Mareko 16
16
Yesu Eŋe Koso Wisikae Wiyeke
1Sodao Yuda ŋei Qezarek Naso qoeki, Mariya Magdalena so Salome so Mariya, Yakop nagaine, eŋe kelok kine kine qounerop qolekoi, eya ma more Yesu wane pareŋine tau kaikeiwane arikoi. 2Kepe qae qaewo Sodao ruworopka eŋe deŋesereo arikoi. 3-4Eŋe dumao ari more enŋene auye rakoi, Maŋo qesiŋŋone more wesi suwaine yewa deŋesere aŋaine kito wonge metmaike eya ma biraki saket ariki ŋene wakesikene? Wesi yewa kakapa suwaine, eŋe yale ra more ari pore kau, wesi suwaine yewa mo rodigeu saket arike. 5Eŋe deŋesereo ari waket more kau ŋei qaluwit mane wongoken laplapine libekaka bira more metke. Eŋe ŋei yewa kaikei wane zok kaetonge. 6Pakimo, ŋei yewaŋo edange, Ŋine mi kaet ŋungep! Na detmaile. Ŋine Yesu Nazaret ŋine, eŋe mo kibego qimi, eŋe marat kaikei wane sarimami. Eŋe iwa mi pamaike. Mo wisikae wiyeke! Kau! Iwa motkoi, eŋane papaine iwa. 7Ŋine ari Petoro so dokoine natne edanbi, “Yesu mo alakan ŋiboniyakane Galili arimaike. Ŋine ari more eŋe kaikei. Yesu eŋe mo rake.” 8Ŋerep eŋe dere saket more, deŋesere qeliŋka more, qomene tiŋ taŋ qe zonomene oreki, kaet okane more, ŋei mane mi olatkoi.
Yesu Eŋe Mariya Magdalena Wakonkake
9Yesu eŋe Sodao sakoka wiye more alakane Mariya Magdalena wakonkake. Sogino Yesuŋo eŋano ŋine asu qotkoine 7 esoponge. 10Mariya eŋe ari Yesu dokoine yewa edange, eŋe mo wisikae wiyeke. Eŋe wet borik ma more aroke metkoi. 11Eŋe edane rake, Yesu eŋe mo wisikae wiyeke, na mo maratkele. Ŋo, eŋe Mariya wane don dere more mi malipkakoi.
Yesu Eŋe Medewetkine Etke Wakonotke
12Boaŋ Yesu eŋe ŋei kuneŋine so kait kine mane okane more ari Yesu eŋine medep etke erano wakonotke. Ere mat suwaine qelige more arikoik. 13Naso yewao ere zinge ari more dokoine natne eya edane rakoik, Ŋere Yesu maratkamaite. Ŋo, eŋe erane don yewa dere more mi malipkakoi.
Yesuŋo Dokoine Eŋe Kepe Baŋem Ari More Kisi Maep Don Ra Qelaŋanongei Wane Biraonge
14Qoiqoino Yesu eŋe dokoine 11, eŋe ŋara ne metpi ari wakononge. Eŋe ari wakonone more don gereune okanone edane rake, Mariya so medep etke na maratnanbi, na mo wisikae wiile. Yale ra ŋidanbi ŋine onoka wane eŋane don mi dere malipkemi? Ŋine dereret ŋine mo mau siukike. 15Eŋe koso edane rake, Ŋine korop kepe baŋem ari more kisi maep ŋei ŋerep maguine maguine eŋano ra qelaŋanikei. 16Ŋei mane eŋe dere malipka more kisi maep wane doku tauyakeo, eya Kaisaleŋo maki geyake. Ŋo, ŋei mane eŋe mi malipkayakeo, eŋe Kaisaleŋo eŋane sot dere matalikayake. 17Ŋei ŋerep malipka gekei, Kaisale eŋe eŋane meteeno masi togogole eboniyake. Eŋe asu qotkoine eŋane eŋetko osopka more eŋe don kine mane raikei. 18Eŋe koma suwabit so qaru eya meteeneŋo malipkaikei me doku suŋainerop nekeiwo, eŋe mi seukkei. Eŋe maine gekei. Eŋe meteene zoma ŋei ŋerep eŋano more ebuwi menaŋoniyake.
Kaisaleŋo Yesu Qeliwo Ma Wake
19Boaŋ Yesu eŋe don edangi qoeki, Kaisaleŋo eŋe qeliwo ma wa more birakake, birakaki, Kaisale eŋine wonino metke. 20Pakimo, dokoine eŋe korop kepe baŋem ari more eŋane kisi maepine ra qelaŋane arikoi. Waom eŋe weneŋ mapitone more masi togogoleŋo ŋei ŋerep sikanone more, donene eya ma togoleke.
Currently Selected:
Mareko 16: onsNT
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
Mareko 16
16
Yesu Eŋe Koso Wisikae Wiyeke
1Sodao Yuda ŋei Qezarek Naso qoeki, Mariya Magdalena so Salome so Mariya, Yakop nagaine, eŋe kelok kine kine qounerop qolekoi, eya ma more Yesu wane pareŋine tau kaikeiwane arikoi. 2Kepe qae qaewo Sodao ruworopka eŋe deŋesereo arikoi. 3-4Eŋe dumao ari more enŋene auye rakoi, Maŋo qesiŋŋone more wesi suwaine yewa deŋesere aŋaine kito wonge metmaike eya ma biraki saket ariki ŋene wakesikene? Wesi yewa kakapa suwaine, eŋe yale ra more ari pore kau, wesi suwaine yewa mo rodigeu saket arike. 5Eŋe deŋesereo ari waket more kau ŋei qaluwit mane wongoken laplapine libekaka bira more metke. Eŋe ŋei yewa kaikei wane zok kaetonge. 6Pakimo, ŋei yewaŋo edange, Ŋine mi kaet ŋungep! Na detmaile. Ŋine Yesu Nazaret ŋine, eŋe mo kibego qimi, eŋe marat kaikei wane sarimami. Eŋe iwa mi pamaike. Mo wisikae wiyeke! Kau! Iwa motkoi, eŋane papaine iwa. 7Ŋine ari Petoro so dokoine natne edanbi, “Yesu mo alakan ŋiboniyakane Galili arimaike. Ŋine ari more eŋe kaikei. Yesu eŋe mo rake.” 8Ŋerep eŋe dere saket more, deŋesere qeliŋka more, qomene tiŋ taŋ qe zonomene oreki, kaet okane more, ŋei mane mi olatkoi.
Yesu Eŋe Mariya Magdalena Wakonkake
9Yesu eŋe Sodao sakoka wiye more alakane Mariya Magdalena wakonkake. Sogino Yesuŋo eŋano ŋine asu qotkoine 7 esoponge. 10Mariya eŋe ari Yesu dokoine yewa edange, eŋe mo wisikae wiyeke. Eŋe wet borik ma more aroke metkoi. 11Eŋe edane rake, Yesu eŋe mo wisikae wiyeke, na mo maratkele. Ŋo, eŋe Mariya wane don dere more mi malipkakoi.
Yesu Eŋe Medewetkine Etke Wakonotke
12Boaŋ Yesu eŋe ŋei kuneŋine so kait kine mane okane more ari Yesu eŋine medep etke erano wakonotke. Ere mat suwaine qelige more arikoik. 13Naso yewao ere zinge ari more dokoine natne eya edane rakoik, Ŋere Yesu maratkamaite. Ŋo, eŋe erane don yewa dere more mi malipkakoi.
Yesuŋo Dokoine Eŋe Kepe Baŋem Ari More Kisi Maep Don Ra Qelaŋanongei Wane Biraonge
14Qoiqoino Yesu eŋe dokoine 11, eŋe ŋara ne metpi ari wakononge. Eŋe ari wakonone more don gereune okanone edane rake, Mariya so medep etke na maratnanbi, na mo wisikae wiile. Yale ra ŋidanbi ŋine onoka wane eŋane don mi dere malipkemi? Ŋine dereret ŋine mo mau siukike. 15Eŋe koso edane rake, Ŋine korop kepe baŋem ari more kisi maep ŋei ŋerep maguine maguine eŋano ra qelaŋanikei. 16Ŋei mane eŋe dere malipka more kisi maep wane doku tauyakeo, eya Kaisaleŋo maki geyake. Ŋo, ŋei mane eŋe mi malipkayakeo, eŋe Kaisaleŋo eŋane sot dere matalikayake. 17Ŋei ŋerep malipka gekei, Kaisale eŋe eŋane meteeno masi togogole eboniyake. Eŋe asu qotkoine eŋane eŋetko osopka more eŋe don kine mane raikei. 18Eŋe koma suwabit so qaru eya meteeneŋo malipkaikei me doku suŋainerop nekeiwo, eŋe mi seukkei. Eŋe maine gekei. Eŋe meteene zoma ŋei ŋerep eŋano more ebuwi menaŋoniyake.
Kaisaleŋo Yesu Qeliwo Ma Wake
19Boaŋ Yesu eŋe don edangi qoeki, Kaisaleŋo eŋe qeliwo ma wa more birakake, birakaki, Kaisale eŋine wonino metke. 20Pakimo, dokoine eŋe korop kepe baŋem ari more eŋane kisi maepine ra qelaŋane arikoi. Waom eŋe weneŋ mapitone more masi togogoleŋo ŋei ŋerep sikanone more, donene eya ma togoleke.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.