LUKE 5
5
Jesu'ne Lamkri Ruishik Rapya Ungthutpikur
(Mt 4.18-22; Mk 1.16-20)
1 #
Jn 1.40-42; 21.1-19. Nungkhatnui Jesu'ne Gennesaretdei Samadru ruira mayungbi leiyeinng, bi heirou Ane Dunpuei Lhangai Pao-laaya marnopikur heiwaya myeknine thimi rapne wakar'umkar. 2Heirouri thanga pha thimi rapne mali khintam samadru ruira taangthutkhoubi; heitoubi yane lieng rapya chaamthaibi kleiya Ane mukur. 3#Mt 13.1-2; Mk 4.1. Heirou Jesu'ne mali khintamrei khatra touri, Simonyei mali rilwaira wachangbi, ‘Mali heiri yuirui'rouwei beicha heihul'lhaklak’ toubi Jesu'ne anung heikyun; heitoubi Ane mali'yei doura ombine thimi rapnung shunmatupi waiyoukur. 4Heirou Ane shunmatupi luikur hillouri, Ane Simonya shun, “Arouri mali heiwari yui yukna lhangra heihul'lhakbine, heirou nangle neiyei palui rapne naiyei lingrap heiwari yuira heikhinglhaklak.” 5#Lk 8.24,45; 9.33,49; 17.13. Heirou Simon'ne loumallangkur, “Upawa, masanung kane masan'tan ling khingnarou koukhatkhi manmakne dongkur. Heiya Nangne ling heiri khinglhakthulaklo toulanungri, keine awaya khinglhakrouwa.” 6Heisi tounarouri yane yaiyei lieng rapya khinglhaknarouri, lieng heiwari cheetrou'leithakne thanga makhubphopbi mankur. 7Heitounei ngamrou yane mali khatra klei yaiyei palui rapya beicha trungpinanungei ungloukhei. Heirouri yanekhi wabine yaya thanga mantrungpikur, heirou yaiyei mali khintamrekpa heiri yuira dumlhakrou naksine leikur. 8Heirou Simon Peter'ne thukkur lhou rapya munarouri, ane Jesuei maibongra khuklu kanthrunchabi khrumchakur, heirou ane kyun, “Keiyei Pu, keipongra leipimakalo, chutdurpiyalo. Ngamri keiri borh thimime!” 9Heirou Ale kalhonbi klei thimirap namyerwane, yaiyei manmallongkur thanga rapya munarouri beimakne ngakkur. 10Heinakne Simonyei paluirap, Zebedee'yei chanaorap James'le John yakhu teinaokhi beimakne ngakkura. Heirou Jesu'ne Simon'nung kyun, “Chimaklo; ngamri arouwei waiyoubi nakhi thimi kman thanga pha thimi hoirouwa.” 11Heirou yane yaiyei mali rapya yuiruira taangbaangurkhoubi, heitoubi putchei rapkhi namma lakurkhoubi, yane Jesuei hilla chanthungkur.
Jesu'ne Napawa Napung Khatya Kna Raiyerpi
(Mt 8.1-4; Mk 1.40-45)
12 #
Lk 17.11-19. Nungkhatnui Jesu'ne khukarthil khatra leiyeinung, heirou chi'knayei shakrung khoine raichi'paat napawa khatne Aiyei leinara wachangkur, heirou ane Jesu'ya munarouri, aitam thleira kanelhakbi Anung shunchakur, “Upawa, Nangne kringpiyanungri keiyei raichi paatkur awaya bei marthingyerpilaklo!” 13Heirouri Jesu'ne Aihut malamthutbi, aya thirpibi, Ane kyun, “Moi, Keine yapiwurla, heineri neiyei raichi paatkur heiri damlakasu!” Heisi tounarouri tallengne napawa heiyei raichi paat heiri damkur. 14#Lev 13.49; 14.2-32. Heirou Jesu'ne anung rekrekne shun, “Thimi hukhatnungkhi yunpimakno, heiya nangne Suipipu leinara wabine, heirou neiyei raichi'paat heiso aya yrothiyerlak; heisi toubi Moses'yei tloulamei shunkhounakne, neiyei raichi'paat heiri dammurame toubi thimi deinekhi munanungei nangne Dunpunung khrumna put makatlak.” 15#Lk 8.24,45; 9.33,49; 17.13. Heiya Jesuei ngamrou duine ram karyoune mayekkur, heirou thimirap chungne wabi Aiyei shunmatupikur tlou rapya ningkur. Heitoubi yaiyei kna rapkhi raikyer phakur. 16#Lk 3.21; 6.12; 9.18,28; 11.1. Heiya Ari thimi karkulna bira kartleibine, heirou shunchabi leikur.
Jesu'ne Mnak-Pangkhat Hisunda Napawa Khatya Raiyerkur
(Mt 9.1-8; Mk 2.1-12)
17 #
Mt 15.1; Mk 5.30; Lk 6.19. #Jn 5.1-9. Nungkhatnuiyei tlainirou Jesu'ne marnopibi louleiyeinung, bi heirou Galilee ramrei heirou Judea ramra klei khukarthille heirou Jerusalem'rei Lhangai karsa thimi raple heirou Tloulamei upa rapne wabi kartilkur. Heirou Jesuei doura kna raiyernanung Dunpuei kalhonpi mantrang klei heiwaya munarou, 18thimi thane mnak-pangkhat hisundakur napawa khatya khumdou kyaone heichunglhakbi, heirou yane cheemwaira Jesuei maibongra wakhounanungei marshikkur. 19Heiya thimi rapne chungachaknei ngamrou yane aya rilwaira hei'urlhakri manemakura. Heisi tounarouri yane aya cheembungra urbaangbine, heitoubi yane cheemchi phorputbi, heirou aiyei ipna khumdoura phneibine cheemwaira thimi chungna tlakra Jesuei maibongra yuklaksundakur. 20#Lk 7.48-49. Heirouri Jesu'ne thimi rapbei heinak uklum tangne klei heiwaya loumunarouri, ane napawa heinung shun, “Neiyei borh heiri limmurpila, Keipalui!” 21Heirouri Tloulamei upa raple Lhangai karsa thimi rapne yaitam yunrilkur, “Dunpuei doura lhouhoimakei tlou kyun napawa heiri huwo? Borhya limpikur maneri Dunpu nimakne deiri hukhatkhi makneya!” 22Jesu'ne yai ukningrei ningchabi klei heiwaya muwurbi, Ane yanung kyun, “Nane kounungei heinakya ningchakurawo? 23‘Neiyei borhya limmurpilame’ nimanung ‘neiyei ipna dourei kanthoubi karwaichawalo’ toubi kyunri koune lhangairou? 24Heiya Keine nanungei muyerkniri Dunpuei Chanapawa heiri tlaipang doura thimi rapbei borhya marthingpi manenei mantrang klei.” Heirouri ane mnaak-paangkhat hisundakur napawa heiwaya shun, “Keine neinung tanghakne shunlei, neiyei ipna khumdouya chunglouheibi neiyei cheemra shaallaka!” 25Heirou tallengne napawa heine thimi rapbei maibongrei loukanthouwurbi, heitoubi ane ipnabi klei khumdou heiya chungloubine aicheemra shaalkur. Heitoubi Dunpuya mathangkur. 26Heisi tounarou thimi namyerwane beimakne ngakura, heirou chikhi chiwura! Heirou yane Dunpuyakhi mathangbi, “Angtu kane kounakei kngakya muphawurla!” toubi kyun.
Jesu'ne Levi'ya Ungpikur
(Mt 9.9-13; Mk 2.13-17)
27Heihillou Jesu'ne wathuknarouri, heirou Ane Lev toubi ung Khulruithou napawa khatya aiyei khulrui-markumna cheemra ombi louklei Ane wamukur. Heirou Jesu'ne anung kyun, “Nangri Keiyei hilla chanthungalo.” 28Heirou Levini aiyei klei putchei namya horkhouwurbine Aihilla louchanthungkur. 29Heirouri Levini Jesu'ya unglouheibi aicheemra yama-krungrap markhulnarou, heirou yaihangra khul'ruithou thimi rapkhi heirou thimi deikhi chungwane loukyao. 30#Lk 15.1-2. Heirouri lhangai karsa thimirap thale tloulamei upa rapne Jesuei ruishik rapnung kyun, “Koutounei nane Ruithou thimi raple, borh thimi raple pulne ommalnabi chamaikurawo?” 31Jesu'ne yanung loushun, “Namak thimi rapnungri Thim ungnungei tlouri maklei, heiya kna thimi rapnung'tlim Thim ungrou da. 32#1 Tm 1.15. Keiyei kyongri mine rikrai khrumna kya tharmuchim thimi rapya ungpina'nungei kyong nimak, heiya borh thimi rapya ukning hungyernanungei kyong.”
Cha'kmai Ngeinei Ngamrou Tlou Kngai
(Mt 9.14-17; Mk 2.18-22)
33 #
Lk 7.18; 11.1; Jn 3.25-26. Thimi thane Jesu'nung kngai, “John'yei ruishik rapri karyomne cha'kmai ngeibine, heitoubi yane shunchalei; heinakrimne lhangai karsa thimi rapbei ruishik rapnekhi ngeibine leilei; heiya Neiyei ruishik rapneri koukhatkhi ngeimakne chamaibine leilei.” 34Heirou Jesu'ne loumallangkur, “Nai ningchakuri, nu klou napawa heine aiyei nu ruininung aiyei palui rapya markhulbine chamak-maimakne kalhonbi leipirouko? Heinaksiri kouniroukhi toumakrou. 35#Lk 9.22; 17.22. Heiya nu klou napawa heiwaya yaihangrei ruithutkur hillouri, heirou yane cha'kmai ngeinei tlaini hungeirou.” 36Jesu'ne yanung anaksi yailim tlou khatnekhi yunpithu: “Thimi hunekhi phi'up ranya threlbine khman phichun doura thruibaang younamak, heirou phichun ran heiri khman heile karyarilmakrou. 37Heinakrimne hukhatnekhi darkha yuiran heiya an'unkao khmanra haallhakmak, ngamri darkha yuiran heine an'unkao khman heirou shunglhaklanungri kao khman heiri loutrekthutbi darkha yuikhi heirou an'unkao heikhi khintamrek koukhatkhi karsukmakrou. 38Heinung tlimri, darkha yui ran heiri an'unkao ranra haalkurni lhangai. 39Heitoubi hukhatnekhi darkha yui ningya mongloukur hillouri, darkhayui chibilya mongnimakrou. Ngamri ‘darkha yuineng heine mnikme’ toubi ane yunrou.”
Currently Selected:
LUKE 5: MARIBSI
Highlight
Share
Copy
Want to have your highlights saved across all your devices? Sign up or sign in
Maring Naga Bible - KHYINGEI PU'TLOU
Copyright © 2013 by The Bible Society of India
Used by permission. All rights reserved worldwide.
LUKE 5
5
Jesu'ne Lamkri Ruishik Rapya Ungthutpikur
(Mt 4.18-22; Mk 1.16-20)
1 #
Jn 1.40-42; 21.1-19. Nungkhatnui Jesu'ne Gennesaretdei Samadru ruira mayungbi leiyeinng, bi heirou Ane Dunpuei Lhangai Pao-laaya marnopikur heiwaya myeknine thimi rapne wakar'umkar. 2Heirouri thanga pha thimi rapne mali khintam samadru ruira taangthutkhoubi; heitoubi yane lieng rapya chaamthaibi kleiya Ane mukur. 3#Mt 13.1-2; Mk 4.1. Heirou Jesu'ne mali khintamrei khatra touri, Simonyei mali rilwaira wachangbi, ‘Mali heiri yuirui'rouwei beicha heihul'lhaklak’ toubi Jesu'ne anung heikyun; heitoubi Ane mali'yei doura ombine thimi rapnung shunmatupi waiyoukur. 4Heirou Ane shunmatupi luikur hillouri, Ane Simonya shun, “Arouri mali heiwari yui yukna lhangra heihul'lhakbine, heirou nangle neiyei palui rapne naiyei lingrap heiwari yuira heikhinglhaklak.” 5#Lk 8.24,45; 9.33,49; 17.13. Heirou Simon'ne loumallangkur, “Upawa, masanung kane masan'tan ling khingnarou koukhatkhi manmakne dongkur. Heiya Nangne ling heiri khinglhakthulaklo toulanungri, keine awaya khinglhakrouwa.” 6Heisi tounarouri yane yaiyei lieng rapya khinglhaknarouri, lieng heiwari cheetrou'leithakne thanga makhubphopbi mankur. 7Heitounei ngamrou yane mali khatra klei yaiyei palui rapya beicha trungpinanungei ungloukhei. Heirouri yanekhi wabine yaya thanga mantrungpikur, heirou yaiyei mali khintamrekpa heiri yuira dumlhakrou naksine leikur. 8Heirou Simon Peter'ne thukkur lhou rapya munarouri, ane Jesuei maibongra khuklu kanthrunchabi khrumchakur, heirou ane kyun, “Keiyei Pu, keipongra leipimakalo, chutdurpiyalo. Ngamri keiri borh thimime!” 9Heirou Ale kalhonbi klei thimirap namyerwane, yaiyei manmallongkur thanga rapya munarouri beimakne ngakkur. 10Heinakne Simonyei paluirap, Zebedee'yei chanaorap James'le John yakhu teinaokhi beimakne ngakkura. Heirou Jesu'ne Simon'nung kyun, “Chimaklo; ngamri arouwei waiyoubi nakhi thimi kman thanga pha thimi hoirouwa.” 11Heirou yane yaiyei mali rapya yuiruira taangbaangurkhoubi, heitoubi putchei rapkhi namma lakurkhoubi, yane Jesuei hilla chanthungkur.
Jesu'ne Napawa Napung Khatya Kna Raiyerpi
(Mt 8.1-4; Mk 1.40-45)
12 #
Lk 17.11-19. Nungkhatnui Jesu'ne khukarthil khatra leiyeinung, heirou chi'knayei shakrung khoine raichi'paat napawa khatne Aiyei leinara wachangkur, heirou ane Jesu'ya munarouri, aitam thleira kanelhakbi Anung shunchakur, “Upawa, Nangne kringpiyanungri keiyei raichi paatkur awaya bei marthingyerpilaklo!” 13Heirouri Jesu'ne Aihut malamthutbi, aya thirpibi, Ane kyun, “Moi, Keine yapiwurla, heineri neiyei raichi paatkur heiri damlakasu!” Heisi tounarouri tallengne napawa heiyei raichi paat heiri damkur. 14#Lev 13.49; 14.2-32. Heirou Jesu'ne anung rekrekne shun, “Thimi hukhatnungkhi yunpimakno, heiya nangne Suipipu leinara wabine, heirou neiyei raichi'paat heiso aya yrothiyerlak; heisi toubi Moses'yei tloulamei shunkhounakne, neiyei raichi'paat heiri dammurame toubi thimi deinekhi munanungei nangne Dunpunung khrumna put makatlak.” 15#Lk 8.24,45; 9.33,49; 17.13. Heiya Jesuei ngamrou duine ram karyoune mayekkur, heirou thimirap chungne wabi Aiyei shunmatupikur tlou rapya ningkur. Heitoubi yaiyei kna rapkhi raikyer phakur. 16#Lk 3.21; 6.12; 9.18,28; 11.1. Heiya Ari thimi karkulna bira kartleibine, heirou shunchabi leikur.
Jesu'ne Mnak-Pangkhat Hisunda Napawa Khatya Raiyerkur
(Mt 9.1-8; Mk 2.1-12)
17 #
Mt 15.1; Mk 5.30; Lk 6.19. #Jn 5.1-9. Nungkhatnuiyei tlainirou Jesu'ne marnopibi louleiyeinung, bi heirou Galilee ramrei heirou Judea ramra klei khukarthille heirou Jerusalem'rei Lhangai karsa thimi raple heirou Tloulamei upa rapne wabi kartilkur. Heirou Jesuei doura kna raiyernanung Dunpuei kalhonpi mantrang klei heiwaya munarou, 18thimi thane mnak-pangkhat hisundakur napawa khatya khumdou kyaone heichunglhakbi, heirou yane cheemwaira Jesuei maibongra wakhounanungei marshikkur. 19Heiya thimi rapne chungachaknei ngamrou yane aya rilwaira hei'urlhakri manemakura. Heisi tounarouri yane aya cheembungra urbaangbine, heitoubi yane cheemchi phorputbi, heirou aiyei ipna khumdoura phneibine cheemwaira thimi chungna tlakra Jesuei maibongra yuklaksundakur. 20#Lk 7.48-49. Heirouri Jesu'ne thimi rapbei heinak uklum tangne klei heiwaya loumunarouri, ane napawa heinung shun, “Neiyei borh heiri limmurpila, Keipalui!” 21Heirouri Tloulamei upa raple Lhangai karsa thimi rapne yaitam yunrilkur, “Dunpuei doura lhouhoimakei tlou kyun napawa heiri huwo? Borhya limpikur maneri Dunpu nimakne deiri hukhatkhi makneya!” 22Jesu'ne yai ukningrei ningchabi klei heiwaya muwurbi, Ane yanung kyun, “Nane kounungei heinakya ningchakurawo? 23‘Neiyei borhya limmurpilame’ nimanung ‘neiyei ipna dourei kanthoubi karwaichawalo’ toubi kyunri koune lhangairou? 24Heiya Keine nanungei muyerkniri Dunpuei Chanapawa heiri tlaipang doura thimi rapbei borhya marthingpi manenei mantrang klei.” Heirouri ane mnaak-paangkhat hisundakur napawa heiwaya shun, “Keine neinung tanghakne shunlei, neiyei ipna khumdouya chunglouheibi neiyei cheemra shaallaka!” 25Heirou tallengne napawa heine thimi rapbei maibongrei loukanthouwurbi, heitoubi ane ipnabi klei khumdou heiya chungloubine aicheemra shaalkur. Heitoubi Dunpuya mathangkur. 26Heisi tounarou thimi namyerwane beimakne ngakura, heirou chikhi chiwura! Heirou yane Dunpuyakhi mathangbi, “Angtu kane kounakei kngakya muphawurla!” toubi kyun.
Jesu'ne Levi'ya Ungpikur
(Mt 9.9-13; Mk 2.13-17)
27Heihillou Jesu'ne wathuknarouri, heirou Ane Lev toubi ung Khulruithou napawa khatya aiyei khulrui-markumna cheemra ombi louklei Ane wamukur. Heirou Jesu'ne anung kyun, “Nangri Keiyei hilla chanthungalo.” 28Heirou Levini aiyei klei putchei namya horkhouwurbine Aihilla louchanthungkur. 29Heirouri Levini Jesu'ya unglouheibi aicheemra yama-krungrap markhulnarou, heirou yaihangra khul'ruithou thimi rapkhi heirou thimi deikhi chungwane loukyao. 30#Lk 15.1-2. Heirouri lhangai karsa thimirap thale tloulamei upa rapne Jesuei ruishik rapnung kyun, “Koutounei nane Ruithou thimi raple, borh thimi raple pulne ommalnabi chamaikurawo?” 31Jesu'ne yanung loushun, “Namak thimi rapnungri Thim ungnungei tlouri maklei, heiya kna thimi rapnung'tlim Thim ungrou da. 32#1 Tm 1.15. Keiyei kyongri mine rikrai khrumna kya tharmuchim thimi rapya ungpina'nungei kyong nimak, heiya borh thimi rapya ukning hungyernanungei kyong.”
Cha'kmai Ngeinei Ngamrou Tlou Kngai
(Mt 9.14-17; Mk 2.18-22)
33 #
Lk 7.18; 11.1; Jn 3.25-26. Thimi thane Jesu'nung kngai, “John'yei ruishik rapri karyomne cha'kmai ngeibine, heitoubi yane shunchalei; heinakrimne lhangai karsa thimi rapbei ruishik rapnekhi ngeibine leilei; heiya Neiyei ruishik rapneri koukhatkhi ngeimakne chamaibine leilei.” 34Heirou Jesu'ne loumallangkur, “Nai ningchakuri, nu klou napawa heine aiyei nu ruininung aiyei palui rapya markhulbine chamak-maimakne kalhonbi leipirouko? Heinaksiri kouniroukhi toumakrou. 35#Lk 9.22; 17.22. Heiya nu klou napawa heiwaya yaihangrei ruithutkur hillouri, heirou yane cha'kmai ngeinei tlaini hungeirou.” 36Jesu'ne yanung anaksi yailim tlou khatnekhi yunpithu: “Thimi hunekhi phi'up ranya threlbine khman phichun doura thruibaang younamak, heirou phichun ran heiri khman heile karyarilmakrou. 37Heinakrimne hukhatnekhi darkha yuiran heiya an'unkao khmanra haallhakmak, ngamri darkha yuiran heine an'unkao khman heirou shunglhaklanungri kao khman heiri loutrekthutbi darkha yuikhi heirou an'unkao heikhi khintamrek koukhatkhi karsukmakrou. 38Heinung tlimri, darkha yui ran heiri an'unkao ranra haalkurni lhangai. 39Heitoubi hukhatnekhi darkha yui ningya mongloukur hillouri, darkhayui chibilya mongnimakrou. Ngamri ‘darkha yuineng heine mnikme’ toubi ane yunrou.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Maring Naga Bible - KHYINGEI PU'TLOU
Copyright © 2013 by The Bible Society of India
Used by permission. All rights reserved worldwide.