Matayu 23
23
Yesuŋo Ra Rokop Don Numa Kito Ebon Ebon Ŋei So Parisi Eŋane Girem Rake
1Pakiso, Yesuŋo ŋei ŋerep magu so dokoine edane rake. 2“Ra rokop don kito ebo ebon so Parisi eŋe Mose wane met metko mere, ra rokop don so numa wane kine mainge okanmami. 3Eso, eya wane eŋe yeye kine kine mane makei wane ŋidanbi ŋine aŋaene teweke makei, ŋo enŋene gege mageene, eyamo misuk mogaton okangei, onoka wane eŋe don ra okanmami, eya eŋe edom don mane mogare mi ra okanmami. 4Eŋe Kaisale wane ra rokop don eya enŋene don eyao edom koso takotke ratogoleu paki, aboŋ don dereret umatne zok manerop nagonge mawa ŋei ŋerep eŋane romonene kutno more makatakeu met okanmaike, ŋo edom yemo mane mi ewekeu paki meteene bira more umat eya qesiŋone more tewek-okanmami. 5Yeye kine kine korop ma okanmami yemo, ŋei ŋerep edo urata mau mo eŋe enŋene yemo yaup deŋoka ka okanmami, paki, eŋe Kaisale Wane ekapko don kebaŋine kebaŋine pamaike, eya laseine weneŋ suwaine eyao qewatke ware umat mawa more ŋei ŋerep eŋane meeno so kabirimeno ŋamot yale mau, wa met okanmaike. Eya wane mo ŋei ŋerep ŋine kine kine yewa wane kaulukkei, eŋe takotene kiroine eya wane mezeno kibi kine kine kiroine mau paki mage okanmami, ŋei ŋerep edo kau paki, eweene kitokei waneka. 6So eŋe met met ŋei kaitkoka ma more didiwo tingo eyaoka, epa kebu ma nene nasoo, so Yuda lewa lewaŋ urumgo mesikei wane, zok simile-on okanmaike. 7Eŋe nalu qole nagu okanmami, eya wane sobeŋino ewe ene kitou paki kaiwe maine edora edanikeiwane, so ŋei ŋerep edo ‘Kito ŋebo ŋebon’, yale edorakei wane, simile ene zok pa ebonmaike. 8Naŋane dokoneŋine yemo, ‘Kito ŋebo ŋebon,’ ŋidorakei wane misuk wetkekei so rakei, onoka wane, ŋine kima kimaŋoka korop kima okannagu gemami, so kito ŋibo ŋibonŋine wekuku gemaike, yemo nae, eya wane yale okangei. 9So ŋine, nae dokone, iwa kepeo ŋei mane ‘Magak’ misuk orakei, onoka wane ŋine Magaŋine weku mo qeliwo gemaike. 10Me ‘Ŋetne Mama’ ŋidorakei wane misuk rakei, onoka wane ŋinane wekuku ŋetne mamaŋine gemaike, yemo Mesiya, Kaisaleŋo birakaki ketke. 11Ŋinane keuwo ŋine suwaine mane geyake, eŋe ŋinane qelit mama geyake. 12Mane eŋe oŋomka suwaine mawa-naguki, eŋe baŋ Kaisaleŋo maket bira-kayake, so mane eŋe oŋomka maket bira naguki, eŋe baŋ Kaisaleŋo mawa suwaine bira-kayake.
Yesuŋo Parisi So Ra Rokop Don Wane Kito Ebo Ebon Wane Kine Tilak-onge
13“Yai, ra rokop don kito ebo ebon, so Parisi, ŋine kaulukkei! Ŋine isi ŋei nau! Ŋine qeli gege togongo wake waket wane madetine ŋei ŋerep eŋane kaiteno kito wonge okanmami, ŋo siluŋ ŋine ŋidom baŋ mi wakesikei, soŋine ŋei ŋerep natne eŋe wakesikei wane okanbi, ŋine rawot-onbi mi waket okanmami! 14Yai, ra rokop don kito ebo ebon so Parisi, ŋine kaulukkei! ŋine isi ŋei nau! Ŋine kosi mala eŋane kat matene isi one more kobu omak-on okanmami, paki meŋe meŋen kiroroine meŋen-kau paki, sotŋine eya kawetke okanmami, onoka wane, ŋine yale okan okanmami, eya wane turuŋine yemo baŋ wikile qotkokoine marat-kaikei!
15“Yai, ra rokop don kito ebo ebon so Parisi, ŋine kaulukkei! Ŋine isi ŋei nau! Ŋine sekiwoka kiwet kitare ariu paki, lobo kepe lolike ari more ŋeimde weku mau wetne maingemaike. Wetne maingekimo, ŋine mau ŋinŋino takotkeki paki, eŋe ŋinŋinerop sora gerep wane biŋek manerop okan-lulukeyake!
16“Yai, numa alakan ŋei ŋine de ŋine pilik pilikine, ŋine kaulukkei! Ŋine iwa yale edan okanmami, ‘Ŋei mane eŋe Bakom Urumgo mode more ra togoleyakeo, yemo wele midaine, ŋo eŋe Bakom Urum koto wesi aboŋŋo mamaine metmaike, eya modeki paki, ra togoleyakeo, eyaŋo yemo maine wele.’ 17Ŋine de pilik, so qelaŋ qelaŋine nau! Diyawaŋo manerop Kaisale wane deo wele okanmaike? Wesi aboŋ Bakom Urumgo metmaike, eyaŋo wele me? Kaisale wane Bakom Urum suwaine, eyaŋo wele ŋine mo detmami, Kaisale wane Bakom Urum kotino wesi aboŋ metmaike, yewa yemo Kaisale wane yaup kine kine yauwine okanmaike! 18So, ŋine yaleka iwa yale weneŋ ra edan okanmami, ‘Ŋei mane eŋe aratao modeki paki ra togoleyakeo, yemo wele midaine okaniyake, ŋo mane eŋe arata kutno soe soep pamaike, eyao modeki paki ra togoleyakeo, yemo eŋe ramaike, yale okaniyake.’ 19Ŋine deŋine pilik pilikine! Diyawaŋo Kaisale wane kaitko me deino wele okanmaike? Soe soep eyaŋo wele me? Me arataŋo wele ŋine mo detmami, nene kine kine me soe soep aratao metmaike, yewaŋoka maki soe soep eya Kaisale wane biŋek okanmaike. 20Eso, eya wane ŋei mane eŋe aratao mode more ra togoleyake, eŋe donine ma togole more arata weneŋ ra togolekaki paki, kutno soe soep bakom pamaike eya, weneŋ korop ra togole-waremaike. 21So ŋei mane eŋe Kaisale wane Bakom Urumgo modeki paki ra togoleyake, eŋe donine eya Kaisale wane Bakom Urumgo ra togoleki paki, so eŋe Bakom Urumgo welaine gemaike, Kaisale weneŋ ra togoleyake. 22So ŋei mane eŋe qeliwo modeki paki ratogoleyake, yemo eŋe Kaisale wane metmet, so metmet eya wane kutno metmaike, eŋane weneŋ ra togoleyake.
23“Yai, ra rokop don kito ebo ebon so Parisi ŋine kaulukkei! Ŋine isi ŋei nau, aŋaŋine etke! Ŋine euwo ŋine si zaguk yauwine, arerewa, so izaŋ saiyok kine kine eu wane aboŋ eyamo ŋine mapokeu paki, 10 magu mane Kaisale wane biŋek mot okanmami, ŋo ŋine Kaisale wane ra rokop don nat paromine kakapa suwaine mane, eya mo yeine qeliŋ waremami, yewa mo numa wele, ra makoboe one, mauluk qeuluk, so mali malip eya mo qeligeu, yeine ket okanmaike. Ŋine iwa koropka siluŋ togole zonom gorop ra rokop don suwaine pamaike, eya maine mogat-warekei, so ra rokop don natne pamaike, eya eŋe yale waka misuk qeliŋgei. 24Numa alakan ŋei ŋine deŋine pilik pilikine! Ŋine zeŋet so sip kine kine nigatnemde, eyamo surok ŋino ŋine ma birau yeine ari okanmaike, ŋo ŋine kamel osom suwaine, surok ŋine koto, eyamo mi ka more, ŋine yewarop siluŋ weneŋ qotkeu, koto ŋino ket okanmaike!
25“Yai, ra rokop don kito ebo ebon so Parisi ŋine kaulukkei! Ŋine isi ŋei nau! ŋine lase ŋine so plet ŋine solaineka sauk okanmami, ŋo kotine yemo kobu mama wane tanik manik so sola ŋinane simile mogare gege, eyaŋo qewatkeu watke pa waremaike. 26Parisi ŋine de ŋine pilik pilikine! Lase kotino onokakaŋo metmaike, eya alakane saukeu qoeki, ŋado solaine eya baŋ yaleka libe qeyake!
27“Yai, ra rokop don kito ebo ebon so Parisi ŋine kaulukkei! Ŋine aŋaŋine etke isi ŋei nau! ŋine deŋesere solaino yemo touk so si zikotne kito mauluk okan mageu dun dun paki kamami yale, ŋo kotino yemo ŋei seuseunane setne so kine kine gotototneŋo watke pamaike. 28Rokop weku yewakaŋine solaŋineŋo yemo ŋei ŋerep eŋane kaitko wakonbi maine ŋunmami, ŋo koto ŋino yemo isi so ra rokop don qepapka qepapka borikine eyaŋo watke pamaike.
Yesuŋo Kakarauk Wikile Teine Marat Kaikei Wane, Kito Ebo Ebon So Parisi Eŋane Rake
29“Yai, ra rokop don kito ebo ebon so Parisi ŋine kaulukkei! Ŋine aŋaŋine etke, isi ŋei nau! Ŋine propet eŋane deŋesere matene mauluke, maine mamami, so ŋine ŋei dereret korop eŋane deŋesere eya maine mau kibi maepinerop okanmaike. 30Paki iwa yale ra okanmami, ‘Ŋene aso ŋabokopze gekoi, naso yewao mokaka gekone ra, yemo ŋene eŋe okangoi, yale mi okanŋem rap, paki propet mane mi enguŋem rap.’ 31Eso ŋine welekatne ra wakone ramami, ŋeiwa mo sogino propet enguwi seukkoi, eŋane ŋosa wili wiliyene, eyamo ŋine iwa! 32Eya wane ŋine aso ŋabokop ŋine sot takotki takot kutno kutno kiyeke okane sari gekoi, yale waka okane arimageu qoeyake! 33Ŋine koma suwabit nau, so koma eya wane gipolekoune! Ŋine sotŋinane turuŋine sora gerepko kesikei wane, naso bomileki diyawao ari siukwarekei? Eya mo numa mane mida! 34Eso eya wane na rawe detpi, na baŋ ŋinano propet so ŋei dereret korop, so kito ŋibo ŋibon taleonbe sarikei, ŋine eŋano ŋine natne baŋ enguwi seukkei, natne kibeŋ qabego engukei, so natne lewa lewaŋ urum ŋino kumunamŋo enguwi paki esop onbi, mat suwaine maneo ŋine mat maneo yale ari okanikei. 35Ŋei sotene midaine engukoi, eŋane turuŋene yemo baŋ ŋinane kutŋino wa payake. Abel sotine midaine eŋano ŋine kiyeke kawali qe sari mage Zekaraiya, eŋe Barakiya wane gipole, Bakom Urum so arata keuwetno qekoi. 36Na ŋidanbe detpi, so eya wane turuŋine kakarauk, yemo baŋ ŋei eya gekoi, ŋinano wakon wareyake!”
Yesuŋo Yerusalem Mat Wane Arokke
37“Yerusalem welaine, Yerusalem welaine! Ŋine propet enguwi seukeu, Kaisale wane qelit ŋei wesiŋo kito pelek-onmami, Kaisaleŋo ŋinano taleongi sariu! Naso baŋem naso baŋem tiyakŋo medewekoune wo worap one more qimgimineŋo maputulake korauton okanmaike, yale noŋo ŋinane ŋei ŋerep magukopŋine meteneŋo koraut ongalane okangole, ŋo ŋine siluŋ mi qeligeu, koraut ongole! 38So ŋine koropŋo detlukkei, eya wane mat urumŋine yemo baŋ komu komune qeliŋkawe bori more, waru qetusiyake. 39Na welekatne iwa yale rawe detpi, ŋine koso na manerop baŋ mi nane more, ge ari mage baŋ naŋane kine kauluke more raikei, ‘Ŋei yewa eŋe Waom wane eŋetko sariyake, Kaisaleŋo eŋe maulukka more mosopkakep,’ yale rau paki, naso yewao nanikei, so kine kine menageyake.”
Currently Selected:
Matayu 23: onsNT
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
Matayu 23
23
Yesuŋo Ra Rokop Don Numa Kito Ebon Ebon Ŋei So Parisi Eŋane Girem Rake
1Pakiso, Yesuŋo ŋei ŋerep magu so dokoine edane rake. 2“Ra rokop don kito ebo ebon so Parisi eŋe Mose wane met metko mere, ra rokop don so numa wane kine mainge okanmami. 3Eso, eya wane eŋe yeye kine kine mane makei wane ŋidanbi ŋine aŋaene teweke makei, ŋo enŋene gege mageene, eyamo misuk mogaton okangei, onoka wane eŋe don ra okanmami, eya eŋe edom don mane mogare mi ra okanmami. 4Eŋe Kaisale wane ra rokop don eya enŋene don eyao edom koso takotke ratogoleu paki, aboŋ don dereret umatne zok manerop nagonge mawa ŋei ŋerep eŋane romonene kutno more makatakeu met okanmaike, ŋo edom yemo mane mi ewekeu paki meteene bira more umat eya qesiŋone more tewek-okanmami. 5Yeye kine kine korop ma okanmami yemo, ŋei ŋerep edo urata mau mo eŋe enŋene yemo yaup deŋoka ka okanmami, paki, eŋe Kaisale Wane ekapko don kebaŋine kebaŋine pamaike, eya laseine weneŋ suwaine eyao qewatke ware umat mawa more ŋei ŋerep eŋane meeno so kabirimeno ŋamot yale mau, wa met okanmaike. Eya wane mo ŋei ŋerep ŋine kine kine yewa wane kaulukkei, eŋe takotene kiroine eya wane mezeno kibi kine kine kiroine mau paki mage okanmami, ŋei ŋerep edo kau paki, eweene kitokei waneka. 6So eŋe met met ŋei kaitkoka ma more didiwo tingo eyaoka, epa kebu ma nene nasoo, so Yuda lewa lewaŋ urumgo mesikei wane, zok simile-on okanmaike. 7Eŋe nalu qole nagu okanmami, eya wane sobeŋino ewe ene kitou paki kaiwe maine edora edanikeiwane, so ŋei ŋerep edo ‘Kito ŋebo ŋebon’, yale edorakei wane, simile ene zok pa ebonmaike. 8Naŋane dokoneŋine yemo, ‘Kito ŋebo ŋebon,’ ŋidorakei wane misuk wetkekei so rakei, onoka wane, ŋine kima kimaŋoka korop kima okannagu gemami, so kito ŋibo ŋibonŋine wekuku gemaike, yemo nae, eya wane yale okangei. 9So ŋine, nae dokone, iwa kepeo ŋei mane ‘Magak’ misuk orakei, onoka wane ŋine Magaŋine weku mo qeliwo gemaike. 10Me ‘Ŋetne Mama’ ŋidorakei wane misuk rakei, onoka wane ŋinane wekuku ŋetne mamaŋine gemaike, yemo Mesiya, Kaisaleŋo birakaki ketke. 11Ŋinane keuwo ŋine suwaine mane geyake, eŋe ŋinane qelit mama geyake. 12Mane eŋe oŋomka suwaine mawa-naguki, eŋe baŋ Kaisaleŋo maket bira-kayake, so mane eŋe oŋomka maket bira naguki, eŋe baŋ Kaisaleŋo mawa suwaine bira-kayake.
Yesuŋo Parisi So Ra Rokop Don Wane Kito Ebo Ebon Wane Kine Tilak-onge
13“Yai, ra rokop don kito ebo ebon, so Parisi, ŋine kaulukkei! Ŋine isi ŋei nau! Ŋine qeli gege togongo wake waket wane madetine ŋei ŋerep eŋane kaiteno kito wonge okanmami, ŋo siluŋ ŋine ŋidom baŋ mi wakesikei, soŋine ŋei ŋerep natne eŋe wakesikei wane okanbi, ŋine rawot-onbi mi waket okanmami! 14Yai, ra rokop don kito ebo ebon so Parisi, ŋine kaulukkei! ŋine isi ŋei nau! Ŋine kosi mala eŋane kat matene isi one more kobu omak-on okanmami, paki meŋe meŋen kiroroine meŋen-kau paki, sotŋine eya kawetke okanmami, onoka wane, ŋine yale okan okanmami, eya wane turuŋine yemo baŋ wikile qotkokoine marat-kaikei!
15“Yai, ra rokop don kito ebo ebon so Parisi, ŋine kaulukkei! Ŋine isi ŋei nau! Ŋine sekiwoka kiwet kitare ariu paki, lobo kepe lolike ari more ŋeimde weku mau wetne maingemaike. Wetne maingekimo, ŋine mau ŋinŋino takotkeki paki, eŋe ŋinŋinerop sora gerep wane biŋek manerop okan-lulukeyake!
16“Yai, numa alakan ŋei ŋine de ŋine pilik pilikine, ŋine kaulukkei! Ŋine iwa yale edan okanmami, ‘Ŋei mane eŋe Bakom Urumgo mode more ra togoleyakeo, yemo wele midaine, ŋo eŋe Bakom Urum koto wesi aboŋŋo mamaine metmaike, eya modeki paki, ra togoleyakeo, eyaŋo yemo maine wele.’ 17Ŋine de pilik, so qelaŋ qelaŋine nau! Diyawaŋo manerop Kaisale wane deo wele okanmaike? Wesi aboŋ Bakom Urumgo metmaike, eyaŋo wele me? Kaisale wane Bakom Urum suwaine, eyaŋo wele ŋine mo detmami, Kaisale wane Bakom Urum kotino wesi aboŋ metmaike, yewa yemo Kaisale wane yaup kine kine yauwine okanmaike! 18So, ŋine yaleka iwa yale weneŋ ra edan okanmami, ‘Ŋei mane eŋe aratao modeki paki ra togoleyakeo, yemo wele midaine okaniyake, ŋo mane eŋe arata kutno soe soep pamaike, eyao modeki paki ra togoleyakeo, yemo eŋe ramaike, yale okaniyake.’ 19Ŋine deŋine pilik pilikine! Diyawaŋo Kaisale wane kaitko me deino wele okanmaike? Soe soep eyaŋo wele me? Me arataŋo wele ŋine mo detmami, nene kine kine me soe soep aratao metmaike, yewaŋoka maki soe soep eya Kaisale wane biŋek okanmaike. 20Eso, eya wane ŋei mane eŋe aratao mode more ra togoleyake, eŋe donine ma togole more arata weneŋ ra togolekaki paki, kutno soe soep bakom pamaike eya, weneŋ korop ra togole-waremaike. 21So ŋei mane eŋe Kaisale wane Bakom Urumgo modeki paki ra togoleyake, eŋe donine eya Kaisale wane Bakom Urumgo ra togoleki paki, so eŋe Bakom Urumgo welaine gemaike, Kaisale weneŋ ra togoleyake. 22So ŋei mane eŋe qeliwo modeki paki ratogoleyake, yemo eŋe Kaisale wane metmet, so metmet eya wane kutno metmaike, eŋane weneŋ ra togoleyake.
23“Yai, ra rokop don kito ebo ebon so Parisi ŋine kaulukkei! Ŋine isi ŋei nau, aŋaŋine etke! Ŋine euwo ŋine si zaguk yauwine, arerewa, so izaŋ saiyok kine kine eu wane aboŋ eyamo ŋine mapokeu paki, 10 magu mane Kaisale wane biŋek mot okanmami, ŋo ŋine Kaisale wane ra rokop don nat paromine kakapa suwaine mane, eya mo yeine qeliŋ waremami, yewa mo numa wele, ra makoboe one, mauluk qeuluk, so mali malip eya mo qeligeu, yeine ket okanmaike. Ŋine iwa koropka siluŋ togole zonom gorop ra rokop don suwaine pamaike, eya maine mogat-warekei, so ra rokop don natne pamaike, eya eŋe yale waka misuk qeliŋgei. 24Numa alakan ŋei ŋine deŋine pilik pilikine! Ŋine zeŋet so sip kine kine nigatnemde, eyamo surok ŋino ŋine ma birau yeine ari okanmaike, ŋo ŋine kamel osom suwaine, surok ŋine koto, eyamo mi ka more, ŋine yewarop siluŋ weneŋ qotkeu, koto ŋino ket okanmaike!
25“Yai, ra rokop don kito ebo ebon so Parisi ŋine kaulukkei! Ŋine isi ŋei nau! ŋine lase ŋine so plet ŋine solaineka sauk okanmami, ŋo kotine yemo kobu mama wane tanik manik so sola ŋinane simile mogare gege, eyaŋo qewatkeu watke pa waremaike. 26Parisi ŋine de ŋine pilik pilikine! Lase kotino onokakaŋo metmaike, eya alakane saukeu qoeki, ŋado solaine eya baŋ yaleka libe qeyake!
27“Yai, ra rokop don kito ebo ebon so Parisi ŋine kaulukkei! Ŋine aŋaŋine etke isi ŋei nau! ŋine deŋesere solaino yemo touk so si zikotne kito mauluk okan mageu dun dun paki kamami yale, ŋo kotino yemo ŋei seuseunane setne so kine kine gotototneŋo watke pamaike. 28Rokop weku yewakaŋine solaŋineŋo yemo ŋei ŋerep eŋane kaitko wakonbi maine ŋunmami, ŋo koto ŋino yemo isi so ra rokop don qepapka qepapka borikine eyaŋo watke pamaike.
Yesuŋo Kakarauk Wikile Teine Marat Kaikei Wane, Kito Ebo Ebon So Parisi Eŋane Rake
29“Yai, ra rokop don kito ebo ebon so Parisi ŋine kaulukkei! Ŋine aŋaŋine etke, isi ŋei nau! Ŋine propet eŋane deŋesere matene mauluke, maine mamami, so ŋine ŋei dereret korop eŋane deŋesere eya maine mau kibi maepinerop okanmaike. 30Paki iwa yale ra okanmami, ‘Ŋene aso ŋabokopze gekoi, naso yewao mokaka gekone ra, yemo ŋene eŋe okangoi, yale mi okanŋem rap, paki propet mane mi enguŋem rap.’ 31Eso ŋine welekatne ra wakone ramami, ŋeiwa mo sogino propet enguwi seukkoi, eŋane ŋosa wili wiliyene, eyamo ŋine iwa! 32Eya wane ŋine aso ŋabokop ŋine sot takotki takot kutno kutno kiyeke okane sari gekoi, yale waka okane arimageu qoeyake! 33Ŋine koma suwabit nau, so koma eya wane gipolekoune! Ŋine sotŋinane turuŋine sora gerepko kesikei wane, naso bomileki diyawao ari siukwarekei? Eya mo numa mane mida! 34Eso eya wane na rawe detpi, na baŋ ŋinano propet so ŋei dereret korop, so kito ŋibo ŋibon taleonbe sarikei, ŋine eŋano ŋine natne baŋ enguwi seukkei, natne kibeŋ qabego engukei, so natne lewa lewaŋ urum ŋino kumunamŋo enguwi paki esop onbi, mat suwaine maneo ŋine mat maneo yale ari okanikei. 35Ŋei sotene midaine engukoi, eŋane turuŋene yemo baŋ ŋinane kutŋino wa payake. Abel sotine midaine eŋano ŋine kiyeke kawali qe sari mage Zekaraiya, eŋe Barakiya wane gipole, Bakom Urum so arata keuwetno qekoi. 36Na ŋidanbe detpi, so eya wane turuŋine kakarauk, yemo baŋ ŋei eya gekoi, ŋinano wakon wareyake!”
Yesuŋo Yerusalem Mat Wane Arokke
37“Yerusalem welaine, Yerusalem welaine! Ŋine propet enguwi seukeu, Kaisale wane qelit ŋei wesiŋo kito pelek-onmami, Kaisaleŋo ŋinano taleongi sariu! Naso baŋem naso baŋem tiyakŋo medewekoune wo worap one more qimgimineŋo maputulake korauton okanmaike, yale noŋo ŋinane ŋei ŋerep magukopŋine meteneŋo koraut ongalane okangole, ŋo ŋine siluŋ mi qeligeu, koraut ongole! 38So ŋine koropŋo detlukkei, eya wane mat urumŋine yemo baŋ komu komune qeliŋkawe bori more, waru qetusiyake. 39Na welekatne iwa yale rawe detpi, ŋine koso na manerop baŋ mi nane more, ge ari mage baŋ naŋane kine kauluke more raikei, ‘Ŋei yewa eŋe Waom wane eŋetko sariyake, Kaisaleŋo eŋe maulukka more mosopkakep,’ yale rau paki, naso yewao nanikei, so kine kine menageyake.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.