Mareko 10
10
Yesu Eŋe Ŋao Ŋanom Qeliŋ Qeliŋ Wane Kito Ebonge
1Yesu eŋe wiye eya qelige more, Yuda kepe wane nat paromino ari more Yordan doku kitare arike. Ŋei ŋerep magu suwaine eŋe koso sari eŋano lewageuso eŋe okane okanmageke, yale mogare Kaisale wane kisi maep edange. 2Edangi so, Kaisale papa togon welaine ŋei, Parisaiyo, eŋe sari Yesu liwek-kaikei wane rakoi, Ge ranom! Ŋenze ra rokop donze eyaŋo ramaike, ŋei mane eŋe maine ŋanomine esop-kayake, me mida? 3Yesu eŋe donene mainge qesonone rake, Sogino, Moseŋo ra rokop don daleo ŋibonge. 4Eŋe mainge rakoi, Mose eŋe rake, ŋei mane eŋe ŋanomine esop-kayakane okane more, maine kibi mane qe more kibi yewa kot wane wanok wanok ŋei eŋano more, maine ŋanomine esop-kayake. 5Yesuŋo edane rake, Ŋine so ŋinane aso ŋabokopŋine ŋinŋine wawaine ŋinane Mose eŋe ŋinane ra rokop don yewa qeke. 6Moka sogino Kaisale eŋe kine kine ma wakon-wareke, naso yewao yale mi rake. Kaisale papa togon don iwa yale qeki paki, ‘Kaisaleŋo ŋei so ŋerep ma wakonore more biraotke.’ 7So, ‘Ŋei eŋe ŋerep mayakane okane more eŋe nagamagaine qeliŋore more ŋanominerop qeturage more, weku okangeik. 8Ere ŋao ŋanom okane more, solaetne qeduguwik, weku okangi gekeik.’ 9Kaisaleŋo don yale ra more ŋao ŋanom maturaŋ-otke. Ŋeiŋo maine mi mapok-osikei. 10Matko zinge ari more, dokoine eŋe koso eya wane qeson-kakoi. 11Eŋe iwa yale edange, Ŋei mane eŋe ŋanomine qeliŋka more ŋerep mane mayakeo, eŋe ŋanomine qeliŋka more, sot marat-kayake, so ŋei eya bailalaŋ urata mayake. 12Ŋo ŋerep eŋe yaleka ŋaune qeliŋka more, ari ŋei mane mayakeo, eŋe ŋaune qeliŋka more, sot marat-kayake, so ŋerep eya eŋe yaleka bailalaŋ urata mayake.
Yesu Eŋe Medep Nigatne Mosoponge
13Ŋei ŋerep eŋe dokoene Yesuŋo metineŋo kuteno more mosop oniyakane ra more eŋano ebu sariu, dokoine edo don okanongoi. 14Yesu eŋe dokoine edo masi yale okanbi one more wet gerep okane more edane rake, Ŋine misuk ma walukonbi! Qeliŋonbi! Medep nigatne eya naŋane osono maine sariu! Kaisale eŋe ŋei ŋerep medep nigatne iwa yaline eŋane rokopko wareoniyakane siminkamaike. 15Na welekatne ŋidane ramaile. Medep nigatne eŋe Kaisaleŋo wareoniyakane siminonmaike. Ŋo ŋei natne eŋe Kaisaleŋo wareoniyakane mi siminonmaikeo, eŋe Kaisale wane ware ware kepeo mi wakesikei. 16Yale ra more medep nigatne yewa edoka ebu okora metine kuteno more mosoponge.
Ŋei Aboŋine Suwaine Eŋane Donkisi
17Yesu eŋe wiye yewa qelige ariki numao ŋei mane eŋe biririke sari Yesu wane osino pese ket kino wawetine qe more qesonka rake, Kito ŋebo ŋebon, maepne. Na dalino okane more naso baŋem gege togon maratka geokanikale? 18Yale raki, Yesuŋo olatke, Ge na mayakatne onoka wane noramaine? Kaisale wekuŋo mayakatne so eŋe wekuŋo koboboine. 19Ge Kaisale wane papa togon don detmaine. Ge ŋei mane mi qenom seukeyake. Ŋire ŋao ŋanom mi bira-nagukeik so ŋei me ŋerep mane misuk maikeik. Ge kobu mi maikene. Ge ŋei mane mi ma baikkaikene. Ge ŋei mane mi isikaikene. Ge nabok magak erane bango ge more erane don dereretkoka ge okanikene. 20Ŋei yewa eŋe rake, Kito Ŋebo Ŋebon, na mo medepnoka tego yewa mane mi yuwan-kakole. Mo korop okane gesakole gemaile iwa. 21Yesu eŋe ka more eŋane simile dere more olatke, Ge kine kine weku mi okanine. Eya makoboenom, ge ari more wesi aboŋŋone korop eya ma more ŋei aboŋene midaine eŋe sunonikene. Sunone more yalinane baŋ gege togon mat marat-kaikene. Pakiso geŋone sari ŋadeno mogat-nane sarikene. 22Don yale dere more, ŋei yewa eŋe kaitine bori more zok manerop zoileke, so qomine umareki, qelige arike, onoka wane, ŋo eŋe aboŋine zok manerop umatne pamangane, eŋe yale okane so eŋe yeine qelige arike. 23Ŋei yewa eŋe ariki, Yesuŋo zinge pore lolike dokoine one edane rake, Ŋei yaline wesi aboŋene suwaine, eŋe Kaisale wane qeli ewe zonom koto wakesikei wane rau, eŋe zok umareyake, so eŋe zok urata suwaine ma more aboŋene qeliŋ-kamami. 24Dokoine eŋe don yale raki dere poradageu, Yesu eŋe koso edane rake, Oo dokone, ŋei ŋerep eŋe Kaisale wane qeli ewe zonom kotino wakesikei wane rau paki, eŋe urata suwaine maikei! 25Kamel eŋe samap wane aŋauno wakesikei wane eya urata suwaine zok mi okaniyake. Ŋo, baliŋa ŋei eŋe Kaisale wane qeli ewe zonom koto wake waket, eŋe urata suwaine zok manerop ma more aboŋine qeliŋ-kamaike. 26Dokoine eŋe eŋane don dere more oŋaene qaeki enŋeneka auye qeson-nagu rakoi, Ge ramaine, Kaisaleŋo baliŋa ŋei mi ware-oniyake, yale okangi, ŋei ŋerep ketkele gemami, eŋe Kaisaleŋo mi ware-oniyake. 27Eŋe yale rauso, Yesu eŋe deenoka pore one okora rake, Kepeo ŋei ŋerep ŋine ŋaŋaemami. Ŋo Kaisale wekuŋo eŋe mi ŋaŋaemaike. Kaisale eŋe kine kine korop ma wareyakane, eŋe maine mi qekayake. 28Petoro eŋe don mane Yesu olale rake, Detmaine! Ŋene kine kine kakize mo korop qeliŋ-kaware more ge mogat-gangone, ge ŋene det-ŋonmaine. 29Yesuŋo rake, Na don wele ŋidanmaile. Ŋei mane eŋe naŋane dere more kisi maep qesiŋnane rasu-wakeiwane ra more matene, me tarekop, ŋon, qa, kiyaro, me nabok, magak, kepe, medep, qeliŋ-onware sari na mogat-naniyakeo, 30Eya wane turuŋine Kaisaleŋo zok manerop makoke maniyake. Naso iwa yaleo yemo eŋe kepe, mat, ŋon, qa, tarekop, kiyaro, me nabok, magak, medep, korop marat-kayake. Ŋei edo ŋei yewa wikile wakile takotke marat-kaikei. Baŋ naso kutno eŋe gege togon maratka geyake. 31Ŋei loutne ukude tego lewine okoramami. Eŋe naso kutno mawe tego ŋadino kesikei. Ŋo ŋei loutne ukude tego ŋadino okoramami, eŋe naso kutno mawe tego lewine waikei.
Yesu Eŋe Koso Atak Mane Seuke More Wiyeyakane Rake
32Yesu eŋine so dokoine Yerusalem arikei wane arikoi. Yesu eŋe alakane ariki dokoine eŋe dere mezet okangoi. So ŋei ŋerep magu ŋadeeno arikoi. Eŋe kaetonge, Yesu eŋe dokoine 12 yewa koso ebu qeduguone more, eŋine ariki masi tanik kine kine solaino wakon-kayake eya wane kiyeke edange. 33Eŋe rake, Detmami! Ukude ŋene wa Yerusalem lotkeŋem. Ŋei maneŋo Ŋei Wawainane Gipole eya Kaisale wane mosop ŋei so Kaisale papa togon welaine ŋei, Skribe, eŋane meteeno birakaki edo seukeyakane ra togole more lobo ŋei eŋano birakaikei. 34Edo wawaine don olale more, sopotka kiŋ quŋ qe more, qeu seuke more deŋesereo payake, paki kaiwe mama karewe qoeki koso wisikae wiyeyake.
Yakop So Yohane Ere Yesu Qesonkakoik
35Zebedi wane gipoletkine Yakop so Yohane ere Yesu wane osino sari more rakoik, Kito ŋebon ŋebon, ŋere kine kine mane wane qeson-ganiketane sarimaite. Ge kine kine yewa ŋerano weneŋ maikenane ŋotmaike. 36Rauk so, eŋe qesonore rake, Na onokaka ŋirano weneŋ maikalane ramamik? 37Ere rakoik, Ge dere, ŋere ma wakone bira ŋotnom. Naso ge ŋei waom met metko mesikene, yewao ŋere weneŋ wazaŋone nat nat mesikete. 38Yesu eŋe etane rake, Ŋire eya wane kine mi detlukkeuk paki, na qeson-nanmamik. Na dere umat wikile kine kine zok manerop maikale. Ŋire eya maine okanikeik me? 39Ere rakoik, Oo, eya ŋere maine okan-warekete! Raukso, Yesuŋo etane rake, Ŋire naŋane wikile nat parom welekatne desikeik. 40Eya wane maine ŋitanikale. Ŋo wazane nat nat met met eya wane noŋo maine mi ŋitanikale. Kaisale oŋomka met met yewa ŋei maŋane maulukke, eya eŋe baŋ oŋo maniyake. 41Dokoine mete etke eŋe yale dere more Yakop so Yohane erane zok sotene osike. 42Yesu eŋe edoraki, dokoine korop sariu edange, Ŋine detmami lobo ŋei ŋerep eŋane ware ware biraka okanmami, ŋei yewa eŋe ŋei ŋerep zonomene togogoleŋo magu ma pese one more eŋane ware ware togogole wareonmami. 43Masi yewa koso ŋinane keuwo mane misuk wakoniyake! Midakaka togogole! Ŋei ŋinane keuwo ŋine ware ware ŋine okorayakane, ra more eŋe ŋei magu eŋane qelit qeqe okaniyake. 44Ŋei ŋinane keuwo ŋine ŋetneŋine okorayakane, ramore eŋe ŋei magu eŋane qelit qeqe okaniyake. 45Na, Ŋei Wawainane Gipoleŋo sarikole, na ŋei ŋerep korop eŋane qelit qeqe okane more qesiŋ ŋunmaile. Ŋei ŋerep edo na mi qesiŋ nanmami. Na, ŋei ŋerep qesiŋone more solane qikkawe ŋei ŋerep ma menaŋ-oniyakane sarikole.
Yesu Eŋe Bartimeus De Pilik Ma Menaŋkake
46Eŋe ari Yeriko matko lotke more eya yuwane arikoi, eŋine dokoine so ŋei ŋerep magu suwaine weneŋ arikoi. Ŋei mane deine pilik pilikine eŋe numa wazaino metke. Eŋetine Bartimeus. Eŋe Timeus wane gipole. Eŋe mere ŋei ŋerep edo kine kine natne qesiŋ kaikeiwane boka woka metmaŋke. 47Eŋe mere detki rakoi, Yesu Nazaret ŋei, eŋe done mo sarimaike, pakimo, ŋei yewa eŋe kiyeke togogoleka boka rake, Oo, Yesu, ge Dawit wane ŋaboine, ge ŋetne bira ganiyakane Kaisaleŋo mo rake. Ge naŋane wetŋone borikep! 48Ŋei ŋerep magu yewa edo kuroŋka rakoi, Ge aŋaŋone ma wonge metnom! Rau eŋe soringe togoleka koso boka rake, Dawit ŋaboine ge siluŋ naŋane wetŋone borikep! 49Yale ra bokaki, Yesu eŋe dere more paŋ lalipke okora edane rake, Orau! Wiye iwa sarikep! Eŋe de pilik yewa ora more olale rakoi, Wet pesek suwaine dere more wiye sa arinom. Yesuŋo eŋano arikenane goramaike. 50Eŋe dere esatka kaŋzaŋ wiye more, momo takotine kiroine yewa makoke more, Yesu wane osino arike. 51Yesuŋo olatke, Na dalino okan-ganikalane ramaine? Ŋei deine pilik pilikine eŋe rake, Kito ŋebon ŋebon na dene koso posikalane ramaile. 52Yesuŋo olatke, Ge maine koso arinom. Mali malipŋoneŋo maki deŋone potmaine. Yale raki, ikopka deine lotkeki pore ka more, Yesu ŋadino mogare arike.
Currently Selected:
Mareko 10: onsNT
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
Mareko 10
10
Yesu Eŋe Ŋao Ŋanom Qeliŋ Qeliŋ Wane Kito Ebonge
1Yesu eŋe wiye eya qelige more, Yuda kepe wane nat paromino ari more Yordan doku kitare arike. Ŋei ŋerep magu suwaine eŋe koso sari eŋano lewageuso eŋe okane okanmageke, yale mogare Kaisale wane kisi maep edange. 2Edangi so, Kaisale papa togon welaine ŋei, Parisaiyo, eŋe sari Yesu liwek-kaikei wane rakoi, Ge ranom! Ŋenze ra rokop donze eyaŋo ramaike, ŋei mane eŋe maine ŋanomine esop-kayake, me mida? 3Yesu eŋe donene mainge qesonone rake, Sogino, Moseŋo ra rokop don daleo ŋibonge. 4Eŋe mainge rakoi, Mose eŋe rake, ŋei mane eŋe ŋanomine esop-kayakane okane more, maine kibi mane qe more kibi yewa kot wane wanok wanok ŋei eŋano more, maine ŋanomine esop-kayake. 5Yesuŋo edane rake, Ŋine so ŋinane aso ŋabokopŋine ŋinŋine wawaine ŋinane Mose eŋe ŋinane ra rokop don yewa qeke. 6Moka sogino Kaisale eŋe kine kine ma wakon-wareke, naso yewao yale mi rake. Kaisale papa togon don iwa yale qeki paki, ‘Kaisaleŋo ŋei so ŋerep ma wakonore more biraotke.’ 7So, ‘Ŋei eŋe ŋerep mayakane okane more eŋe nagamagaine qeliŋore more ŋanominerop qeturage more, weku okangeik. 8Ere ŋao ŋanom okane more, solaetne qeduguwik, weku okangi gekeik.’ 9Kaisaleŋo don yale ra more ŋao ŋanom maturaŋ-otke. Ŋeiŋo maine mi mapok-osikei. 10Matko zinge ari more, dokoine eŋe koso eya wane qeson-kakoi. 11Eŋe iwa yale edange, Ŋei mane eŋe ŋanomine qeliŋka more ŋerep mane mayakeo, eŋe ŋanomine qeliŋka more, sot marat-kayake, so ŋei eya bailalaŋ urata mayake. 12Ŋo ŋerep eŋe yaleka ŋaune qeliŋka more, ari ŋei mane mayakeo, eŋe ŋaune qeliŋka more, sot marat-kayake, so ŋerep eya eŋe yaleka bailalaŋ urata mayake.
Yesu Eŋe Medep Nigatne Mosoponge
13Ŋei ŋerep eŋe dokoene Yesuŋo metineŋo kuteno more mosop oniyakane ra more eŋano ebu sariu, dokoine edo don okanongoi. 14Yesu eŋe dokoine edo masi yale okanbi one more wet gerep okane more edane rake, Ŋine misuk ma walukonbi! Qeliŋonbi! Medep nigatne eya naŋane osono maine sariu! Kaisale eŋe ŋei ŋerep medep nigatne iwa yaline eŋane rokopko wareoniyakane siminkamaike. 15Na welekatne ŋidane ramaile. Medep nigatne eŋe Kaisaleŋo wareoniyakane siminonmaike. Ŋo ŋei natne eŋe Kaisaleŋo wareoniyakane mi siminonmaikeo, eŋe Kaisale wane ware ware kepeo mi wakesikei. 16Yale ra more medep nigatne yewa edoka ebu okora metine kuteno more mosoponge.
Ŋei Aboŋine Suwaine Eŋane Donkisi
17Yesu eŋe wiye yewa qelige ariki numao ŋei mane eŋe biririke sari Yesu wane osino pese ket kino wawetine qe more qesonka rake, Kito ŋebo ŋebon, maepne. Na dalino okane more naso baŋem gege togon maratka geokanikale? 18Yale raki, Yesuŋo olatke, Ge na mayakatne onoka wane noramaine? Kaisale wekuŋo mayakatne so eŋe wekuŋo koboboine. 19Ge Kaisale wane papa togon don detmaine. Ge ŋei mane mi qenom seukeyake. Ŋire ŋao ŋanom mi bira-nagukeik so ŋei me ŋerep mane misuk maikeik. Ge kobu mi maikene. Ge ŋei mane mi ma baikkaikene. Ge ŋei mane mi isikaikene. Ge nabok magak erane bango ge more erane don dereretkoka ge okanikene. 20Ŋei yewa eŋe rake, Kito Ŋebo Ŋebon, na mo medepnoka tego yewa mane mi yuwan-kakole. Mo korop okane gesakole gemaile iwa. 21Yesu eŋe ka more eŋane simile dere more olatke, Ge kine kine weku mi okanine. Eya makoboenom, ge ari more wesi aboŋŋone korop eya ma more ŋei aboŋene midaine eŋe sunonikene. Sunone more yalinane baŋ gege togon mat marat-kaikene. Pakiso geŋone sari ŋadeno mogat-nane sarikene. 22Don yale dere more, ŋei yewa eŋe kaitine bori more zok manerop zoileke, so qomine umareki, qelige arike, onoka wane, ŋo eŋe aboŋine zok manerop umatne pamangane, eŋe yale okane so eŋe yeine qelige arike. 23Ŋei yewa eŋe ariki, Yesuŋo zinge pore lolike dokoine one edane rake, Ŋei yaline wesi aboŋene suwaine, eŋe Kaisale wane qeli ewe zonom koto wakesikei wane rau, eŋe zok umareyake, so eŋe zok urata suwaine ma more aboŋene qeliŋ-kamami. 24Dokoine eŋe don yale raki dere poradageu, Yesu eŋe koso edane rake, Oo dokone, ŋei ŋerep eŋe Kaisale wane qeli ewe zonom kotino wakesikei wane rau paki, eŋe urata suwaine maikei! 25Kamel eŋe samap wane aŋauno wakesikei wane eya urata suwaine zok mi okaniyake. Ŋo, baliŋa ŋei eŋe Kaisale wane qeli ewe zonom koto wake waket, eŋe urata suwaine zok manerop ma more aboŋine qeliŋ-kamaike. 26Dokoine eŋe eŋane don dere more oŋaene qaeki enŋeneka auye qeson-nagu rakoi, Ge ramaine, Kaisaleŋo baliŋa ŋei mi ware-oniyake, yale okangi, ŋei ŋerep ketkele gemami, eŋe Kaisaleŋo mi ware-oniyake. 27Eŋe yale rauso, Yesu eŋe deenoka pore one okora rake, Kepeo ŋei ŋerep ŋine ŋaŋaemami. Ŋo Kaisale wekuŋo eŋe mi ŋaŋaemaike. Kaisale eŋe kine kine korop ma wareyakane, eŋe maine mi qekayake. 28Petoro eŋe don mane Yesu olale rake, Detmaine! Ŋene kine kine kakize mo korop qeliŋ-kaware more ge mogat-gangone, ge ŋene det-ŋonmaine. 29Yesuŋo rake, Na don wele ŋidanmaile. Ŋei mane eŋe naŋane dere more kisi maep qesiŋnane rasu-wakeiwane ra more matene, me tarekop, ŋon, qa, kiyaro, me nabok, magak, kepe, medep, qeliŋ-onware sari na mogat-naniyakeo, 30Eya wane turuŋine Kaisaleŋo zok manerop makoke maniyake. Naso iwa yaleo yemo eŋe kepe, mat, ŋon, qa, tarekop, kiyaro, me nabok, magak, medep, korop marat-kayake. Ŋei edo ŋei yewa wikile wakile takotke marat-kaikei. Baŋ naso kutno eŋe gege togon maratka geyake. 31Ŋei loutne ukude tego lewine okoramami. Eŋe naso kutno mawe tego ŋadino kesikei. Ŋo ŋei loutne ukude tego ŋadino okoramami, eŋe naso kutno mawe tego lewine waikei.
Yesu Eŋe Koso Atak Mane Seuke More Wiyeyakane Rake
32Yesu eŋine so dokoine Yerusalem arikei wane arikoi. Yesu eŋe alakane ariki dokoine eŋe dere mezet okangoi. So ŋei ŋerep magu ŋadeeno arikoi. Eŋe kaetonge, Yesu eŋe dokoine 12 yewa koso ebu qeduguone more, eŋine ariki masi tanik kine kine solaino wakon-kayake eya wane kiyeke edange. 33Eŋe rake, Detmami! Ukude ŋene wa Yerusalem lotkeŋem. Ŋei maneŋo Ŋei Wawainane Gipole eya Kaisale wane mosop ŋei so Kaisale papa togon welaine ŋei, Skribe, eŋane meteeno birakaki edo seukeyakane ra togole more lobo ŋei eŋano birakaikei. 34Edo wawaine don olale more, sopotka kiŋ quŋ qe more, qeu seuke more deŋesereo payake, paki kaiwe mama karewe qoeki koso wisikae wiyeyake.
Yakop So Yohane Ere Yesu Qesonkakoik
35Zebedi wane gipoletkine Yakop so Yohane ere Yesu wane osino sari more rakoik, Kito ŋebon ŋebon, ŋere kine kine mane wane qeson-ganiketane sarimaite. Ge kine kine yewa ŋerano weneŋ maikenane ŋotmaike. 36Rauk so, eŋe qesonore rake, Na onokaka ŋirano weneŋ maikalane ramamik? 37Ere rakoik, Ge dere, ŋere ma wakone bira ŋotnom. Naso ge ŋei waom met metko mesikene, yewao ŋere weneŋ wazaŋone nat nat mesikete. 38Yesu eŋe etane rake, Ŋire eya wane kine mi detlukkeuk paki, na qeson-nanmamik. Na dere umat wikile kine kine zok manerop maikale. Ŋire eya maine okanikeik me? 39Ere rakoik, Oo, eya ŋere maine okan-warekete! Raukso, Yesuŋo etane rake, Ŋire naŋane wikile nat parom welekatne desikeik. 40Eya wane maine ŋitanikale. Ŋo wazane nat nat met met eya wane noŋo maine mi ŋitanikale. Kaisale oŋomka met met yewa ŋei maŋane maulukke, eya eŋe baŋ oŋo maniyake. 41Dokoine mete etke eŋe yale dere more Yakop so Yohane erane zok sotene osike. 42Yesu eŋe edoraki, dokoine korop sariu edange, Ŋine detmami lobo ŋei ŋerep eŋane ware ware biraka okanmami, ŋei yewa eŋe ŋei ŋerep zonomene togogoleŋo magu ma pese one more eŋane ware ware togogole wareonmami. 43Masi yewa koso ŋinane keuwo mane misuk wakoniyake! Midakaka togogole! Ŋei ŋinane keuwo ŋine ware ware ŋine okorayakane, ra more eŋe ŋei magu eŋane qelit qeqe okaniyake. 44Ŋei ŋinane keuwo ŋine ŋetneŋine okorayakane, ramore eŋe ŋei magu eŋane qelit qeqe okaniyake. 45Na, Ŋei Wawainane Gipoleŋo sarikole, na ŋei ŋerep korop eŋane qelit qeqe okane more qesiŋ ŋunmaile. Ŋei ŋerep edo na mi qesiŋ nanmami. Na, ŋei ŋerep qesiŋone more solane qikkawe ŋei ŋerep ma menaŋ-oniyakane sarikole.
Yesu Eŋe Bartimeus De Pilik Ma Menaŋkake
46Eŋe ari Yeriko matko lotke more eya yuwane arikoi, eŋine dokoine so ŋei ŋerep magu suwaine weneŋ arikoi. Ŋei mane deine pilik pilikine eŋe numa wazaino metke. Eŋetine Bartimeus. Eŋe Timeus wane gipole. Eŋe mere ŋei ŋerep edo kine kine natne qesiŋ kaikeiwane boka woka metmaŋke. 47Eŋe mere detki rakoi, Yesu Nazaret ŋei, eŋe done mo sarimaike, pakimo, ŋei yewa eŋe kiyeke togogoleka boka rake, Oo, Yesu, ge Dawit wane ŋaboine, ge ŋetne bira ganiyakane Kaisaleŋo mo rake. Ge naŋane wetŋone borikep! 48Ŋei ŋerep magu yewa edo kuroŋka rakoi, Ge aŋaŋone ma wonge metnom! Rau eŋe soringe togoleka koso boka rake, Dawit ŋaboine ge siluŋ naŋane wetŋone borikep! 49Yale ra bokaki, Yesu eŋe dere more paŋ lalipke okora edane rake, Orau! Wiye iwa sarikep! Eŋe de pilik yewa ora more olale rakoi, Wet pesek suwaine dere more wiye sa arinom. Yesuŋo eŋano arikenane goramaike. 50Eŋe dere esatka kaŋzaŋ wiye more, momo takotine kiroine yewa makoke more, Yesu wane osino arike. 51Yesuŋo olatke, Na dalino okan-ganikalane ramaine? Ŋei deine pilik pilikine eŋe rake, Kito ŋebon ŋebon na dene koso posikalane ramaile. 52Yesuŋo olatke, Ge maine koso arinom. Mali malipŋoneŋo maki deŋone potmaine. Yale raki, ikopka deine lotkeki pore ka more, Yesu ŋadino mogare arike.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.