HAOKAPHOK 45
45
Josephna Achinā ngarāli Theikhangasak
1 #
Ots 7.13. Awui ngalemli leikasābingwui mangāli makhalemrarthuda Josephna “Thuingasakserhaolu” da kashamhaowa. Chiwui thili a khipākhala da achinā ngarāli kahāng chitharān khangatei mi maleisāmana. 2Ana panglāk eina kachap chi Egyptnaobing kala Pharaohshi shimkhur shāsera. 3Kala Josephna achinā ngarāli hānga, “I Josephna, ishāvā aruila ringda leila?” Kha achinā ngarāna awui mangāli ngacheenahaida khikha mangahānkārarthuwa. 4Chieina Josephna achinā ngarāli hānga, “Ili rānganaimeilu, ina kapona.” Athumna vānganaimei. Kala ana hānga, “Nathumna Egyptnaoli yorsang kahaiya nachinā Joseph chi ina.” 5Nathumna ili yorsang kahaiwui vang malung maringalu, lah malung mavāt ngaroklu; kaja Varena manglā kanmi khavai nathumli rida ili kachihona. 6Ngalei hili zāt sakta kum khanihaira; aruila lui vākasang kala mā mahātsangki kaji kum phangā leifaya. 7Mi kachungkha ringngasak khavai kala okathuili nathumli shākkhavai rida ili chihokharāna. 8Chiwui vang eina nathumna ili hili chihokharā maningmana, kha Varena kachihona; kala ana ili Pharaohwui avāva̱, kala ashi shimkhurwui akhavā sangasakta Egypt ngaleili mungkhangasakna. 9#Ots 7.14. “Ishāvāli thākta unghānglu, ‘Nanaomayara Josephna hithāda hānga, Varena ili Egypt katongawui akhavā sāngasakhaira, thākta iwuili tālu, manganongpamalu; 10nathumna Goshenli somda iwui ngalemli pamra, nanaongarāla, naobingwui naobingla; nathumwui mela, seila, yaola kala nathumwui khalalei saikorala; 11chili ina mizāserra, chi maningkha nathumla, nathumwui khalei saikorala kazā masamphangmara, kaja aruila zāt sakki kaji kum phangā leifaya.’
12“Ikhamor eina kahāng hi nathumwui mik eina theihaira, igato Benjaminwui mik eina theihaira; 13Egyptli iwui kharei khangam kala nathumna kathei saikora ishāvāli unghāngserlu; ishāvāli hili thākta khuitālu.” 14Chiwui thili Benjaminli hungreikhuida chapa; Benjaminnala hungreida chapa. 15Kala achinā ngarāli maya̱khuida chapa. Chiwui thili achinā ngarāna ali chān ngazekngaruma.
16“Josephwui achinā ngarā rāhaira,” kaji Pharaohshi shimkhurna kashā eina, Pharaoh kala awui raobing ringphālakhaowa. 17Kala Pharaohna Josephli hānga, “Nachinā ngarāli hithāda hānglu, ‘Hithāda sālu: nathumwui gadhāli shaksākhuilaga Canaanli ungulu; 18laga navā eina shimkhur saikora hili hotāda Egyptwui ngalei apam khamathā chi ina mira, kala ngalei chiwui heithei athumna khuira da hānglu.’ 19Kala hithāda kasolu, ‘Hithalo: Egyptwui eina siguigari khuiphungda, naoshinaobing, preiva̱ ngarā kala navāli khuitāmiranu. 20Kala nathumwui lanwui vang mashivāmalu, kaja Egyptwui mathāmeikap kaji lam chi athumwui sāra.’”
21Israelwui naomayarabingna chithāda sai, kala Pharaohna Josephli kakaso athishurda siguigari ngarānmida shongfali zākhavaila sangmi. 22Athum kachiva̱li kachon khamathā akharip mi, kha Benjaminli lupāsā shekel shākathum kala khamathā kachon phangā mi. 23Avāva̱li kachiphun otbing chi: Egyptwui ot khamathāthā chi gadhā tharāna phunga kala māngum, khamui, kashakazā shongfali zākhavaila gadhā ava̱ tharāna phungda chihounga. 24Chiwui thili achinā ngarāli chihoda ana hānga, “Shongfali makharar ngaroklu.” 25Athumna Egyptwui eina Canaanli, avāva̱ Jacobli latunga. 26Athumna ali, “Joseph aruila ringda lei, kala Egyptwui akhavā sāda lei” da unghānga. Chi shālaga ning shingakhaowa, kaja athumli mashitsangrarthuwa. 27Kha Josephna athumli kahāng tui saikora chi ungkahāng eina kala Josephna kachiho siguigari chi theilaga avāva̱ Jacobwui ning ungrāsai; 28kala Israelna hānga, “Shaphaira; inao Joseph ringda lei; I mathiranglakha ali vāyangkhuira.”
Currently Selected:
HAOKAPHOK 45: TANGBSI
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.
HAOKAPHOK 45
45
Josephna Achinā ngarāli Theikhangasak
1 #
Ots 7.13. Awui ngalemli leikasābingwui mangāli makhalemrarthuda Josephna “Thuingasakserhaolu” da kashamhaowa. Chiwui thili a khipākhala da achinā ngarāli kahāng chitharān khangatei mi maleisāmana. 2Ana panglāk eina kachap chi Egyptnaobing kala Pharaohshi shimkhur shāsera. 3Kala Josephna achinā ngarāli hānga, “I Josephna, ishāvā aruila ringda leila?” Kha achinā ngarāna awui mangāli ngacheenahaida khikha mangahānkārarthuwa. 4Chieina Josephna achinā ngarāli hānga, “Ili rānganaimeilu, ina kapona.” Athumna vānganaimei. Kala ana hānga, “Nathumna Egyptnaoli yorsang kahaiya nachinā Joseph chi ina.” 5Nathumna ili yorsang kahaiwui vang malung maringalu, lah malung mavāt ngaroklu; kaja Varena manglā kanmi khavai nathumli rida ili kachihona. 6Ngalei hili zāt sakta kum khanihaira; aruila lui vākasang kala mā mahātsangki kaji kum phangā leifaya. 7Mi kachungkha ringngasak khavai kala okathuili nathumli shākkhavai rida ili chihokharāna. 8Chiwui vang eina nathumna ili hili chihokharā maningmana, kha Varena kachihona; kala ana ili Pharaohwui avāva̱, kala ashi shimkhurwui akhavā sangasakta Egypt ngaleili mungkhangasakna. 9#Ots 7.14. “Ishāvāli thākta unghānglu, ‘Nanaomayara Josephna hithāda hānga, Varena ili Egypt katongawui akhavā sāngasakhaira, thākta iwuili tālu, manganongpamalu; 10nathumna Goshenli somda iwui ngalemli pamra, nanaongarāla, naobingwui naobingla; nathumwui mela, seila, yaola kala nathumwui khalalei saikorala; 11chili ina mizāserra, chi maningkha nathumla, nathumwui khalei saikorala kazā masamphangmara, kaja aruila zāt sakki kaji kum phangā leifaya.’
12“Ikhamor eina kahāng hi nathumwui mik eina theihaira, igato Benjaminwui mik eina theihaira; 13Egyptli iwui kharei khangam kala nathumna kathei saikora ishāvāli unghāngserlu; ishāvāli hili thākta khuitālu.” 14Chiwui thili Benjaminli hungreikhuida chapa; Benjaminnala hungreida chapa. 15Kala achinā ngarāli maya̱khuida chapa. Chiwui thili achinā ngarāna ali chān ngazekngaruma.
16“Josephwui achinā ngarā rāhaira,” kaji Pharaohshi shimkhurna kashā eina, Pharaoh kala awui raobing ringphālakhaowa. 17Kala Pharaohna Josephli hānga, “Nachinā ngarāli hithāda hānglu, ‘Hithāda sālu: nathumwui gadhāli shaksākhuilaga Canaanli ungulu; 18laga navā eina shimkhur saikora hili hotāda Egyptwui ngalei apam khamathā chi ina mira, kala ngalei chiwui heithei athumna khuira da hānglu.’ 19Kala hithāda kasolu, ‘Hithalo: Egyptwui eina siguigari khuiphungda, naoshinaobing, preiva̱ ngarā kala navāli khuitāmiranu. 20Kala nathumwui lanwui vang mashivāmalu, kaja Egyptwui mathāmeikap kaji lam chi athumwui sāra.’”
21Israelwui naomayarabingna chithāda sai, kala Pharaohna Josephli kakaso athishurda siguigari ngarānmida shongfali zākhavaila sangmi. 22Athum kachiva̱li kachon khamathā akharip mi, kha Benjaminli lupāsā shekel shākathum kala khamathā kachon phangā mi. 23Avāva̱li kachiphun otbing chi: Egyptwui ot khamathāthā chi gadhā tharāna phunga kala māngum, khamui, kashakazā shongfali zākhavaila gadhā ava̱ tharāna phungda chihounga. 24Chiwui thili achinā ngarāli chihoda ana hānga, “Shongfali makharar ngaroklu.” 25Athumna Egyptwui eina Canaanli, avāva̱ Jacobli latunga. 26Athumna ali, “Joseph aruila ringda lei, kala Egyptwui akhavā sāda lei” da unghānga. Chi shālaga ning shingakhaowa, kaja athumli mashitsangrarthuwa. 27Kha Josephna athumli kahāng tui saikora chi ungkahāng eina kala Josephna kachiho siguigari chi theilaga avāva̱ Jacobwui ning ungrāsai; 28kala Israelna hānga, “Shaphaira; inao Joseph ringda lei; I mathiranglakha ali vāyangkhuira.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.