Jọnu 16
16
1“Mu kfushikotaru unu okfu lile-e-ya nke ọwhu l'eete eme t'unu shiswee ụzo. 2Ndu Ju l'e-kefukwa unu l'oke t'unu ba abatajẹhe ụlo-ndzuko whẹ. ?Unu nụwaru iya? Mbọku l'abyaakwaa nteke bụ onye gbujeru unu, ya arịnu l'ọo Chileke bẹ ya l'ejeru ozhi. 3Iwhe whẹ l'e-kwobe eme iwhe dụ nno bụ lẹ whẹ ta amadụ Nna, whẹ ta ama mụbe Jisọsu. 4Mu tụkookwa iwhe ono kfukotaru unu nke ọwhu bụ: o -rwukwanua nteke whẹ l'e-me iwhe ono, unu anyatajẹ lẹ mu kfuhawaru unu okfu ẹhu whẹ. Mu te ekfuhaakwaaru unu iwhe-e lẹ mbụlembu, iwhe meru iya nụ bụru lẹ mu shi nọdukwadu swiru unu.
Ozhi, Ume-Dụ-Nsọ l'ejeje
5“Ntaa bẹ mu l'alakfuwaa onye ono, bụ iya zhiru mu tẹ mu bya ono. Ọle, mbẹ ọ tọ dụdu g'unu ha onye jịjeru mu ẹka ọbu, mu l'ala. 6O gbee bụru unu iwhe áwhụ, l'ọo lẹ mu tụkoru iwhe lile-e ekfuru unu. 7Ọle g'ọ dụlee, tẹ mu mekwaa ya t'o doo unu ẹnya, o gbechikwaa karụ unu ree tẹ mu laa. Ọ -bụru lẹ mu ta aladụ bẹ Onye-Ọgbata ono l'ẹte alwakfutakwa unu. Ọle ọo nteke mu larwuleruwho; mu ezhi iya t'ọ lwakfuta unu. 8Nteke ọ byalẹruwho bẹ l'oo-goshi ndiwhe l'ọ tọ bụdu iwhe whẹ l'arị l'ego l'iwhe-dụ-ẹji bụ, b'ọ bụ, goshikwa whẹ whọ l'ọ tọ bụdu iwhe whẹ rịru l'ọo ya bụ ọdu chịriri bẹ bụ iya nụ, goshi whẹ l'ọ tọ dụ iwhe whẹ rịru l'ọo ikpe Chileke bẹ bụ iya nụ. O noo gẹ l'oogude goshi whẹ l'ikpe nmarụ whẹ ndono. 9Oo-goshi l'anọno ono, whẹ l'ẹte anọo l'ẹka mụbe Jisọsu bẹ bụ iwhe-dụ-ẹji, whẹ l'eme iya. 10Oo-goshikwa whẹ whọ iwhe bụ ọdu chịriri nke Chileke, o noo l'ọo lẹ mu dụ chịriri meru mu l'alakfu Nna, unu ta abyahẹ l'a-whụ mu ọdo, 11goshikwa whẹ whọ iwhe ikpe nke Chileke bụ nkele onye ono, l'achị mgboko b'e kpewaru ikpe.
12“Okfu, mu gege ekfuru unu hakwadụro l'igweligwe, ọ kwa lẹ mu kfushigee ya bẹ l'ọo-panụkaru unu l'igwe nke ntaa. 13Nteke Ume-Dụ-Nsọ ono bụ iya bụ Ume ire-lanụ byalẹruwho, ya atụko-gewaro iwhe bụ ire-lanụ g'ọ ha kpozhikotaru unu ụzo iya, o noo l'ọ tọ dụ ike nke ẹka iya bẹ l'oo-gude ekfu. Ọlewho iwhe ọ nụru lẹ nchị iya bẹ l'oo-kfuje, ya ekfukwaaruwho unu iwhe l'e-me lẹ mgbe l'iwhu. 14Ọo Ume-Dụ-Nsọ ono l'e-goshi unu ọdu-biribiri nke mụbe Jisọsu, o noo l'oo-wota iwhe ọwhu ọ nụru mu l'ọnu bya akọoru unu. 15Iwhe bụ iwhe nke Nna bụkota nke mụbe Jisọsu. Ọo ya meru mu sụ l'oo-wota iwhe ọ nụru mụbe Jisọsu l'ọnu bya akọoru unu.
Ndu ryarụ ẹkwa l'a-chịkwaa ọchi
16“O wuduwarua nwanshị, unu eje awhụhe mu, a -nọkwaa nwanshị, unu awhụa mu ọdo.”
17O kfugelewho nno, ndu l'etso ụzo iya harụ jịde ibe whẹ sụ: “?Ọo ẹgube iwhe gụnu bẹ l'ookfuru anyi ẹgube-ẹ? Ọ sụ lẹ: ‘O wuduwarua nwanshị, unu eje awhụhe mu, a -nọkwa nwanshị, a whụkwaa mu ọdo.’ Sụkwawho: ‘Mu l'alakfuakwa Nna.’ ” 18Whẹ sụ: “?O zhia ole bụ nke l'o wuduru nwanshị? Anyi ta amakwa iwhe l'ookfu ekfu ishi.”
19Jisọsu marụ lẹ whẹ bya l'ajị iya ajị. Ọo ya bụ, ọ sụ whẹ: “?Unu l'ajị onwunu nke iwhe-e mu shi kfua sụ: ‘O wuduwarua nwanshị, unu eje awhụhe mu, a nọkwaa nwanshị, unu awhụkwaa mu ọdo’? 20Iwhe mu l'eme tẹ mu karụ unu bụ l'unu l'arya ẹkwa gụa áwhụ, ọle ọwhube ndiwhe bẹ ẹhu l'a-nọ atsọ ụtso. Unu l'a-nọkwa atsụ ude l'ime obu, ọle ude ono l'e-megekwaa gbanwee, unu anwụa ọnu-ọchi. 21Ọo nteke ime l'eme nwanyị bẹ l'ọobuje iwhe-ọtsulanu swiru iya nkele iwhe nkumẹhu nkiya rwuwaru. Ọle ọobuje, nwanyị ono zedalewho, ya anyazọshia iwhe-ọtsulanu ono, shi swiru iya nụ. Ẹhu atsọlahaa ya ụtso lẹ ya doberu akọ l'eli-mgboko-o. 22O nokwawho g'ọ dụ l'ẹhu unu ndono. Ntaa bẹ unu l'a-nọ atsụ ude, ọle ujiku lanụ bẹ mu l'unu l'a-whụkwaa ọdo, nteke ono bẹ unu l'a-nwụ ọnu-ọchi. Ọ tọ dụhedu onye l'anafụbaa unu ẹhu-ụtso unu ono nteke ono.
23“O -rwulewho nteke ono bẹ l'ọo tọ dụheduwaro iwhe unu bya l'ajị mu. Iwhe mu l'eme t'o doo unu ẹnya bụ lẹ-a: iwhe bụ iwhe unu shi mu l'ẹka sụ tẹ Nna nụ unu bẹ l'ọo-nụkota unu. 24Mbụ-a, ọ tọko dụbukwaa iwhe unu shije mu l'ẹka sụ t'a nụ unu byeye ntaa. Unu kfujeru Chileke t'ọ nụ unu iwhe mkpa iya dụ unu, ọo-nụ iya unu. Ọ kwanụ iya bụ nke ọwhu ẹhu l'a-tsọ unu ụtso tsọfu iya unu l'ishi.
Jisọsu mewaru mgboko-o eriri
25“Mu gudeekwaa ẹtu ẹtu kfuru unu iwhe-e. Mbọku l'abyakwaa nteke mu l'ẹte anmahẹru unu ẹtu ẹtu, mbụ mu ekfujeeru unu nke Nna ono kfujaa ya ekfuja. 26O rwulewho nteke ono bẹ unu l'eshi mu l'ẹka sụ tẹ Nna nụ unu iwhe mkpa iya dụ unu, ọle mu ta asụkwa unu lẹ mu l'e-kwobe iswi ẹhu unu je ekfuru yeru iya. 27O noo lẹ Nna l'onwiya yeru unu obu nkele unu yeru mụbe Jisọsu obu, kweta lẹ mu shi l'ẹka Chileke nọ bya. 28Ọo ẹka Nna nọ bẹ mu shi fụta byatashia l'eli-mgboko-o, mbụ mu l'alụfuakwaa lẹ mgboko-o alakfu Nna.”
29Ọo ya bụ, ndu l'etso ụzo iya sụ: “Aa-oo! Lenu lẹ ntaa b'ị tụkowaru iwhe lile tụjashiaru anyi. Ị tị nmahẹdu iya l'ẹtu l'ẹtu. 30Ntaa bẹ anyi marụ l'ị makọtaru iwhe lile. Ọ tọ gbahẹdu nke tọ dụ onye l'a-bya ajịde ghu ajị. Iwhe ọwa mewaru anyi kweta l'i shia l'ẹka Chileke nọ bya.”
31Jisọsu sụ whẹ: “?Unu kwetawaru ntaa? 32Mbọku l'agbabeekwa, mbụ ọ gbee rwuwanu erwu nteke l'aa-chịkashi unu nnanụ nnanụ, onyenọnu agbarụ ala ibe iya, unu atụko haa mu. Mu ekeru nwẹkinyi mu, ọle mu te ekekwaru nkụnyi mu, o noo lẹ Nna kfụkwaru-a swiru mu. 33Mu kfuwaru unu iwhe-e nke ọwhu ẹhu l'a-dụ unu guu mẹ mu l'unu tụgba bụru nnanụ. Ọlewho áwhụ bụ iwhe l'atsụru unu l'ọnu lẹ mgboko-o, ọle t'unu nwekwaru iya obu. Mu meekwaru mgboko eriri, tụru okoo kpua ya!”
Currently Selected:
Jọnu 16: Ezaa
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Abakaliki Literacy and Translation Trust
Jọnu 16
16
1“Mu kfushikotaru unu okfu lile-e-ya nke ọwhu l'eete eme t'unu shiswee ụzo. 2Ndu Ju l'e-kefukwa unu l'oke t'unu ba abatajẹhe ụlo-ndzuko whẹ. ?Unu nụwaru iya? Mbọku l'abyaakwaa nteke bụ onye gbujeru unu, ya arịnu l'ọo Chileke bẹ ya l'ejeru ozhi. 3Iwhe whẹ l'e-kwobe eme iwhe dụ nno bụ lẹ whẹ ta amadụ Nna, whẹ ta ama mụbe Jisọsu. 4Mu tụkookwa iwhe ono kfukotaru unu nke ọwhu bụ: o -rwukwanua nteke whẹ l'e-me iwhe ono, unu anyatajẹ lẹ mu kfuhawaru unu okfu ẹhu whẹ. Mu te ekfuhaakwaaru unu iwhe-e lẹ mbụlembu, iwhe meru iya nụ bụru lẹ mu shi nọdukwadu swiru unu.
Ozhi, Ume-Dụ-Nsọ l'ejeje
5“Ntaa bẹ mu l'alakfuwaa onye ono, bụ iya zhiru mu tẹ mu bya ono. Ọle, mbẹ ọ tọ dụdu g'unu ha onye jịjeru mu ẹka ọbu, mu l'ala. 6O gbee bụru unu iwhe áwhụ, l'ọo lẹ mu tụkoru iwhe lile-e ekfuru unu. 7Ọle g'ọ dụlee, tẹ mu mekwaa ya t'o doo unu ẹnya, o gbechikwaa karụ unu ree tẹ mu laa. Ọ -bụru lẹ mu ta aladụ bẹ Onye-Ọgbata ono l'ẹte alwakfutakwa unu. Ọle ọo nteke mu larwuleruwho; mu ezhi iya t'ọ lwakfuta unu. 8Nteke ọ byalẹruwho bẹ l'oo-goshi ndiwhe l'ọ tọ bụdu iwhe whẹ l'arị l'ego l'iwhe-dụ-ẹji bụ, b'ọ bụ, goshikwa whẹ whọ l'ọ tọ bụdu iwhe whẹ rịru l'ọo ya bụ ọdu chịriri bẹ bụ iya nụ, goshi whẹ l'ọ tọ dụ iwhe whẹ rịru l'ọo ikpe Chileke bẹ bụ iya nụ. O noo gẹ l'oogude goshi whẹ l'ikpe nmarụ whẹ ndono. 9Oo-goshi l'anọno ono, whẹ l'ẹte anọo l'ẹka mụbe Jisọsu bẹ bụ iwhe-dụ-ẹji, whẹ l'eme iya. 10Oo-goshikwa whẹ whọ iwhe bụ ọdu chịriri nke Chileke, o noo l'ọo lẹ mu dụ chịriri meru mu l'alakfu Nna, unu ta abyahẹ l'a-whụ mu ọdo, 11goshikwa whẹ whọ iwhe ikpe nke Chileke bụ nkele onye ono, l'achị mgboko b'e kpewaru ikpe.
12“Okfu, mu gege ekfuru unu hakwadụro l'igweligwe, ọ kwa lẹ mu kfushigee ya bẹ l'ọo-panụkaru unu l'igwe nke ntaa. 13Nteke Ume-Dụ-Nsọ ono bụ iya bụ Ume ire-lanụ byalẹruwho, ya atụko-gewaro iwhe bụ ire-lanụ g'ọ ha kpozhikotaru unu ụzo iya, o noo l'ọ tọ dụ ike nke ẹka iya bẹ l'oo-gude ekfu. Ọlewho iwhe ọ nụru lẹ nchị iya bẹ l'oo-kfuje, ya ekfukwaaruwho unu iwhe l'e-me lẹ mgbe l'iwhu. 14Ọo Ume-Dụ-Nsọ ono l'e-goshi unu ọdu-biribiri nke mụbe Jisọsu, o noo l'oo-wota iwhe ọwhu ọ nụru mu l'ọnu bya akọoru unu. 15Iwhe bụ iwhe nke Nna bụkota nke mụbe Jisọsu. Ọo ya meru mu sụ l'oo-wota iwhe ọ nụru mụbe Jisọsu l'ọnu bya akọoru unu.
Ndu ryarụ ẹkwa l'a-chịkwaa ọchi
16“O wuduwarua nwanshị, unu eje awhụhe mu, a -nọkwaa nwanshị, unu awhụa mu ọdo.”
17O kfugelewho nno, ndu l'etso ụzo iya harụ jịde ibe whẹ sụ: “?Ọo ẹgube iwhe gụnu bẹ l'ookfuru anyi ẹgube-ẹ? Ọ sụ lẹ: ‘O wuduwarua nwanshị, unu eje awhụhe mu, a -nọkwa nwanshị, a whụkwaa mu ọdo.’ Sụkwawho: ‘Mu l'alakfuakwa Nna.’ ” 18Whẹ sụ: “?O zhia ole bụ nke l'o wuduru nwanshị? Anyi ta amakwa iwhe l'ookfu ekfu ishi.”
19Jisọsu marụ lẹ whẹ bya l'ajị iya ajị. Ọo ya bụ, ọ sụ whẹ: “?Unu l'ajị onwunu nke iwhe-e mu shi kfua sụ: ‘O wuduwarua nwanshị, unu eje awhụhe mu, a nọkwaa nwanshị, unu awhụkwaa mu ọdo’? 20Iwhe mu l'eme tẹ mu karụ unu bụ l'unu l'arya ẹkwa gụa áwhụ, ọle ọwhube ndiwhe bẹ ẹhu l'a-nọ atsọ ụtso. Unu l'a-nọkwa atsụ ude l'ime obu, ọle ude ono l'e-megekwaa gbanwee, unu anwụa ọnu-ọchi. 21Ọo nteke ime l'eme nwanyị bẹ l'ọobuje iwhe-ọtsulanu swiru iya nkele iwhe nkumẹhu nkiya rwuwaru. Ọle ọobuje, nwanyị ono zedalewho, ya anyazọshia iwhe-ọtsulanu ono, shi swiru iya nụ. Ẹhu atsọlahaa ya ụtso lẹ ya doberu akọ l'eli-mgboko-o. 22O nokwawho g'ọ dụ l'ẹhu unu ndono. Ntaa bẹ unu l'a-nọ atsụ ude, ọle ujiku lanụ bẹ mu l'unu l'a-whụkwaa ọdo, nteke ono bẹ unu l'a-nwụ ọnu-ọchi. Ọ tọ dụhedu onye l'anafụbaa unu ẹhu-ụtso unu ono nteke ono.
23“O -rwulewho nteke ono bẹ l'ọo tọ dụheduwaro iwhe unu bya l'ajị mu. Iwhe mu l'eme t'o doo unu ẹnya bụ lẹ-a: iwhe bụ iwhe unu shi mu l'ẹka sụ tẹ Nna nụ unu bẹ l'ọo-nụkota unu. 24Mbụ-a, ọ tọko dụbukwaa iwhe unu shije mu l'ẹka sụ t'a nụ unu byeye ntaa. Unu kfujeru Chileke t'ọ nụ unu iwhe mkpa iya dụ unu, ọo-nụ iya unu. Ọ kwanụ iya bụ nke ọwhu ẹhu l'a-tsọ unu ụtso tsọfu iya unu l'ishi.
Jisọsu mewaru mgboko-o eriri
25“Mu gudeekwaa ẹtu ẹtu kfuru unu iwhe-e. Mbọku l'abyakwaa nteke mu l'ẹte anmahẹru unu ẹtu ẹtu, mbụ mu ekfujeeru unu nke Nna ono kfujaa ya ekfuja. 26O rwulewho nteke ono bẹ unu l'eshi mu l'ẹka sụ tẹ Nna nụ unu iwhe mkpa iya dụ unu, ọle mu ta asụkwa unu lẹ mu l'e-kwobe iswi ẹhu unu je ekfuru yeru iya. 27O noo lẹ Nna l'onwiya yeru unu obu nkele unu yeru mụbe Jisọsu obu, kweta lẹ mu shi l'ẹka Chileke nọ bya. 28Ọo ẹka Nna nọ bẹ mu shi fụta byatashia l'eli-mgboko-o, mbụ mu l'alụfuakwaa lẹ mgboko-o alakfu Nna.”
29Ọo ya bụ, ndu l'etso ụzo iya sụ: “Aa-oo! Lenu lẹ ntaa b'ị tụkowaru iwhe lile tụjashiaru anyi. Ị tị nmahẹdu iya l'ẹtu l'ẹtu. 30Ntaa bẹ anyi marụ l'ị makọtaru iwhe lile. Ọ tọ gbahẹdu nke tọ dụ onye l'a-bya ajịde ghu ajị. Iwhe ọwa mewaru anyi kweta l'i shia l'ẹka Chileke nọ bya.”
31Jisọsu sụ whẹ: “?Unu kwetawaru ntaa? 32Mbọku l'agbabeekwa, mbụ ọ gbee rwuwanu erwu nteke l'aa-chịkashi unu nnanụ nnanụ, onyenọnu agbarụ ala ibe iya, unu atụko haa mu. Mu ekeru nwẹkinyi mu, ọle mu te ekekwaru nkụnyi mu, o noo lẹ Nna kfụkwaru-a swiru mu. 33Mu kfuwaru unu iwhe-e nke ọwhu ẹhu l'a-dụ unu guu mẹ mu l'unu tụgba bụru nnanụ. Ọlewho áwhụ bụ iwhe l'atsụru unu l'ọnu lẹ mgboko-o, ọle t'unu nwekwaru iya obu. Mu meekwaru mgboko eriri, tụru okoo kpua ya!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Abakaliki Literacy and Translation Trust