunrei yukwaarpirou, heiyanungri kai chaanyei hokarya kyingei 80#Lk 2.40; 2.52. lamra ruipirou.” Douwa heichari lhawairakhi heirou sharungrakhi tangbaangurbi rongtlungura. Heitoubi ane Israellei kulyom maibongra pothutbongyenri ramhangra karwaichabithil leikhou.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Maring Naga Bible - KHYINGEI PU'TLOU
Copyright © 2013 by The Bible Society of India
Used by permission. All rights reserved worldwide.