SURA’ KATOMINAAN 12
12
Atoran diona baine la umpamasero kalena ke mangkami kianak
12:1-8
1Ma’kadami tu PUANG lako Musa Nakua:
2Ma’kadako lako to Israel mukua: Iake kianakki tu misa’ baine, anna dadian pia muane, la maruttak ia pitung allo; susi ke attu nakasunni rara la maruttak.
3Ianna allo ma’pengkaruamo la disunna’moto tu kuli’ salepe’ kasirisanna pia iato.
4Iatu baine iato la torropa tallungpulontallu allona lan a’gan rara kadipamaseroanna; moi misa’ tu maserona tae’ nama’din ungkaka’i sia tae’ nama’din tama inan maindan sae lako ganna’na tu mintu’ allo kadipamaseroanna.
5Apa iake undadianni pia baine, duang minggu la nanii maruttak, susi ke attunna nakasunni rara; la torropa annan pulona nnannan allona lan a’gan rara kadipamaseroanna.
6Iake ganna’mi tu mintu’ allo kadipamaseroanna, belanna pia muane ba’tu pia baine la nabaa tu misa’ anak domba sangtaunmo la dipopemala’ ditunu pu’pu’ sia misa’ anak dangan-dangan ba’tu bu’ku’ diposuru’ pengkalossoran, lako to’ ba’ba Tenda Kasitammuan, lako to minaa.
7Anna to minaa umpemalaranni dio oloNa PUANG sia umpadenanni kadiseroian kasalan; anna mane masero dio mai nakasunninna rara tonna kianak. Iamote tu atoran lako to undadian pia muane ba’tu pia baine.
8Apa iake tang nalambi’i peallinna tu misa’ anak domba, la naala tu da’dua bu’ku ba’tu da’dua anak dangan-dangan: misa’ dipopemala’ ditunu pu’pu’ sia misa’ diposuru’ pengkalossoran, anna to minaa la umpadenanni kadiseroian kasalan, namane masero.
Currently Selected:
SURA’ KATOMINAAN 12: SDA
Highlight
Share
Copy
Want to have your highlights saved across all your devices? Sign up or sign in
Sura' Madatu, Toraja Bible 2009® © Indonesian Bible Society – Lembaga Alkitab Indonesia, 2009
SURA’ KATOMINAAN 12
12
Atoran diona baine la umpamasero kalena ke mangkami kianak
12:1-8
1Ma’kadami tu PUANG lako Musa Nakua:
2Ma’kadako lako to Israel mukua: Iake kianakki tu misa’ baine, anna dadian pia muane, la maruttak ia pitung allo; susi ke attu nakasunni rara la maruttak.
3Ianna allo ma’pengkaruamo la disunna’moto tu kuli’ salepe’ kasirisanna pia iato.
4Iatu baine iato la torropa tallungpulontallu allona lan a’gan rara kadipamaseroanna; moi misa’ tu maserona tae’ nama’din ungkaka’i sia tae’ nama’din tama inan maindan sae lako ganna’na tu mintu’ allo kadipamaseroanna.
5Apa iake undadianni pia baine, duang minggu la nanii maruttak, susi ke attunna nakasunni rara; la torropa annan pulona nnannan allona lan a’gan rara kadipamaseroanna.
6Iake ganna’mi tu mintu’ allo kadipamaseroanna, belanna pia muane ba’tu pia baine la nabaa tu misa’ anak domba sangtaunmo la dipopemala’ ditunu pu’pu’ sia misa’ anak dangan-dangan ba’tu bu’ku’ diposuru’ pengkalossoran, lako to’ ba’ba Tenda Kasitammuan, lako to minaa.
7Anna to minaa umpemalaranni dio oloNa PUANG sia umpadenanni kadiseroian kasalan; anna mane masero dio mai nakasunninna rara tonna kianak. Iamote tu atoran lako to undadian pia muane ba’tu pia baine.
8Apa iake tang nalambi’i peallinna tu misa’ anak domba, la naala tu da’dua bu’ku ba’tu da’dua anak dangan-dangan: misa’ dipopemala’ ditunu pu’pu’ sia misa’ diposuru’ pengkalossoran, anna to minaa la umpadenanni kadiseroian kasalan, namane masero.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sura' Madatu, Toraja Bible 2009® © Indonesian Bible Society – Lembaga Alkitab Indonesia, 2009