ATÜTSAR 23
23
Sara Sükümü thi Abraham nüh Rükupe küsü
1Sara nüh kürho ma mahvi müzake mükeke nü türü rho. 2Thi ma tü Kanan zhih Kiriatharba, (jüma tü Hebron) vünüh süm; thi Abraham tü krie thi lorü nti wa. 3Jüti sanü Abraham tü sühra taji ma müjie küsü vünüh Hit atsari vü küüza, 4#Ebr 11.9,13; Krr 7.16. “Hi tü alienyiri thi küpriküzhüri küsü sanü nohri azavü rho küveh wie; küchohwupe hi nga tsümo, jüti sanü eh notha müngu nüh sakümvü eh kümo küüchohwu mo,” ti khuo. 5Hit atsari nüh Abraham vü, 6“Hiri nüh küüza künaluo, eh vüwa; hiri zhievü noh tü kaji kükrü küsü. Tinü noh mpa nüh noh kürüka külotsatsa hiri lopie lovü noh kümo chohwu luo; hiri nyi küsü nga nüh noh vünüh ma lopie mütsü nüh küsawa nyu, nyutü noh kümo chohwu na küsa kükhewa nyu,” ti rületsü. 7Thinü Abraham tü sühra nü Hitri vü küngie tsuo. 8Thi ma nüh ma ri vü, “Hi tü eh notha müko nüh saküm eh sühle vü hi küüchohwuna küsa nohri müshe thuoüji eh zhü künatüluo, thi eh kenüh Zohar atsa Efron vü, 9ma zhuh nato vü alopie küsü pehküveh Makpela hi vü zhutsü üti küzatsü mo. Jüma vi rüku küsa na küsa kenüh noh türi vü nüh mame khemti küsa vünüh zhu hi vü tsü üti küzatüluo,” ti khuo. 10Jüti küsa vü Efron tü Hitri azavü nyi pehveh; thinü anyujiwa kheri vü anyi küturu Hitri aveh atüvü nüh Efron Hitwa nüh Abraham vü rüle taji, 11“Nyu, eh vüwa, eh zhü künaluo; hi nüh eh nyira tsa atüvü nüh küza vehthuoh nü eh zhuhwa vi luo, thi jüla pehküveh lopiewa nga vi nü noh kümo chohwu luo,” ti küza. 12Thinü Abraham tü azhie jüla anyira tüvü nü küngietsuo. 13Jüti sanü azhie jüla anyira tüvü nüh Efron vü, “Thi nohri kümshe thuoüji, eh zhü künaluo; hi nüh azhuh mewa tsü naveh, tinü vi luo, jüüta thuoüji hi tü eh kümo jüla chohwu naveh,” ti küza. 14Efron nüh Abraham vü, 15“Eh vüwa, eh zhü künaluo; azhuh küsü ame kenüh rakasa müzamzü, thitü hisü azhievü tü jünüh mowati? Noh kümo chohwu luo,” ti küza. 16Thinü Abraham nüh nyie üti Efron vü küza; thi Efron nüh Hitra tüvü nüh küüza zake jüma tsothovü asü küsari nüh küüte kümjie rakasa müzamzü Abraham nüh Efron kenüh küte nü tsü.
17Jütisanü Efron azhuh Makpela Mamre zhieshu wuovü; lopie küpeh azhuhwa thi azhuh jüma lovü athsohri aveh thi azhie jüma aveh, 18Anyujiwa kheri lovü kütu Hitra tüvü nüh vi Abraham zhi küüsa khehm. 19Jüti küsa sevü Mamre zhieshu wuovü Makpela (Jümatü Hebron vü) lopie küpeh azhuhwa lovü nüh ma vüvüh Sara chohwum. Azhie hamatü Kanan vü. 20Azhuh thi lopie jüma tü Hitri nüh Abraham azhi küüsam nü küchohwupe küüsa.
Currently Selected:
ATÜTSAR 23: POCHBSI
Highlight
Share
Copy
Want to have your highlights saved across all your devices? Sign up or sign in
Pochuri Naga Bible - KÜMÜTSE BIBLE
Copyright © 2015 by The Bible Society of India
Used by permission. All rights reserved worldwide.
ATÜTSAR 23
23
Sara Sükümü thi Abraham nüh Rükupe küsü
1Sara nüh kürho ma mahvi müzake mükeke nü türü rho. 2Thi ma tü Kanan zhih Kiriatharba, (jüma tü Hebron) vünüh süm; thi Abraham tü krie thi lorü nti wa. 3Jüti sanü Abraham tü sühra taji ma müjie küsü vünüh Hit atsari vü küüza, 4#Ebr 11.9,13; Krr 7.16. “Hi tü alienyiri thi küpriküzhüri küsü sanü nohri azavü rho küveh wie; küchohwupe hi nga tsümo, jüti sanü eh notha müngu nüh sakümvü eh kümo küüchohwu mo,” ti khuo. 5Hit atsari nüh Abraham vü, 6“Hiri nüh küüza künaluo, eh vüwa; hiri zhievü noh tü kaji kükrü küsü. Tinü noh mpa nüh noh kürüka külotsatsa hiri lopie lovü noh kümo chohwu luo; hiri nyi küsü nga nüh noh vünüh ma lopie mütsü nüh küsawa nyu, nyutü noh kümo chohwu na küsa kükhewa nyu,” ti rületsü. 7Thinü Abraham tü sühra nü Hitri vü küngie tsuo. 8Thi ma nüh ma ri vü, “Hi tü eh notha müko nüh saküm eh sühle vü hi küüchohwuna küsa nohri müshe thuoüji eh zhü künatüluo, thi eh kenüh Zohar atsa Efron vü, 9ma zhuh nato vü alopie küsü pehküveh Makpela hi vü zhutsü üti küzatsü mo. Jüma vi rüku küsa na küsa kenüh noh türi vü nüh mame khemti küsa vünüh zhu hi vü tsü üti küzatüluo,” ti khuo. 10Jüti küsa vü Efron tü Hitri azavü nyi pehveh; thinü anyujiwa kheri vü anyi küturu Hitri aveh atüvü nüh Efron Hitwa nüh Abraham vü rüle taji, 11“Nyu, eh vüwa, eh zhü künaluo; hi nüh eh nyira tsa atüvü nüh küza vehthuoh nü eh zhuhwa vi luo, thi jüla pehküveh lopiewa nga vi nü noh kümo chohwu luo,” ti küza. 12Thinü Abraham tü azhie jüla anyira tüvü nü küngietsuo. 13Jüti sanü azhie jüla anyira tüvü nüh Efron vü, “Thi nohri kümshe thuoüji, eh zhü künaluo; hi nüh azhuh mewa tsü naveh, tinü vi luo, jüüta thuoüji hi tü eh kümo jüla chohwu naveh,” ti küza. 14Efron nüh Abraham vü, 15“Eh vüwa, eh zhü künaluo; azhuh küsü ame kenüh rakasa müzamzü, thitü hisü azhievü tü jünüh mowati? Noh kümo chohwu luo,” ti küza. 16Thinü Abraham nüh nyie üti Efron vü küza; thi Efron nüh Hitra tüvü nüh küüza zake jüma tsothovü asü küsari nüh küüte kümjie rakasa müzamzü Abraham nüh Efron kenüh küte nü tsü.
17Jütisanü Efron azhuh Makpela Mamre zhieshu wuovü; lopie küpeh azhuhwa thi azhuh jüma lovü athsohri aveh thi azhie jüma aveh, 18Anyujiwa kheri lovü kütu Hitra tüvü nüh vi Abraham zhi küüsa khehm. 19Jüti küsa sevü Mamre zhieshu wuovü Makpela (Jümatü Hebron vü) lopie küpeh azhuhwa lovü nüh ma vüvüh Sara chohwum. Azhie hamatü Kanan vü. 20Azhuh thi lopie jüma tü Hitri nüh Abraham azhi küüsam nü küchohwupe küüsa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pochuri Naga Bible - KÜMÜTSE BIBLE
Copyright © 2015 by The Bible Society of India
Used by permission. All rights reserved worldwide.