Ibeb 29
29
Jekọp îre uwu kè Leban me Padan Aram
1Jekọp onenikpọk ibene ije kan̄ ije inyi isi, mè ije isi ire ido ebi agan̄ mbum-ura, 2mè inimun̄ udọn̄ mun̄ ge me emen nsisaan̄ oron me ere ya, mè nga ewuuk ile ge me otu, mè imun̄ si urum arọọn̄ ita elilambe ikana me ijọn̄ me otu mun̄ ya, mije, îre ere ya ke ebi ama ya ekinichibi mun̄ inyi anam kiban̄ inwọ. 3Ìkire, me mgbọ otutuuk arọọn̄ isinititiin̄ iso me ere ya, ebi òkpukpo arọọn̄ mîra inigbaan̄ ubọk ikpukpọt ewuuk ya isan̄a, mè inichibi mun̄ inyi anam kiban̄ inwọ. Anam kiban̄ isininwọ mun̄ isan̄a, ema mîra iyaka igbaan̄ ubọk ikpukpọt ewuuk ya ichit otu udọn̄ mun̄ ya.
4Jekọp onenido ebi ìkikpukpo arọọn̄ cha îmun̄be me ere ya ibe, “Ebi ngwan̄ n̄a, ìre enyi enan̄a me owa?”
Ema efọfọọk ibe, “Eji enan̄a me Aran.”
5Jekọp ododo ema ibe, “Ìre enyi mîriọọn̄ ogwu ekigwen Leban, gwun̄ gwun̄ kè Nayọ?”
Ife cha efọfọọk ibe, “Iin̄, eji mîriọọn̄.”
6Jekọp onenido si ema ibe, “Ìre lek kè Leban înye?”
Ife cha efọfọọk si ibe, “Iin̄, lek kan̄ înye. Kpọ, Rechen ogwu gwun̄ ire ogwulọ òkisa arọọn̄ kiban̄ inu.”
7Jekọp onenido ema ibe, “Ìre keke orọ mè enyi enetitiin̄ arọọn̄ kinyi me otu mun̄ me ikarek ikarek ikeyi? Ìsi ìchibi mun̄ ìnyi anam kinyi, mè ìsa ìgwu ìkom, inyi esi etaka mbubet.”
8Ema efọfọọk ibe, “Eji kpebekọt inyi anam kiji mun̄. Eji ebekup me otu mun̄ yi iban otutuuk ebi melek kiji esa arọọn̄ kiban̄ enu, mè eji enegbaan̄ ubọk ekpukpọt ewuuk ya esan̄a me otu udọn̄ mun̄ yi. Îre mgbọ ya ke eji mêkọt inyi anam kiji mun̄.”
9Jekọp melek ebi ife cha mêkitumu ikọ ya me otu, Rechen osasa arọọn̄ ogwu ute ije inire otu mun̄ ya. Ọmọ si ìre ogwu òkikpukpo arọọn̄. 10Mgbọ Jekọp omun̄be Rechen gwun̄ kè Leban ngwan̄ ogwu uga, mè imun̄ si arọọn̄ kè Leban, ijeje isi ikpukpọt ewuuk ya isan̄a me otu udọn̄ mun̄ ya, mè ichibi mun̄ inyi arọọn̄ kè Leban ngwan̄ ogwu uga. 11Jekọp onenikana Rechen ikat, mè itaan̄ ukpo ito ito, 12mè itumu inyi Rechen ibe, “Emi mè nte kwun̄ ìre ulọk. Emi ìre gwun̄ kè Ribeka.” Rechen olilibi ekot ekot isi ikpa ikọ ya inyi ogwu ute.
13Mgbọ yaage Leban onọbe ukpatu ofolek kè Jekọp gwun̄ ogwu ngwan̄, ililibi ekot ekot igọọk, mè isi ikana ikat, mè isa ika inu uwu. Jekọp onenikpa otutuuk ukpatu kan̄ inyi Leban. 14Leban inọnọ isan̄a, itutumu inyi Jekọp ibe, “Me atikọ, owu melek n̄a ìre eje yaage.”
Jekọp îdo Lia mè Rechen
Mgbọ Jekọp ogọọkbe Leban iluk iso onyan̄ ge, 15Leban onenitumu inyi Jekọp ibe, “Nriọọn̄ ibe ke owu melek n̄a ìre ngwan̄. Ire, ìkanwọn ibe owu òkosi ikwaan̄ ònyi emi me ikike. Eya orọ, tumu-nu mkpukpe owu obobọkọ.”
16Leban îkaan̄ nsabọn ibaan̄ iba. Erieen̄ ogwu ugane ìre Lia. Sà erieen̄ ogwu ijija ore Rechen. 17Lia ìkup chieen̄ ilaak ilaak. Ire, Rechen ojot ichak, mè ijaan̄ uja enenen. 18Jekọp îma Rechen enenen. Eya orọ, itutumu inyi Leban ibe, “Mâsi ikwaan̄ inyi owu acha jaaba, mè ibọkọ Rechen gwun̄ kwun̄ ogwu ijija me lek nwa kubọk mkpukpe n̄a.”
19Leban obebe, “Nchieek. Înwọn emi me lek isasa Rechen inyi owu me lek nwa igak isasa inyi ofifi ene. Gọọk emi luk.” 20Jekọp onenisi ikwaan̄ inyi Leban acha jaaba mije kè Rechen. Ire, acha jaaba cha ìyaka inikup me lek kan̄ kubọk usen inen mè inen gaalek, mije, Jekọp îma Rechen enenen.
21Ifuk acha ya isoso, Jekọp onenibe Leban, “Ngwa, nra isi ikwaan̄ iso otu ifuk acha, nyi emi nwa n̄a, inyi ǹgọọk ǹlaak.”
22Leban onenititiin̄ otutuuk ebi ama ya, mè ito ijọk ido-nwa. 23Me ikakwun̄, mgbọ Leban obosa nwa kè Jekọp ijet ogwu olom, ìyaka inimọnọ Lia ogwu gwun̄ ogwu ugane isa ijet Jekọp. Jekọp ogọgọọk Lia ilaak me eririeen̄ ya. 24Leban osasa usun̄ enenwaan̄ kan̄ ge ekigwen Jilipa inyi, ibe isi ire gwun̄ uwu inyi Lia.
25Mgbọ egwe owelebe, Jekọp onenimun̄ ibe ke ogwu enenwaan̄ ya ìre Lia, ke ìkare Rechen. Igwegwen Leban ido ibe, “Ìre keke ire eyi orọbe emi ikeyi? Ìre ìkare mije kè Rechen ke nsi ikwaan̄ inyi owu? Ìre keke orọ owu ofiaan̄be emi ikeyi?”
26Leban ofọfọọk ibe, “Ìkare orọmijọn̄ kiji me ere keyi isasa ogwu ijija iche olom me isi ogwu ugane. 27Ikeyi ke eji eberọ! Usen jaaba eyi ijọk ido-nwa isiraka, eji mêkọt isa ogwu ijija iche olom inyi owu si, ire ochieek isisi ikwaan̄ inyi emi ofifi acha jaaba.”
28Jekọp ochechieek. Nde ge iraraka me lek ijọk edobe Lia, Leban onenibene Rechen ogwu gwun̄ itap me ubọk kè Jekọp me lek nwa, 29mè isa usun̄ enenwaan̄ kan̄ ge ekigwen Biliya inyi, ibe ire gwun̄ uwu inyi Rechen. 30Jekọp ogọgọọk si Rechen ilaak, mè ima Rechen igak Lia, mè isi ikwaan̄ ofifi acha jaaba inyi Leban mije kè Rechen.
Bọn kè Jekọp
31Okumugwem omumun̄ ibe ke Jekọp ìkama Lia, mè ichili owot kè Lia inyi imaan̄ bọn, mè itele inyi Rechen ire òra. 32Lia oneninin̄ owot, mè iman gwun̄ enerieen̄, mè igwen Ruben,#29:32 Ruben ìsibi ‘Ìkpọ! Gwun̄!’ mè itaan̄ si kubọk, ‘Îmun̄ ugwuuk n̄a.’ mije, ìtumu ibe ke Okumugwem îmun̄ ufialek kan̄, ke nlom kan̄ môma ọmọ mgbọ keyi.
33Lia okpọkpọk inin̄ owot, mè iman ofifi gwun̄ enerieen̄. Mgbọ îmanbe gwun̄ keya, inenibe, “Okumugwem înọ ibe ke emi ìre ogwu echabe, mè inyi emi gwun̄ keyi si.” Eya orọ, igwegwen gwun̄ ya Simiọn.#29:33 Simiọn ìsibi ‘Înọ.’
34Ikpọkpọk inin̄ ofifi owot, mè iman gwun̄ enerieen̄ si, mè ibe, “Mgbọ keyi, nlom n̄a môyaka lek iriaak me lek n̄a, mije, mmaan̄ ibot bọn ebirieen̄ ita inyi ọmọ.” Mije keya, igwegwen gwun̄ ya Libai.#29:34 Libai ìsibi ‘Igbagba iriaak.’
35Ikpọkpọk inin̄ si ofifi owot, mè iman si gwun̄ enerieen̄, mè inibe, “Mgbọ keyi, emi mâtọn̄ Okumugwem.” Mije keya, igwegwen gwun̄ ya Juda.#29:35 Juda ìsibi ‘Itọn̄.’ Imaman gwun̄ keya isan̄a, ìkayaka ìman-nu ofifi gwun̄.
Currently Selected:
Ibeb 29: Obolo
Highlight
Share
Copy
Want to have your highlights saved across all your devices? Sign up or sign in
© 2012, The Nigeria Bible Translation Trust and Wycliffe Bible Translators, Inc. All rights reserved.
New Testament originally published by International Bible Society 1991.
Ibeb 29
29
Jekọp îre uwu kè Leban me Padan Aram
1Jekọp onenikpọk ibene ije kan̄ ije inyi isi, mè ije isi ire ido ebi agan̄ mbum-ura, 2mè inimun̄ udọn̄ mun̄ ge me emen nsisaan̄ oron me ere ya, mè nga ewuuk ile ge me otu, mè imun̄ si urum arọọn̄ ita elilambe ikana me ijọn̄ me otu mun̄ ya, mije, îre ere ya ke ebi ama ya ekinichibi mun̄ inyi anam kiban̄ inwọ. 3Ìkire, me mgbọ otutuuk arọọn̄ isinititiin̄ iso me ere ya, ebi òkpukpo arọọn̄ mîra inigbaan̄ ubọk ikpukpọt ewuuk ya isan̄a, mè inichibi mun̄ inyi anam kiban̄ inwọ. Anam kiban̄ isininwọ mun̄ isan̄a, ema mîra iyaka igbaan̄ ubọk ikpukpọt ewuuk ya ichit otu udọn̄ mun̄ ya.
4Jekọp onenido ebi ìkikpukpo arọọn̄ cha îmun̄be me ere ya ibe, “Ebi ngwan̄ n̄a, ìre enyi enan̄a me owa?”
Ema efọfọọk ibe, “Eji enan̄a me Aran.”
5Jekọp ododo ema ibe, “Ìre enyi mîriọọn̄ ogwu ekigwen Leban, gwun̄ gwun̄ kè Nayọ?”
Ife cha efọfọọk ibe, “Iin̄, eji mîriọọn̄.”
6Jekọp onenido si ema ibe, “Ìre lek kè Leban înye?”
Ife cha efọfọọk si ibe, “Iin̄, lek kan̄ înye. Kpọ, Rechen ogwu gwun̄ ire ogwulọ òkisa arọọn̄ kiban̄ inu.”
7Jekọp onenido ema ibe, “Ìre keke orọ mè enyi enetitiin̄ arọọn̄ kinyi me otu mun̄ me ikarek ikarek ikeyi? Ìsi ìchibi mun̄ ìnyi anam kinyi, mè ìsa ìgwu ìkom, inyi esi etaka mbubet.”
8Ema efọfọọk ibe, “Eji kpebekọt inyi anam kiji mun̄. Eji ebekup me otu mun̄ yi iban otutuuk ebi melek kiji esa arọọn̄ kiban̄ enu, mè eji enegbaan̄ ubọk ekpukpọt ewuuk ya esan̄a me otu udọn̄ mun̄ yi. Îre mgbọ ya ke eji mêkọt inyi anam kiji mun̄.”
9Jekọp melek ebi ife cha mêkitumu ikọ ya me otu, Rechen osasa arọọn̄ ogwu ute ije inire otu mun̄ ya. Ọmọ si ìre ogwu òkikpukpo arọọn̄. 10Mgbọ Jekọp omun̄be Rechen gwun̄ kè Leban ngwan̄ ogwu uga, mè imun̄ si arọọn̄ kè Leban, ijeje isi ikpukpọt ewuuk ya isan̄a me otu udọn̄ mun̄ ya, mè ichibi mun̄ inyi arọọn̄ kè Leban ngwan̄ ogwu uga. 11Jekọp onenikana Rechen ikat, mè itaan̄ ukpo ito ito, 12mè itumu inyi Rechen ibe, “Emi mè nte kwun̄ ìre ulọk. Emi ìre gwun̄ kè Ribeka.” Rechen olilibi ekot ekot isi ikpa ikọ ya inyi ogwu ute.
13Mgbọ yaage Leban onọbe ukpatu ofolek kè Jekọp gwun̄ ogwu ngwan̄, ililibi ekot ekot igọọk, mè isi ikana ikat, mè isa ika inu uwu. Jekọp onenikpa otutuuk ukpatu kan̄ inyi Leban. 14Leban inọnọ isan̄a, itutumu inyi Jekọp ibe, “Me atikọ, owu melek n̄a ìre eje yaage.”
Jekọp îdo Lia mè Rechen
Mgbọ Jekọp ogọọkbe Leban iluk iso onyan̄ ge, 15Leban onenitumu inyi Jekọp ibe, “Nriọọn̄ ibe ke owu melek n̄a ìre ngwan̄. Ire, ìkanwọn ibe owu òkosi ikwaan̄ ònyi emi me ikike. Eya orọ, tumu-nu mkpukpe owu obobọkọ.”
16Leban îkaan̄ nsabọn ibaan̄ iba. Erieen̄ ogwu ugane ìre Lia. Sà erieen̄ ogwu ijija ore Rechen. 17Lia ìkup chieen̄ ilaak ilaak. Ire, Rechen ojot ichak, mè ijaan̄ uja enenen. 18Jekọp îma Rechen enenen. Eya orọ, itutumu inyi Leban ibe, “Mâsi ikwaan̄ inyi owu acha jaaba, mè ibọkọ Rechen gwun̄ kwun̄ ogwu ijija me lek nwa kubọk mkpukpe n̄a.”
19Leban obebe, “Nchieek. Înwọn emi me lek isasa Rechen inyi owu me lek nwa igak isasa inyi ofifi ene. Gọọk emi luk.” 20Jekọp onenisi ikwaan̄ inyi Leban acha jaaba mije kè Rechen. Ire, acha jaaba cha ìyaka inikup me lek kan̄ kubọk usen inen mè inen gaalek, mije, Jekọp îma Rechen enenen.
21Ifuk acha ya isoso, Jekọp onenibe Leban, “Ngwa, nra isi ikwaan̄ iso otu ifuk acha, nyi emi nwa n̄a, inyi ǹgọọk ǹlaak.”
22Leban onenititiin̄ otutuuk ebi ama ya, mè ito ijọk ido-nwa. 23Me ikakwun̄, mgbọ Leban obosa nwa kè Jekọp ijet ogwu olom, ìyaka inimọnọ Lia ogwu gwun̄ ogwu ugane isa ijet Jekọp. Jekọp ogọgọọk Lia ilaak me eririeen̄ ya. 24Leban osasa usun̄ enenwaan̄ kan̄ ge ekigwen Jilipa inyi, ibe isi ire gwun̄ uwu inyi Lia.
25Mgbọ egwe owelebe, Jekọp onenimun̄ ibe ke ogwu enenwaan̄ ya ìre Lia, ke ìkare Rechen. Igwegwen Leban ido ibe, “Ìre keke ire eyi orọbe emi ikeyi? Ìre ìkare mije kè Rechen ke nsi ikwaan̄ inyi owu? Ìre keke orọ owu ofiaan̄be emi ikeyi?”
26Leban ofọfọọk ibe, “Ìkare orọmijọn̄ kiji me ere keyi isasa ogwu ijija iche olom me isi ogwu ugane. 27Ikeyi ke eji eberọ! Usen jaaba eyi ijọk ido-nwa isiraka, eji mêkọt isa ogwu ijija iche olom inyi owu si, ire ochieek isisi ikwaan̄ inyi emi ofifi acha jaaba.”
28Jekọp ochechieek. Nde ge iraraka me lek ijọk edobe Lia, Leban onenibene Rechen ogwu gwun̄ itap me ubọk kè Jekọp me lek nwa, 29mè isa usun̄ enenwaan̄ kan̄ ge ekigwen Biliya inyi, ibe ire gwun̄ uwu inyi Rechen. 30Jekọp ogọgọọk si Rechen ilaak, mè ima Rechen igak Lia, mè isi ikwaan̄ ofifi acha jaaba inyi Leban mije kè Rechen.
Bọn kè Jekọp
31Okumugwem omumun̄ ibe ke Jekọp ìkama Lia, mè ichili owot kè Lia inyi imaan̄ bọn, mè itele inyi Rechen ire òra. 32Lia oneninin̄ owot, mè iman gwun̄ enerieen̄, mè igwen Ruben,#29:32 Ruben ìsibi ‘Ìkpọ! Gwun̄!’ mè itaan̄ si kubọk, ‘Îmun̄ ugwuuk n̄a.’ mije, ìtumu ibe ke Okumugwem îmun̄ ufialek kan̄, ke nlom kan̄ môma ọmọ mgbọ keyi.
33Lia okpọkpọk inin̄ owot, mè iman ofifi gwun̄ enerieen̄. Mgbọ îmanbe gwun̄ keya, inenibe, “Okumugwem înọ ibe ke emi ìre ogwu echabe, mè inyi emi gwun̄ keyi si.” Eya orọ, igwegwen gwun̄ ya Simiọn.#29:33 Simiọn ìsibi ‘Înọ.’
34Ikpọkpọk inin̄ ofifi owot, mè iman gwun̄ enerieen̄ si, mè ibe, “Mgbọ keyi, nlom n̄a môyaka lek iriaak me lek n̄a, mije, mmaan̄ ibot bọn ebirieen̄ ita inyi ọmọ.” Mije keya, igwegwen gwun̄ ya Libai.#29:34 Libai ìsibi ‘Igbagba iriaak.’
35Ikpọkpọk inin̄ si ofifi owot, mè iman si gwun̄ enerieen̄, mè inibe, “Mgbọ keyi, emi mâtọn̄ Okumugwem.” Mije keya, igwegwen gwun̄ ya Juda.#29:35 Juda ìsibi ‘Itọn̄.’ Imaman gwun̄ keya isan̄a, ìkayaka ìman-nu ofifi gwun̄.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, The Nigeria Bible Translation Trust and Wycliffe Bible Translators, Inc. All rights reserved.
New Testament originally published by International Bible Society 1991.