MARIKO 14
14
Kocheeng'ei piik ole partoi Jeso
(Mat 26:1-5; Luk 22:1-2; Jhn 11:45-53)
1 # Kom 12.1-27 Ak kingo pata peetuusyek aeng'u kobiit igoortap paska ak magatiinik che ma kinde mermereek: ak ki cheeng' tisiik che eecheen ak siriik ole imuktoi konam eng' ng'aalseet, si kobiit kobar ineendet: 2amu ki le icheeget, Amat ongenam eng' igoorto, si ma polyo piik.
Keroong'jin mwaita Jeso eng' Bethania
(Mat 26:6-13; Jhn 12:1-8)
3 # Luk 7.37-38 Ak ye ki mi ineendet Bethania eng' kootap Simion ne ki tinyei mogondosaik, kota kotebyei eng' amisyet, konyo kobogoryot ne tinyei chuboit ne mi mwaita ne nyamdut ne po kamanuutyet ne oo; ak kotui chuboinooto, ak koroong'ji metinnyi. 4Ak ki mi alage che ki nereektos eng' oriit koleen, Amu nee si kibeet puch mwai? 5Amu katayamei kealdae mwai che siirei dinarisyek pogol somok, ak kigoochi kibananook. Ak ki ing'unyng'ung'ji ineendet.
6Ago ki le Jeso, “Omete; kalya si oiim ineendet? Kayaiywo poisyet ne myee. 7#NKNg'a 15.11 Amu otinye kotugul kibananook, ak eng' ui tugul ye omache, omuuchi oyachi ne myee: ago ma mi anee kotugul kobootok. 8Kagoyai ne imuuchi: kasip koiil poortanyu amait ketupo. 9Ak amwaiwok iman ale, ui tugul ole ki amjin logoiywek che myach eng' ng'wony komugul kemwaitoi agine yautyoni po kobogoryondoni, ak egu niito ne kibwaatee ineendet.”
Chaamset ne kichaame `Judas Jeso
(Mat 26:14-16; Luk 22:3-6)
10Ak ki wo Judas Iskaryot, ne ki age eng' taman ak aeng', ole mi tisiik che eecheen, si kobiit kong'wekyi icheeget. 11Ak kingap kagas icheek, koboiboitu ak kogasyin kogoochi fedhaisyek. Ak ki cheeng' sait ne yamei si kong'wekta ineendet.
Igoorta ne po let
(Mat 26:17-25; Luk 22:7-14, 21-23; Jhn 13:21-30)
12Ak eng' peetuut ne po tai ne po magatiinik che ma kinde mermereek, ye kienyei aarwetap paska, koteebe kasubikyik koleenji, “Imache keebe ano si kechobuun ole iame paska?”
13Ak ki iyookto aeng' che po kasubikyik, koleenji, “Oba nganaseet, ak ye otuiye chiito ne ibu tereetap peek, osup ineendet; 14ak oldo tugul ole mong'jin ineendet, oleenji chiitap ko po koot, ‘Kale Kaneetindet: Mi ano koonnyu ne po toek, ole anyoone aame igoortap paska kobooto kasubikyuk?’ 15Ak koboorwok ineendet koot ne oo ne po parak ne choboot ak ko tetat, ak ochobwech olooto.”
16Ki pa anyun kasubik, kot koit nganaseet, konyoor ko uu ye kagagemwachi: ak ki chop anyun paska. 17Ak kingo ek koskoleny konyo kobooto taman ak aeng'. 18#T.Kal 41.9 Ak ye kitebyei eng' amisyet, kole Jeso, Amwaiwok iman ale, Ng'wekto age eng' okweek, ineendet ne ki amisyei tuwai. 19Kotoi anyun koaragenso, ak koleenji ineendet agenge agenge, Tos anee? 20Ak ki leenji icheek, Nooto ko agenge eng' taman ak aeng', ne kiburburtoi tuwai eng' taabeet. 21Amu wendi Weeriitap chii, ko uu ye siraat agobo ineendet: ago Pwo! Eng' chiichooto king'wektae Weeriitap chii! Kita myee eng' chiichooto koma ki sich.
Igoortap Kiptaiyat
(Mat 26:26-30; Luk 22:14-20; 1 Kor 11:23-25)
22Ak ye ki amisyei icheeget, konam magatyat, ak kingo kagoberuur, kobuutul ak kogoochi, ak kole, “Onam magatyandani: ni ko poortanyu.” 23Ak yeityo konam kigombet, ak kingo kagomwa kongoi, kogoochi icheek: koee tugul kigombanato. 24#Kom 24.8; Jer 31.31-34 Ak koleenji, “Chu ko korotiikyuk che po arorutyet, che kitumdoi agobo che chaang'. 25Amwaiwok iman ale, ma aee kogeny che po logoegap sabibuk, agoi peetuunooto ne aee che leelach eng' laitornatetap Kamuktaindet.” 26Ak kingo kagotyen tyendo, komanda koba tulweet ne po Mseituni.
Kemwai agobo eesyoetab Petero
(Mat 26:31-35; Luk 22:31-34; Jhn 13:36-38)
27 # Zek 13.7 Koleenji `Jeso icheek, Kinachok okweek tugul: amu ki kisir keele, Abire mestowot, ak koiyesta keechiirek. 28#Mat 28.16 Ago, ye kaging'eeta, andoenok awe Galilaya. 29Ago ki leenji Petero, Agot nginach tugul agobo inyee, koma kinacha. 30Ak ki leenji `Jeso ineendet, Amwaun iman ale, rani, kemouni, kotom koote kipsoiywet konyil aeng', ieesyoa konyil somok. 31Ak ki mwa eng' kimnateet ne oo kole, “Ngo nyolu kebegu tuwai, koma koi aeesyen.” Ak ki mwa ak icheek tugul ko uu nooto.
Jeso eng' Gethsemane
(Mat 26:35-46; Luk 22:39-46)
32Ak kiit kooret ne kiguure Gethsemane, ak ki leenji kasubikyik, Otebee yu, ye asaae. 33Ak ki imut Petero ak Jakobo ak Johana, ak kotoi kokwong'yo miising' ak koaragenso. 34Ak ki leenji icheek, Kaaragen saboondanyu miising' agoi meet: otebee yu ak oriipse. 35Ak ki wo tai kitigin, ak kobutyi ng'wony, ak kosa kole, ngo mugaksei, ko myee kosiirtoena sainiito. 36Ak ki mwa kole, “Abba, Kwanda, imugaksei tuguuk tugul eng' inyee; istaena kigombani; ago, ma ko uu ye amache, ago ko uu ye imache.”
37Ak ki nyo ak konyoor icheek koruitos, ak koleenji Petero, “Simion, irue? Ma imuuch iriipse agot sait agenge? 38Oriipse ak osaae, si mochut yoomseet: chamei muguleldo iman, ago nyaluli poorto.”
39Ak ki wo kogeny, ak kosa komwa ng'aleechugaita. 40Ak ki nyo kogeny, ak konyoor koruitos, amu kiga nyigisitu miising' konyekwak; ak ki ma kongen kiit ne woljin ineendet.
41Ak ki nyo ne po somok, ak koleenji icheek, Oruiye anyun nguno, omuuny: kagoyam; kagoit sait; ogeero, kageng'wekyi Weeriitap chii eunegap kiptengeginik. 42Ong'eetyee, keebe: ogeero, kagoriik ineendet ne ng'wektoo.
Kenamei Jeso
(Mat 26:47-56; Luk 22:47-53; Jhn 18:3-12)
43Ak eng' yooto kota kong'alaali, konyo Judas, age eng' taman ak aeng', kobooto tuiyet che tinyei rotoogap chok ak kirokweek, kobunu ole mi tisiik che eecheen ak siriik ak poisyek. 44Ak kiga koarorchi ng'wektaindet icheek, koleenji, “Ineendet ne ang'ututi ko ineendet nooto; onam, ak omut ak oriiboote. ”
45Ak kingo it, kwo eng' sainooto ole mi ineendet ak kole, “Rabbi!” ak kong'utut. 46Ak ki iyogoito pichooto eunekwak ak konam ineendet. 47Ago king'us rotwennyi po chok age eng' che kitonondos eng' ye neegit, ak koep iititap otwogindetap tisiindet ne oo. 48Ak ki wolji Jeso koleenji, “Komong'u ak rotoogap chok ak kirokweek, ko uu ye osetyini rebindet, si onama? 49#Luk 19.47; 21.37 Ki ami kobootok peetuusyek tugul eng' Hekaluut aneetisyei, ak ki ma onama. Ago kayaak ni si kobiit kosulda siruutik.”
50Ak ki pagaakta icheek tugul ineendet ak komwei.
51Ak ki isup ineendet mureno age, ne ki ilaachi angeet ineegei ne po katanit, ak konam pichooto ineendet; 52ak kometo ngoryonooto po katanit, komwei aach ngor.
Komi Jeso taitap kapkirwook
(Mat 26:57-68; Luk 22:54-55, 63-71; Jhn 18:13-14, 19-24)
53Ki imut Jeso anyun kwo ole mi tisiindet ne oo: ak koyumjigei ineendet tisiik tugul che eecheen ak poisyek ak siriik. 54Ak ki isup Petero ineendet eng' ye loo, agoi koit seremutap kootap tisiindet ne oo; ak kitebyei kobooto ng'atik, koyue maat. 55Ki cheeng' anyun tisiik che eecheen ak kapkirwooget komugul paornateet eng' Jeso si kobiit kobar; ago ki ma nyoor.
56Amu kibaoryanji che chaang' lembech agobo ineendet ak ma namgei paornatennywa. 57Ak kitononso alak, kobaoryan lembech agobo ineendet, kole, 58#Jhn 2.19 Kigegas komwaei ineendet koleen, Ang'eme hekaluni ki kiyae eunek, ak ateech age eng' peetuusyek somok ne ma kiyae eunek. 59Agot eng' nooto koma namgei paornatennywa.
60Ki tonon anyun tisiindet ne oo eng' kwenunnywa, koteebe Jeso, kole, “Mewolu kiy? Nee ni paoryanjinin pichu?” 61Ago ki siis, ama wol kiy. ki teebee kogeny tisiindet ne oo, kole, “Tos ii Kristo inyee, Weeriitap Ne Iberuurot?” 62#Dan 7.13 Ak ki le Jeso, “Aa ineendet; ak tuun ogeere Weeriitap chii kotebyei eng' eutap tai ne po kamuktaet, konyonei eng' poolik che po kipsengwet.” 63Ak kigereer ngoroikyik tisiindet ne oo, koleen, Ta kemage nee paorinik alak? 64#A.La 24.16 Kaogas ng'aleek che yaach che mwaei: obwaati nee? Ak ki irwookyi tugul kole nyoljin meet.
65Ak ki toi alak kosing'ilji ineendet ak kotuch togeennyi, ak koluch, ak koleenji, “Ng'orse!” Ki nam `riibiik ineendet ak korabach.
Kotuuche `Petero Jeso
(Mat 26:69-75; Luk 22:56-62; Jhn 18:15-18, 25-27)
66Ak kingo ta komi Petero seremut ole po ng'wony, konyo age eng' tiibiik che otwogigap tisiindet ne oo; 67ak kingo keer Petero koyue maat, kochiilji kong' ineendet ak koleenji, “Ki imi aginye kobooto Nazaretindonooto, Jeso.” 68Ago ki tiiyo kole, “Mangen, amaguitosi chooto imwae.” Ak komanda kwo keter; ak kiito anyun kipsoiywet. 69Ak ki keer chebooto ineendet ak kotoi kogeny komwachi che tonondos eng' ye neegit, koleenji, “Ni ko agenge eng' icheeget.” 70Ak kitiiyo kogeny. Ak ne matya koleenji icheek kogeny che kitonondos eng' ye neegit Petero, “Iman ii agenge eng' icheek amu ii Galiilindet.” 71Ak ki toi kochubis, ak koyasyo, kole, “Mangen chiichi omwae.” 72Ak koma tyanit koote kipsoiywet ne po aeng'. Ak ki ibwaat anyun Petero ng'olyoondonooto, ko uu ye kiga komwachi `Jeso ineendet kole, “Kotom koote kipsoiywet konyil aeng', ieesyoa konyil somok.” Ak kingo pwaat ng'olyoondonooto, koriir.
Currently Selected:
MARIKO 14: KAPR
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
MARIKO 14
14
Kocheeng'ei piik ole partoi Jeso
(Mat 26:1-5; Luk 22:1-2; Jhn 11:45-53)
1 # Kom 12.1-27 Ak kingo pata peetuusyek aeng'u kobiit igoortap paska ak magatiinik che ma kinde mermereek: ak ki cheeng' tisiik che eecheen ak siriik ole imuktoi konam eng' ng'aalseet, si kobiit kobar ineendet: 2amu ki le icheeget, Amat ongenam eng' igoorto, si ma polyo piik.
Keroong'jin mwaita Jeso eng' Bethania
(Mat 26:6-13; Jhn 12:1-8)
3 # Luk 7.37-38 Ak ye ki mi ineendet Bethania eng' kootap Simion ne ki tinyei mogondosaik, kota kotebyei eng' amisyet, konyo kobogoryot ne tinyei chuboit ne mi mwaita ne nyamdut ne po kamanuutyet ne oo; ak kotui chuboinooto, ak koroong'ji metinnyi. 4Ak ki mi alage che ki nereektos eng' oriit koleen, Amu nee si kibeet puch mwai? 5Amu katayamei kealdae mwai che siirei dinarisyek pogol somok, ak kigoochi kibananook. Ak ki ing'unyng'ung'ji ineendet.
6Ago ki le Jeso, “Omete; kalya si oiim ineendet? Kayaiywo poisyet ne myee. 7#NKNg'a 15.11 Amu otinye kotugul kibananook, ak eng' ui tugul ye omache, omuuchi oyachi ne myee: ago ma mi anee kotugul kobootok. 8Kagoyai ne imuuchi: kasip koiil poortanyu amait ketupo. 9Ak amwaiwok iman ale, ui tugul ole ki amjin logoiywek che myach eng' ng'wony komugul kemwaitoi agine yautyoni po kobogoryondoni, ak egu niito ne kibwaatee ineendet.”
Chaamset ne kichaame `Judas Jeso
(Mat 26:14-16; Luk 22:3-6)
10Ak ki wo Judas Iskaryot, ne ki age eng' taman ak aeng', ole mi tisiik che eecheen, si kobiit kong'wekyi icheeget. 11Ak kingap kagas icheek, koboiboitu ak kogasyin kogoochi fedhaisyek. Ak ki cheeng' sait ne yamei si kong'wekta ineendet.
Igoorta ne po let
(Mat 26:17-25; Luk 22:7-14, 21-23; Jhn 13:21-30)
12Ak eng' peetuut ne po tai ne po magatiinik che ma kinde mermereek, ye kienyei aarwetap paska, koteebe kasubikyik koleenji, “Imache keebe ano si kechobuun ole iame paska?”
13Ak ki iyookto aeng' che po kasubikyik, koleenji, “Oba nganaseet, ak ye otuiye chiito ne ibu tereetap peek, osup ineendet; 14ak oldo tugul ole mong'jin ineendet, oleenji chiitap ko po koot, ‘Kale Kaneetindet: Mi ano koonnyu ne po toek, ole anyoone aame igoortap paska kobooto kasubikyuk?’ 15Ak koboorwok ineendet koot ne oo ne po parak ne choboot ak ko tetat, ak ochobwech olooto.”
16Ki pa anyun kasubik, kot koit nganaseet, konyoor ko uu ye kagagemwachi: ak ki chop anyun paska. 17Ak kingo ek koskoleny konyo kobooto taman ak aeng'. 18#T.Kal 41.9 Ak ye kitebyei eng' amisyet, kole Jeso, Amwaiwok iman ale, Ng'wekto age eng' okweek, ineendet ne ki amisyei tuwai. 19Kotoi anyun koaragenso, ak koleenji ineendet agenge agenge, Tos anee? 20Ak ki leenji icheek, Nooto ko agenge eng' taman ak aeng', ne kiburburtoi tuwai eng' taabeet. 21Amu wendi Weeriitap chii, ko uu ye siraat agobo ineendet: ago Pwo! Eng' chiichooto king'wektae Weeriitap chii! Kita myee eng' chiichooto koma ki sich.
Igoortap Kiptaiyat
(Mat 26:26-30; Luk 22:14-20; 1 Kor 11:23-25)
22Ak ye ki amisyei icheeget, konam magatyat, ak kingo kagoberuur, kobuutul ak kogoochi, ak kole, “Onam magatyandani: ni ko poortanyu.” 23Ak yeityo konam kigombet, ak kingo kagomwa kongoi, kogoochi icheek: koee tugul kigombanato. 24#Kom 24.8; Jer 31.31-34 Ak koleenji, “Chu ko korotiikyuk che po arorutyet, che kitumdoi agobo che chaang'. 25Amwaiwok iman ale, ma aee kogeny che po logoegap sabibuk, agoi peetuunooto ne aee che leelach eng' laitornatetap Kamuktaindet.” 26Ak kingo kagotyen tyendo, komanda koba tulweet ne po Mseituni.
Kemwai agobo eesyoetab Petero
(Mat 26:31-35; Luk 22:31-34; Jhn 13:36-38)
27 # Zek 13.7 Koleenji `Jeso icheek, Kinachok okweek tugul: amu ki kisir keele, Abire mestowot, ak koiyesta keechiirek. 28#Mat 28.16 Ago, ye kaging'eeta, andoenok awe Galilaya. 29Ago ki leenji Petero, Agot nginach tugul agobo inyee, koma kinacha. 30Ak ki leenji `Jeso ineendet, Amwaun iman ale, rani, kemouni, kotom koote kipsoiywet konyil aeng', ieesyoa konyil somok. 31Ak ki mwa eng' kimnateet ne oo kole, “Ngo nyolu kebegu tuwai, koma koi aeesyen.” Ak ki mwa ak icheek tugul ko uu nooto.
Jeso eng' Gethsemane
(Mat 26:35-46; Luk 22:39-46)
32Ak kiit kooret ne kiguure Gethsemane, ak ki leenji kasubikyik, Otebee yu, ye asaae. 33Ak ki imut Petero ak Jakobo ak Johana, ak kotoi kokwong'yo miising' ak koaragenso. 34Ak ki leenji icheek, Kaaragen saboondanyu miising' agoi meet: otebee yu ak oriipse. 35Ak ki wo tai kitigin, ak kobutyi ng'wony, ak kosa kole, ngo mugaksei, ko myee kosiirtoena sainiito. 36Ak ki mwa kole, “Abba, Kwanda, imugaksei tuguuk tugul eng' inyee; istaena kigombani; ago, ma ko uu ye amache, ago ko uu ye imache.”
37Ak ki nyo ak konyoor icheek koruitos, ak koleenji Petero, “Simion, irue? Ma imuuch iriipse agot sait agenge? 38Oriipse ak osaae, si mochut yoomseet: chamei muguleldo iman, ago nyaluli poorto.”
39Ak ki wo kogeny, ak kosa komwa ng'aleechugaita. 40Ak ki nyo kogeny, ak konyoor koruitos, amu kiga nyigisitu miising' konyekwak; ak ki ma kongen kiit ne woljin ineendet.
41Ak ki nyo ne po somok, ak koleenji icheek, Oruiye anyun nguno, omuuny: kagoyam; kagoit sait; ogeero, kageng'wekyi Weeriitap chii eunegap kiptengeginik. 42Ong'eetyee, keebe: ogeero, kagoriik ineendet ne ng'wektoo.
Kenamei Jeso
(Mat 26:47-56; Luk 22:47-53; Jhn 18:3-12)
43Ak eng' yooto kota kong'alaali, konyo Judas, age eng' taman ak aeng', kobooto tuiyet che tinyei rotoogap chok ak kirokweek, kobunu ole mi tisiik che eecheen ak siriik ak poisyek. 44Ak kiga koarorchi ng'wektaindet icheek, koleenji, “Ineendet ne ang'ututi ko ineendet nooto; onam, ak omut ak oriiboote. ”
45Ak kingo it, kwo eng' sainooto ole mi ineendet ak kole, “Rabbi!” ak kong'utut. 46Ak ki iyogoito pichooto eunekwak ak konam ineendet. 47Ago king'us rotwennyi po chok age eng' che kitonondos eng' ye neegit, ak koep iititap otwogindetap tisiindet ne oo. 48Ak ki wolji Jeso koleenji, “Komong'u ak rotoogap chok ak kirokweek, ko uu ye osetyini rebindet, si onama? 49#Luk 19.47; 21.37 Ki ami kobootok peetuusyek tugul eng' Hekaluut aneetisyei, ak ki ma onama. Ago kayaak ni si kobiit kosulda siruutik.”
50Ak ki pagaakta icheek tugul ineendet ak komwei.
51Ak ki isup ineendet mureno age, ne ki ilaachi angeet ineegei ne po katanit, ak konam pichooto ineendet; 52ak kometo ngoryonooto po katanit, komwei aach ngor.
Komi Jeso taitap kapkirwook
(Mat 26:57-68; Luk 22:54-55, 63-71; Jhn 18:13-14, 19-24)
53Ki imut Jeso anyun kwo ole mi tisiindet ne oo: ak koyumjigei ineendet tisiik tugul che eecheen ak poisyek ak siriik. 54Ak ki isup Petero ineendet eng' ye loo, agoi koit seremutap kootap tisiindet ne oo; ak kitebyei kobooto ng'atik, koyue maat. 55Ki cheeng' anyun tisiik che eecheen ak kapkirwooget komugul paornateet eng' Jeso si kobiit kobar; ago ki ma nyoor.
56Amu kibaoryanji che chaang' lembech agobo ineendet ak ma namgei paornatennywa. 57Ak kitononso alak, kobaoryan lembech agobo ineendet, kole, 58#Jhn 2.19 Kigegas komwaei ineendet koleen, Ang'eme hekaluni ki kiyae eunek, ak ateech age eng' peetuusyek somok ne ma kiyae eunek. 59Agot eng' nooto koma namgei paornatennywa.
60Ki tonon anyun tisiindet ne oo eng' kwenunnywa, koteebe Jeso, kole, “Mewolu kiy? Nee ni paoryanjinin pichu?” 61Ago ki siis, ama wol kiy. ki teebee kogeny tisiindet ne oo, kole, “Tos ii Kristo inyee, Weeriitap Ne Iberuurot?” 62#Dan 7.13 Ak ki le Jeso, “Aa ineendet; ak tuun ogeere Weeriitap chii kotebyei eng' eutap tai ne po kamuktaet, konyonei eng' poolik che po kipsengwet.” 63Ak kigereer ngoroikyik tisiindet ne oo, koleen, Ta kemage nee paorinik alak? 64#A.La 24.16 Kaogas ng'aleek che yaach che mwaei: obwaati nee? Ak ki irwookyi tugul kole nyoljin meet.
65Ak ki toi alak kosing'ilji ineendet ak kotuch togeennyi, ak koluch, ak koleenji, “Ng'orse!” Ki nam `riibiik ineendet ak korabach.
Kotuuche `Petero Jeso
(Mat 26:69-75; Luk 22:56-62; Jhn 18:15-18, 25-27)
66Ak kingo ta komi Petero seremut ole po ng'wony, konyo age eng' tiibiik che otwogigap tisiindet ne oo; 67ak kingo keer Petero koyue maat, kochiilji kong' ineendet ak koleenji, “Ki imi aginye kobooto Nazaretindonooto, Jeso.” 68Ago ki tiiyo kole, “Mangen, amaguitosi chooto imwae.” Ak komanda kwo keter; ak kiito anyun kipsoiywet. 69Ak ki keer chebooto ineendet ak kotoi kogeny komwachi che tonondos eng' ye neegit, koleenji, “Ni ko agenge eng' icheeget.” 70Ak kitiiyo kogeny. Ak ne matya koleenji icheek kogeny che kitonondos eng' ye neegit Petero, “Iman ii agenge eng' icheek amu ii Galiilindet.” 71Ak ki toi kochubis, ak koyasyo, kole, “Mangen chiichi omwae.” 72Ak koma tyanit koote kipsoiywet ne po aeng'. Ak ki ibwaat anyun Petero ng'olyoondonooto, ko uu ye kiga komwachi `Jeso ineendet kole, “Kotom koote kipsoiywet konyil aeng', ieesyoa konyil somok.” Ak kingo pwaat ng'olyoondonooto, koriir.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019