SHONGZĀ 36
36
1“Bezalel eina Oholiab kala sākathei mi kachiva̱na kathara shim sākhavai Prohona ot saikora sākashap kala thangkhamei sangmi kahai athum china Prohowui kakaso athishurda sāra.”
Mibingna Lemmet Kachungkha Khuirai
2Kala Mosesna Bezalel eina Oholiab, kala kashapa mi, kaja Prohona sākathei ning sangmi kahaia, ningli raza̱da kasatkhami kachiva̱na ot sākhavai hokhui. 3Kala kathara shimwui ot chi sākhavai Israelnaobingna mingairareo kachigat saikora athumna Moseswui eina samphanga. Athumna lemmet kachigat ngathor kachida khuirāmi, 4chiwui vang eina kathara shimwui ot kasābing china kachichāwui otpamwui eina athumna rāda, 5Mosesli hānga, “Prohona ithumli kakaso athishurda sāvaiki kaji otli lāngmeida mibingna khuir haira.”
6Chieina Mosesna kasoi kala rāmrah huptali tui chi ngayaovai, “Kathara shimwui ot sākhavai sha̱nao nilala, mayarnao nilala sāvaiki kajili lāngda machigatluiranu.” Chieina mibingna makhuira khavai khāmhaowa; 7kaja athumwuili sāvaishapli lāngmeida kachungkha leisai.
Kazip khavai Kachonshim Kasā
(Sho 26.1-37)
8 #
Sho 26.1-14. Chieina sākathei athum saikorana tabernacle chi chonrān tharā eina sākhui; chi manakta hākakhui kazaira̱ kala khamaying, hungrisi, hungshi kahai chonsā eina sākhuida, cherubim themlāk eina sāsanga. 9Chonrān ava̱va̱wui asān khuining maga̱da chishat, kala chonrān kachiva̱wui aretna khuining mati; chonrān saikora asān-aret ngaraichāsera. 10Kala chonrān phangā asā akha sākhui, kala khangatei phangā chi asā akha sākhui. 11Kala ana chonrān ngaher khare chiwui amarei kachida apheili khamayinga eina hokthang khavai sāsanga; chi tākam eina kakhanewui marei chilila sāsanga. 12Ana chonrān akhali hokthāng khavai hangphangā, kala kakhane ngaherlila hokthāng khavai hangphangā da amarei chili sāsanga; kala hokthāng khavaibing chi akha eina akha mai ngasuna. 13Kala ana sinā eina akhui hangphangā sākhuida, kala chonrānbing chi akha eina akha pānkhui ngarokta tabernacle saikora chi akha sākhuiya.
14Kala ana tabernacletungli fakhavai meha eina chonrān tharāda akha sākhui. 15Chonrān ava̱va̱wui asān khuining thumra, kala aretna mati, chonrān tharāda akha chi asān-aret saikora chi ngaraichāsera. 16Ana chonrān phangā sakkha sākhui, khangatei tharuk chi sakkha sākhui. 17Kala ana ngaherkha chiwui shokkhamayara chonrān amareili hokthāng khavai hangphangā sāsanga, kala chonrān ngaherkha ngashikkhui khavai chilila hangphangā sāsanga. 18Kala ana pithraiwui akhui hangphangā sākhuida kachonshim tongda asā saikora chi akha sākhavai semkhuiya. 19Kala ana kachonshimli fakham khavai mathen kahai yaohui kala mehui eina sākhui.
20 #
Sho 26.15-29. Chiwui thili ana khaning khavai akombing acaciathing eina sākhui. 21Akom kachiva̱wui asān khuining tharā, kala aretna khuining akha tangkhaina. 22Akom ava̱va̱li ngasunkhui khavai amachat khanini kāngasakta tabernacle chiwui akom kachida sāsanga. 23Tabernaclewui vang ana akom hithāda sāsanga: azingshongwui akom maga̱, 24kala ana akom maga̱ chiwui khaning khavai aphei hangmati lupāsā eina sai, akom akhawui amachat khaniwui vang akharip, kala akom ava̱va̱wui vang amachat khanirip sāsanga.
25Kala Tabernaclewui kakhanevāk, atungshongwui vang, ana akom maga̱ sema, 26kala lupāsā eina kasā, akom ava̱va̱wui aphei khanirip da aphei hangmati sākhui. 27Kala tabernacle khanukshongwui atungshong ana akom tharuk sema. 28Kala ana tabernaclewui khanuk achithekli sangkhavai akom khani sema. 29Chibing chi azingli mangashikmana kha atungli hokthāng khavaipamli ngasunkhui, chithāda chithek khaniwui vang khani sākhui. 30Lupāsā aphei eina ngasoda chili akom chishat lei: akom ava̱va̱li aphei khanini da tharāda tharuka.
31Kala acaciathing eina phākashut kala tabernacle chiwui arāp akhawui akomwui phākashut phangā, 32kala arāp akhavākwui akom phākashut phangā, kala tabernacle khanukshongwui zingtunshong akomwui vang phākashut phangā da ana sākhui. 33Ana alungthungli kasanga phākashut thing chi akomwui vākatang khanini ungshung vāshungda sāsanga. 34Kala ana akombing chi sinā eina rommithai, kala phākashut thingbing chieina hokthāng khavai akhuibing chi sinā eina romsera.
35 #
Sho 26.31-37. Kala mairār chi khamayinga, hungrisi, hungshi kahai kala manakta hākakhui kazaira̱ chonsā eina sākhuida cherubim themlāk eina yeksanga. 36Kala hiwui vang ana acaciathing eina pākra̱ mati sākhuilaga sinā eina rommithai; chiwui hokkhui khavaibing sinā eina sai, kala khaning khavai akhui mati lupāsā eina heikhui. 37Ana khāmong chonrān chila khamayinga, hungrisi, hungshi kahai kala manakta hākakui kazaira̱ eina sākakhui chonsā kala kapim eina yekkasanga eina sākhui; 38kala chiwui hokkhui khavai kakā pākra̱ phangāla sākhui, kala pakra̱bing chi sinā eina rommithai, kala hokkhavai khara̱bing chi sinā eina sai, kha aphei phangā chiya pithrai eina sai.
Currently Selected:
SHONGZĀ 36: TANGBSI
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.
SHONGZĀ 36
36
1“Bezalel eina Oholiab kala sākathei mi kachiva̱na kathara shim sākhavai Prohona ot saikora sākashap kala thangkhamei sangmi kahai athum china Prohowui kakaso athishurda sāra.”
Mibingna Lemmet Kachungkha Khuirai
2Kala Mosesna Bezalel eina Oholiab, kala kashapa mi, kaja Prohona sākathei ning sangmi kahaia, ningli raza̱da kasatkhami kachiva̱na ot sākhavai hokhui. 3Kala kathara shimwui ot chi sākhavai Israelnaobingna mingairareo kachigat saikora athumna Moseswui eina samphanga. Athumna lemmet kachigat ngathor kachida khuirāmi, 4chiwui vang eina kathara shimwui ot kasābing china kachichāwui otpamwui eina athumna rāda, 5Mosesli hānga, “Prohona ithumli kakaso athishurda sāvaiki kaji otli lāngmeida mibingna khuir haira.”
6Chieina Mosesna kasoi kala rāmrah huptali tui chi ngayaovai, “Kathara shimwui ot sākhavai sha̱nao nilala, mayarnao nilala sāvaiki kajili lāngda machigatluiranu.” Chieina mibingna makhuira khavai khāmhaowa; 7kaja athumwuili sāvaishapli lāngmeida kachungkha leisai.
Kazip khavai Kachonshim Kasā
(Sho 26.1-37)
8 #
Sho 26.1-14. Chieina sākathei athum saikorana tabernacle chi chonrān tharā eina sākhui; chi manakta hākakhui kazaira̱ kala khamaying, hungrisi, hungshi kahai chonsā eina sākhuida, cherubim themlāk eina sāsanga. 9Chonrān ava̱va̱wui asān khuining maga̱da chishat, kala chonrān kachiva̱wui aretna khuining mati; chonrān saikora asān-aret ngaraichāsera. 10Kala chonrān phangā asā akha sākhui, kala khangatei phangā chi asā akha sākhui. 11Kala ana chonrān ngaher khare chiwui amarei kachida apheili khamayinga eina hokthang khavai sāsanga; chi tākam eina kakhanewui marei chilila sāsanga. 12Ana chonrān akhali hokthāng khavai hangphangā, kala kakhane ngaherlila hokthāng khavai hangphangā da amarei chili sāsanga; kala hokthāng khavaibing chi akha eina akha mai ngasuna. 13Kala ana sinā eina akhui hangphangā sākhuida, kala chonrānbing chi akha eina akha pānkhui ngarokta tabernacle saikora chi akha sākhuiya.
14Kala ana tabernacletungli fakhavai meha eina chonrān tharāda akha sākhui. 15Chonrān ava̱va̱wui asān khuining thumra, kala aretna mati, chonrān tharāda akha chi asān-aret saikora chi ngaraichāsera. 16Ana chonrān phangā sakkha sākhui, khangatei tharuk chi sakkha sākhui. 17Kala ana ngaherkha chiwui shokkhamayara chonrān amareili hokthāng khavai hangphangā sāsanga, kala chonrān ngaherkha ngashikkhui khavai chilila hangphangā sāsanga. 18Kala ana pithraiwui akhui hangphangā sākhuida kachonshim tongda asā saikora chi akha sākhavai semkhuiya. 19Kala ana kachonshimli fakham khavai mathen kahai yaohui kala mehui eina sākhui.
20 #
Sho 26.15-29. Chiwui thili ana khaning khavai akombing acaciathing eina sākhui. 21Akom kachiva̱wui asān khuining tharā, kala aretna khuining akha tangkhaina. 22Akom ava̱va̱li ngasunkhui khavai amachat khanini kāngasakta tabernacle chiwui akom kachida sāsanga. 23Tabernaclewui vang ana akom hithāda sāsanga: azingshongwui akom maga̱, 24kala ana akom maga̱ chiwui khaning khavai aphei hangmati lupāsā eina sai, akom akhawui amachat khaniwui vang akharip, kala akom ava̱va̱wui vang amachat khanirip sāsanga.
25Kala Tabernaclewui kakhanevāk, atungshongwui vang, ana akom maga̱ sema, 26kala lupāsā eina kasā, akom ava̱va̱wui aphei khanirip da aphei hangmati sākhui. 27Kala tabernacle khanukshongwui atungshong ana akom tharuk sema. 28Kala ana tabernaclewui khanuk achithekli sangkhavai akom khani sema. 29Chibing chi azingli mangashikmana kha atungli hokthāng khavaipamli ngasunkhui, chithāda chithek khaniwui vang khani sākhui. 30Lupāsā aphei eina ngasoda chili akom chishat lei: akom ava̱va̱li aphei khanini da tharāda tharuka.
31Kala acaciathing eina phākashut kala tabernacle chiwui arāp akhawui akomwui phākashut phangā, 32kala arāp akhavākwui akom phākashut phangā, kala tabernacle khanukshongwui zingtunshong akomwui vang phākashut phangā da ana sākhui. 33Ana alungthungli kasanga phākashut thing chi akomwui vākatang khanini ungshung vāshungda sāsanga. 34Kala ana akombing chi sinā eina rommithai, kala phākashut thingbing chieina hokthāng khavai akhuibing chi sinā eina romsera.
35 #
Sho 26.31-37. Kala mairār chi khamayinga, hungrisi, hungshi kahai kala manakta hākakhui kazaira̱ chonsā eina sākhuida cherubim themlāk eina yeksanga. 36Kala hiwui vang ana acaciathing eina pākra̱ mati sākhuilaga sinā eina rommithai; chiwui hokkhui khavaibing sinā eina sai, kala khaning khavai akhui mati lupāsā eina heikhui. 37Ana khāmong chonrān chila khamayinga, hungrisi, hungshi kahai kala manakta hākakui kazaira̱ eina sākakhui chonsā kala kapim eina yekkasanga eina sākhui; 38kala chiwui hokkhui khavai kakā pākra̱ phangāla sākhui, kala pakra̱bing chi sinā eina rommithai, kala hokkhavai khara̱bing chi sinā eina sai, kha aphei phangā chiya pithrai eina sai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.