Ḳhurúj 24
24
1Aur us ne Músá se kahá, ki Tú, Hárún, aur Nadab, aur Abíhú, aur baní Isráíl ke sattar buzurgoṉ ko lekar Ḳhudáwand ke pás úpar á, aur tum dúr hí se sijda karná: 2aur Músá akelá Ḳhudáwand ke nazdík áe; par wuh nazdík na áen: aur âur log us ke sáth úpar na chaṛheṉ. 3Aur Músá ne logoṉ ke pás jákar Ḳhudáwand kí sab báteṉ aur ahkám un ko batá diye: aur sab logoṉ ne hamáwáz hokar jawáb diyá, ki Jitní báteṉ Ḳhudáwand ne farmáí haiṉ, ham un sab ko máneṉge. 4Aur Músá ne Ḳhudáwand kí sab báteṉ likh líṉ, aur subh ko sawere uṭhkar paháṛ ke níche ek qurbángáh, aur baní Isráíl ke bárah qabíloṉ ke hisáb se bárah sutún, banáe. 5Aur us ne baní Isráíl ke jawánoṉ ko bhejá, jinhoṉ ne soḳhtaní qurbáníáṉ chaṛháíṉ, aur bailoṉ ko zabh karke salámatí ke zabíhe Ḳhudáwand ke liye guzráne. 6Aur Músá ne ádhá ḳhún lekar básanoṉ meṉ rakkhá, aur ádhá qurbángáh par chhiṛak diyá. 7Phir us ne ‘ahdnáma liyá, aur logoṉ ko paṛhkar sunáyá. Unhoṉ ne kahá, ki Jo kuchh Ḳhudáwand ne farmáyá hai, us sab ko ham kareṉge aur tábi‘ raheṉge. 8Tab Músá ne us ḳhún ko lekar logoṉ par chhiṛká, aur kahá, Dekho, yih us ‘ahd ká ḳhún hai, jo Ḳhudáwand ne in sab bátoṉ ke báre meṉ tumháre sáth báṉdhá hai. 9Tab Músá, aur Hárún, aur Nadab, aur Abíhú, aur baní Isráíl ke sattar buzurg úpar gaye. 10Aur unhoṉ ne Isráíl ke Ḳhudá ko dekhá; aur us ke páṉwoṉ ke níche nílam ke patthar ká chabútará sá thá, jo ásmán kí mánind shaffáf thá. 11Aur us ne baní Isráíl ke shurafá par apná háth na baṛháyá: so unhoṉ ne Ḳhudá ko dekhá, aur kháyá aur piyá.
12Aur Ḳhudáwand ne Músá se kahá, ki Paháṛ par mere pás á, aur wahíṉ ṭhahrá rah; aur maiṉ tujhe patthar kí lauheṉ, aur sharí‘at aur ahkám, jo maiṉ ne likhe haiṉ, dúṉgá, táki tú un ko sikháe. 13Aur Músá aur us ká ḳhádim Yashú‘ uṭhe: aur Músá Ḳhudá ke paháṛ ke úpar gayá, 14aur buzurgoṉ se kah gayá ki, Jab tak ham lauṭkar tumháre pás na á jáeṉ, tum hamáre liye yahíṉ ṭhahro: aur dekho, Hárún aur Húr tumháre sáth haiṉ; jis kisí ká koí muqaddama ho wuh un ke pás jáe. 15Tab Músá paháṛ ke úpar gayá, aur paháṛ par ghaṭá chhá gayí. 16Aur Ḳhudáwand ká jalál koh i Síná par ákar ṭhahrá, aur chha din tak ghaṭá us par chháí rahí: aur sátweṉ din us ne ghaṭá meṉ se Músá ko buláyá. 17Aur baní Isráíl kí nigáh meṉ paháṛ kí choṭí par, Ḳhudáwand ke jalál ká manzar bhasam karnewálí ág kí mánind thá. 18Aur Músá ghaṭá ke bích meṉ hokar paháṛ par chaṛh gayá: aur wuh paháṛ par chálís din aur chálís rát rahá.
Currently Selected:
Ḳhurúj 24: URDR55
Highlight
Share
Copy
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)Ḳhurúj 24
24
1Aur us ne Músá se kahá, ki Tú, Hárún, aur Nadab, aur Abíhú, aur baní Isráíl ke sattar buzurgoṉ ko lekar Ḳhudáwand ke pás úpar á, aur tum dúr hí se sijda karná: 2aur Músá akelá Ḳhudáwand ke nazdík áe; par wuh nazdík na áen: aur âur log us ke sáth úpar na chaṛheṉ. 3Aur Músá ne logoṉ ke pás jákar Ḳhudáwand kí sab báteṉ aur ahkám un ko batá diye: aur sab logoṉ ne hamáwáz hokar jawáb diyá, ki Jitní báteṉ Ḳhudáwand ne farmáí haiṉ, ham un sab ko máneṉge. 4Aur Músá ne Ḳhudáwand kí sab báteṉ likh líṉ, aur subh ko sawere uṭhkar paháṛ ke níche ek qurbángáh, aur baní Isráíl ke bárah qabíloṉ ke hisáb se bárah sutún, banáe. 5Aur us ne baní Isráíl ke jawánoṉ ko bhejá, jinhoṉ ne soḳhtaní qurbáníáṉ chaṛháíṉ, aur bailoṉ ko zabh karke salámatí ke zabíhe Ḳhudáwand ke liye guzráne. 6Aur Músá ne ádhá ḳhún lekar básanoṉ meṉ rakkhá, aur ádhá qurbángáh par chhiṛak diyá. 7Phir us ne ‘ahdnáma liyá, aur logoṉ ko paṛhkar sunáyá. Unhoṉ ne kahá, ki Jo kuchh Ḳhudáwand ne farmáyá hai, us sab ko ham kareṉge aur tábi‘ raheṉge. 8Tab Músá ne us ḳhún ko lekar logoṉ par chhiṛká, aur kahá, Dekho, yih us ‘ahd ká ḳhún hai, jo Ḳhudáwand ne in sab bátoṉ ke báre meṉ tumháre sáth báṉdhá hai. 9Tab Músá, aur Hárún, aur Nadab, aur Abíhú, aur baní Isráíl ke sattar buzurg úpar gaye. 10Aur unhoṉ ne Isráíl ke Ḳhudá ko dekhá; aur us ke páṉwoṉ ke níche nílam ke patthar ká chabútará sá thá, jo ásmán kí mánind shaffáf thá. 11Aur us ne baní Isráíl ke shurafá par apná háth na baṛháyá: so unhoṉ ne Ḳhudá ko dekhá, aur kháyá aur piyá.
12Aur Ḳhudáwand ne Músá se kahá, ki Paháṛ par mere pás á, aur wahíṉ ṭhahrá rah; aur maiṉ tujhe patthar kí lauheṉ, aur sharí‘at aur ahkám, jo maiṉ ne likhe haiṉ, dúṉgá, táki tú un ko sikháe. 13Aur Músá aur us ká ḳhádim Yashú‘ uṭhe: aur Músá Ḳhudá ke paháṛ ke úpar gayá, 14aur buzurgoṉ se kah gayá ki, Jab tak ham lauṭkar tumháre pás na á jáeṉ, tum hamáre liye yahíṉ ṭhahro: aur dekho, Hárún aur Húr tumháre sáth haiṉ; jis kisí ká koí muqaddama ho wuh un ke pás jáe. 15Tab Músá paháṛ ke úpar gayá, aur paháṛ par ghaṭá chhá gayí. 16Aur Ḳhudáwand ká jalál koh i Síná par ákar ṭhahrá, aur chha din tak ghaṭá us par chháí rahí: aur sátweṉ din us ne ghaṭá meṉ se Músá ko buláyá. 17Aur baní Isráíl kí nigáh meṉ paháṛ kí choṭí par, Ḳhudáwand ke jalál ká manzar bhasam karnewálí ág kí mánind thá. 18Aur Músá ghaṭá ke bích meṉ hokar paháṛ par chaṛh gayá: aur wuh paháṛ par chálís din aur chálís rát rahá.
Currently Selected:
:
Highlight
Share
Copy
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)