Mareko 8
8
Yesuŋo Ŋei Ŋerep Magu 4,000 Ŋara Gumeonge
1Naso yewao ŋei ŋerep magu suwaine natne eŋe Yesu wano koso lewaŋgoi, ŋo, ŋaraene mo korop midaonge, Yesu eŋe dokoine edoraki sariu edange, 2Na ŋei ŋerep magu suwaine iwa eŋane qom borik suwaine detmaile, eŋe zok kaiwe mama karewe naerop metpi ŋaraene mo midamaike. 3Ŋo, eŋe ŋara mi nene yaup metpi, na biraonbe arikeiwo, natne eŋe ari more numao deene lolikki ket rasukei, natne eŋe matene amaŋine sarikoi. 4Dokoine eŋe eŋane don mainge rakoi, Kepe iwa ŋeiine midaine, ge detmaine ŋene ŋara diyawao ŋine ŋei ŋerep iwa ma ebonŋem neu rokoponiyake? 5Yale rauso, Yesu eŋe qeson one rake, Ŋinano kasap darap metmaike? Raki, eŋe maratka more rakoi, kasap mete mane so mete natko zitne etke (7) metmaike.
6Olatpiso, Yesu eŋe ŋei ŋerep edane rake, Ŋine korop pese ket kepo metpi. Raki eŋe korop pese metpiso, eŋine kasap mete mane so mete natko zitne etke (7), yewa ma more, Kaisale wano bakom kito mosopka more mapoke dokoine ebongi edo damo qe ŋei ŋerep magu suwaine yewa korop ebonwarekoi. 7Ŋo, eŋe zawon nigatne karewe metke, eya weneŋ manbiso eŋe yalewaka Kaisale bakom kito more mosopka dokoine ebongi, eŋe yale waka damo qe korop magu yewa ebonwarekoi. 8Eŋe neu rokop ongiso, Yesu dokoine eŋe ŋara tutule yewa rosa 7 yale rosakkoi. 9Ŋei ŋerep magu yewa eŋe 4,000ŋo metkoi. 10Yesu eŋe ŋei ŋerep magu yewa biraongi, ariu, eŋine so dokoine ikopka sekiwo wa more Dalimanutiya kepeo arikoi.
Kaisale Wane Papa Togon Welaine Ŋei, Parisaiyo, Edo Masi Togogole Mayakane Yesu Qesonkakoi.
11Eya ari lotkeuso Kaisale wane papa togon welaine ŋei natne, Parisaiyo, eŋe sari Yesu wano aŋa soraŋ don okane more Yesu qesonka rakoi, Ge masi togole mane ma sikanŋonnom kaŋem paki ŋene raikene, ge Kaisale wano ŋine sarikone, eŋe yale ra more dongo liwekkakoi. 12Paki, Yesu eŋe rake, Oo yai! Onoka wane ŋei ŋerep eŋe naso iwa eŋe noŋo masi togogole mane mawe kaikeiwane sari ramami? Midakaka! Naso iwa noŋo masi togogole mane koso ŋei ŋerep ŋinano mi ma sikan-ŋunikale. 13Yesu eŋe yale edane more eŋine so dokoine eŋe mat yewa qelige sekiwo wa more doku namuŋ kitare eri nat parom arikoi.
Yesu Eŋe Rake, Ŋine Parisaiyo So Herot Erane Masi Kaulukkei.
14Yesu dokoine eŋe kasap natne weneŋ mi makoi. Eŋe niget-ongi yaup sekiwo wa arikoi. Kasap weku seki kotino pake. 15Yesu eŋe eya wane girem don togole edane rake, Ŋine Kaisale wane papa togon welaine ŋei, Parisaiyo eŋane tego so Herot eŋane masi kauluk-onikei, eŋe yisŋo kasap maki suwa okanmaike. Eŋane masi so tanik manik so okane ma so don rara eyaŋo yalewaka ŋei korop rokop-onmaike. 16Dokoine eŋe don yale dere more, eŋe enŋene auye rakoi, Eŋe kasap eri niget-ŋongi qelige sarine, eŋe eya wane mane ramaike. 17Rau, Yesu eŋe don yewa dere more edange, Ŋine onoka wane ŋinŋine aumami, ŋene kasap mida? Oo, ŋine wet dereretŋine midaine? Oo ŋine dereretŋine mo wongike. 18Ŋine deŋine weneŋ, ŋine onoka wane kine kine mi kamami me? Ŋine ketŋinerop onoka wane don yewa wane kine mi detkamami me? Ŋine mo nigetŋunike me? 19Naso na kasap mete mane mapoke, 5 tausen (5,000) ŋei ŋerep eŋano ŋibonbe damo qekoi, naso yewao ŋado neu, wokitne metki ŋine rosa darap rosakkoi? Eŋe akoi, rosa 12!
20Eŋe yale raumo, Yesu eŋe koso qesononge, Ŋo ŋine na kasap 7 mapoke, ŋei ŋerep 4,000 eŋano ŋibonbe, damo qe ebongoi, naso yewao eŋe neu, wokitne metki ŋine rosa darap rosakkoi? Eŋe rakoi, rosa sewen.
21Rau, Yesu eŋe yewaka edange, Ŋine zok eya mi detlukkamami me?
Yesu Eŋe Betsaida Matko Ŋei Mane De Pilik Ma Menaŋkake.
22Pakiso, eŋe ari Betsaida lotkeu, ŋei mane deine pilik pilikine, eŋe Yesu wano ma sarikoi, ŋei eya eŋe Yesuŋo metine lewetino mosiyakane. 23Pakiso, Yesu eŋe ŋei de pilik yewa metino maki, ere mat ŋadino qeinat ket more, Yesuŋo ŋei yewa deino mekatine sopotke more, so metineŋo deino qesikane rake, Ge maine pore kine kine kamaine me? 24Rakiso, ŋei yewa eŋe pore lolike more rake, Na ŋei natne pore onmaile. Na onbe eki yale arimami. 25Yesu eŋe metineŋo koso ŋei yewa wano motki, ŋei yewa eŋe deine togoleka pore kaki, deine mo maine wakongi, pore kine kine korop ka qelaŋange. 26Pakiso, Yesu eŋe ŋei yewa olale biraka rake, Ge kere more eri mat suwaino misuk wakesikene. Ge koboboine ari geŋone matŋono lotkekene.
Petoro Eŋe Yesu Wane Ra Qelaŋane Rake, Eŋe Kristo
27Yesu eŋine so dokoine eŋe yewa ŋine wiye arimage mat natne Sisariya Pilipai osino lotkekoi, numa keuwo dokoine qesononge, Ŋei ŋerep eŋe na wamo ma noramami? 28Edo iwa yale olatkoi, Natne edo ge Yohane doku tau tau goramami. Ŋo, natne edo ge Elaiya goramami. Ŋo, natne edo ramami, ge Kaisale wane qelit ŋei propet mane sogine gekoi, eŋano ŋine.
29Yale rauso, koso enŋene qesonone rake, Ŋo, ŋidom yemo naŋane dalino ramami? Rakiso Petoroŋo donine turuŋine mainge olale rake, Ge Mesiya, Kaisaleŋo biragange.
30Yale rakiso, eŋe togoleka ra wetone rake, Ŋine naŋane kine yewa ŋei mane misuk olasikei.
Yesu Eŋe Seuke More Koso Wisikae Wiyeyakane Rake
31Yesu eŋe kiyeke more, eŋine solaino wikile wakoniyake eya wane dokoine kito edane more rake, Ŋei Wawainane Gipole na wikile zok manerop peikkale. Ŋei ŋetne korop so Kaisale wane mosop ŋei suwaine so Kaisale wane papa togon welaine ŋei, Skribe, eŋe korop ŋadeknane more, nekuwi seukkale, so baŋ koso kaiwe mama karewe yale pa more, koso wisikae wiyekale. 32Yesu eŋe yale ra qelaŋane edangi, Petoro eŋe Yesu maki ere qeinat ket more Yesu rawetka rake, Ŋei eŋe ge mi gekukei. 33Ŋo, Yesu eŋe zinge pore dokoine one more Petoro rawetka rake, Ŋei borikine, ge na ŋadeno arinom! Goŋo weti Kaisale wane wet dereret mi detmaine! Midaka! Ge kepe ŋei wet so dereret eyaka dere gemaine! 34Yesu eŋe eŋine dokoine so ŋei ŋerep magu korop edoraki eŋane osino sariu, iwa yale edange, Ŋinano ŋine ŋei maneŋo na mogat-naniyakane raso, eŋine simileine eya korop maki ketwareki so wikile desiyakane eweke ariki eŋe na nekukei, yalewaka eŋe qekei. 35Ŋei mane eŋe wikilane kaet-kaki solaine mawa-lukeyakeo, eŋe gege wane numaine korop siuk-lukkayake. Ŋo, ŋei mane eŋe kisi maep wane so naŋane wetke mo ra maplip-naniyake, paki gegeine korop qikka more, eya waneka ra more seukeyake, ŋei yewa eŋe baŋ gege marat kayake. 36Ŋo, ŋei mane eŋe kepe wane aboŋ kine kine korop magekeo, eŋe seuke more onoka maine ŋo newan-kaki marat-kayake? Midakaka! 37Seuke more koso onokakaŋo gege wane lewine qeliŋgi sari maniyake? 38Ukude naso iwao kepe iwa wane ŋei ŋerep korop masi qotkoine kine kineŋo mau watke rokopkemaike. So eŋe wawaine masi kine kine eya korop Kaisale wane deo okanwaremami. Ŋei mane eŋe naso iwao ŋei ŋerep magu yewa eŋane keuweno ŋine eŋe nae so naŋane kisi maep rayakane gamu gamu okane geyakeo, na Ŋei Wawainane Gipoleŋo ramaile, na ŋado Kaisaleŋo eŋine tungo biranangi, aŋelo magu eŋerop qeli qeliŋka sarikene, naso yewao na ŋei yewa eŋe don koboine maine baŋ mi olasikale.
Currently Selected:
Mareko 8: onsNT
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
Mareko 8
8
Yesuŋo Ŋei Ŋerep Magu 4,000 Ŋara Gumeonge
1Naso yewao ŋei ŋerep magu suwaine natne eŋe Yesu wano koso lewaŋgoi, ŋo, ŋaraene mo korop midaonge, Yesu eŋe dokoine edoraki sariu edange, 2Na ŋei ŋerep magu suwaine iwa eŋane qom borik suwaine detmaile, eŋe zok kaiwe mama karewe naerop metpi ŋaraene mo midamaike. 3Ŋo, eŋe ŋara mi nene yaup metpi, na biraonbe arikeiwo, natne eŋe ari more numao deene lolikki ket rasukei, natne eŋe matene amaŋine sarikoi. 4Dokoine eŋe eŋane don mainge rakoi, Kepe iwa ŋeiine midaine, ge detmaine ŋene ŋara diyawao ŋine ŋei ŋerep iwa ma ebonŋem neu rokoponiyake? 5Yale rauso, Yesu eŋe qeson one rake, Ŋinano kasap darap metmaike? Raki, eŋe maratka more rakoi, kasap mete mane so mete natko zitne etke (7) metmaike.
6Olatpiso, Yesu eŋe ŋei ŋerep edane rake, Ŋine korop pese ket kepo metpi. Raki eŋe korop pese metpiso, eŋine kasap mete mane so mete natko zitne etke (7), yewa ma more, Kaisale wano bakom kito mosopka more mapoke dokoine ebongi edo damo qe ŋei ŋerep magu suwaine yewa korop ebonwarekoi. 7Ŋo, eŋe zawon nigatne karewe metke, eya weneŋ manbiso eŋe yalewaka Kaisale bakom kito more mosopka dokoine ebongi, eŋe yale waka damo qe korop magu yewa ebonwarekoi. 8Eŋe neu rokop ongiso, Yesu dokoine eŋe ŋara tutule yewa rosa 7 yale rosakkoi. 9Ŋei ŋerep magu yewa eŋe 4,000ŋo metkoi. 10Yesu eŋe ŋei ŋerep magu yewa biraongi, ariu, eŋine so dokoine ikopka sekiwo wa more Dalimanutiya kepeo arikoi.
Kaisale Wane Papa Togon Welaine Ŋei, Parisaiyo, Edo Masi Togogole Mayakane Yesu Qesonkakoi.
11Eya ari lotkeuso Kaisale wane papa togon welaine ŋei natne, Parisaiyo, eŋe sari Yesu wano aŋa soraŋ don okane more Yesu qesonka rakoi, Ge masi togole mane ma sikanŋonnom kaŋem paki ŋene raikene, ge Kaisale wano ŋine sarikone, eŋe yale ra more dongo liwekkakoi. 12Paki, Yesu eŋe rake, Oo yai! Onoka wane ŋei ŋerep eŋe naso iwa eŋe noŋo masi togogole mane mawe kaikeiwane sari ramami? Midakaka! Naso iwa noŋo masi togogole mane koso ŋei ŋerep ŋinano mi ma sikan-ŋunikale. 13Yesu eŋe yale edane more eŋine so dokoine eŋe mat yewa qelige sekiwo wa more doku namuŋ kitare eri nat parom arikoi.
Yesu Eŋe Rake, Ŋine Parisaiyo So Herot Erane Masi Kaulukkei.
14Yesu dokoine eŋe kasap natne weneŋ mi makoi. Eŋe niget-ongi yaup sekiwo wa arikoi. Kasap weku seki kotino pake. 15Yesu eŋe eya wane girem don togole edane rake, Ŋine Kaisale wane papa togon welaine ŋei, Parisaiyo eŋane tego so Herot eŋane masi kauluk-onikei, eŋe yisŋo kasap maki suwa okanmaike. Eŋane masi so tanik manik so okane ma so don rara eyaŋo yalewaka ŋei korop rokop-onmaike. 16Dokoine eŋe don yale dere more, eŋe enŋene auye rakoi, Eŋe kasap eri niget-ŋongi qelige sarine, eŋe eya wane mane ramaike. 17Rau, Yesu eŋe don yewa dere more edange, Ŋine onoka wane ŋinŋine aumami, ŋene kasap mida? Oo, ŋine wet dereretŋine midaine? Oo ŋine dereretŋine mo wongike. 18Ŋine deŋine weneŋ, ŋine onoka wane kine kine mi kamami me? Ŋine ketŋinerop onoka wane don yewa wane kine mi detkamami me? Ŋine mo nigetŋunike me? 19Naso na kasap mete mane mapoke, 5 tausen (5,000) ŋei ŋerep eŋano ŋibonbe damo qekoi, naso yewao ŋado neu, wokitne metki ŋine rosa darap rosakkoi? Eŋe akoi, rosa 12!
20Eŋe yale raumo, Yesu eŋe koso qesononge, Ŋo ŋine na kasap 7 mapoke, ŋei ŋerep 4,000 eŋano ŋibonbe, damo qe ebongoi, naso yewao eŋe neu, wokitne metki ŋine rosa darap rosakkoi? Eŋe rakoi, rosa sewen.
21Rau, Yesu eŋe yewaka edange, Ŋine zok eya mi detlukkamami me?
Yesu Eŋe Betsaida Matko Ŋei Mane De Pilik Ma Menaŋkake.
22Pakiso, eŋe ari Betsaida lotkeu, ŋei mane deine pilik pilikine, eŋe Yesu wano ma sarikoi, ŋei eya eŋe Yesuŋo metine lewetino mosiyakane. 23Pakiso, Yesu eŋe ŋei de pilik yewa metino maki, ere mat ŋadino qeinat ket more, Yesuŋo ŋei yewa deino mekatine sopotke more, so metineŋo deino qesikane rake, Ge maine pore kine kine kamaine me? 24Rakiso, ŋei yewa eŋe pore lolike more rake, Na ŋei natne pore onmaile. Na onbe eki yale arimami. 25Yesu eŋe metineŋo koso ŋei yewa wano motki, ŋei yewa eŋe deine togoleka pore kaki, deine mo maine wakongi, pore kine kine korop ka qelaŋange. 26Pakiso, Yesu eŋe ŋei yewa olale biraka rake, Ge kere more eri mat suwaino misuk wakesikene. Ge koboboine ari geŋone matŋono lotkekene.
Petoro Eŋe Yesu Wane Ra Qelaŋane Rake, Eŋe Kristo
27Yesu eŋine so dokoine eŋe yewa ŋine wiye arimage mat natne Sisariya Pilipai osino lotkekoi, numa keuwo dokoine qesononge, Ŋei ŋerep eŋe na wamo ma noramami? 28Edo iwa yale olatkoi, Natne edo ge Yohane doku tau tau goramami. Ŋo, natne edo ge Elaiya goramami. Ŋo, natne edo ramami, ge Kaisale wane qelit ŋei propet mane sogine gekoi, eŋano ŋine.
29Yale rauso, koso enŋene qesonone rake, Ŋo, ŋidom yemo naŋane dalino ramami? Rakiso Petoroŋo donine turuŋine mainge olale rake, Ge Mesiya, Kaisaleŋo biragange.
30Yale rakiso, eŋe togoleka ra wetone rake, Ŋine naŋane kine yewa ŋei mane misuk olasikei.
Yesu Eŋe Seuke More Koso Wisikae Wiyeyakane Rake
31Yesu eŋe kiyeke more, eŋine solaino wikile wakoniyake eya wane dokoine kito edane more rake, Ŋei Wawainane Gipole na wikile zok manerop peikkale. Ŋei ŋetne korop so Kaisale wane mosop ŋei suwaine so Kaisale wane papa togon welaine ŋei, Skribe, eŋe korop ŋadeknane more, nekuwi seukkale, so baŋ koso kaiwe mama karewe yale pa more, koso wisikae wiyekale. 32Yesu eŋe yale ra qelaŋane edangi, Petoro eŋe Yesu maki ere qeinat ket more Yesu rawetka rake, Ŋei eŋe ge mi gekukei. 33Ŋo, Yesu eŋe zinge pore dokoine one more Petoro rawetka rake, Ŋei borikine, ge na ŋadeno arinom! Goŋo weti Kaisale wane wet dereret mi detmaine! Midaka! Ge kepe ŋei wet so dereret eyaka dere gemaine! 34Yesu eŋe eŋine dokoine so ŋei ŋerep magu korop edoraki eŋane osino sariu, iwa yale edange, Ŋinano ŋine ŋei maneŋo na mogat-naniyakane raso, eŋine simileine eya korop maki ketwareki so wikile desiyakane eweke ariki eŋe na nekukei, yalewaka eŋe qekei. 35Ŋei mane eŋe wikilane kaet-kaki solaine mawa-lukeyakeo, eŋe gege wane numaine korop siuk-lukkayake. Ŋo, ŋei mane eŋe kisi maep wane so naŋane wetke mo ra maplip-naniyake, paki gegeine korop qikka more, eya waneka ra more seukeyake, ŋei yewa eŋe baŋ gege marat kayake. 36Ŋo, ŋei mane eŋe kepe wane aboŋ kine kine korop magekeo, eŋe seuke more onoka maine ŋo newan-kaki marat-kayake? Midakaka! 37Seuke more koso onokakaŋo gege wane lewine qeliŋgi sari maniyake? 38Ukude naso iwao kepe iwa wane ŋei ŋerep korop masi qotkoine kine kineŋo mau watke rokopkemaike. So eŋe wawaine masi kine kine eya korop Kaisale wane deo okanwaremami. Ŋei mane eŋe naso iwao ŋei ŋerep magu yewa eŋane keuweno ŋine eŋe nae so naŋane kisi maep rayakane gamu gamu okane geyakeo, na Ŋei Wawainane Gipoleŋo ramaile, na ŋado Kaisaleŋo eŋine tungo biranangi, aŋelo magu eŋerop qeli qeliŋka sarikene, naso yewao na ŋei yewa eŋe don koboine maine baŋ mi olasikale.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.