ATÜTSAR 21
21
Isaac Küwuo
1Jüsevü Vüwa tü Sara vü wa, thi ma nüh Abraham vü küphrahte üta Sara vü sajutsü. 2#Ebr 11.11. Thi Sara tü atsa moh nü ma khruoleh vünüh Saküüwuowa nüh küüza tsotho vü khemta atsa nyimpari küsü wuo Abraham tsü. 3Thi atsa wuo nü ma kütsü ma tsa nyo tü Isaac ti Abraham nüh ji. 4#Atü 17.12; Krr 7.8.Thinü Saküüwuowa nüh ma vü azhü kütsü kümjie Abraham tü ma tsa Isaac rülo tüze jum nü ahu tsitü. 5Abraham tü ma tsa Isaac küwuo vü ma mahvi müzake thuoh. 6Jüti küsa vü Sara nüh, “Saküüwuowa nüh hi tü saküükhrimthuoh; thari nüh eh zhüku künara naveh ünüh mari nga hi sie kükhri nathuoh,” ti sa. 7Jüsevü nga Sara nüh, “Thawa nüh Sara tü ma tsa küünü na lo ta Abraham vü küza na lo? küpakenühnyunü ma khruoleh vünüh hi nüh atsa nyimpari küsü wuo ma kütsü kenüh,” ti küza.
8Atsawa tü khruora, thi atünü jam; Isaac nüh atünü münü nüh jaküm rülo vü Abraham nüh kütsazhu aküji tsü.
Hagar thi Ishmael Zhezhujaküm
9Jüti küsa vü Hagar, Egyptvühwa atsa Abraham vü wuo kütsüwa tü Isaac masü saküzhie küveh Sara nüh ngu. 10#Gal 4.30. Thinü Sara nüh Abraham vü, “Tükhavüh hama thi ma tsamasü zhejam luo, küpakenühnyunü tükhavüh atsa hama tü eh tsa Isaac sie nü aka küviwa müsara,” ti küza. 11Ma tsa Ishmael kenüh Abraham tü zanyo lomküzhe küsü sa. 12#Rom 9.7; Ebr 11.18. Thitü Saküüwuowa nüh Abraham vü, “Atsawa kenüh thi tükhavühwa kenüh noh lomküra müsa tüm; Sara nüh momowa küzaveh ünüh ma nüh küüza kümjie saluo, küpakenühnyunü Isaac vünüh noh küshuküra anyo tü jinaküveh kenüh. 13Thi tükhavühwa atsa nga hi nüh akuoküji küüsanaveh ünüh, küpakenühnyunü ma tü noh vünüh küshuthuoh kenüh,” ti küza.
14Jüti sanü Abraham tü rüne kümto sühra nü lohse thi sahu lehuo vünüh ajuh zhitsü nü Hagar vü tsü taji atsawa masü küzem. Jüti sanü masü tü Beersheba reza wuovü tsewa. 15Sahu lehuo vünüh ajuh vü kütsewa zhukhehmü ünü atsawa tü areküjehpuke küsü kükhu vü küpehmü. 16Jüti sanü ma tü wa nü ma küwiejie wuovü, alawih nüh kawa küjura thake vü, shupeh nü, “Hi tü atsawa küsü müküüno tümluo,” ti sa. Jüti ma tü ma wiejieluo nü shupeh veh ünü ma tü ma jikhi zie nü krietewa. 17Jüti küsa vü Saküüwuowa tü vizanguowa khi künara, thinü Saküüwuowa zhüleri nüh Hagar ji taji ma vü, “Hagar, mowa nüh noh saküsüroveh lo? Mükrütüm luo; küpakenühnyunü vizanguowa tü khiela pehveh ünüh ma jikhi Saküüwuowa nüh küünarathuoh kenüh. 18Sühra nü vizanguowa sike luo, thi noh ke nüh küjephoke luo; küpakenühnyunü hi tü ma vünüh akuoh küji küsü vizhunaküveh kenüh,” ti küza. 19Jüti sanü Saküüwuowa nüh Hagar notha saphietsü, thinü ma tü juhkhre küsü ngu nü wa sahu lehuo zhiküpro nü viwa vizanguowa tsü küüzhu.
20Saküüwuowa nüh vizanguowa tü siekütse sanü ji ra; thi ma tü reza vü rho nü lawih küvi thsü shehri sa. 21Ma tü Paran reza vü rho, thi ma zah nüh ma vüvüh Egyptvühri küsü vi ma tsü.
Abraham thi Abimelek masü Kütsarü
22 #
Atü 26.26. Jüma tsotho vü Abimelek thi ma rienyi asierhüwa Fhikol masü nüh Abraham vü, “Noh nüh zanyo küsa aveh vü Saküüwuowa nüh noh sietseveh; 23jükenüh hi vü nga, eh votori vü nga thi eh küshukürari vü nga küzhüjah vünüh küsawa nyu ti küsa, hi nüh noh vü küzhütsanyitsa kümjie noh nga hi vü nga thi noh nüh rho küveh azhih vü nga nyitsana ti küshie nyinü,” ti khuo. 24Thinü Abraham nga, “Hi nüh küshie naveh,” ti küza.
25Abimelek sieperi nüh juhkhre küsü wurie mükateküwa kenüh Abraham nüh Abimelek vü lomküra zhü tsü, 26thinü Abimelek nüh, “Hi nü müthsü, thawa nüh hama sanüh; noh nüh hi vü müküza, thi hi nüh nosü küju nga jütü mükünara wie,” ti küza. 27Thinü Abraham nüh nyihzhü thi shüvotsa vi nü Abimelek tsü, jüti sanü masü tü kütsathuozhü sa. 28Abraham nüh nyihzhü awie türü ma nyihzhüza vünüh vizhu nü athuo sa. 29Jüti küsa vü Abimelek nüh Abraham vü, “Noh nüh nyihzhü awie türü vizhu nü athuo saküsa zhünyo tü mowa lo?” ti küna. 30Thinü Abraham nüh, “Nyizhü awie türü hamari noh nüh eh ke vünüh vi luo thi hi nüh juhkhre hama chüh ti küsa noh nüh pohvü küsanaveh,” ti küza. 31#Atü 26.33. Jükenüh azhie jüma anyo Beersheba, türü juhkhre nyutü küüshie juhkhre ti ji. Küpakenühnyunü jüla nüh masükhürü küüshie kenüh. 32Jüti küsa vü masü tü Beersheba vünüh kütsathuozhü sa. Jüti sanü Abimelek thi ma rienyiri sierhüwa Fhikol masü tü sühra nü Filistinra zhih vü shele tewa. 33Thi Abraham nüh Beersheba vü athsorhu küsü shie nü Vüwa, Küsuokürho Saküüwuowa nyo ji. 34Jüti sanü Abraham tü Filistinra zhih vü rülo hozake pehtewa.
Currently Selected:
ATÜTSAR 21: POCHBSI
Highlight
Share
Copy
Want to have your highlights saved across all your devices? Sign up or sign in
Pochuri Naga Bible - KÜMÜTSE BIBLE
Copyright © 2015 by The Bible Society of India
Used by permission. All rights reserved worldwide.
ATÜTSAR 21
21
Isaac Küwuo
1Jüsevü Vüwa tü Sara vü wa, thi ma nüh Abraham vü küphrahte üta Sara vü sajutsü. 2#Ebr 11.11. Thi Sara tü atsa moh nü ma khruoleh vünüh Saküüwuowa nüh küüza tsotho vü khemta atsa nyimpari küsü wuo Abraham tsü. 3Thi atsa wuo nü ma kütsü ma tsa nyo tü Isaac ti Abraham nüh ji. 4#Atü 17.12; Krr 7.8.Thinü Saküüwuowa nüh ma vü azhü kütsü kümjie Abraham tü ma tsa Isaac rülo tüze jum nü ahu tsitü. 5Abraham tü ma tsa Isaac küwuo vü ma mahvi müzake thuoh. 6Jüti küsa vü Sara nüh, “Saküüwuowa nüh hi tü saküükhrimthuoh; thari nüh eh zhüku künara naveh ünüh mari nga hi sie kükhri nathuoh,” ti sa. 7Jüsevü nga Sara nüh, “Thawa nüh Sara tü ma tsa küünü na lo ta Abraham vü küza na lo? küpakenühnyunü ma khruoleh vünüh hi nüh atsa nyimpari küsü wuo ma kütsü kenüh,” ti küza.
8Atsawa tü khruora, thi atünü jam; Isaac nüh atünü münü nüh jaküm rülo vü Abraham nüh kütsazhu aküji tsü.
Hagar thi Ishmael Zhezhujaküm
9Jüti küsa vü Hagar, Egyptvühwa atsa Abraham vü wuo kütsüwa tü Isaac masü saküzhie küveh Sara nüh ngu. 10#Gal 4.30. Thinü Sara nüh Abraham vü, “Tükhavüh hama thi ma tsamasü zhejam luo, küpakenühnyunü tükhavüh atsa hama tü eh tsa Isaac sie nü aka küviwa müsara,” ti küza. 11Ma tsa Ishmael kenüh Abraham tü zanyo lomküzhe küsü sa. 12#Rom 9.7; Ebr 11.18. Thitü Saküüwuowa nüh Abraham vü, “Atsawa kenüh thi tükhavühwa kenüh noh lomküra müsa tüm; Sara nüh momowa küzaveh ünüh ma nüh küüza kümjie saluo, küpakenühnyunü Isaac vünüh noh küshuküra anyo tü jinaküveh kenüh. 13Thi tükhavühwa atsa nga hi nüh akuoküji küüsanaveh ünüh, küpakenühnyunü ma tü noh vünüh küshuthuoh kenüh,” ti küza.
14Jüti sanü Abraham tü rüne kümto sühra nü lohse thi sahu lehuo vünüh ajuh zhitsü nü Hagar vü tsü taji atsawa masü küzem. Jüti sanü masü tü Beersheba reza wuovü tsewa. 15Sahu lehuo vünüh ajuh vü kütsewa zhukhehmü ünü atsawa tü areküjehpuke küsü kükhu vü küpehmü. 16Jüti sanü ma tü wa nü ma küwiejie wuovü, alawih nüh kawa küjura thake vü, shupeh nü, “Hi tü atsawa küsü müküüno tümluo,” ti sa. Jüti ma tü ma wiejieluo nü shupeh veh ünü ma tü ma jikhi zie nü krietewa. 17Jüti küsa vü Saküüwuowa tü vizanguowa khi künara, thinü Saküüwuowa zhüleri nüh Hagar ji taji ma vü, “Hagar, mowa nüh noh saküsüroveh lo? Mükrütüm luo; küpakenühnyunü vizanguowa tü khiela pehveh ünüh ma jikhi Saküüwuowa nüh küünarathuoh kenüh. 18Sühra nü vizanguowa sike luo, thi noh ke nüh küjephoke luo; küpakenühnyunü hi tü ma vünüh akuoh küji küsü vizhunaküveh kenüh,” ti küza. 19Jüti sanü Saküüwuowa nüh Hagar notha saphietsü, thinü ma tü juhkhre küsü ngu nü wa sahu lehuo zhiküpro nü viwa vizanguowa tsü küüzhu.
20Saküüwuowa nüh vizanguowa tü siekütse sanü ji ra; thi ma tü reza vü rho nü lawih küvi thsü shehri sa. 21Ma tü Paran reza vü rho, thi ma zah nüh ma vüvüh Egyptvühri küsü vi ma tsü.
Abraham thi Abimelek masü Kütsarü
22 #
Atü 26.26. Jüma tsotho vü Abimelek thi ma rienyi asierhüwa Fhikol masü nüh Abraham vü, “Noh nüh zanyo küsa aveh vü Saküüwuowa nüh noh sietseveh; 23jükenüh hi vü nga, eh votori vü nga thi eh küshukürari vü nga küzhüjah vünüh küsawa nyu ti küsa, hi nüh noh vü küzhütsanyitsa kümjie noh nga hi vü nga thi noh nüh rho küveh azhih vü nga nyitsana ti küshie nyinü,” ti khuo. 24Thinü Abraham nga, “Hi nüh küshie naveh,” ti küza.
25Abimelek sieperi nüh juhkhre küsü wurie mükateküwa kenüh Abraham nüh Abimelek vü lomküra zhü tsü, 26thinü Abimelek nüh, “Hi nü müthsü, thawa nüh hama sanüh; noh nüh hi vü müküza, thi hi nüh nosü küju nga jütü mükünara wie,” ti küza. 27Thinü Abraham nüh nyihzhü thi shüvotsa vi nü Abimelek tsü, jüti sanü masü tü kütsathuozhü sa. 28Abraham nüh nyihzhü awie türü ma nyihzhüza vünüh vizhu nü athuo sa. 29Jüti küsa vü Abimelek nüh Abraham vü, “Noh nüh nyihzhü awie türü vizhu nü athuo saküsa zhünyo tü mowa lo?” ti küna. 30Thinü Abraham nüh, “Nyizhü awie türü hamari noh nüh eh ke vünüh vi luo thi hi nüh juhkhre hama chüh ti küsa noh nüh pohvü küsanaveh,” ti küza. 31#Atü 26.33. Jükenüh azhie jüma anyo Beersheba, türü juhkhre nyutü küüshie juhkhre ti ji. Küpakenühnyunü jüla nüh masükhürü küüshie kenüh. 32Jüti küsa vü masü tü Beersheba vünüh kütsathuozhü sa. Jüti sanü Abimelek thi ma rienyiri sierhüwa Fhikol masü tü sühra nü Filistinra zhih vü shele tewa. 33Thi Abraham nüh Beersheba vü athsorhu küsü shie nü Vüwa, Küsuokürho Saküüwuowa nyo ji. 34Jüti sanü Abraham tü Filistinra zhih vü rülo hozake pehtewa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pochuri Naga Bible - KÜMÜTSE BIBLE
Copyright © 2015 by The Bible Society of India
Used by permission. All rights reserved worldwide.