LUKE 5
5
Jishuna Hokhuikhare Sākhangatha̱bing
(Mat 4.18-22; Mk 1.16-20)
1 #
Mat 4.18-22; Mk 1.16-20; Joh 1.40-42; 21.1-19. Mibingna Varewui tui nganākida awui ngalemli kharā tharan a Gennesaretwui ngayipheili a nganingda leisai. 2Ana ngayipheili marikhong khani thei; kha khaih kaphābinga marikhongwui eina thuihaida khaihlan apheohairasai. 3#Mat 13.1-2; Mk 4.1. Chieina Jishuna marikhong khaniwui ngachaili Simonwui marikhongli kātonglaga ngayipheiwui eina kateokha huivā khavai poi. Kala ana marikhongli pamda mibing chili tamchithei. 4Ana tamchitheikup kahai eina Simonli hānga, “Kathukvāk huivāda khaih phākhui khavai nawui khaihlan horsanglu.” 5#Lk 8.24,45; 9.33,49; 17.13. Chieina Simonna ngahānkai, “Amei, ithumna ngayā pongda phāhaira, kha khikhala masamphangmana. Chithālala nawui kakaso athishurda ina horsangluiga.” 6Athumna khaihlan horkasang tharan khaih sorkhangasai horkhuiya kala khaihlanla kākki jihaoda, 7athumna marikhong khangateili katonga ngasotnaobingli rāngachonmi khavai apāng yapvai. Chieina athumna rāda marikhong khanini chi khaihna pemhaida ritnā kahaiwui vang marikhong chi ngaphumki jihaowa. 8Kha Simon Peterna chi kathei eina Jishuwui pheizingli ngakhumzangda hānga, “He Proho, iwui eina kathuimihaolu; kaja I morei kaphunga mina.” 9Athum khaih sorkhangasai horkakhui chi theilaga ala kala ali khangaso saikorala matakhakhaowa. 10Chithada sāda Simonwui ngasotnaobing, Zebedeewui naomayara James eina Johnla matakhakhaowa. Chieina Jishuna Simonli hānga, “Mangacheealu, hiwui eina thuida ara na mi kapha ngasāhaora.”
11Athumna marikhong khani chi ngayipheili khuishokhailaga athumwui khalalei saikora horhaiphungda athi shurthuwa.
Phārrei Kakazā Mi Akhali Raikhami
(Mat 8.1-4; Mk 1.40-45)
12 #
Mat 8.1-4; Mk 1.40-45; Lk 17.11-19. Thangkha ana keinung akhali pamlakha phārrei ngapharhok kahai mi akha rārāsai. Ana Jishuli theida awui mangāli ngakhumzangda poi, “Proho, nana phaningmiakha ili tharngasakshapa.” 13Chieina Jishuna awui pāng katingvāda saza̱da hānga, “Ina sāmilakra, tharchaohaolu.” Ngalangda phārrei kakazā chi raichaohaowa. 14#Pāng 13.49; 14.2-32. Ana “Mi khipālikha mahānglakalu, kha vālu, na khalattana naphasā pāngmonli achitheilu kala Mosesna kaso kahai athishurda nali tharmihaira kaji mibingna machutkhui khavai pha̱kaphayā achigatlu.” da hānga. 15#Lk 4.14,37; Mat 9.26. Jishuwui pongli mataimeikharda pao ngayaovāhaoda awui tui nganā khavai kala athumwui kakazā raikhui khavai mi kachungkha rākazipa. 16#Lk 3.21; 6.12; 9.18,28; 11.1. Kha ana lamhāngli vāda seihā vāsāthuihaowa.
Sheikasha̱ Mi Akhali Raikhami
(Mat 9.1-8; Mk 2.1-12)
17 #
Mat 9.1-8; Mk 2.1-12; Joh 5.1-9. #Mat 15.1; Mk 5.30; Lk 6.19.Thang zimikshokha ana tamchitheida leilakha Galilee, Judea kala Jerusalemwui kha̱ kachiva̱wui eina kharā Phariseebing eina ain kathemabing awui ngalemli pamsai kala kazāt raimi khavai Prohowui pangshap chi ali ngasosai. 18Kala yanglu, kachikathā kaikhana sheikasha̱ mi akhali pet eina ngava̱rai kala ali shimlungli khuizangda Jishuwui mangāli haikhavai hotnai; 19kha mi chungnahaida khuizang khavai apong maleithuda athumna shimtungli kai, kala chi rānphutta ali pet eina ngasoda yarui pamda khalei alungthungli Jishuwui mangāli chihotai. 20#Lk 7.48-49. Jishuna athumwui shitkasang chi theida hānga, “He mayara, nawui morei pheomihaira.” 21Chieina ain kathembing eina Phariseebingna athum khalatta kapupta hāngngaroka, “Vareli kachipat tui khamatui hi khipākhala? Vare maningla khipāna morei pheomishapkhala?” 22Jishuna athumwui ngahān khangarok chi theida athumli hānga, “Khisāda nathumwui wuklungli machukphāphākhala? 23‘Nawui morei pheomihaira’ kaji eina ‘Ngakarthuida zatulu’ da kahāng kachipā paimeikhala? 24Kha okathuili miwui Naomayarana morei pheomi khavai pangshap lei da nathumna theikhavaina.” Chieina ana sheikasha̱ chili hānga, “Ina nali kahāngna, ngakarthuilu, nawui pet khuiphungda shimli ungulu.” 25Ana athumwui miktāli ngalāngda ngakarthui kala ana pikhavai pet chi ngava̱khuiphungda masot chikatmamānda shimli unghaowa. 26Chieina athum saikora matakhakhaoda Vareli masochikata; kala khangacheena pemtinghaida “Ithumna matheisālak kaji ot aja theihaira.” da hāngngaroka.
Jishuna Levili Kaho
(Mat 9.9-13; Mk 2.13-17)
27 #
Mat 9.9-13; Mk 2.13-17. Chiwui thili Jishuna ayar kashok eina khāshinā shānkhavai shimli Levi kaho khāshinā khaloka mi akha pamkasa thei, chieina ali hānga, “Ithi shurlu.” 28Chieina Levina ot saikora nothāhaiphunglaga ngakarthuida athi shurthuwa.
29Chiwui thili Levina ashi shimli Jishuwui vang zātkhān kahaka akha sai; phazāt chili khāshinā khalokabing kala khangatateibingla zangda mi kachungkha kazipa. 30#Lk 15.1-2. Chieina Pharisee eina ain kathembingna awui sākhangatha̱bingli mamayāngaimada, “Khiwui vang eina nathumna khāshinā khalokabing kala morei kaphungbingli phāshak phazārumkhala?” da hānga. 31Chieina Jishuna athumli ngahānkai, “Kazāt makhaleibingna khanong mahomana, kha kakazābingna kahona; 32#1 Tim 1.15. Iva khamashung-khangarongbingli hokhui khavai kharā maningmana, kha morei kaphungbingli ning ngateikhui khavai hokhuikida kharāna.”
Kakhumwui pongli Khangahān
(Mat 9.14-17; Mk 2.18-22)
33 #
Mat 9.14-17; Mk 2.18-22. #Lk 7.18; 11.1; Joh 3.25-26. Athumna ali hānga, “Johnwui sākhangatha̱bingna toilak eina khumda seihā sai kala Phariseebingwui sākhangatha̱bingla chithada sai, kha nawui sākhangatha̱bingva phāshak phazāpamli.” 34Chieina Jishuna athumli hānga, “Khām kahaia china athumli ngasopamlakha shakzātli kharābingli chikhumpairalā? 35#Lk 9.22; 17.22. Khām kahaia chili athumwui eina khuikathui atam rārāsāra, chithanghon athum khumnaora.” 36Ana athumli chānjam akhala hāngchithei; “Mi khipānakha kadhara chonsāwui eina akainao akha serkhuilaga kachama chonsāli mataksangmana; taksangakha kadhara chonsā chila kakhaowa kala kadhara chonsā chi kachama chili machāluimana. 37Khipānakha drakhāra̱ sangkhavai sāhuikhao kachamli drakhāra̱ kadhar mathaisangmana; thaisangakha kadhara drakhāra̱ china khao chi ngawokkhaida heitha̱haora, khaola shimānhaora. 38Kha drakhāra̱ kadhar chi sāhuikhao kadharli sangphalungra. 39Kala khipānakha drakhāra̱ arar mangkahaiwui thili anui mamangngailui mana kaja ‘Arar phāmeiya’ da ana hānga.”
Currently Selected:
LUKE 5: TANGBSI
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.
LUKE 5
5
Jishuna Hokhuikhare Sākhangatha̱bing
(Mat 4.18-22; Mk 1.16-20)
1 #
Mat 4.18-22; Mk 1.16-20; Joh 1.40-42; 21.1-19. Mibingna Varewui tui nganākida awui ngalemli kharā tharan a Gennesaretwui ngayipheili a nganingda leisai. 2Ana ngayipheili marikhong khani thei; kha khaih kaphābinga marikhongwui eina thuihaida khaihlan apheohairasai. 3#Mat 13.1-2; Mk 4.1. Chieina Jishuna marikhong khaniwui ngachaili Simonwui marikhongli kātonglaga ngayipheiwui eina kateokha huivā khavai poi. Kala ana marikhongli pamda mibing chili tamchithei. 4Ana tamchitheikup kahai eina Simonli hānga, “Kathukvāk huivāda khaih phākhui khavai nawui khaihlan horsanglu.” 5#Lk 8.24,45; 9.33,49; 17.13. Chieina Simonna ngahānkai, “Amei, ithumna ngayā pongda phāhaira, kha khikhala masamphangmana. Chithālala nawui kakaso athishurda ina horsangluiga.” 6Athumna khaihlan horkasang tharan khaih sorkhangasai horkhuiya kala khaihlanla kākki jihaoda, 7athumna marikhong khangateili katonga ngasotnaobingli rāngachonmi khavai apāng yapvai. Chieina athumna rāda marikhong khanini chi khaihna pemhaida ritnā kahaiwui vang marikhong chi ngaphumki jihaowa. 8Kha Simon Peterna chi kathei eina Jishuwui pheizingli ngakhumzangda hānga, “He Proho, iwui eina kathuimihaolu; kaja I morei kaphunga mina.” 9Athum khaih sorkhangasai horkakhui chi theilaga ala kala ali khangaso saikorala matakhakhaowa. 10Chithada sāda Simonwui ngasotnaobing, Zebedeewui naomayara James eina Johnla matakhakhaowa. Chieina Jishuna Simonli hānga, “Mangacheealu, hiwui eina thuida ara na mi kapha ngasāhaora.”
11Athumna marikhong khani chi ngayipheili khuishokhailaga athumwui khalalei saikora horhaiphungda athi shurthuwa.
Phārrei Kakazā Mi Akhali Raikhami
(Mat 8.1-4; Mk 1.40-45)
12 #
Mat 8.1-4; Mk 1.40-45; Lk 17.11-19. Thangkha ana keinung akhali pamlakha phārrei ngapharhok kahai mi akha rārāsai. Ana Jishuli theida awui mangāli ngakhumzangda poi, “Proho, nana phaningmiakha ili tharngasakshapa.” 13Chieina Jishuna awui pāng katingvāda saza̱da hānga, “Ina sāmilakra, tharchaohaolu.” Ngalangda phārrei kakazā chi raichaohaowa. 14#Pāng 13.49; 14.2-32. Ana “Mi khipālikha mahānglakalu, kha vālu, na khalattana naphasā pāngmonli achitheilu kala Mosesna kaso kahai athishurda nali tharmihaira kaji mibingna machutkhui khavai pha̱kaphayā achigatlu.” da hānga. 15#Lk 4.14,37; Mat 9.26. Jishuwui pongli mataimeikharda pao ngayaovāhaoda awui tui nganā khavai kala athumwui kakazā raikhui khavai mi kachungkha rākazipa. 16#Lk 3.21; 6.12; 9.18,28; 11.1. Kha ana lamhāngli vāda seihā vāsāthuihaowa.
Sheikasha̱ Mi Akhali Raikhami
(Mat 9.1-8; Mk 2.1-12)
17 #
Mat 9.1-8; Mk 2.1-12; Joh 5.1-9. #Mat 15.1; Mk 5.30; Lk 6.19.Thang zimikshokha ana tamchitheida leilakha Galilee, Judea kala Jerusalemwui kha̱ kachiva̱wui eina kharā Phariseebing eina ain kathemabing awui ngalemli pamsai kala kazāt raimi khavai Prohowui pangshap chi ali ngasosai. 18Kala yanglu, kachikathā kaikhana sheikasha̱ mi akhali pet eina ngava̱rai kala ali shimlungli khuizangda Jishuwui mangāli haikhavai hotnai; 19kha mi chungnahaida khuizang khavai apong maleithuda athumna shimtungli kai, kala chi rānphutta ali pet eina ngasoda yarui pamda khalei alungthungli Jishuwui mangāli chihotai. 20#Lk 7.48-49. Jishuna athumwui shitkasang chi theida hānga, “He mayara, nawui morei pheomihaira.” 21Chieina ain kathembing eina Phariseebingna athum khalatta kapupta hāngngaroka, “Vareli kachipat tui khamatui hi khipākhala? Vare maningla khipāna morei pheomishapkhala?” 22Jishuna athumwui ngahān khangarok chi theida athumli hānga, “Khisāda nathumwui wuklungli machukphāphākhala? 23‘Nawui morei pheomihaira’ kaji eina ‘Ngakarthuida zatulu’ da kahāng kachipā paimeikhala? 24Kha okathuili miwui Naomayarana morei pheomi khavai pangshap lei da nathumna theikhavaina.” Chieina ana sheikasha̱ chili hānga, “Ina nali kahāngna, ngakarthuilu, nawui pet khuiphungda shimli ungulu.” 25Ana athumwui miktāli ngalāngda ngakarthui kala ana pikhavai pet chi ngava̱khuiphungda masot chikatmamānda shimli unghaowa. 26Chieina athum saikora matakhakhaoda Vareli masochikata; kala khangacheena pemtinghaida “Ithumna matheisālak kaji ot aja theihaira.” da hāngngaroka.
Jishuna Levili Kaho
(Mat 9.9-13; Mk 2.13-17)
27 #
Mat 9.9-13; Mk 2.13-17. Chiwui thili Jishuna ayar kashok eina khāshinā shānkhavai shimli Levi kaho khāshinā khaloka mi akha pamkasa thei, chieina ali hānga, “Ithi shurlu.” 28Chieina Levina ot saikora nothāhaiphunglaga ngakarthuida athi shurthuwa.
29Chiwui thili Levina ashi shimli Jishuwui vang zātkhān kahaka akha sai; phazāt chili khāshinā khalokabing kala khangatateibingla zangda mi kachungkha kazipa. 30#Lk 15.1-2. Chieina Pharisee eina ain kathembingna awui sākhangatha̱bingli mamayāngaimada, “Khiwui vang eina nathumna khāshinā khalokabing kala morei kaphungbingli phāshak phazārumkhala?” da hānga. 31Chieina Jishuna athumli ngahānkai, “Kazāt makhaleibingna khanong mahomana, kha kakazābingna kahona; 32#1 Tim 1.15. Iva khamashung-khangarongbingli hokhui khavai kharā maningmana, kha morei kaphungbingli ning ngateikhui khavai hokhuikida kharāna.”
Kakhumwui pongli Khangahān
(Mat 9.14-17; Mk 2.18-22)
33 #
Mat 9.14-17; Mk 2.18-22. #Lk 7.18; 11.1; Joh 3.25-26. Athumna ali hānga, “Johnwui sākhangatha̱bingna toilak eina khumda seihā sai kala Phariseebingwui sākhangatha̱bingla chithada sai, kha nawui sākhangatha̱bingva phāshak phazāpamli.” 34Chieina Jishuna athumli hānga, “Khām kahaia china athumli ngasopamlakha shakzātli kharābingli chikhumpairalā? 35#Lk 9.22; 17.22. Khām kahaia chili athumwui eina khuikathui atam rārāsāra, chithanghon athum khumnaora.” 36Ana athumli chānjam akhala hāngchithei; “Mi khipānakha kadhara chonsāwui eina akainao akha serkhuilaga kachama chonsāli mataksangmana; taksangakha kadhara chonsā chila kakhaowa kala kadhara chonsā chi kachama chili machāluimana. 37Khipānakha drakhāra̱ sangkhavai sāhuikhao kachamli drakhāra̱ kadhar mathaisangmana; thaisangakha kadhara drakhāra̱ china khao chi ngawokkhaida heitha̱haora, khaola shimānhaora. 38Kha drakhāra̱ kadhar chi sāhuikhao kadharli sangphalungra. 39Kala khipānakha drakhāra̱ arar mangkahaiwui thili anui mamangngailui mana kaja ‘Arar phāmeiya’ da ana hānga.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tangkhul Naga Bible - Kathara Bible
Copyright © 2014 by The Bible Society of India
Used by permission. All rights reserved worldwide.