LUKE 18
18
Tünyivühri Küsü thi Ashisakütsüri viküüzhühie
1Jüsevü ma nüh mari thachutemüwa nüh khuopehuo na küsakenüh mari vü küüzhühiezhü küsü küza. 2Ma nüh mari vü, nyu küji küsü vü nyura shihküsari Saküüwuowa nga mükrü thi nyiri nga müchieke ti küsari küsü peh. 3Thi anyu jüla tünyivühri küsü nga peveh, thinü ma tü ma vü ru pehuo taji, “No eh po vi taji hi tü hi mükünongüwa nyia vü raküükhrajie,” ti khuopehuo. 4Thitü tsotho pike azhie nüh thuoüji müsatü nti ma kule, jütisanü ase vü thuoüji ma mpa ma jüle taji, “Hi tü Saküüwuowa nga mükrü thi nyiri wie nga müchiekewie ketünga, 5tünyivüh hama nüh hi saküjakünya pehuo küveh kenüh hi nüh ma po vitsüwie naveh, jütanyu thuoüji ma tü ruleruza taji hi saküüsüro pehuo naküveh kenüh,” ti küza.
6Thinü Vüwa nüh, ashiküsa mükünyitsawa nüh küüza künaluo. 7Vüwa tü ma nüh rüka küsari nüh rüza rüne krietaji peküvehri apo müvi nüh sanaveh lo? Ma nüh mari küükra münümü naveh lo? 8Hi nüh küza naveh, ma nüh shita mari kükra tsü naveh. Thitü jütawie ketünga nyi Tsawa küru vü azhih vü kütsotü pela nü ma nüh ngu naveh lo? ti küna.
Farisiwa thi Khrükükhrühri vi Küüzhühie
9Hama sevü nga ma nüh anyi wuori mari mpa nyitsa ta sataji mari tsotü thi küpari thuoüji müküchiekeri vü küüzhühiezhü hama küza. 10Nyi künyi tü kükhuo sa nti Kükhurüzhe vü wa, nyiküsü thuoüji Farisiri thi küpawa thuoüji akhrükükhrühri.
11Farisiwa tü ma mpa süra tsie taji hakümjie khuo, Saküüwuowa, hi thuoüji küpari kümüjie nyuri sakükrünü nyurazhi vi kütsa, mükümüshori, müsarüla nyutü akhrükükhrühri kümüjie mükünyu kenüh nomüna she. 12Hi tü Zhia küsü vü künyi keri assa sa veh, thi hi nüh ngu küveh aveh küüsuo türake sanü küsü tsüveh.
13Thitü akhrükükhrühwa thuoüji kületsuo vü tsie taji, ma notha wienga thajüwu wuovü kütoke mümühie thuoh nüh ma tüso fe nü, “Saküüwuowa, ha hi kükhiemuowa wie nga nokümüze tsümo,” ti khuo. 14#Mat 23.12; Luk 14.11.Hi nüh nohri vü küza naveh, “Anyi hama thuoüji küpawakümüjie nyu nü ma thuoüji müshomü taji ma zhe vü tewathuoh; küpakenühnyunü anyi thari nüh mari mpa ma sa kürünyie tse veh nüh jümari thuoüji sakümüsietsü naveh,” ti küza.
Jisu nüh Tsia Kürünguori Kütsü
(Mat 19.13-15; Mrk 10.13-16)
15Thi mari tü ma nüh küüpa nti kürünguori nga ma vü sieru, thitü ma sehnyiri nüh jü ngu nü mari phra. 16Thitü Jisu nüh mari ma vü jike taji, “Kürünguori mükhetü hi vü küüru luo, küpakenühnyunü mari tü Saküüwuowa kajipe azhi küsa kenüh. 17Hi nüh nohri vü küzatsanaveh, nyi küsüküsü nga kürünguori kümüjie Saküüwuowa kajipe müküvi nü jülovü mütura,” ti küza.
Nyirhieri Küsü nüh Zhüküüna
(Mat 19.16-30; Mrk 10.17-31)
18Jüsevü küjiri küsü nüh ma vü küna taji, “Küsosie Kümühiewa, küsuokürho vi eh zhi sana küsakenüh hi tü mowa müsaji mümühie lo?” ti küna.
19Thinü Jisu nüh ma vü, “Mokenüh noh tü hi kümühiewati ji veh lo? Saküüwuowa wie küchie nüh nyi küsü nga mümühie,” ti küza. 20#Tse 20.14; Kho 5.18; Tse 20.13; Kho 5.17; Tse 20.15; Kho 5.19; Tse 20.16; Kho 5.20; Tse 20.12; Kho 5.16. Noh tü azhü tsüküsari thsüveh nü, nyihvünyipa küüphroküphrie müsatümü, müfethetümü, mürühutümü, kürie povü müsatümü, no pa thi noza siakeluo, ti küza.
21Thinü anyiwa nüh, “Hi nüh hi kürünguo vünüh hamari aveh müzhe tetsethuoh,” ti küza.
22Thinü Jisu nüh jü küünaravü ma nüh ma vü, “Khinyi nga noh tü zanyo küsü müju nüh sa veh. Noh zhiküpe aveh zhumü taji vi kümükhuori suomü luo, thi runü eh se nyi luo, jütathuoüji rügivü no künyirhie peranaveh,” ti küza. 23Thitü ma tü hama küünaravü ma lorütewa, küpakenühnyunü ma tü nyirhie she kümü kenüh.
24Jisu nüh ma nophoke tajinü, “Künyirhieri nüh Saküüwuowa kajipe lovü tu na küsa küzakelenga kho lo,” ti sa. 25Künyirhieri küsü nüh Saküüwuowa kajipe lovü tuna küsanü ut nüh arüjeku lovü müri kütu nüh küürüzikhe.
26Thinü azhü jü küthsü wuori nüh, “Thinü thawa külole nathuoh lo?” ti phrate.
27Thitü Jisu nüh, “Nyiri kenüh thuoüji müsarawie ketünga Saküüwuowa kenüh thuoüji müküsara münyie,” ti küza.
28Thinü Pitor nüh ma vü, “Halie, hiri tü hiri azhezhu aveh jamü taji noh se nyitsethuoh,” ti küza.
29Jütiküsavü ma nüh mari vü, “Hi nüh nohri vü küzato naveh, nyi küsü wienga Saküüwuowa Kükaji kenüh ma zhe, nyutü avüvüh nyutü ajienü nyutü azahpari nyutü atsari jamü wieketü nga, 30khinyi tsothovü kürhonga hozake ngura thi thuohtüvü kürho kenüh nga küsuokürho müküngura nyi küsü nga münyie,” ti küza.
Jisu nüh Ma Sühle Küphra Kücheawa
(Mat 20.17-19; Mrk 10.32-34)
31Jisu nüh ma sehnyi türakünyiri siekewa taji mari vü, “Halie, hiri tü Jerusalem vü khru nti savehthuoh, thi setsaküthsüri nüh anyi Tsawa kenüh rhü küsari aveh sajunathuoh,” ti küza. 32Küpakenühnyunü ma vi Judahmükünyuri ake vü thsemünaveh, thi ma riesa thi ma saküzükrü she thi ma nyia vü amütse müshüke naveh. 33Mari nüh ma fe nü zothemü naveh thi rülo kücheawa ma rhosürale naveh, ti küza.
34Thitü mari tü azhü hamari küsü nga müthsüra nüh sa, azhü hama tü mari vünüh küthi kümü kenüh mari tü mürera nüh samü.
Nothaküju nü Khrühtsa Kütseri Küsü Jisu nüh Saküümühie
(Mat 20.29-34; Mrk 10.46-52)
35Jütisanü ma tü tse Jeriko shenyi ru ünü, nothaküüjuri küsü tü lekhuji natovü shupe taji khuotsa pela. 36Thinü anyi shieji kuoküwa künara nü hatü mowa satse lo? ti küna.
37Jütiküüna vü mari nüh ma vü, “Jisu Nazareth tse lie,” ti küza.
38Thinü ma tü zia taji, “David Tsa Jisu, hi kümüze tsüluo,” ti küza.
39Jütiküsavü apovü kütseri nüh ma phra taji, “Zoti pehluo,” ti küza. Thitü ma tü kümüsütsa zia taji, “David Tsa, hi kümüzetsüluo,” ti khuo.
40Thinü Jisu tü tsie taji, “Nyi jüma ma vü sieru luo,” ti azhütsü. Jüti küsavü ma tü ma shenyi ru ünü ma nüh ma küna taji, 41“Noh tü hi nüh mowa no vü satsü üti lo?” ti küna, Jütiküsavü ma nüh, “Vüwa, hi tü zanyo küüngumo?” ti khuo.
42Thinü Jisu nüh ma vü, “Noh kütsotü mpa nüh noh sakümühiemüthuoh nüh noh azanyo ngu luo,” ti küza.
43Jüti küza ünü müküzhike wie thuoh nüh ma notha zanyo ngura taji Saküüwuowa siake nü ma se nyitewa, jüütiküsavü nyiri aveh nüh jü ngu nü Saküüwuowa siaketsü.
Currently Selected:
LUKE 18: POCHBSI
Highlight
Share
Copy
Want to have your highlights saved across all your devices? Sign up or sign in
Pochuri Naga Bible - KÜMÜTSE BIBLE
Copyright © 2015 by The Bible Society of India
Used by permission. All rights reserved worldwide.
LUKE 18
18
Tünyivühri Küsü thi Ashisakütsüri viküüzhühie
1Jüsevü ma nüh mari thachutemüwa nüh khuopehuo na küsakenüh mari vü küüzhühiezhü küsü küza. 2Ma nüh mari vü, nyu küji küsü vü nyura shihküsari Saküüwuowa nga mükrü thi nyiri nga müchieke ti küsari küsü peh. 3Thi anyu jüla tünyivühri küsü nga peveh, thinü ma tü ma vü ru pehuo taji, “No eh po vi taji hi tü hi mükünongüwa nyia vü raküükhrajie,” ti khuopehuo. 4Thitü tsotho pike azhie nüh thuoüji müsatü nti ma kule, jütisanü ase vü thuoüji ma mpa ma jüle taji, “Hi tü Saküüwuowa nga mükrü thi nyiri wie nga müchiekewie ketünga, 5tünyivüh hama nüh hi saküjakünya pehuo küveh kenüh hi nüh ma po vitsüwie naveh, jütanyu thuoüji ma tü ruleruza taji hi saküüsüro pehuo naküveh kenüh,” ti küza.
6Thinü Vüwa nüh, ashiküsa mükünyitsawa nüh küüza künaluo. 7Vüwa tü ma nüh rüka küsari nüh rüza rüne krietaji peküvehri apo müvi nüh sanaveh lo? Ma nüh mari küükra münümü naveh lo? 8Hi nüh küza naveh, ma nüh shita mari kükra tsü naveh. Thitü jütawie ketünga nyi Tsawa küru vü azhih vü kütsotü pela nü ma nüh ngu naveh lo? ti küna.
Farisiwa thi Khrükükhrühri vi Küüzhühie
9Hama sevü nga ma nüh anyi wuori mari mpa nyitsa ta sataji mari tsotü thi küpari thuoüji müküchiekeri vü küüzhühiezhü hama küza. 10Nyi künyi tü kükhuo sa nti Kükhurüzhe vü wa, nyiküsü thuoüji Farisiri thi küpawa thuoüji akhrükükhrühri.
11Farisiwa tü ma mpa süra tsie taji hakümjie khuo, Saküüwuowa, hi thuoüji küpari kümüjie nyuri sakükrünü nyurazhi vi kütsa, mükümüshori, müsarüla nyutü akhrükükhrühri kümüjie mükünyu kenüh nomüna she. 12Hi tü Zhia küsü vü künyi keri assa sa veh, thi hi nüh ngu küveh aveh küüsuo türake sanü küsü tsüveh.
13Thitü akhrükükhrühwa thuoüji kületsuo vü tsie taji, ma notha wienga thajüwu wuovü kütoke mümühie thuoh nüh ma tüso fe nü, “Saküüwuowa, ha hi kükhiemuowa wie nga nokümüze tsümo,” ti khuo. 14#Mat 23.12; Luk 14.11.Hi nüh nohri vü küza naveh, “Anyi hama thuoüji küpawakümüjie nyu nü ma thuoüji müshomü taji ma zhe vü tewathuoh; küpakenühnyunü anyi thari nüh mari mpa ma sa kürünyie tse veh nüh jümari thuoüji sakümüsietsü naveh,” ti küza.
Jisu nüh Tsia Kürünguori Kütsü
(Mat 19.13-15; Mrk 10.13-16)
15Thi mari tü ma nüh küüpa nti kürünguori nga ma vü sieru, thitü ma sehnyiri nüh jü ngu nü mari phra. 16Thitü Jisu nüh mari ma vü jike taji, “Kürünguori mükhetü hi vü küüru luo, küpakenühnyunü mari tü Saküüwuowa kajipe azhi küsa kenüh. 17Hi nüh nohri vü küzatsanaveh, nyi küsüküsü nga kürünguori kümüjie Saküüwuowa kajipe müküvi nü jülovü mütura,” ti küza.
Nyirhieri Küsü nüh Zhüküüna
(Mat 19.16-30; Mrk 10.17-31)
18Jüsevü küjiri küsü nüh ma vü küna taji, “Küsosie Kümühiewa, küsuokürho vi eh zhi sana küsakenüh hi tü mowa müsaji mümühie lo?” ti küna.
19Thinü Jisu nüh ma vü, “Mokenüh noh tü hi kümühiewati ji veh lo? Saküüwuowa wie küchie nüh nyi küsü nga mümühie,” ti küza. 20#Tse 20.14; Kho 5.18; Tse 20.13; Kho 5.17; Tse 20.15; Kho 5.19; Tse 20.16; Kho 5.20; Tse 20.12; Kho 5.16. Noh tü azhü tsüküsari thsüveh nü, nyihvünyipa küüphroküphrie müsatümü, müfethetümü, mürühutümü, kürie povü müsatümü, no pa thi noza siakeluo, ti küza.
21Thinü anyiwa nüh, “Hi nüh hi kürünguo vünüh hamari aveh müzhe tetsethuoh,” ti küza.
22Thinü Jisu nüh jü küünaravü ma nüh ma vü, “Khinyi nga noh tü zanyo küsü müju nüh sa veh. Noh zhiküpe aveh zhumü taji vi kümükhuori suomü luo, thi runü eh se nyi luo, jütathuoüji rügivü no künyirhie peranaveh,” ti küza. 23Thitü ma tü hama küünaravü ma lorütewa, küpakenühnyunü ma tü nyirhie she kümü kenüh.
24Jisu nüh ma nophoke tajinü, “Künyirhieri nüh Saküüwuowa kajipe lovü tu na küsa küzakelenga kho lo,” ti sa. 25Künyirhieri küsü nüh Saküüwuowa kajipe lovü tuna küsanü ut nüh arüjeku lovü müri kütu nüh küürüzikhe.
26Thinü azhü jü küthsü wuori nüh, “Thinü thawa külole nathuoh lo?” ti phrate.
27Thitü Jisu nüh, “Nyiri kenüh thuoüji müsarawie ketünga Saküüwuowa kenüh thuoüji müküsara münyie,” ti küza.
28Thinü Pitor nüh ma vü, “Halie, hiri tü hiri azhezhu aveh jamü taji noh se nyitsethuoh,” ti küza.
29Jütiküsavü ma nüh mari vü, “Hi nüh nohri vü küzato naveh, nyi küsü wienga Saküüwuowa Kükaji kenüh ma zhe, nyutü avüvüh nyutü ajienü nyutü azahpari nyutü atsari jamü wieketü nga, 30khinyi tsothovü kürhonga hozake ngura thi thuohtüvü kürho kenüh nga küsuokürho müküngura nyi küsü nga münyie,” ti küza.
Jisu nüh Ma Sühle Küphra Kücheawa
(Mat 20.17-19; Mrk 10.32-34)
31Jisu nüh ma sehnyi türakünyiri siekewa taji mari vü, “Halie, hiri tü Jerusalem vü khru nti savehthuoh, thi setsaküthsüri nüh anyi Tsawa kenüh rhü küsari aveh sajunathuoh,” ti küza. 32Küpakenühnyunü ma vi Judahmükünyuri ake vü thsemünaveh, thi ma riesa thi ma saküzükrü she thi ma nyia vü amütse müshüke naveh. 33Mari nüh ma fe nü zothemü naveh thi rülo kücheawa ma rhosürale naveh, ti küza.
34Thitü mari tü azhü hamari küsü nga müthsüra nüh sa, azhü hama tü mari vünüh küthi kümü kenüh mari tü mürera nüh samü.
Nothaküju nü Khrühtsa Kütseri Küsü Jisu nüh Saküümühie
(Mat 20.29-34; Mrk 10.46-52)
35Jütisanü ma tü tse Jeriko shenyi ru ünü, nothaküüjuri küsü tü lekhuji natovü shupe taji khuotsa pela. 36Thinü anyi shieji kuoküwa künara nü hatü mowa satse lo? ti küna.
37Jütiküüna vü mari nüh ma vü, “Jisu Nazareth tse lie,” ti küza.
38Thinü ma tü zia taji, “David Tsa Jisu, hi kümüze tsüluo,” ti küza.
39Jütiküsavü apovü kütseri nüh ma phra taji, “Zoti pehluo,” ti küza. Thitü ma tü kümüsütsa zia taji, “David Tsa, hi kümüzetsüluo,” ti khuo.
40Thinü Jisu tü tsie taji, “Nyi jüma ma vü sieru luo,” ti azhütsü. Jüti küsavü ma tü ma shenyi ru ünü ma nüh ma küna taji, 41“Noh tü hi nüh mowa no vü satsü üti lo?” ti küna, Jütiküsavü ma nüh, “Vüwa, hi tü zanyo küüngumo?” ti khuo.
42Thinü Jisu nüh ma vü, “Noh kütsotü mpa nüh noh sakümühiemüthuoh nüh noh azanyo ngu luo,” ti küza.
43Jüti küza ünü müküzhike wie thuoh nüh ma notha zanyo ngura taji Saküüwuowa siake nü ma se nyitewa, jüütiküsavü nyiri aveh nüh jü ngu nü Saküüwuowa siaketsü.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pochuri Naga Bible - KÜMÜTSE BIBLE
Copyright © 2015 by The Bible Society of India
Used by permission. All rights reserved worldwide.