Matayu 16
16
Ŋei Eŋe Yesuŋo Masi Togogole Maki Kakeiwane Qebin-kakoi, Eŋane Girem Don Edange
1Parisi natne so Sadusi natne eŋe Yesu wano sarikoi, eŋe liwek-kakei wane detkoi, eso eŋe masi togogole mane maki, eyaŋo Kaisale wane kine sikan-ongi kakei wane olatkoi. 2Ŋo Yesuŋo yemo edane rake, “Ŋine kepe kesiyakane okangi, ra okanmami, ‘Ŋenane kepe menage payakane okanmaike, onoka wane qeliwo aso asoŋ kito walakmaikane.’ 3Eso sakoka yemo ŋine ra okanmami, ‘Eyamo koya qeyakane okanmaike, onoka wane qeliwo kup kezoŋ okane kepe takelemaike, so di okanmaikane.’ Ŋine kup so aso asoŋ eya wane kine yemo maine tanikine qeliwo kau paki detka okanmami, ŋo ŋine naso iwa eya wane masi tanikine yemo maine mi detkakei! 4Ŋine kaiwe naso ukude iwa wane ŋei ŋerep tego yemo borikine so eŋe weteeneŋo Kaisale wano mi paulukmaike. Eŋe naso baŋem masi togogole mane kaikei wane ra okanmami, ŋo eŋe masi mane baŋ mi kaikei, midakaka! ŋine masi togogole weku baŋ ŋibonbe kakei, yemo Yona wano masi wikile wakonge, eyaka wakongi kakei.”
Eso eŋe yale ra more qeliŋ-one so wiye arike.
Parisi So Sadusi Eŋane Masi Tanik Kaulukkakei
5Dokoine eŋe doku namuŋ yuwane erinat arikoi, eŋe niget-ongi kasap mane weneŋ mi ma arikoi. 6Yesuŋo edane rake, “Ŋine kaulukkei, so diyamŋine seleleine makei, Parisi so Kaisale wane ra rokop don welaine ŋei Sadusi, eŋane yisŋo masi plawa maki suwa okanmaike, yale ŋinane keuwo eŋerop masi qotkoine suwayakane, so ŋinano wakesiyakane ware-nagukei.”
7Dokoine eŋe don eya dere edomka auye rakoi, “Eŋe iwa ramaike, yemo onoka wane ŋene kasap mane mi ma sarine, eya wane mane ramaike.”
8Yesu eŋe don daleo aukoi, eya mo detonge, paki eŋe qeson one rake, “Ŋine onoka wane ŋidomka auye ramami, kasap mi ma sarine, eya wane mane ramaike, yale ramami ŋine mali malipŋine nigagatne ma gemami me? 9Ŋine kine mi detlukmami me ŋine na kasap mete mane (5) eya ŋei ŋerep 5 tausen eŋane mapokkole, eya mi detmami meŋine rosa darap wokitne metke, eya mau ket watkeke? 10So kasap sewen eyaŋo ŋei 4 tausen eŋane mapokkole, eyamo daleo ŋine rosa darap wokitne metke, eya mau ket watkeke? 11Ŋine daleo wane mi det-lukmami? Na kasap wane mi ŋidanile, eya wane kine mi detlukmami, na koune qe rele, ŋine diyamŋine seleleine makei, Parisi so Kaisale wane ra rokop don welaine ŋei Sadusi, eŋane masi tanik kelok don qotkoine eyaŋo yis yaleka ŋinane wetko waketki rokop-ŋuniyakane!”
12Eso dokoine eŋe kine mo detkoi, eŋe yis waneka kasapko motpi maki suwa okanmaike, eya wane mi edange. Ŋo yemo Parisi so Kaisale wane ra rokop don welaine ŋei, Sadusi, eŋane kito ebo ebonenane masi tanik kaulukkei wane eyao more edange.
Petoroŋo Yesu Wane Kine Rawakonge
13Yesu eŋe ari kepe sai mane mat suwaine Sisariya Pilipai osino pake, eya lotkeke. Yewao dokoine qesonone rake, “Nolatpi desikale, ŋei ŋerep eŋe Ŋei Wawainane Gipole eŋane ra more ma oramami?”
14Eŋe olale rakoi, “Natne eŋe ramami, Yohane Doku Tau Tau, natne eŋe ramami, Elaiya, ŋo natne eŋe ramami, Yeremaiya me propet mane.”
15Yesu eŋe dokoine edane rake, “Nolatpi detpe, ŋine yemo daleo naŋane ma noramami?”
16Saimon Petoroŋo rake, “Ge Mesiya, Kaisale gege togon wane gipole, oŋo ge biragangi ketkone.”
17Raki Yesuŋo mainge rake, “Simon Yohane gipole, ge wekumane ramaine, wet pesek desikene! Onoka wane ge don wele iwa ramaine, yemo ŋei natne eŋano ŋine geŋano sariki mi ramaine, yemo Magane qeliwo gemaike, oŋo koboboine wetŋono motki ramaine. 18Eso eya wane na iwa yale golatpe, Petoro, ge wesi mane, na doku tau tau ŋei ŋerep magune wesi yewa wane kutno mawe mesiyake, paki seuseu wane zonomŋo naŋane urum me doku tau tau magu yewa mane baŋ mi maket birakayake. 19Na qeli gege togon urum wane ki baŋ gingale, ge kepeo ra togolenom, qeliwo yale waka Kaisale eŋe baŋ ra togoleyake, ŋo ge kepeo rakokenom, qeliwo Kaisale eŋe yalewaka baŋ rakokeyake.”
20Yale raki paki, dokoine togogoleka rawotonge, eŋe Mesiya eya ŋei mane mi edangei wane.
Yesu Eŋe Wikile Dere Seukeyake Eya Wane Rawakone Edange
21Naso yewao ŋine kiyeke Yesu eŋe dokoine don didiwo ra wakone edane rake, “Na mo Yerusalem matko wakale paki, ŋei suwaine, pris ŋetne, so ra rokop don kito ebo ebon ŋei edo wikile zok suwaine ningei. Nine more, na baŋ nekuwi seukkale, paki kaiwe karewe okangi, nabaŋ koso ma wirik-nangi, wisikae wiyekale.”
22Edangi, Petoroŋo eŋineka bonep newanka more, busuka more rawotkaki paki rake, “Waom! Eyamo midakaka, kine kine yewa mane iwa geŋano mi wakoniyake!”
23Yesuŋo zinge Petoro olale rake, “Ŋei Borikene! Na biranane arinom, ge naŋane numa leŋleŋ okan-nanmaine, onoka wane geŋane dereret iwa yemo ge Kaisale wane dereret mogare mi ramaine, midakaka! Ge yemo ŋei eŋane dereretka mogare ramaine!”
24Pakiso, Yesu eŋe dokoine edane rake, “Ŋei mane eŋe naŋano sariyakane okaneso, koto so solainane don ŋadekka more, kibeŋ qabeŋine teweke more, naŋane ŋadeno sariyake. 25Onoka waneŋo mane eŋe eŋine gegeinane simile dere mo mawaluk kayakeo, eŋe baŋ siuke maniyake, ŋo mane eŋe naŋane raki paki gegeinane simile eya qaisik kayake, eŋe baŋ gege togon marat kayake. 26Mane eŋe kepe baŋem eya wane kine kine korop pamaike, eya kutno kutno more mawamaŋki, gegeine mida leleki paki, ki pelelekkaki, eya wane wele yemo onokakaŋo wakon-kayake? Me gegeinane turuŋine onokaka koso makimo, zinge baŋ koso qesiŋka maniyake? Kine mane midakaka, so mane mi pamaike! 27Ŋei Wawainane Gipole eŋe mo Magainane kibi qelaŋangorop aŋelokoune ebuki sarikei, pakimo eŋe baŋ ŋei koboboine so ŋei borikitne gege mageenane rokopko turuŋine mainge eboniyake. 28Welekatne iwa detlukkei! Iwa okoramami, ŋinano ŋine ŋei natne eŋe baŋ mi seukwarekei, eŋe yeka geu paki kau, Ŋei Wawainane Gipole eŋe ŋei waom yale okane sariyake.”
Currently Selected:
Matayu 16: onsNT
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
Matayu 16
16
Ŋei Eŋe Yesuŋo Masi Togogole Maki Kakeiwane Qebin-kakoi, Eŋane Girem Don Edange
1Parisi natne so Sadusi natne eŋe Yesu wano sarikoi, eŋe liwek-kakei wane detkoi, eso eŋe masi togogole mane maki, eyaŋo Kaisale wane kine sikan-ongi kakei wane olatkoi. 2Ŋo Yesuŋo yemo edane rake, “Ŋine kepe kesiyakane okangi, ra okanmami, ‘Ŋenane kepe menage payakane okanmaike, onoka wane qeliwo aso asoŋ kito walakmaikane.’ 3Eso sakoka yemo ŋine ra okanmami, ‘Eyamo koya qeyakane okanmaike, onoka wane qeliwo kup kezoŋ okane kepe takelemaike, so di okanmaikane.’ Ŋine kup so aso asoŋ eya wane kine yemo maine tanikine qeliwo kau paki detka okanmami, ŋo ŋine naso iwa eya wane masi tanikine yemo maine mi detkakei! 4Ŋine kaiwe naso ukude iwa wane ŋei ŋerep tego yemo borikine so eŋe weteeneŋo Kaisale wano mi paulukmaike. Eŋe naso baŋem masi togogole mane kaikei wane ra okanmami, ŋo eŋe masi mane baŋ mi kaikei, midakaka! ŋine masi togogole weku baŋ ŋibonbe kakei, yemo Yona wano masi wikile wakonge, eyaka wakongi kakei.”
Eso eŋe yale ra more qeliŋ-one so wiye arike.
Parisi So Sadusi Eŋane Masi Tanik Kaulukkakei
5Dokoine eŋe doku namuŋ yuwane erinat arikoi, eŋe niget-ongi kasap mane weneŋ mi ma arikoi. 6Yesuŋo edane rake, “Ŋine kaulukkei, so diyamŋine seleleine makei, Parisi so Kaisale wane ra rokop don welaine ŋei Sadusi, eŋane yisŋo masi plawa maki suwa okanmaike, yale ŋinane keuwo eŋerop masi qotkoine suwayakane, so ŋinano wakesiyakane ware-nagukei.”
7Dokoine eŋe don eya dere edomka auye rakoi, “Eŋe iwa ramaike, yemo onoka wane ŋene kasap mane mi ma sarine, eya wane mane ramaike.”
8Yesu eŋe don daleo aukoi, eya mo detonge, paki eŋe qeson one rake, “Ŋine onoka wane ŋidomka auye ramami, kasap mi ma sarine, eya wane mane ramaike, yale ramami ŋine mali malipŋine nigagatne ma gemami me? 9Ŋine kine mi detlukmami me ŋine na kasap mete mane (5) eya ŋei ŋerep 5 tausen eŋane mapokkole, eya mi detmami meŋine rosa darap wokitne metke, eya mau ket watkeke? 10So kasap sewen eyaŋo ŋei 4 tausen eŋane mapokkole, eyamo daleo ŋine rosa darap wokitne metke, eya mau ket watkeke? 11Ŋine daleo wane mi det-lukmami? Na kasap wane mi ŋidanile, eya wane kine mi detlukmami, na koune qe rele, ŋine diyamŋine seleleine makei, Parisi so Kaisale wane ra rokop don welaine ŋei Sadusi, eŋane masi tanik kelok don qotkoine eyaŋo yis yaleka ŋinane wetko waketki rokop-ŋuniyakane!”
12Eso dokoine eŋe kine mo detkoi, eŋe yis waneka kasapko motpi maki suwa okanmaike, eya wane mi edange. Ŋo yemo Parisi so Kaisale wane ra rokop don welaine ŋei, Sadusi, eŋane kito ebo ebonenane masi tanik kaulukkei wane eyao more edange.
Petoroŋo Yesu Wane Kine Rawakonge
13Yesu eŋe ari kepe sai mane mat suwaine Sisariya Pilipai osino pake, eya lotkeke. Yewao dokoine qesonone rake, “Nolatpi desikale, ŋei ŋerep eŋe Ŋei Wawainane Gipole eŋane ra more ma oramami?”
14Eŋe olale rakoi, “Natne eŋe ramami, Yohane Doku Tau Tau, natne eŋe ramami, Elaiya, ŋo natne eŋe ramami, Yeremaiya me propet mane.”
15Yesu eŋe dokoine edane rake, “Nolatpi detpe, ŋine yemo daleo naŋane ma noramami?”
16Saimon Petoroŋo rake, “Ge Mesiya, Kaisale gege togon wane gipole, oŋo ge biragangi ketkone.”
17Raki Yesuŋo mainge rake, “Simon Yohane gipole, ge wekumane ramaine, wet pesek desikene! Onoka wane ge don wele iwa ramaine, yemo ŋei natne eŋano ŋine geŋano sariki mi ramaine, yemo Magane qeliwo gemaike, oŋo koboboine wetŋono motki ramaine. 18Eso eya wane na iwa yale golatpe, Petoro, ge wesi mane, na doku tau tau ŋei ŋerep magune wesi yewa wane kutno mawe mesiyake, paki seuseu wane zonomŋo naŋane urum me doku tau tau magu yewa mane baŋ mi maket birakayake. 19Na qeli gege togon urum wane ki baŋ gingale, ge kepeo ra togolenom, qeliwo yale waka Kaisale eŋe baŋ ra togoleyake, ŋo ge kepeo rakokenom, qeliwo Kaisale eŋe yalewaka baŋ rakokeyake.”
20Yale raki paki, dokoine togogoleka rawotonge, eŋe Mesiya eya ŋei mane mi edangei wane.
Yesu Eŋe Wikile Dere Seukeyake Eya Wane Rawakone Edange
21Naso yewao ŋine kiyeke Yesu eŋe dokoine don didiwo ra wakone edane rake, “Na mo Yerusalem matko wakale paki, ŋei suwaine, pris ŋetne, so ra rokop don kito ebo ebon ŋei edo wikile zok suwaine ningei. Nine more, na baŋ nekuwi seukkale, paki kaiwe karewe okangi, nabaŋ koso ma wirik-nangi, wisikae wiyekale.”
22Edangi, Petoroŋo eŋineka bonep newanka more, busuka more rawotkaki paki rake, “Waom! Eyamo midakaka, kine kine yewa mane iwa geŋano mi wakoniyake!”
23Yesuŋo zinge Petoro olale rake, “Ŋei Borikene! Na biranane arinom, ge naŋane numa leŋleŋ okan-nanmaine, onoka wane geŋane dereret iwa yemo ge Kaisale wane dereret mogare mi ramaine, midakaka! Ge yemo ŋei eŋane dereretka mogare ramaine!”
24Pakiso, Yesu eŋe dokoine edane rake, “Ŋei mane eŋe naŋano sariyakane okaneso, koto so solainane don ŋadekka more, kibeŋ qabeŋine teweke more, naŋane ŋadeno sariyake. 25Onoka waneŋo mane eŋe eŋine gegeinane simile dere mo mawaluk kayakeo, eŋe baŋ siuke maniyake, ŋo mane eŋe naŋane raki paki gegeinane simile eya qaisik kayake, eŋe baŋ gege togon marat kayake. 26Mane eŋe kepe baŋem eya wane kine kine korop pamaike, eya kutno kutno more mawamaŋki, gegeine mida leleki paki, ki pelelekkaki, eya wane wele yemo onokakaŋo wakon-kayake? Me gegeinane turuŋine onokaka koso makimo, zinge baŋ koso qesiŋka maniyake? Kine mane midakaka, so mane mi pamaike! 27Ŋei Wawainane Gipole eŋe mo Magainane kibi qelaŋangorop aŋelokoune ebuki sarikei, pakimo eŋe baŋ ŋei koboboine so ŋei borikitne gege mageenane rokopko turuŋine mainge eboniyake. 28Welekatne iwa detlukkei! Iwa okoramami, ŋinano ŋine ŋei natne eŋe baŋ mi seukwarekei, eŋe yeka geu paki kau, Ŋei Wawainane Gipole eŋe ŋei waom yale okane sariyake.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.