YUH 14
14
Isa ka a ka a fɔ ko ale le ɲenemaya sila ri
1Isa ka a fɔ ko: «Ai jusu kana yɛrɛyɛrɛ. Ai ye lala Alla la, ai ye la nde fanan na. 2Sii diya siyaman ba le n Fa la bon na. Ni tuɲa tɛ, n di a fɔ ai yɛ, baa n ye wa ka sii diya rabɛn ai yɛ. 3N wa sii diya rabɛn ai ma, n di na ka ai ta ka wa an ɲɔɔn fɛ, sani ai ri wa nde ye wala yɔrɔ mɛn dɔ. 4Ai ka a lɔn n ye wala sila mɛn kan.»
5Tomasi ka a fɔ ko: «Maari, an ma a lɔn i ye wala yɔrɔ mɛn dɔ. An ye sila wo lɔnna di?» 6Isa ka a jabi: «Nde, n ye sila le ri, a ni tuɲa, a ni ɲenemaya. Mɔɔ ti se wala Fa ma, ni a ma se nde ma. 7Ni ai ka n lɔn, ai ri n Fa fanan lɔn. Sisen ai ra a lɔn, ai ra a yen.»
8Filipe ka a fɔ a yɛ ko: «Maari, Fa wo yiraka an na, wo ri se an wasala.» 9Isa ka a jabi: «Filipe, a ra mɛn bakɛ an bɛɛ ye an ɲɔɔn fɛ, kɔni i ma n lɔn wa? Ni mɛn ka n yen, wo ra n Fa yen! Nfenna I ye a fɔla ko ‹Fa yiraka an na›? 10I ma la a la ko n ye n Fa fɛ, Fa fanan ye n fɛ? N ye kuma mɛn fɔla, wo ti bɔla nde jɛrɛ rɔ de; n Fa mɛn ye nde fɛ wo ye a jɛrɛ la baara kɛla. 11Ai ye a la n na, n ye n Fa fɛ, n Fa fanan ye n fɛ, ni wo tɛ ai ye la kɛwaliilu jɛrɛ la sereya la. 12N ye tuɲa le fɔla ai yɛ ko: mɛn ka a lemɛniya la n dɔ wo ri n na baara kabannako fanan kɛ. A ri kabannako kɛ mɛn ka bon ka tamin n ta la ka a masɔrɔn n watɔ n Fa ma. 13Ai ka foyi maɲininka n tɔɔ rɔ, n di wo kɛ, sa a ri n Fa la gbiliya yiraka nde la, nde mɛn ye a Dencɛ ri. 14Ni ai ka fen fen maɲininka nde tɔɔ rɔ, n di wo kɛ.
Isa ka a fɔ ko Nii Sɛniman di na
15«Ni ai ye n kaninna, ai di n na jamarili mira. 16Wo rɔ nde ri n Fa madiya, a ni a ri Lalilila gbɛrɛ di ai ma mɛn di to ai fɛ habadan. 17Lalilila wo ye Nii Sɛniman de ri mɛn ye tuɲa fɔla mɔɔilu yɛ. Dunuɲa mɔɔilu ti se a ko rɔ ka a masɔrɔn a tɛ a yenna, a ma a lɔn. Kɔni ai ka a lɔn, ka a masɔrɔn a ye ai fɛ, a ri kɛ ai sɔnɔmɛ rɔ fanan.
18«N ti ai bilala ikomin faratanin, kɔni n di n kɔsɛ ai ma. 19A ti mɛn bakɛ, dunuɲa mɔɔilu ti n yen butun, kɔni ai ri n yen. Ka a masɔrɔn n di ɲenemaya, ai fanan di ɲenemaya. 20Ni wo lon sera, ai ri a ɲayen ko n ni n Fa ye i ɲɔɔn fɛ ikomin mɔɔ kelen, ko aile ni nde ye i ɲɔɔn fɛ ikomin mɔɔ kelen. 21Mɔɔ mɛn ye sɔnna n na jamariliilu ma ka ii labato, wo tii le ye n kaninna. Mɔɔ mɛn wa n kanin, n Fa di wo tii kanin. N fanan di a kanin ka n jɛrɛ yiraka a la.»
22Judasi, kɔni Judasi Sikariyɔti tɛ, wo ka a maɲininka ko: «Maari, nfenna i ri i yiraka an na, kɔni i tɛ i yiraka dunuɲa la wa?» 23Isa ka a jabi: «Ni n diyara mɔɔ mɛn yɛ, wo tii ri n kumakan bonya. Wo tii ri diya n Fa fanan yɛ. An di na a ma, an di to a fɛ. 24Kɔni ni n ma diya mɛn yɛ, wo ti n kumakan mirala. Ai ye kumakan mɛn namɛnna wo ma bɔ nde rɔ, kɔni n Fa mɛn ka n kelaya.
25«N ye a bɛɛ fɔla ai yɛ, an ye an ɲɔɔn fɛ waati ɲin dɔ. 26Kɔni, Lalilila, Nii Sɛniman, N Fa ye mɛn lanala n tɔɔ rɔ, wo ye ai karanna ko bɛɛ la, aile fanan hankili ri bila a rɔ n ka mɛn fɔ ai yɛ.
27«N ye jususuma dila ai ma. Jususuma mɛn ye n na, n ye wo ɲɔɔn dila ai ma. N tɛ ai dila ikomin dunuɲa ye a dila ɲa mɛn ma. Ai jusu kana yɛrɛyɛrɛ, ai jusu kana bɔ ka silan. 28Ai ra a mɛn ko n ka mɛn fɔ ai yɛ ko: ‹N watɔ, n di n kɔsɛ ai ma fanan›. Ni n diyara ai yɛ ai tun di sɛwa, baa n watɔ n Fa ma, n Fa mɛn ka bon nde ma. 29Nba, n ka wo fɔ ai yɛ sisen sani a ye kɛ, sa a wa kɛ tuma mɛn na, ai ri lemɛniya. 30N ti kumala ai yɛ bakɛ wo kɔ, baa dunuɲa mansaden ye nala. A ti se nde la, 31kɔni n Fa ka mɛn jamari n yɛ, n ye wo le labatola, sa dunuɲa mɔɔilu ri a lɔn ko n ye n Fa kaninna. Ai ye ai wuli, an ye bɔ yan.»
Currently Selected:
YUH 14: AKS
Highlight
Share
Copy
Want to have your highlights saved across all your devices? Sign up or sign in
© 2022 Pioneer Bible Translators
This work is licensed under the Creative Commons Attribution ShareAlike 4.0 license https://creativecommons.org/licenses/by-sa/4.0/
YUH 14
14
Isa ka a ka a fɔ ko ale le ɲenemaya sila ri
1Isa ka a fɔ ko: «Ai jusu kana yɛrɛyɛrɛ. Ai ye lala Alla la, ai ye la nde fanan na. 2Sii diya siyaman ba le n Fa la bon na. Ni tuɲa tɛ, n di a fɔ ai yɛ, baa n ye wa ka sii diya rabɛn ai yɛ. 3N wa sii diya rabɛn ai ma, n di na ka ai ta ka wa an ɲɔɔn fɛ, sani ai ri wa nde ye wala yɔrɔ mɛn dɔ. 4Ai ka a lɔn n ye wala sila mɛn kan.»
5Tomasi ka a fɔ ko: «Maari, an ma a lɔn i ye wala yɔrɔ mɛn dɔ. An ye sila wo lɔnna di?» 6Isa ka a jabi: «Nde, n ye sila le ri, a ni tuɲa, a ni ɲenemaya. Mɔɔ ti se wala Fa ma, ni a ma se nde ma. 7Ni ai ka n lɔn, ai ri n Fa fanan lɔn. Sisen ai ra a lɔn, ai ra a yen.»
8Filipe ka a fɔ a yɛ ko: «Maari, Fa wo yiraka an na, wo ri se an wasala.» 9Isa ka a jabi: «Filipe, a ra mɛn bakɛ an bɛɛ ye an ɲɔɔn fɛ, kɔni i ma n lɔn wa? Ni mɛn ka n yen, wo ra n Fa yen! Nfenna I ye a fɔla ko ‹Fa yiraka an na›? 10I ma la a la ko n ye n Fa fɛ, Fa fanan ye n fɛ? N ye kuma mɛn fɔla, wo ti bɔla nde jɛrɛ rɔ de; n Fa mɛn ye nde fɛ wo ye a jɛrɛ la baara kɛla. 11Ai ye a la n na, n ye n Fa fɛ, n Fa fanan ye n fɛ, ni wo tɛ ai ye la kɛwaliilu jɛrɛ la sereya la. 12N ye tuɲa le fɔla ai yɛ ko: mɛn ka a lemɛniya la n dɔ wo ri n na baara kabannako fanan kɛ. A ri kabannako kɛ mɛn ka bon ka tamin n ta la ka a masɔrɔn n watɔ n Fa ma. 13Ai ka foyi maɲininka n tɔɔ rɔ, n di wo kɛ, sa a ri n Fa la gbiliya yiraka nde la, nde mɛn ye a Dencɛ ri. 14Ni ai ka fen fen maɲininka nde tɔɔ rɔ, n di wo kɛ.
Isa ka a fɔ ko Nii Sɛniman di na
15«Ni ai ye n kaninna, ai di n na jamarili mira. 16Wo rɔ nde ri n Fa madiya, a ni a ri Lalilila gbɛrɛ di ai ma mɛn di to ai fɛ habadan. 17Lalilila wo ye Nii Sɛniman de ri mɛn ye tuɲa fɔla mɔɔilu yɛ. Dunuɲa mɔɔilu ti se a ko rɔ ka a masɔrɔn a tɛ a yenna, a ma a lɔn. Kɔni ai ka a lɔn, ka a masɔrɔn a ye ai fɛ, a ri kɛ ai sɔnɔmɛ rɔ fanan.
18«N ti ai bilala ikomin faratanin, kɔni n di n kɔsɛ ai ma. 19A ti mɛn bakɛ, dunuɲa mɔɔilu ti n yen butun, kɔni ai ri n yen. Ka a masɔrɔn n di ɲenemaya, ai fanan di ɲenemaya. 20Ni wo lon sera, ai ri a ɲayen ko n ni n Fa ye i ɲɔɔn fɛ ikomin mɔɔ kelen, ko aile ni nde ye i ɲɔɔn fɛ ikomin mɔɔ kelen. 21Mɔɔ mɛn ye sɔnna n na jamariliilu ma ka ii labato, wo tii le ye n kaninna. Mɔɔ mɛn wa n kanin, n Fa di wo tii kanin. N fanan di a kanin ka n jɛrɛ yiraka a la.»
22Judasi, kɔni Judasi Sikariyɔti tɛ, wo ka a maɲininka ko: «Maari, nfenna i ri i yiraka an na, kɔni i tɛ i yiraka dunuɲa la wa?» 23Isa ka a jabi: «Ni n diyara mɔɔ mɛn yɛ, wo tii ri n kumakan bonya. Wo tii ri diya n Fa fanan yɛ. An di na a ma, an di to a fɛ. 24Kɔni ni n ma diya mɛn yɛ, wo ti n kumakan mirala. Ai ye kumakan mɛn namɛnna wo ma bɔ nde rɔ, kɔni n Fa mɛn ka n kelaya.
25«N ye a bɛɛ fɔla ai yɛ, an ye an ɲɔɔn fɛ waati ɲin dɔ. 26Kɔni, Lalilila, Nii Sɛniman, N Fa ye mɛn lanala n tɔɔ rɔ, wo ye ai karanna ko bɛɛ la, aile fanan hankili ri bila a rɔ n ka mɛn fɔ ai yɛ.
27«N ye jususuma dila ai ma. Jususuma mɛn ye n na, n ye wo ɲɔɔn dila ai ma. N tɛ ai dila ikomin dunuɲa ye a dila ɲa mɛn ma. Ai jusu kana yɛrɛyɛrɛ, ai jusu kana bɔ ka silan. 28Ai ra a mɛn ko n ka mɛn fɔ ai yɛ ko: ‹N watɔ, n di n kɔsɛ ai ma fanan›. Ni n diyara ai yɛ ai tun di sɛwa, baa n watɔ n Fa ma, n Fa mɛn ka bon nde ma. 29Nba, n ka wo fɔ ai yɛ sisen sani a ye kɛ, sa a wa kɛ tuma mɛn na, ai ri lemɛniya. 30N ti kumala ai yɛ bakɛ wo kɔ, baa dunuɲa mansaden ye nala. A ti se nde la, 31kɔni n Fa ka mɛn jamari n yɛ, n ye wo le labatola, sa dunuɲa mɔɔilu ri a lɔn ko n ye n Fa kaninna. Ai ye ai wuli, an ye bɔ yan.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 Pioneer Bible Translators
This work is licensed under the Creative Commons Attribution ShareAlike 4.0 license https://creativecommons.org/licenses/by-sa/4.0/