KÜÜRORI 4
4
Pitor thi Johan masü Müzakümühu Tüvü Kütsie
1Masü nüh nyiri vü azhü küza veh ünü levüri thi kükhurüzhe vü sierhüri thi Sadusiri tü masü vü ru. 2Mari tü arüshutewa, küpakenühnyunü masü tü nyiri vü Jisu aküsü vünüh kürhole zhüku vi zie küveh kenüh. 3Thi mari tü masü re nü küsizhe lovü müjie kütho küju sa, küpakenühnyunü münüle sakümüthuoh kenüh. 4Thitü küülolewa zhü küünarari nyi hozake tsotüra, thi kütsotüri nyi anyie münga kümüjie zhiteru. 5Thi rülo künyiawa sierhüri thi kükhruori thi Khonyo küsosieri tü Jerusalem vü sehzhu khe. 6Jütiküsavü mari tü Levü Kümüsiewa Ana thi Kaifa thi Johan, thi Alexander, thi Levü Kümüsiewa küshuküra aveh nga mütu. 7Jüti satajinü mari tü masü siewa mari azhilavü sataji, “Mowa kükhra nyutü mowa nyo vünüh hamaha sa veh lo?” ti küna. 8Thinü Pitor tü Kümtse Sietse prowie taji mari vü, “Anyu vü sierhüri thi kükhruori, 9rünyihküpriwa vü kümühie sakütsü nohri nüh mokümjie küsa vünüh anyi hama sakümühie nta küsa nosü hisü vü küna nta thuoüji, 10nohri aveh thi Israel nyi aveh thsüluo, Jisu Khrista Nazareth, nohri nüh küzekewa, Saküüwuowa nüh aküsü vünüh saküürhowa anyo vünüh ma tü nohri atüvü tsiemühie veh. 11#Krh 118.22. Jisu hamatü zhütsazhü nüh küza küsa:
“Aloh hamatü nohri azhe küsari nüh vijakümüwa, thitü jümatü ajüke vü alüwa samüthuoh. 12Thi nyi küsü vü nga nüh küülole müngura, küpakenühnyunü thajüwu kükhuvü nyiri zhie vü hiri küloletsüra na küsa Jisu küchie nüh anyo küpa münyie,” ti küza. 13Mari tü Pitor thi Johan luoveh kümüzho ngu, thi masü tü lasi müküthsü kürho kürünyie vünüh kürhori ta küsa thsüra, jümpa mükünyu masü tü Jisu sietse ta küsa küthsüra vü mari ngo she. 14Thitü anyiwa saküümühie taji masü kütuovü tsie küveh küngu kenüh mari tü zanyo küsü nga phra nü masü siemüküproluora nüh samü. 15Thitü mari nüh masü tü mari Müzakümühu vünüh küpavü tewa üti azhütsü mü tajinü mari mpa küsü nüh küsü vü, 16“Hiri tü anyi hamasü vi mowa sanathuoh lo? Masü vünüh zanyo küngo thsoshi sa Jerusalem vü küperi aveh kütsamüwiethuoh, thi hiri nga jütü mükürüra wiethuoh. 17Tinü hama anyiri vü nyuomüküze nüh sana küsa kenüh anyo hama vi nyi küsü vü nga müphratetümü üti masü sakükrümü nüh raluo,” ti sa. 18Jükenüh mari tü masü ji sheleru nü piketü Jisu nyo vi müphrate nyutü müsosie tümü üti wurie khe. 19Thitü Pitor thi Johan masü nüh mari vü, “Nohri azhüküüna nyia vünüh Saküüwuowa zhü küüna nüh azhüle ünü nyu nüh nohri mpa mümüsheji mümühie. 20Küpakenühnyunü hisü nü jüma mükhera thitü hisü nüh mowa ngu thi thsü nüh vi phratewie naveh,” ti küza. 21Anyiri tü masü nüh küsari ngu taji Saküüwuowa siake, jükenüh mari tü masü vü zanyoküsü nga müsarathuoh nüh masü sakükrü lehü nü küzemü. 22Küpakenühnyunü ma vünüh küngo thsoshi küsawa tü mavi zürake khruo kümüthuoh kenüh.
Luoveh Kümüzho kenüh Kütsotüri Kükhuo
23Nyuri nüh masü küze kümüsevü masü füri vü wa nü levü küjiri thi kükhruori nüh masü vü mowa küza nüh viwa küza. 24#Tse 20.11; Neh 9.6; Krh 146.6. Thinü mari tü jü thsüra nü mari kürü Saküüwuowa vü azhü zie taji, “Kükhratsahwa Vüwa, thajüwu, azhih, ajuküji thi jümari vü küperi aveh küsawa! 25#Krh 2.1,2. Kümtse Sietse vünüh hiri pa no siepe David apo vünüh,
“Mokenüh mükütsotüri tü arüshumü lo,
thi nyiri tü zanyo müjujuri müshe veh lo?
26 Vüwa thi Khrista sie küproluo na küsa kenüh anyu vü kajiri tü küchevehthuoh,
thi takrüri tü sehzhuvehthuoh, ta küza saveh.
27 #
Luk 23.7-11; Mat 27.1,2; Mrk 15.1; Luk 23.1; Jhn 18.28,29. Herod thi Pontius Pilate masü tü mükütsotüri thi Israel nyiri sie nü noh Siepe kümtsewa Jisu,
noh nüh kürükawa mükünongü kenüh nyuküji hala nüh serütsah.
28Noh ke nüh thi noh kümüshewa nüh momowa sa nta kürühke sanüh jümari sa nta sehzhu.
29Jükenüh Vüwa, mari nüh sakükrü küveh hama notü taji no sieperi tü luoveh müzho wie taji no zhü küza na küsa kükhra tsüluo.
30Noh nüh noh ke thsuoru nü sakümühie tsüluo,
thi thsoshi thi küngori noh siepe kümtsewa Jisu nyo vünüh küüsarawa saluo,” ti khuo.
31Jüti sataji mari nüh kükhuo sa ünü azhie mari nüh sehzhu peküvehwatü küzhühtewa;
thi mari tü Kümtse Sietse nüh pro nü Saküüwuowa zhü luoveh müzho she nü phrate.
Zanyo aveh Zhiküsü Sakümü
32 #
Krr 2.44,45. Thi kütsotüri refü sataji küpe jümaritü luoveh küsü thi kümüshe küsü sanü pe,
thi zanyo papa zhizhi peküveh ritü nyi küsü nga mampa ma zhithuoh ta müsanüh zanyo aveh nga müzazhi satewa.
33Thi povüküsari tü kükhra ji she wie nü mari nüh rholeküsüra zhüku povü sa tsü,
thi mari vü küümzewa zhi shetewa.
34Thi mari azhie vü küthotsa küsü nga münyie nüh sa,
küpakenühnyunü mari nüh momowa peveh nüh azhih nga nyutü azhe nga küzhurari aveh viri
35nü povüküsari ajih vü thsekheh;
thi thari nüh küzake müviji mümühie nüh küsuotsü.
36Jütiküsavü Josef, Vüwa povü küsari nüh arienyo Barnabas (mazhünyo Luoveh küchükütsüwa) ti küsawa Leviri Saipras vünüh küwuori küsü peveh,
37thinü anyi hamatü azhuh zhuto küsü peküveh zhu taji amewa viru povüküsari ajih vü thse.
Currently Selected:
KÜÜRORI 4: POCHBSI
Highlight
Share
Copy
Want to have your highlights saved across all your devices? Sign up or sign in
Pochuri Naga Bible - KÜMÜTSE BIBLE
Copyright © 2015 by The Bible Society of India
Used by permission. All rights reserved worldwide.
KÜÜRORI 4
4
Pitor thi Johan masü Müzakümühu Tüvü Kütsie
1Masü nüh nyiri vü azhü küza veh ünü levüri thi kükhurüzhe vü sierhüri thi Sadusiri tü masü vü ru. 2Mari tü arüshutewa, küpakenühnyunü masü tü nyiri vü Jisu aküsü vünüh kürhole zhüku vi zie küveh kenüh. 3Thi mari tü masü re nü küsizhe lovü müjie kütho küju sa, küpakenühnyunü münüle sakümüthuoh kenüh. 4Thitü küülolewa zhü küünarari nyi hozake tsotüra, thi kütsotüri nyi anyie münga kümüjie zhiteru. 5Thi rülo künyiawa sierhüri thi kükhruori thi Khonyo küsosieri tü Jerusalem vü sehzhu khe. 6Jütiküsavü mari tü Levü Kümüsiewa Ana thi Kaifa thi Johan, thi Alexander, thi Levü Kümüsiewa küshuküra aveh nga mütu. 7Jüti satajinü mari tü masü siewa mari azhilavü sataji, “Mowa kükhra nyutü mowa nyo vünüh hamaha sa veh lo?” ti küna. 8Thinü Pitor tü Kümtse Sietse prowie taji mari vü, “Anyu vü sierhüri thi kükhruori, 9rünyihküpriwa vü kümühie sakütsü nohri nüh mokümjie küsa vünüh anyi hama sakümühie nta küsa nosü hisü vü küna nta thuoüji, 10nohri aveh thi Israel nyi aveh thsüluo, Jisu Khrista Nazareth, nohri nüh küzekewa, Saküüwuowa nüh aküsü vünüh saküürhowa anyo vünüh ma tü nohri atüvü tsiemühie veh. 11#Krh 118.22. Jisu hamatü zhütsazhü nüh küza küsa:
“Aloh hamatü nohri azhe küsari nüh vijakümüwa, thitü jümatü ajüke vü alüwa samüthuoh. 12Thi nyi küsü vü nga nüh küülole müngura, küpakenühnyunü thajüwu kükhuvü nyiri zhie vü hiri küloletsüra na küsa Jisu küchie nüh anyo küpa münyie,” ti küza. 13Mari tü Pitor thi Johan luoveh kümüzho ngu, thi masü tü lasi müküthsü kürho kürünyie vünüh kürhori ta küsa thsüra, jümpa mükünyu masü tü Jisu sietse ta küsa küthsüra vü mari ngo she. 14Thitü anyiwa saküümühie taji masü kütuovü tsie küveh küngu kenüh mari tü zanyo küsü nga phra nü masü siemüküproluora nüh samü. 15Thitü mari nüh masü tü mari Müzakümühu vünüh küpavü tewa üti azhütsü mü tajinü mari mpa küsü nüh küsü vü, 16“Hiri tü anyi hamasü vi mowa sanathuoh lo? Masü vünüh zanyo küngo thsoshi sa Jerusalem vü küperi aveh kütsamüwiethuoh, thi hiri nga jütü mükürüra wiethuoh. 17Tinü hama anyiri vü nyuomüküze nüh sana küsa kenüh anyo hama vi nyi küsü vü nga müphratetümü üti masü sakükrümü nüh raluo,” ti sa. 18Jükenüh mari tü masü ji sheleru nü piketü Jisu nyo vi müphrate nyutü müsosie tümü üti wurie khe. 19Thitü Pitor thi Johan masü nüh mari vü, “Nohri azhüküüna nyia vünüh Saküüwuowa zhü küüna nüh azhüle ünü nyu nüh nohri mpa mümüsheji mümühie. 20Küpakenühnyunü hisü nü jüma mükhera thitü hisü nüh mowa ngu thi thsü nüh vi phratewie naveh,” ti küza. 21Anyiri tü masü nüh küsari ngu taji Saküüwuowa siake, jükenüh mari tü masü vü zanyoküsü nga müsarathuoh nüh masü sakükrü lehü nü küzemü. 22Küpakenühnyunü ma vünüh küngo thsoshi küsawa tü mavi zürake khruo kümüthuoh kenüh.
Luoveh Kümüzho kenüh Kütsotüri Kükhuo
23Nyuri nüh masü küze kümüsevü masü füri vü wa nü levü küjiri thi kükhruori nüh masü vü mowa küza nüh viwa küza. 24#Tse 20.11; Neh 9.6; Krh 146.6. Thinü mari tü jü thsüra nü mari kürü Saküüwuowa vü azhü zie taji, “Kükhratsahwa Vüwa, thajüwu, azhih, ajuküji thi jümari vü küperi aveh küsawa! 25#Krh 2.1,2. Kümtse Sietse vünüh hiri pa no siepe David apo vünüh,
“Mokenüh mükütsotüri tü arüshumü lo,
thi nyiri tü zanyo müjujuri müshe veh lo?
26 Vüwa thi Khrista sie küproluo na küsa kenüh anyu vü kajiri tü küchevehthuoh,
thi takrüri tü sehzhuvehthuoh, ta küza saveh.
27 #
Luk 23.7-11; Mat 27.1,2; Mrk 15.1; Luk 23.1; Jhn 18.28,29. Herod thi Pontius Pilate masü tü mükütsotüri thi Israel nyiri sie nü noh Siepe kümtsewa Jisu,
noh nüh kürükawa mükünongü kenüh nyuküji hala nüh serütsah.
28Noh ke nüh thi noh kümüshewa nüh momowa sa nta kürühke sanüh jümari sa nta sehzhu.
29Jükenüh Vüwa, mari nüh sakükrü küveh hama notü taji no sieperi tü luoveh müzho wie taji no zhü küza na küsa kükhra tsüluo.
30Noh nüh noh ke thsuoru nü sakümühie tsüluo,
thi thsoshi thi küngori noh siepe kümtsewa Jisu nyo vünüh küüsarawa saluo,” ti khuo.
31Jüti sataji mari nüh kükhuo sa ünü azhie mari nüh sehzhu peküvehwatü küzhühtewa;
thi mari tü Kümtse Sietse nüh pro nü Saküüwuowa zhü luoveh müzho she nü phrate.
Zanyo aveh Zhiküsü Sakümü
32 #
Krr 2.44,45. Thi kütsotüri refü sataji küpe jümaritü luoveh küsü thi kümüshe küsü sanü pe,
thi zanyo papa zhizhi peküveh ritü nyi küsü nga mampa ma zhithuoh ta müsanüh zanyo aveh nga müzazhi satewa.
33Thi povüküsari tü kükhra ji she wie nü mari nüh rholeküsüra zhüku povü sa tsü,
thi mari vü küümzewa zhi shetewa.
34Thi mari azhie vü küthotsa küsü nga münyie nüh sa,
küpakenühnyunü mari nüh momowa peveh nüh azhih nga nyutü azhe nga küzhurari aveh viri
35nü povüküsari ajih vü thsekheh;
thi thari nüh küzake müviji mümühie nüh küsuotsü.
36Jütiküsavü Josef, Vüwa povü küsari nüh arienyo Barnabas (mazhünyo Luoveh küchükütsüwa) ti küsawa Leviri Saipras vünüh küwuori küsü peveh,
37thinü anyi hamatü azhuh zhuto küsü peküveh zhu taji amewa viru povüküsari ajih vü thse.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pochuri Naga Bible - KÜMÜTSE BIBLE
Copyright © 2015 by The Bible Society of India
Used by permission. All rights reserved worldwide.