HAOKAPHOK 47
47
1Chieina Josephna Pharaohli zangda hānga, “Ishāvā, ichināngarā, athumwui sha̱kei khalalei saikora thānda Canaan ngaleiwui eina rāserhaira, kala athum ara Goshenli pamda lei.” 2Kala achinā ngarāwui eina mi phangāli thānvāda Pharaohli samphang ngasaka. 3Pharaohna achinā ngarāli hānga, “Nathum khi ot sākhala?”
Athumna ngahānkai, “Ishāvā ngarā thāda naraobingna yao homa.” 4Athumna Pharaohli hānga, “Ithumna kasha̱khawui vang ngasāmkhui khavai ngalei hili rāhaira, kaja naraobingwui sha̱keiwui vang azāt maleithuwa, khikhalajila Canaan ngaleili zāt kasak marlakhaowa; chieina ara narao ithumna nali seihā kasāna, naraobingli Goshenli kapam ngasākmilu.” 5Pharaohna Josephli hānga, “Navā eina nachinā ngarā nawuili rāhaira. 6Egypt ngalei nawui pāngli lei, navā kala nachinā ngarāli mathāmeikap kaji apamli panngasaklu; athum Goshenli pamranu; kala athumwui ngachaili sākashap mi zangakha iwui sha̱keila homngasaklu.” 7Chiwui thili Josephna avāva̱ Jacobli khuirāda Pharaohwui mangāli thānzanga, kala Jacobna Pharaohli somi. 8Kala Pharaohna Jacobli hānga, “Na kum kayākha kāhairakhala?” 9Jacobna Pharaohli hānga, “Iwui ram kazat mirin kum shākha thumra kāshunghaira, mirinla maphāmana, kumla ishāvā ngarāwui ram kazat kum yakha makāshungmana.” 10Jacobna Pharaohli somilaga shokhaowa. 11Kala Josephna Pharaohwui kakaso athishurda avāva̱ kala achinā ngarāli Egyptwui pam mathāmeikap kaji lam, Rameseswui lam chi athumli mihaowa. 12Kala Jacobna avāva̱, achinā ngarā kala avāva̱wui shimkhur katongali athumwui mashing athishurda kashakazazā mi.
Chāmrei
13Chitharan ngalei saikorali zāt masamphangthuwa; kaja zāt kasak chi marlakhaowa; chiwui vang Egypt eina Canaan ngaleilila zāt masamkaphangwui vang chothaowa. 14Kashakazā khalowui vang Egypt eina Canaan ngaleiwui pheisā katonga Josephna kazipkhuiserhaowa; kala Pharaohwui shimli khuivai. 15Kala Egyptlila kala Canaanlila lupā kānser kahai eina, Egyptnaobingna Josephli rāhānga, “Ithumli zāt milu; khiwui vang ithum nawui miktāli thirakhala? Khikhalajila ithumwui pheisā yorzāngakānserhaira.” 16Chieina Josephna hānga, “Nathumwui pheisā yorzāngakānhairakha nathumwui sha̱kei yorlu; nathumwui sha̱kei eina ngatha̱ khavai ina zāt mira.” 17Chiwui vang athumna Josephli athumwui sha̱kei khuivāmi; kala athumwui sigui, yao, simuk kala gadhā eina ngatha̱ khavai Josephna athumli zāt mi; kala chikum ana athumli zāt mida athumwui sha̱kei saikora eina ngatha̱zāhaowa. 18Kala kum chi peikahaiwui thili athumna Josephli rāda hānga, “Ameili ithumwui pheisā yorzaserhaira kaji mangathumara, sha̱keila ameiwui sāthuiserhaira; ithumwui lam eina phasā maningla ameiwui mangāli khikhala maleithura. 19Khiwui vang ithum saikora kala iram ngalei nawui mangāli thikachangrakhala? Ithumlila lamla, kashakazā milaga lohaolu; laga ithum eina ithumwui lam ngasoda Pharaohwui raonao sāhaora; kala ramla marampho khavai, ithumla mathila ringkhavai ithumli māmachi milu.”
20Chieina Josephna Egyptwui lam katonga Pharaohwui vang lokhui; kaja Egyptwui mibingna athumwui lui saikora yorzāserhaowa, khikhalajila zāt kasak chi athumwui vang marlakhaowa. Lam chi Pharaohwui ngasāhaowa; 21kala Egyptwui achikun akha eina akha vāpeida mi saikora awui raonao sāngasakhaowa. 22Ana pāngmonbingwui lammāng malomana; kaja Pharaohwui eina pāngmonbingli yarkhami lei, kala yarkhami chi zāda athumna ringa; chiwui vang athumwui lam mayorhaimana. 23Kala Josephna mibing chili hānga, “Yanglu, aja zimiksho Pharaohwui vang ina nathum eina nathumwui lam lohaira. Ara nathumwui vang māmachi chi hili leili; kala nathumna lam chili māmachi hi yaolu. 24Kala māhāli akhum phangāwui khumkha Pharaohli mira, kala khum phangāwui khum mati chi amachiwui vang, chili langda nathum, kala nathumwui shimkhur saikorala zākhavai sāra.” 25Chieina athumna hānga, “Nana ithumwui mirin kanmihaira; ithumna Pharaohwui raonao sāra kaji hi ameiwui ningyāngkhaung ngasāranu.” 26Chieina Egyptwui ngaleiwui pongli Josephna shiyan akha semkhuida aja rāshungda chi mayonda lei, chiya Pharaohna khum phangāwui akha khuira, pāngmonbingwui lammāng Pharaohwui maningmana.
Jacobwui Khanaowa Ningkachāng
27Chithāda sāda Israelna Egyptwui ngalei Goshenwui lamli pama; kala chili athumna lan kachungkha mathuisangda chunglak eina mataisanga; 28kala Jacobna Egyptli kum tharāda shini okthui; chithāda sāda Jacobwui kum shākha hangmatida shinina. 29#Hao 49.29-32; 50.6. Israelna thiphalungki kaji atam rānganai kahai tharān anaomayara Josephli hokhuida hānga, “Nawui mikyanli mayāngaiakha napāng ikhaishāngzingli hailu, kala khamashung eina ning horsangda sāmirada khangashit sālu. Ili Egyptli machifalu, 30kha ishāvā ngarāli ngasoda chifalu; ili Egyptwui eina khuishokta athumli chifa khavai pam chili chifalu.”
Chieina Josephna ngahānkai, “Nana hāngkahai thāda ina sāra.” 31Kala ana hānga, “Ili khangashit sālu;” chieina ana ngashita. Chiwui thili Israelna awui khumkuili mashun zangda khoruma.
Currently Selected:
HAOKAPHOK 47: TANGBSI
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.
HAOKAPHOK 47
47
1Chieina Josephna Pharaohli zangda hānga, “Ishāvā, ichināngarā, athumwui sha̱kei khalalei saikora thānda Canaan ngaleiwui eina rāserhaira, kala athum ara Goshenli pamda lei.” 2Kala achinā ngarāwui eina mi phangāli thānvāda Pharaohli samphang ngasaka. 3Pharaohna achinā ngarāli hānga, “Nathum khi ot sākhala?”
Athumna ngahānkai, “Ishāvā ngarā thāda naraobingna yao homa.” 4Athumna Pharaohli hānga, “Ithumna kasha̱khawui vang ngasāmkhui khavai ngalei hili rāhaira, kaja naraobingwui sha̱keiwui vang azāt maleithuwa, khikhalajila Canaan ngaleili zāt kasak marlakhaowa; chieina ara narao ithumna nali seihā kasāna, naraobingli Goshenli kapam ngasākmilu.” 5Pharaohna Josephli hānga, “Navā eina nachinā ngarā nawuili rāhaira. 6Egypt ngalei nawui pāngli lei, navā kala nachinā ngarāli mathāmeikap kaji apamli panngasaklu; athum Goshenli pamranu; kala athumwui ngachaili sākashap mi zangakha iwui sha̱keila homngasaklu.” 7Chiwui thili Josephna avāva̱ Jacobli khuirāda Pharaohwui mangāli thānzanga, kala Jacobna Pharaohli somi. 8Kala Pharaohna Jacobli hānga, “Na kum kayākha kāhairakhala?” 9Jacobna Pharaohli hānga, “Iwui ram kazat mirin kum shākha thumra kāshunghaira, mirinla maphāmana, kumla ishāvā ngarāwui ram kazat kum yakha makāshungmana.” 10Jacobna Pharaohli somilaga shokhaowa. 11Kala Josephna Pharaohwui kakaso athishurda avāva̱ kala achinā ngarāli Egyptwui pam mathāmeikap kaji lam, Rameseswui lam chi athumli mihaowa. 12Kala Jacobna avāva̱, achinā ngarā kala avāva̱wui shimkhur katongali athumwui mashing athishurda kashakazazā mi.
Chāmrei
13Chitharan ngalei saikorali zāt masamphangthuwa; kaja zāt kasak chi marlakhaowa; chiwui vang Egypt eina Canaan ngaleilila zāt masamkaphangwui vang chothaowa. 14Kashakazā khalowui vang Egypt eina Canaan ngaleiwui pheisā katonga Josephna kazipkhuiserhaowa; kala Pharaohwui shimli khuivai. 15Kala Egyptlila kala Canaanlila lupā kānser kahai eina, Egyptnaobingna Josephli rāhānga, “Ithumli zāt milu; khiwui vang ithum nawui miktāli thirakhala? Khikhalajila ithumwui pheisā yorzāngakānserhaira.” 16Chieina Josephna hānga, “Nathumwui pheisā yorzāngakānhairakha nathumwui sha̱kei yorlu; nathumwui sha̱kei eina ngatha̱ khavai ina zāt mira.” 17Chiwui vang athumna Josephli athumwui sha̱kei khuivāmi; kala athumwui sigui, yao, simuk kala gadhā eina ngatha̱ khavai Josephna athumli zāt mi; kala chikum ana athumli zāt mida athumwui sha̱kei saikora eina ngatha̱zāhaowa. 18Kala kum chi peikahaiwui thili athumna Josephli rāda hānga, “Ameili ithumwui pheisā yorzaserhaira kaji mangathumara, sha̱keila ameiwui sāthuiserhaira; ithumwui lam eina phasā maningla ameiwui mangāli khikhala maleithura. 19Khiwui vang ithum saikora kala iram ngalei nawui mangāli thikachangrakhala? Ithumlila lamla, kashakazā milaga lohaolu; laga ithum eina ithumwui lam ngasoda Pharaohwui raonao sāhaora; kala ramla marampho khavai, ithumla mathila ringkhavai ithumli māmachi milu.”
20Chieina Josephna Egyptwui lam katonga Pharaohwui vang lokhui; kaja Egyptwui mibingna athumwui lui saikora yorzāserhaowa, khikhalajila zāt kasak chi athumwui vang marlakhaowa. Lam chi Pharaohwui ngasāhaowa; 21kala Egyptwui achikun akha eina akha vāpeida mi saikora awui raonao sāngasakhaowa. 22Ana pāngmonbingwui lammāng malomana; kaja Pharaohwui eina pāngmonbingli yarkhami lei, kala yarkhami chi zāda athumna ringa; chiwui vang athumwui lam mayorhaimana. 23Kala Josephna mibing chili hānga, “Yanglu, aja zimiksho Pharaohwui vang ina nathum eina nathumwui lam lohaira. Ara nathumwui vang māmachi chi hili leili; kala nathumna lam chili māmachi hi yaolu. 24Kala māhāli akhum phangāwui khumkha Pharaohli mira, kala khum phangāwui khum mati chi amachiwui vang, chili langda nathum, kala nathumwui shimkhur saikorala zākhavai sāra.” 25Chieina athumna hānga, “Nana ithumwui mirin kanmihaira; ithumna Pharaohwui raonao sāra kaji hi ameiwui ningyāngkhaung ngasāranu.” 26Chieina Egyptwui ngaleiwui pongli Josephna shiyan akha semkhuida aja rāshungda chi mayonda lei, chiya Pharaohna khum phangāwui akha khuira, pāngmonbingwui lammāng Pharaohwui maningmana.
Jacobwui Khanaowa Ningkachāng
27Chithāda sāda Israelna Egyptwui ngalei Goshenwui lamli pama; kala chili athumna lan kachungkha mathuisangda chunglak eina mataisanga; 28kala Jacobna Egyptli kum tharāda shini okthui; chithāda sāda Jacobwui kum shākha hangmatida shinina. 29#Hao 49.29-32; 50.6. Israelna thiphalungki kaji atam rānganai kahai tharān anaomayara Josephli hokhuida hānga, “Nawui mikyanli mayāngaiakha napāng ikhaishāngzingli hailu, kala khamashung eina ning horsangda sāmirada khangashit sālu. Ili Egyptli machifalu, 30kha ishāvā ngarāli ngasoda chifalu; ili Egyptwui eina khuishokta athumli chifa khavai pam chili chifalu.”
Chieina Josephna ngahānkai, “Nana hāngkahai thāda ina sāra.” 31Kala ana hānga, “Ili khangashit sālu;” chieina ana ngashita. Chiwui thili Israelna awui khumkuili mashun zangda khoruma.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.