SHONGZĀ 2
2
Moses Kapharā
(Heb 11.23)
1Chitharan Levi shimkhurwui mayarnao akhana Levi sha̱nao akhali ngakuma. 2#Ots 7.20; Heb 11.23. Preiva̱ chi nao vaida mayarnao akha pharai. Ana nao chi yanglaga mathālakhaoda kachāng kathum thumhai. 3Kha mathumrarchingthuda chihirthing eina luk akha sākhuida bitumen eina khe neokazazaklaga nao chi chili sanglaga kongpheili, titi ngachai vāhaihaowa. 4Achonva̱na khi shoknikhala da khalāda ngashānpama.
5 #
Ots 7.21. Atam chichangli Pharaohwui naongalava̱ kongli ra̱vaikida awui rao sha̱naobingli ngasoda kongpheili vai; kala titi zingli luknao chi kathei eina raopava̱li vākhui ngasaka. 6Ana phutkhayang eina nao zangsai; kala yanglu nao chi chapsai. Ana nao chili lumashanhaowa, kala “Hi Hebrewnaowui naolakra” da hānga.
7Chieina Pharaohwui naongalava̱li nao chiwui achonva̱ china hānga, “Nao hi nganaomi khavai Hebrew preinao akha ahomirala?”
8Pharaohwui naongalava̱na hānga, “Ahokhuilu.” Chieina ngalava̱ china naowui ava̱va̱li unghokhui. 9Kala Pharaohwui naongalava̱na hānga, “Nao hi iwui vang ungnganaomilu, ina chiwui aman mira.” Chieina preiva̱ china nao chi khuida ungnganaokhui. 10#Ots 7.21. Kala nao chi raruda Pharaohwui naongalāva̱li khuivāmi, kala awui nao sāhaowa; kala ana ali Moses da phokmi, kaja ana hānga, “Ali ina tara̱wui eina khuikashokna.”
Mosesna Midianli Yāmkhavā
11 #
Ots 7.23; Heb 11.24. Mosesna raruda, thangzimikshokha awui mibingli yaovāda athumwui kharita ot kasā chi thei; awui mi, Hebrew akhali Egyptnao akhana shaokasā athei. 12#Ots 7.24. Ana kapeiung kapeivāda mi maleikasā eina Egyptnaopā chili sāthatlaga situilungli yātphumhaowa. 13Akhama kathā khavā tharan, Hebrewnao khani ngama̱sai. Chieina ana khayonpa chili hānga, “Khisāda nasotali shaokhala?”
14 #
Ots 7.27; 28. Ana ngahānkai, “Ithumwuitungli bichar sākhavai nali khipāna wungnao kala mashunwo sāngasakkhala? Egyptnaoli shaokathat thāda ilila shaothatki kajila?” Chiwui vang Mosesna ngacheehaida phaninga, “Kachangkhat eina otsak hi theihaira.” 15#Ots 7.29. Pharaohna chi kashā eina, ali sāthat khavai phai.
Kha Mosesna Pharaohwui eina yāmhaida Midian ngaleili vāpamhaowa; kala ana ra̱khongphei akhali apamzanga. 16Chitharan Midian pāngmonwui naongalava̱ shini leisai, athumna avāva̱wui yaoshangli tara̱ shiman khavai reija̱ chipemkida tara̱ sokkhavai rārāsai. 17Yaokahom kachikathābingna rāda athumli kashama; kha Mosesna nganingkāda athumli ngachonmi, kala athumwui yaoshangli tara̱ shimana. 18Athumna avāva̱ Reuelwuili khaung eina, ana ngahāna, “Aja hiyākha thākta khaung hi kathāhaokhala?”
19Athumna ngahānkai, “Egyptnao akhana yaokahomabingwui eina ngachonmida ithumli tara̱ eina tangda ana sokmi, kala yaoshanglila shimana.” 20Ana anao ngalāva̱bingli hānga, “A kali leili? Khisāda ali nathumna nothāhao? Ahokhuilu, ungphazākhuiranu.”
21Kala Mosesna ashiwuili pamkhavai mayāhaowa, kala ana Mosesli anaongalava̱ Zipporahli miya. 22Ana mayarnao akha pharāda Gershom hoi, kaja Mosesna hānga, “I mi kateiwui ngaleili kapāna kha̱mi ngasāsai.”
23Atam kasāngkhawui thili Egyptwui awunga thihaowa. Kala Israelnaobingna raopamwui lungli khanangda ringkhangā khangahui, kala ngachonmi khavai khangakao chi Varewuili shākai. 24#Ots 7.34. Kala Varena athumwui ringkhangā chi shāda, Abraham, Isaac, kala Jacobli tuingashit kasā chi phaningunga. 25Kala Varena Israelnaobingli yanglaga athumwui kashok-kazang chi theimi.
Currently Selected:
SHONGZĀ 2: TANGBSI
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.
SHONGZĀ 2
2
Moses Kapharā
(Heb 11.23)
1Chitharan Levi shimkhurwui mayarnao akhana Levi sha̱nao akhali ngakuma. 2#Ots 7.20; Heb 11.23. Preiva̱ chi nao vaida mayarnao akha pharai. Ana nao chi yanglaga mathālakhaoda kachāng kathum thumhai. 3Kha mathumrarchingthuda chihirthing eina luk akha sākhuida bitumen eina khe neokazazaklaga nao chi chili sanglaga kongpheili, titi ngachai vāhaihaowa. 4Achonva̱na khi shoknikhala da khalāda ngashānpama.
5 #
Ots 7.21. Atam chichangli Pharaohwui naongalava̱ kongli ra̱vaikida awui rao sha̱naobingli ngasoda kongpheili vai; kala titi zingli luknao chi kathei eina raopava̱li vākhui ngasaka. 6Ana phutkhayang eina nao zangsai; kala yanglu nao chi chapsai. Ana nao chili lumashanhaowa, kala “Hi Hebrewnaowui naolakra” da hānga.
7Chieina Pharaohwui naongalava̱li nao chiwui achonva̱ china hānga, “Nao hi nganaomi khavai Hebrew preinao akha ahomirala?”
8Pharaohwui naongalava̱na hānga, “Ahokhuilu.” Chieina ngalava̱ china naowui ava̱va̱li unghokhui. 9Kala Pharaohwui naongalava̱na hānga, “Nao hi iwui vang ungnganaomilu, ina chiwui aman mira.” Chieina preiva̱ china nao chi khuida ungnganaokhui. 10#Ots 7.21. Kala nao chi raruda Pharaohwui naongalāva̱li khuivāmi, kala awui nao sāhaowa; kala ana ali Moses da phokmi, kaja ana hānga, “Ali ina tara̱wui eina khuikashokna.”
Mosesna Midianli Yāmkhavā
11 #
Ots 7.23; Heb 11.24. Mosesna raruda, thangzimikshokha awui mibingli yaovāda athumwui kharita ot kasā chi thei; awui mi, Hebrew akhali Egyptnao akhana shaokasā athei. 12#Ots 7.24. Ana kapeiung kapeivāda mi maleikasā eina Egyptnaopā chili sāthatlaga situilungli yātphumhaowa. 13Akhama kathā khavā tharan, Hebrewnao khani ngama̱sai. Chieina ana khayonpa chili hānga, “Khisāda nasotali shaokhala?”
14 #
Ots 7.27; 28. Ana ngahānkai, “Ithumwuitungli bichar sākhavai nali khipāna wungnao kala mashunwo sāngasakkhala? Egyptnaoli shaokathat thāda ilila shaothatki kajila?” Chiwui vang Mosesna ngacheehaida phaninga, “Kachangkhat eina otsak hi theihaira.” 15#Ots 7.29. Pharaohna chi kashā eina, ali sāthat khavai phai.
Kha Mosesna Pharaohwui eina yāmhaida Midian ngaleili vāpamhaowa; kala ana ra̱khongphei akhali apamzanga. 16Chitharan Midian pāngmonwui naongalava̱ shini leisai, athumna avāva̱wui yaoshangli tara̱ shiman khavai reija̱ chipemkida tara̱ sokkhavai rārāsai. 17Yaokahom kachikathābingna rāda athumli kashama; kha Mosesna nganingkāda athumli ngachonmi, kala athumwui yaoshangli tara̱ shimana. 18Athumna avāva̱ Reuelwuili khaung eina, ana ngahāna, “Aja hiyākha thākta khaung hi kathāhaokhala?”
19Athumna ngahānkai, “Egyptnao akhana yaokahomabingwui eina ngachonmida ithumli tara̱ eina tangda ana sokmi, kala yaoshanglila shimana.” 20Ana anao ngalāva̱bingli hānga, “A kali leili? Khisāda ali nathumna nothāhao? Ahokhuilu, ungphazākhuiranu.”
21Kala Mosesna ashiwuili pamkhavai mayāhaowa, kala ana Mosesli anaongalava̱ Zipporahli miya. 22Ana mayarnao akha pharāda Gershom hoi, kaja Mosesna hānga, “I mi kateiwui ngaleili kapāna kha̱mi ngasāsai.”
23Atam kasāngkhawui thili Egyptwui awunga thihaowa. Kala Israelnaobingna raopamwui lungli khanangda ringkhangā khangahui, kala ngachonmi khavai khangakao chi Varewuili shākai. 24#Ots 7.34. Kala Varena athumwui ringkhangā chi shāda, Abraham, Isaac, kala Jacobli tuingashit kasā chi phaningunga. 25Kala Varena Israelnaobingli yanglaga athumwui kashok-kazang chi theimi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.