PĀNGMONSHI 7
7
Khayonchigat
1Khayonchigat kasāwui ain hina. Hi tharmathengmeikap kajena; 2rikkatā kachigat taithat khavaipam chili khayonchigat sākhavai chila taithatra, kala ashee hanphut kuimareida chaira. 3Kala chiwui athao katonga chigatra, akhamei thaola, akharili kharom thaola, 4amakei khanili kharoma ahānthao kala amathinli khangathānbing ana amakei eina ngarumda khuithuihaora, 5Proho wui vang mei eina rikkatā chithāda pāngmonna hanphuttungli riktāra; hi khayonchigat kasāna. 6Pāngmon shimkhur mayarnao kachiva̱ shaipai; chi katharapam akhali shaira; hi tharmathengmeikap kajena.
7Khayonchigat hila suihamchigat eina ngaraichai; khani hiwui ain akhamaya; pheomi khavai sakhame pāngmon china sā chi khuira. 8Kala mi akhawui vang kachikathā rikkatā kachigat sakhame pāngmon china rikkatā kachigat sā chiwui ahui khuira. 9Khongpheili nailaga khāng eina khangui tharāzāt kachigat chi chigatkhame pāngmonwuina. 10Kala tharāzāt kachigat kachiva̱, thao sanglala, masanglala Aaronwui naomayarabingwuisera, kala chi athum ngaraichāda ngayarra.
11Kala hi mi akhana Proholi ningyatchigat pha̱kaphayāwui ainna. 12Kalikha ana ningkashiwui vang chigatakha thao khamanat khawok makazang khamui chigatra, thao heiror kahai khawok makazang khangava khamuiyur kala manaktak kahai mathir manātkazaklaga chigatranu. 13Ningkashiwui kachigat awui ningyatchigat kasāli pha̱kahai otli ngasoda khawok kazanga khamui khuirāra. 14Hikatha Proholi kachigatwui khamui yur ava̱va̱ pāngmonwui vang sāra, kaja ana ningyatchigatwui pha̱kaphayāwui ashee heirorkhamiwui vangna. 15Kala awui ningkashi khamiwui ningyatchigat pha̱kaphayā chiwui asā chi pha̱thang shaira; ngathorshongwui vang mataipaimana.
16Kha awui kachigat chi khangashit kasāwui kachigat, lah lemmet kachigatwui pha̱kaphayaakha, pha̱phayāthang shaira kala katai chi akhama kathāla shaipai. 17Kha kapha̱ sā chi kakathumathang taisaakha meili riktāra. 18Kala ningyatchigat kapha̱ asā chi kakathumathang shaiakha, chi makhuisangmimara, awui vang khikha kānkhanāla maleimana, makathar ot ngasāhaora, kala chi kashai mi akhalatta khayon phungra. 19Makathara otli saza̱ kahai asā chi mashaipaimana, chi mei eina riktāra. Kha katai asābing chiya katharbingmāngna shaipai.
20Kha makathar mi akhana Proholi kachigat ningyatchigatwui sā shaiakha chikathā mi chili miyurwui eina katathaora. 21Kala kachikathā akhana makathara ot miwui makathar nilala, makathar sāyur nilala, kala ningkakachaiya makathara ot nilala akhali saza̱laga Proho wui vang ningyatshar kachigat asā chi shaiakha, mipa chili awui mibingwui eina katathaora.
22 Prohona Mosesli hānga, 23Israelnaobingli hānglu, nathumna seiwui nilala, yaowui nilala kala mewui nilala athao mashaipaimara. 24Khalatta kathi sāwui kala khazur sāwui athao chi ot khangateili sāvaipai; kha nathumna chi mashaipaimana. 25Mei eina riktāda Proholi kachigatwui sā chiwui athao kashai mibing kachiva̱li mibingwui eina katathaora. 26#Hao 9.4; Pāng 17.10-14; 19.26; Khal 12.16,23; 15.23. Chili lāngda, nathumwui kapampamli sāyur-vāyurwui ashee mazāpaimana. 27Ashee kazāpa chili mibingwui eina katathaora.
28Kala Prohona Mosesli hānga, 29“Israelnaobingli hānglu, Proholi ningyatshar kachigata a china awui pha̱kaphayā akai akha chi Proholi khuirāra. 30Mei eina riktāda kachigat, Prohowui pha̱kaphayā chi awui pāng eina khuirāki kajina, athao chi asuk eina ngasoda khuirāra, asuk chi Prohowui mangāli khayitta kayitchigat sāra. 31Athao chi pāngmonna hanphuttungli riktāra, kha asuk chi Aaron kala awui naomayarabingwui sāra. 32Kala nana nawui ningyatchigat kapha̱wui yashongwui akhaishāng pāngmonli mira. 33Aaronwui naomayarabingwui ngachaili ningyatshar kachigatwui ashee kala athao pha̱kaphayāpa china awui yar yāshongwui khaishāng samphangra. 34Ningyat chigatwui asuk khayit kahai chi kala khaishāng chigat kahai chi Israelnaowui eina ina khuikahaina, kala pāngmon Aaron kala awui naomayarabingli mikahaina, hi Israelnaobingna michingphalungki kaji mikhangayi yarna. 35Rikkatā Proholi kachigatwui eina hi Aaron kala anaomayarabingli, Prohowui otram ngatha̱ khavai pāngmon sāda hākhuithang eina thuida tharchigatta yarkahaina. 36Hi israelnaobingna mikhangayina, athumli tharchisinmithang Prohona kaso kahaina, athumwui naothot kachida mivāshumki kajina.”
37Hi rikkatā kachigat, tharāzāt kachigat, suihamchigat, khayonchigat, tharkachigatwui kala ningyatchigatwui ningkhamina. 38Israelnaobingna Sinai lamhāngli pha̱phayā khavai, Sinai Kaphungli Prohona Mosesli hāngthang kaso kahaina.
Currently Selected:
PĀNGMONSHI 7: TANGBSI
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.
PĀNGMONSHI 7
7
Khayonchigat
1Khayonchigat kasāwui ain hina. Hi tharmathengmeikap kajena; 2rikkatā kachigat taithat khavaipam chili khayonchigat sākhavai chila taithatra, kala ashee hanphut kuimareida chaira. 3Kala chiwui athao katonga chigatra, akhamei thaola, akharili kharom thaola, 4amakei khanili kharoma ahānthao kala amathinli khangathānbing ana amakei eina ngarumda khuithuihaora, 5Proho wui vang mei eina rikkatā chithāda pāngmonna hanphuttungli riktāra; hi khayonchigat kasāna. 6Pāngmon shimkhur mayarnao kachiva̱ shaipai; chi katharapam akhali shaira; hi tharmathengmeikap kajena.
7Khayonchigat hila suihamchigat eina ngaraichai; khani hiwui ain akhamaya; pheomi khavai sakhame pāngmon china sā chi khuira. 8Kala mi akhawui vang kachikathā rikkatā kachigat sakhame pāngmon china rikkatā kachigat sā chiwui ahui khuira. 9Khongpheili nailaga khāng eina khangui tharāzāt kachigat chi chigatkhame pāngmonwuina. 10Kala tharāzāt kachigat kachiva̱, thao sanglala, masanglala Aaronwui naomayarabingwuisera, kala chi athum ngaraichāda ngayarra.
11Kala hi mi akhana Proholi ningyatchigat pha̱kaphayāwui ainna. 12Kalikha ana ningkashiwui vang chigatakha thao khamanat khawok makazang khamui chigatra, thao heiror kahai khawok makazang khangava khamuiyur kala manaktak kahai mathir manātkazaklaga chigatranu. 13Ningkashiwui kachigat awui ningyatchigat kasāli pha̱kahai otli ngasoda khawok kazanga khamui khuirāra. 14Hikatha Proholi kachigatwui khamui yur ava̱va̱ pāngmonwui vang sāra, kaja ana ningyatchigatwui pha̱kaphayāwui ashee heirorkhamiwui vangna. 15Kala awui ningkashi khamiwui ningyatchigat pha̱kaphayā chiwui asā chi pha̱thang shaira; ngathorshongwui vang mataipaimana.
16Kha awui kachigat chi khangashit kasāwui kachigat, lah lemmet kachigatwui pha̱kaphayaakha, pha̱phayāthang shaira kala katai chi akhama kathāla shaipai. 17Kha kapha̱ sā chi kakathumathang taisaakha meili riktāra. 18Kala ningyatchigat kapha̱ asā chi kakathumathang shaiakha, chi makhuisangmimara, awui vang khikha kānkhanāla maleimana, makathar ot ngasāhaora, kala chi kashai mi akhalatta khayon phungra. 19Makathara otli saza̱ kahai asā chi mashaipaimana, chi mei eina riktāra. Kha katai asābing chiya katharbingmāngna shaipai.
20Kha makathar mi akhana Proholi kachigat ningyatchigatwui sā shaiakha chikathā mi chili miyurwui eina katathaora. 21Kala kachikathā akhana makathara ot miwui makathar nilala, makathar sāyur nilala, kala ningkakachaiya makathara ot nilala akhali saza̱laga Proho wui vang ningyatshar kachigat asā chi shaiakha, mipa chili awui mibingwui eina katathaora.
22 Prohona Mosesli hānga, 23Israelnaobingli hānglu, nathumna seiwui nilala, yaowui nilala kala mewui nilala athao mashaipaimara. 24Khalatta kathi sāwui kala khazur sāwui athao chi ot khangateili sāvaipai; kha nathumna chi mashaipaimana. 25Mei eina riktāda Proholi kachigatwui sā chiwui athao kashai mibing kachiva̱li mibingwui eina katathaora. 26#Hao 9.4; Pāng 17.10-14; 19.26; Khal 12.16,23; 15.23. Chili lāngda, nathumwui kapampamli sāyur-vāyurwui ashee mazāpaimana. 27Ashee kazāpa chili mibingwui eina katathaora.
28Kala Prohona Mosesli hānga, 29“Israelnaobingli hānglu, Proholi ningyatshar kachigata a china awui pha̱kaphayā akai akha chi Proholi khuirāra. 30Mei eina riktāda kachigat, Prohowui pha̱kaphayā chi awui pāng eina khuirāki kajina, athao chi asuk eina ngasoda khuirāra, asuk chi Prohowui mangāli khayitta kayitchigat sāra. 31Athao chi pāngmonna hanphuttungli riktāra, kha asuk chi Aaron kala awui naomayarabingwui sāra. 32Kala nana nawui ningyatchigat kapha̱wui yashongwui akhaishāng pāngmonli mira. 33Aaronwui naomayarabingwui ngachaili ningyatshar kachigatwui ashee kala athao pha̱kaphayāpa china awui yar yāshongwui khaishāng samphangra. 34Ningyat chigatwui asuk khayit kahai chi kala khaishāng chigat kahai chi Israelnaowui eina ina khuikahaina, kala pāngmon Aaron kala awui naomayarabingli mikahaina, hi Israelnaobingna michingphalungki kaji mikhangayi yarna. 35Rikkatā Proholi kachigatwui eina hi Aaron kala anaomayarabingli, Prohowui otram ngatha̱ khavai pāngmon sāda hākhuithang eina thuida tharchigatta yarkahaina. 36Hi israelnaobingna mikhangayina, athumli tharchisinmithang Prohona kaso kahaina, athumwui naothot kachida mivāshumki kajina.”
37Hi rikkatā kachigat, tharāzāt kachigat, suihamchigat, khayonchigat, tharkachigatwui kala ningyatchigatwui ningkhamina. 38Israelnaobingna Sinai lamhāngli pha̱phayā khavai, Sinai Kaphungli Prohona Mosesli hāngthang kaso kahaina.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.