Ibeb 44
44
Ekpen̄ kè Josefu me emen akpa kè Benjamin
1Josefu oneninyi ogwu ibot ikwaan̄ uwu kan̄ ida ibe, “Tap inorie jot akpa otutuuk ebirieen̄ cha, ike geelek ema ebekọt ibeme, mè yaka ikpoko kiban̄ tap me otu akpa kiban̄ me ge me ge. 2Ben ekpen̄ n̄a, eyi alata okuket ya, tap me otu akpa ogwu ijija ya gbaalek ikpoko îsabe ikpe ewe inorie îlepbe.” Ogwu enerieen̄ ya orọrọ ubọk Josefu otumube.
3Me ofit iwele kan̄, me okpatu ewelegwe, enenitutuun̄ ebi ngwan̄ kè Josefu cha mè inyinya akpan kiban̄ itap me oniin̄. Ema ebebene ikije ifo. 4Ema inanan̄a isibi me emen ama ya, kpejeje ijọn̄ọ ere, Josefu otutumu inyi ogwu ibot ikwaan̄ kan̄ ibe, “Libi gọọk ife cha me oniin̄. Osilibi isoon̄, do ema ibe mè ìre keke orọ ebibi esabe ijo inu ikpe ewe ata inu? 5Mè ìre keke orọ mè ema echiin̄ ekpen̄ nte uwu kwun̄ okisa inwọ miin̄, mè ikisa itet ǹcha? Tumu nyi ibe ke inu yi ema erọbe îfieek lek enenen.”
6Ogwu ibot ikwaan̄ ya olilibi igọọk ife cha, mè isoon̄ ema me oniin̄, mè itumu ikọ nte uwu kan̄ otumube cha inyi ife cha. 7Ife cha efọfọọk ibe, “Iyak ogwu nte, ìre keke orọ mè owu òtumu ojelek ikọ òkup ikeyi? Lei! Eji ebi usun̄ kwun̄ kpebekọt irọ ojelek inu òkup ikeya. 8Kpọ, ikpoko eji emun̄be me otu akpa kiji me adasi mgbọ eji enube, eji mîsa ikaan̄ me ubọk inan̄a me ido Kenan ijet enyi. Ìre keke môrọ inyi eji eyaka enechiin̄ alata okuket mè ìre alata araran̄ me uwu kè nte uwu kwun̄? 9Ogwu geelek oweekbe ekpen̄ yi imun̄ me ubọk, ebekpakpan̄, mè ebi ìsisik ekana usun̄ enyi nte uwu kwun̄.”
10Ogwu ibot ikwaan̄ ya obebe, “Înwọn ma, emi nchieek ubọk enyi etumube. Ire, ogwu geelek mêweekbe ekpen̄ ya imun̄ me ubọk môkana usun̄ inyi emi. Ebi ìsisik mêfon me utelelek, mije, ema kperọ inu geege ilọ.” 11Otutuuk kiban̄ ebeben akpa kiban̄ iyik me ijọn̄ me ene me ene, mè ikitọn̄ọ otu. 12Ogwu ibot ikwaan̄ ya okekichili akpa cha ikiweek me ntuun̄ me ntuun̄, ibene me lek eyi ogwu adasi isi ire lek eyi ogwu mgburudun̄, mè iniweek ekpen̄ ya imun̄ me otu akpa kè Benjamin. 13Otutuuk kiban̄ esasa me ufieejit itaba ofọnti òkup me lek kiban̄ igwak isan̄a, mè ikpulu akpa inorie kiban̄ itoon̄ me inyọn̄ inyinya akpan kiban̄, mè igwu ikom ika inu Ijipiti.
14Juda mè ebi ngwan̄ enenire uwu kè Josefu, mè inimun̄ Josefu me uwu. Ema enanan̄a irọn̄ me ijọn̄ me isi kan̄. 15Josefu ododo ema ibe, “Ìre kpasi inu ke enyi erọ ikeyi? Ìre enyi kperiọọn̄ ibe ke ene òkup kire emi mâkọt itet ǹcha, mè iweek inu geelek isibi?”
16Juda ofọfọọk ibe, “Ogwu nte, ìre keke ke eji ebeyaka itumu? Kpunu ikọ geege eji ebekọt itumu isa inyan̄a lek kiji. Ìre eji ebejeje ijeen̄ ibe ke ubọk kiji îtana? Awaji îkpọk mbum ijo inu eji erọbe. Mgbọ keyi, eji otutuuk ìre ebi usun̄ kwun̄, eji melek ogwu eweekbe ekpen̄ ya imun̄ me ubọk.”
17Josefu obebe, “Lei! Emi m̀kpakọt irọ ojelek inu òkup ikeya. Ogwu emun̄be ekpen̄ ya me ubọk gaalek obokana usun̄ inyi emi. Enyi ebi ìsisik, ìfon ìgọọk nte kinyi me esuuk.”
Juda îbeek mbeek me ibot kè Benjamin
18Juda ojeje iriaak me lek kè Josefu, mè itumu inyi ibe, “Soso ogwu nte, nye lek gban̄ utọn̄ me lek ikọ mbatumu. Kanaan̄ ejit ìnyi emi ogwu usun̄ kwun̄. Emi nriọọn̄ ibe ke owu òkup kubọk ogwu Fero. 19Ogwu nte, îre owu odo eji ebi usun̄ kwun̄ me adasi mgbọ eji enube ibe mè ìre nte kiji òwa me ugwem? Mè ìre eji mîkaan̄ ofifi ngwan̄ enerieen̄? 20Eji efọfọọk owu ibe ke nte kiji òwa me ugwem, ke ogwugwu îkan enenen, ke eji mîkaan̄ ngwan̄ enerieen̄ ijija ge ogwu nte kiji obonbe me ukan, ke ogwu ngwan̄ ogwu ọmọ melek kan̄ erebe uga ge îkwu, ke ọmọ gaalek oyaka inisik, ke nte kiji îma ọmọ enenen.
21“Owu onenibe mè eji ebi usun̄ kwun̄ esa gwun̄ yi enu, inyi owu òrieen̄ chieen̄ me lek. 22Eji enenifọọk owu ibe ke gwun̄ ya ìkpokọt itele ogwu ute, mije, ire itele, ke ogwu ute môkwu. 23Ire, owu otutumu ibe ire eji kpesa ngwan̄ kiji yi inu, ke owu òkponyi eji isi. 24Mgbọ eji erebe uwu, eji ebeben otutuuk ikọ owu otumube ikpa inyi nte kiji.
25“Sọnja mgbọ iraraka, nte kiji onenibe eji egwu ekom esi Ijipiti esi elep sọntiik inorie. 26Eji etutumu inyi nte kiji ibe ke eji kpebekọt isi, îtata mè ngwan̄ kiji ogwu ijija ìgọgọọk eji isi, ke eji kpebekọt ire ere owu okupbe ire ngwan̄ kiji ogwu ijija ìkagọọk eji ìje.
27“Nte kiji, ogwu usun̄ kwun̄, onenitumu inyi eji ibe ke eji mîriọọn̄ ibe ke nwa kan̄ ìman ibot bọn ebirieen̄ iba gaalek inyi ọmọ, 28ke ene ge me lek înan̄a itele ọmọ. Akat keya ke ọmọ ìkayaka ìmun̄ ogwugwu, ke ìkpolọlọ anam ochim ikpan̄. 29Ire eji iyaka inimọnọ ogwu òsisik yi isan̄a me agba lek kan̄, mè ire ikaan̄ inu òrọrọ gwun̄ ya me lek, ke eji mêrọ inyi ọmọ isa isọọn̄ ibot kan̄ ifieek ejit ikwu ifo ama ekwukwu.
30“Mgbọ keyi, ugwem kè nte kiji, ogwu usun̄ kwun̄, ìkup me lek gwun̄ yi. Eya orọ, ire eji ifo isi imun̄ nte kiji, mè ire gwun̄ yi ìkakup melek kiji, 31mè nte kiji imun̄ ibe ke gwun̄ yi ìkagọọk eji ìka, nte kiji môkwu. Sa me ikeya, eji ebi usun̄ kwun̄ mêrọ inyi nte kiji isa isọọn̄ ibot kan̄ ifieek ejit ikwu ifo ama ekwukwu. 32Sabum eji enikọt inu, îre emi ogwu usun̄ kwun̄ nsa ugwem n̄a ichieek use inyi nte n̄a me ibot gwun̄ yi, ibe ire ǹkasa gwun̄ yi ìkaan̄ me ubọk ìka ìjet nte n̄a, mè eje gwun̄ yi itoon̄ emi me ibot ire mgbọ geelek.
33“Eya orọ, mgbọ keyi, soso, ogwu nte, emi ogwu usun̄ kwun̄ mâbia me ere keyi me useen̄ gwun̄ ya, mè ikana usun̄ inyi owu, mè gwun̄ yi igọọk ebi ngwan̄ ifo. 34Ìre emi m̀bajeje ikọt igwu ikom ifo, ire gwun̄ yi ìkagọọk emi ìje? In̄-in̄, emi m̀kpakọt isa chieen̄ imun̄ ojelek ufieejit ile òkup ikeyi okikeme nte n̄a.”
Currently Selected:
Ibeb 44: Obolo
Highlight
Share
Copy
Want to have your highlights saved across all your devices? Sign up or sign in
© 2012, The Nigeria Bible Translation Trust and Wycliffe Bible Translators, Inc. All rights reserved.
New Testament originally published by International Bible Society 1991.
Ibeb 44
44
Ekpen̄ kè Josefu me emen akpa kè Benjamin
1Josefu oneninyi ogwu ibot ikwaan̄ uwu kan̄ ida ibe, “Tap inorie jot akpa otutuuk ebirieen̄ cha, ike geelek ema ebekọt ibeme, mè yaka ikpoko kiban̄ tap me otu akpa kiban̄ me ge me ge. 2Ben ekpen̄ n̄a, eyi alata okuket ya, tap me otu akpa ogwu ijija ya gbaalek ikpoko îsabe ikpe ewe inorie îlepbe.” Ogwu enerieen̄ ya orọrọ ubọk Josefu otumube.
3Me ofit iwele kan̄, me okpatu ewelegwe, enenitutuun̄ ebi ngwan̄ kè Josefu cha mè inyinya akpan kiban̄ itap me oniin̄. Ema ebebene ikije ifo. 4Ema inanan̄a isibi me emen ama ya, kpejeje ijọn̄ọ ere, Josefu otutumu inyi ogwu ibot ikwaan̄ kan̄ ibe, “Libi gọọk ife cha me oniin̄. Osilibi isoon̄, do ema ibe mè ìre keke orọ ebibi esabe ijo inu ikpe ewe ata inu? 5Mè ìre keke orọ mè ema echiin̄ ekpen̄ nte uwu kwun̄ okisa inwọ miin̄, mè ikisa itet ǹcha? Tumu nyi ibe ke inu yi ema erọbe îfieek lek enenen.”
6Ogwu ibot ikwaan̄ ya olilibi igọọk ife cha, mè isoon̄ ema me oniin̄, mè itumu ikọ nte uwu kan̄ otumube cha inyi ife cha. 7Ife cha efọfọọk ibe, “Iyak ogwu nte, ìre keke orọ mè owu òtumu ojelek ikọ òkup ikeyi? Lei! Eji ebi usun̄ kwun̄ kpebekọt irọ ojelek inu òkup ikeya. 8Kpọ, ikpoko eji emun̄be me otu akpa kiji me adasi mgbọ eji enube, eji mîsa ikaan̄ me ubọk inan̄a me ido Kenan ijet enyi. Ìre keke môrọ inyi eji eyaka enechiin̄ alata okuket mè ìre alata araran̄ me uwu kè nte uwu kwun̄? 9Ogwu geelek oweekbe ekpen̄ yi imun̄ me ubọk, ebekpakpan̄, mè ebi ìsisik ekana usun̄ enyi nte uwu kwun̄.”
10Ogwu ibot ikwaan̄ ya obebe, “Înwọn ma, emi nchieek ubọk enyi etumube. Ire, ogwu geelek mêweekbe ekpen̄ ya imun̄ me ubọk môkana usun̄ inyi emi. Ebi ìsisik mêfon me utelelek, mije, ema kperọ inu geege ilọ.” 11Otutuuk kiban̄ ebeben akpa kiban̄ iyik me ijọn̄ me ene me ene, mè ikitọn̄ọ otu. 12Ogwu ibot ikwaan̄ ya okekichili akpa cha ikiweek me ntuun̄ me ntuun̄, ibene me lek eyi ogwu adasi isi ire lek eyi ogwu mgburudun̄, mè iniweek ekpen̄ ya imun̄ me otu akpa kè Benjamin. 13Otutuuk kiban̄ esasa me ufieejit itaba ofọnti òkup me lek kiban̄ igwak isan̄a, mè ikpulu akpa inorie kiban̄ itoon̄ me inyọn̄ inyinya akpan kiban̄, mè igwu ikom ika inu Ijipiti.
14Juda mè ebi ngwan̄ enenire uwu kè Josefu, mè inimun̄ Josefu me uwu. Ema enanan̄a irọn̄ me ijọn̄ me isi kan̄. 15Josefu ododo ema ibe, “Ìre kpasi inu ke enyi erọ ikeyi? Ìre enyi kperiọọn̄ ibe ke ene òkup kire emi mâkọt itet ǹcha, mè iweek inu geelek isibi?”
16Juda ofọfọọk ibe, “Ogwu nte, ìre keke ke eji ebeyaka itumu? Kpunu ikọ geege eji ebekọt itumu isa inyan̄a lek kiji. Ìre eji ebejeje ijeen̄ ibe ke ubọk kiji îtana? Awaji îkpọk mbum ijo inu eji erọbe. Mgbọ keyi, eji otutuuk ìre ebi usun̄ kwun̄, eji melek ogwu eweekbe ekpen̄ ya imun̄ me ubọk.”
17Josefu obebe, “Lei! Emi m̀kpakọt irọ ojelek inu òkup ikeya. Ogwu emun̄be ekpen̄ ya me ubọk gaalek obokana usun̄ inyi emi. Enyi ebi ìsisik, ìfon ìgọọk nte kinyi me esuuk.”
Juda îbeek mbeek me ibot kè Benjamin
18Juda ojeje iriaak me lek kè Josefu, mè itumu inyi ibe, “Soso ogwu nte, nye lek gban̄ utọn̄ me lek ikọ mbatumu. Kanaan̄ ejit ìnyi emi ogwu usun̄ kwun̄. Emi nriọọn̄ ibe ke owu òkup kubọk ogwu Fero. 19Ogwu nte, îre owu odo eji ebi usun̄ kwun̄ me adasi mgbọ eji enube ibe mè ìre nte kiji òwa me ugwem? Mè ìre eji mîkaan̄ ofifi ngwan̄ enerieen̄? 20Eji efọfọọk owu ibe ke nte kiji òwa me ugwem, ke ogwugwu îkan enenen, ke eji mîkaan̄ ngwan̄ enerieen̄ ijija ge ogwu nte kiji obonbe me ukan, ke ogwu ngwan̄ ogwu ọmọ melek kan̄ erebe uga ge îkwu, ke ọmọ gaalek oyaka inisik, ke nte kiji îma ọmọ enenen.
21“Owu onenibe mè eji ebi usun̄ kwun̄ esa gwun̄ yi enu, inyi owu òrieen̄ chieen̄ me lek. 22Eji enenifọọk owu ibe ke gwun̄ ya ìkpokọt itele ogwu ute, mije, ire itele, ke ogwu ute môkwu. 23Ire, owu otutumu ibe ire eji kpesa ngwan̄ kiji yi inu, ke owu òkponyi eji isi. 24Mgbọ eji erebe uwu, eji ebeben otutuuk ikọ owu otumube ikpa inyi nte kiji.
25“Sọnja mgbọ iraraka, nte kiji onenibe eji egwu ekom esi Ijipiti esi elep sọntiik inorie. 26Eji etutumu inyi nte kiji ibe ke eji kpebekọt isi, îtata mè ngwan̄ kiji ogwu ijija ìgọgọọk eji isi, ke eji kpebekọt ire ere owu okupbe ire ngwan̄ kiji ogwu ijija ìkagọọk eji ìje.
27“Nte kiji, ogwu usun̄ kwun̄, onenitumu inyi eji ibe ke eji mîriọọn̄ ibe ke nwa kan̄ ìman ibot bọn ebirieen̄ iba gaalek inyi ọmọ, 28ke ene ge me lek înan̄a itele ọmọ. Akat keya ke ọmọ ìkayaka ìmun̄ ogwugwu, ke ìkpolọlọ anam ochim ikpan̄. 29Ire eji iyaka inimọnọ ogwu òsisik yi isan̄a me agba lek kan̄, mè ire ikaan̄ inu òrọrọ gwun̄ ya me lek, ke eji mêrọ inyi ọmọ isa isọọn̄ ibot kan̄ ifieek ejit ikwu ifo ama ekwukwu.
30“Mgbọ keyi, ugwem kè nte kiji, ogwu usun̄ kwun̄, ìkup me lek gwun̄ yi. Eya orọ, ire eji ifo isi imun̄ nte kiji, mè ire gwun̄ yi ìkakup melek kiji, 31mè nte kiji imun̄ ibe ke gwun̄ yi ìkagọọk eji ìka, nte kiji môkwu. Sa me ikeya, eji ebi usun̄ kwun̄ mêrọ inyi nte kiji isa isọọn̄ ibot kan̄ ifieek ejit ikwu ifo ama ekwukwu. 32Sabum eji enikọt inu, îre emi ogwu usun̄ kwun̄ nsa ugwem n̄a ichieek use inyi nte n̄a me ibot gwun̄ yi, ibe ire ǹkasa gwun̄ yi ìkaan̄ me ubọk ìka ìjet nte n̄a, mè eje gwun̄ yi itoon̄ emi me ibot ire mgbọ geelek.
33“Eya orọ, mgbọ keyi, soso, ogwu nte, emi ogwu usun̄ kwun̄ mâbia me ere keyi me useen̄ gwun̄ ya, mè ikana usun̄ inyi owu, mè gwun̄ yi igọọk ebi ngwan̄ ifo. 34Ìre emi m̀bajeje ikọt igwu ikom ifo, ire gwun̄ yi ìkagọọk emi ìje? In̄-in̄, emi m̀kpakọt isa chieen̄ imun̄ ojelek ufieejit ile òkup ikeyi okikeme nte n̄a.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, The Nigeria Bible Translation Trust and Wycliffe Bible Translators, Inc. All rights reserved.
New Testament originally published by International Bible Society 1991.