SHONGZĀ 13
13
Naochizai Tharkachigat
1 Prohona Mosesli hānga, 2#Lk 2.23. “Pharākhare saikora ili tharchigatlu, mi nilala, sha̱kei nilala, awukwui eina shokkhare chi iwuisera.”
Khawok Makazanga Phanit
(Sho 12.14-20)
3Kala Mosesna mibingli hānga, “Aja zimiksho hi phaningunglu, Egyptli narkahaiwui eina, Proho pāngwui pangshap china nathumli apam hiwui eina thānshokmihaira; khawok kazang mashaipaimara. 4Abib kachāngwui aja zimiksho nathumna zatphokki kajina. 5Kala Prohona navā ngarāli mira da ngashit kahai Canaannaobing, Hivnaobing, Hitnaobing, Amornaobing, kala Jebusnaobingwui ngalei seina̱ eina khuira̱ khalong ngaleili thānkazang chitharan otsak hi kachāng hiwui alungli mayonchingki kajina. 6Shinithang khawok makazang khamui shaira, kala kashinethang Prohowui zātkhān sāki kajina. 7Khawok makazang shinithang shaira; khawok kazang khamui nathumwui ngachaili matheipaimara, khawok kazang nathum khaleipam kachida matheipaimara. 8Chithang nana nanaongarāli hāngra, ‘Kaja ina Egyptwui eina kashok chitharan Prohona ili khi samikhala kajiwui vangna.’ 9Kala hi machutkhui khavai nathumwui pāngli kala phaningung khavai nathumwui khaveili leichingra, chithāda sāda Prohowui tamkachithei nathumwui morchaili leikhavaina; kaja Prohona pāngthei kharei eina nali Egyptwui eina khuishokmi. 10Chiwui vang eina kum kachida hi atam chāda nathumwui shiyan sāda mayonchingphalungra.
Naochizai
11“Prohona nathumli kala navā ngarāli ngashit kahai Canaan ngaleili nathumli thānzangda chi nathumli mikahai tharan, 12#Lk 2.23. awukwui eina shokkhare chi Prohowui vang phaishokmiphalungra. Nathumwui avānao pharākhare chi Prohowui sāra. 13Gadha anao pharākhare chi nathumna yaonao akha eina ngatangkhuira; kalikha nathumna chi mangatangkhuiakha, akahung sātekhaolu. Nathumwui ngachaili pharākhare naochizai mayara chi nathumna ngatangkhuira. 14Kala naoda rāki kaji atamli, nanao ngarāna ‘Hi khiwui kakhalatkhala?’ da ngahānakha, nathumna ngahānkāra ‘Pāngwui pangshap eina Prohona ithumli Egypt raopamwui eina thānshokmi. 15Kaja Pharaohna ngakaishilak eina ithumli mathui khangasakwui vang, Prohona Egypt ngaleili pharākhare naomayara, mikumowui pharākhare eina thuida sāyurbingwui pharākhare eina tangda sāthatserhaowa. Chiwui vang awukwui eina shokkhare mayarnao katonga Proholi kachigatna, kha iwui ara-azāwui naochizai saikora ina ngatangkhui’ da hāngra. 16Hina nawui pāngli kala nakhaveili khudam sāda chiya, pāngwui pangshap eina Prohona ithumli Egyptwui eina khuishokmi kaji theikhui khavaina.”
Mei eina Muiyāwui Pakra̱
(Sho 40.34-38; Mis 9.15-23; 1 Wung 8.10-11)
17Pharaohna mibingli chiho kahai tharan, shongfa naimeilala, Varena athumli Philistine ngaleivāk mathānvāmana, kaja Varena phaninga, “Kalikha mibingna rai khangarar theilaga athumwui ning ngacheihaida Egyptvāk hanungluihaipai.” 18Kha Varena athumli Red Seavāk lamhāngli kuilaga thānzata. Kala Israelnaobingna raisāri peiphungda Egyptwui eina shoka.
19 #
Hao 50.25. Mosesna Josephwui ara̱kui khuiphunga, kaja, “Varena nathumli rāhokhuira, chitharan iwui ara̱kui hiwui eina khuiungki kajina” da saklak eina hānghaisai.
20Kala athumna Succothwui eina zatlaga lamhāngwui ayar Ethamli rāmrah vasāpama. 21Ngashunshongla ngayashongla zatpai khavai, Prohona athumwui mangāli muiyawui pākra̱ eina rizatmi, kala ngayāshong mik theipai khavai meiwui pākra̱ eina athumwui shongzā thānmi; 22ngashun muiyawui pākra̱, ngayā meiwui pākra̱ mibingwui eina mapākthuilakmana.
Currently Selected:
SHONGZĀ 13: TANGBSI
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.
SHONGZĀ 13
13
Naochizai Tharkachigat
1 Prohona Mosesli hānga, 2#Lk 2.23. “Pharākhare saikora ili tharchigatlu, mi nilala, sha̱kei nilala, awukwui eina shokkhare chi iwuisera.”
Khawok Makazanga Phanit
(Sho 12.14-20)
3Kala Mosesna mibingli hānga, “Aja zimiksho hi phaningunglu, Egyptli narkahaiwui eina, Proho pāngwui pangshap china nathumli apam hiwui eina thānshokmihaira; khawok kazang mashaipaimara. 4Abib kachāngwui aja zimiksho nathumna zatphokki kajina. 5Kala Prohona navā ngarāli mira da ngashit kahai Canaannaobing, Hivnaobing, Hitnaobing, Amornaobing, kala Jebusnaobingwui ngalei seina̱ eina khuira̱ khalong ngaleili thānkazang chitharan otsak hi kachāng hiwui alungli mayonchingki kajina. 6Shinithang khawok makazang khamui shaira, kala kashinethang Prohowui zātkhān sāki kajina. 7Khawok makazang shinithang shaira; khawok kazang khamui nathumwui ngachaili matheipaimara, khawok kazang nathum khaleipam kachida matheipaimara. 8Chithang nana nanaongarāli hāngra, ‘Kaja ina Egyptwui eina kashok chitharan Prohona ili khi samikhala kajiwui vangna.’ 9Kala hi machutkhui khavai nathumwui pāngli kala phaningung khavai nathumwui khaveili leichingra, chithāda sāda Prohowui tamkachithei nathumwui morchaili leikhavaina; kaja Prohona pāngthei kharei eina nali Egyptwui eina khuishokmi. 10Chiwui vang eina kum kachida hi atam chāda nathumwui shiyan sāda mayonchingphalungra.
Naochizai
11“Prohona nathumli kala navā ngarāli ngashit kahai Canaan ngaleili nathumli thānzangda chi nathumli mikahai tharan, 12#Lk 2.23. awukwui eina shokkhare chi Prohowui vang phaishokmiphalungra. Nathumwui avānao pharākhare chi Prohowui sāra. 13Gadha anao pharākhare chi nathumna yaonao akha eina ngatangkhuira; kalikha nathumna chi mangatangkhuiakha, akahung sātekhaolu. Nathumwui ngachaili pharākhare naochizai mayara chi nathumna ngatangkhuira. 14Kala naoda rāki kaji atamli, nanao ngarāna ‘Hi khiwui kakhalatkhala?’ da ngahānakha, nathumna ngahānkāra ‘Pāngwui pangshap eina Prohona ithumli Egypt raopamwui eina thānshokmi. 15Kaja Pharaohna ngakaishilak eina ithumli mathui khangasakwui vang, Prohona Egypt ngaleili pharākhare naomayara, mikumowui pharākhare eina thuida sāyurbingwui pharākhare eina tangda sāthatserhaowa. Chiwui vang awukwui eina shokkhare mayarnao katonga Proholi kachigatna, kha iwui ara-azāwui naochizai saikora ina ngatangkhui’ da hāngra. 16Hina nawui pāngli kala nakhaveili khudam sāda chiya, pāngwui pangshap eina Prohona ithumli Egyptwui eina khuishokmi kaji theikhui khavaina.”
Mei eina Muiyāwui Pakra̱
(Sho 40.34-38; Mis 9.15-23; 1 Wung 8.10-11)
17Pharaohna mibingli chiho kahai tharan, shongfa naimeilala, Varena athumli Philistine ngaleivāk mathānvāmana, kaja Varena phaninga, “Kalikha mibingna rai khangarar theilaga athumwui ning ngacheihaida Egyptvāk hanungluihaipai.” 18Kha Varena athumli Red Seavāk lamhāngli kuilaga thānzata. Kala Israelnaobingna raisāri peiphungda Egyptwui eina shoka.
19 #
Hao 50.25. Mosesna Josephwui ara̱kui khuiphunga, kaja, “Varena nathumli rāhokhuira, chitharan iwui ara̱kui hiwui eina khuiungki kajina” da saklak eina hānghaisai.
20Kala athumna Succothwui eina zatlaga lamhāngwui ayar Ethamli rāmrah vasāpama. 21Ngashunshongla ngayashongla zatpai khavai, Prohona athumwui mangāli muiyawui pākra̱ eina rizatmi, kala ngayāshong mik theipai khavai meiwui pākra̱ eina athumwui shongzā thānmi; 22ngashun muiyawui pākra̱, ngayā meiwui pākra̱ mibingwui eina mapākthuilakmana.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.