Luku 2
2
Anwụnwu Jisọsu
(Mát. 1:18-25)
1Ọ bụru nteke ono bẹ ishi ọ-chị-ọha bụ Siza Ọgósutosu tụru iwu sụ t'e deshia ẹwha madzụ kpamụ kpamụ l'ẹkwo, mbụ iwhe bụ-zhia onye bu lẹ mba gẹ mba ha dụkota l'alị-eze iya. 2O noo ọgu mbụlembu, e vugezhia ụzo gụa. Nteke a gụru ọgu ono bẹ bụ Kwịríniyosu bụ ọ-chị-ọha ndu Siriya. 3Ọo ya bụ l'onyenọnu alashigee ẹka a nwụru iya, jeshia t'e dee ẹwha iya l'ẹkwo.
4Jósẹfu shikwawho lẹ Názaretu, dụ l'alị Gálili lashia Bẹ́tulehemu dụ l'alị Judíya, bụ obodo Dévidi, nkele Jósẹfu bẹ shi l'ẹnya ikfu Dévidi, bụkwaruwho onye uwhu ono gẹdegede. 5Jósẹfu yẹle nwanyị ono, e kwehawaru l'ọolu ono, bụ Méri lịru jeshia t'e dee ẹwha whẹ. Nteke ono bẹ Méri dụwaa ime. 6Ọ bụru nteke Méri whẹ nọ lẹ Bẹ́tulehemu b'ọ gbaberu iya l'ezeda. 7Ọ bya ezeda nwụa nwata nwoke bụ iya bụ ọkpara iya. Ọ bya ewota nwa mpete ẹkwa gude whukpua ya, kuru iya nyebe l'iwhe l'eeyejeru élwù nri nkele ọ tọ dụdu ẹka whẹ whụru ụzo nọdu l'ụlo-ndụ-ije.
Ojozhi-imigwe l'ezhi ndu l'eche atụru ozhi-ọma
8L'ẹka ono b'o nweru ndu l'eche atụru, nọ l'ẹgbudu eche igwe atụru whẹ l'ẹnyashi ono. 9Ojozhi-imigwe ono, shi l'ẹka Onye-Nwe-Ọha see whẹ l'iwhu; o-gbu-zaazaa nke Onye-Nwe-Ọha nwuwhe whẹ mgburumgburu. Whẹ tsụlahaa egvu. 10Ojozhi-imigwe ono sụ whẹ: “Unu ba atsụshi egvu! Unu ngabẹ nchị, mu byarụ tẹ mu bya ezhia unu ozhi-ọma, l'eme t'ẹhu tsọo ndiwhe l'owhu ụtso shinene. 11O noo l'ọo ntanụ-a b'a nwụru unu Onye Ndzọta l'obodo Dévidi, bụ iya bụ Kuráyisutu ọbu, bụ Onye-Nwe-Ọha. 12Ọ waa iwhe unu l'e-gude marụ ndọwa: Unu l'a-whụ nwata, a whukpuru nwa mpete ẹkwa, nyebe l'iwhe l'eeyejeru élwù nri.”
13A bya l'eledeshia ẹnya, igweligwe ojozhi-imigwe wukfuta ojozhi-imigwe ono, whẹ tụko aja Chileke ajaja asụje:
14“Chileke ono, nọ l'imigwe
gbarụ t'a kwabẹ iya ugvu.
Amadụ, nọ l'alị, bụ ndu kweru
l'o yeru whẹ obu bẹ ẹhu l'a-dụ guu.”
15Ndu Ojozhi-imigwe ono wụfulewho l'ẹka whẹ nọ,
wụba l'imigwe, ndu nche atụru ono kfulahaa sụ:
“T'anyi jezhiadaa Bẹ́tulehemu je awhụ iwhe ọbu meru nụ,
Onye-Nwe-Ọha meru t'anyi marụ.”
16Whẹ gude ntụtu-ọso jeshia. Whẹ rwua, whẹ whụa Méri yẹle Jósẹfu, whụkwaawho nwata ọbu, e nyeberu l'iwhe ọbu l'eeyejeru élwù nri. 17Whẹ whụ-gele iya whọ, whẹ bya ewota iwhe ono, e kfuru l'okfu ẹhu nwata ono bya akọoru ndu nọ l'ẹka ono. 18Ọ tụfukota iwhe bụ ndu nụru iya nụ ẹhu, mbụ iwhe ono ndu l'eche atụru kfuru. 19Méri tụko-gezhia iwhe lile ono g'ọ ha kwakọbe l'obu iya, tụko iya arịkashikwawho. 20Ndu ono, l'eche atụru lashia. Whẹ l'ala whẹ l'etu Chileke ẹwha, aja iya ajaja iwhe lile ono, whẹ nụru lẹ nchị, whụa ya l'ẹnya; ọ bụleruwho g'e kfuru whẹ iya bụ g'ọ dụ.
Eebu Jisọsu ugvu
21A nọlewho abalị ẹsato, e bua nwata ono ugvu, gụa ya Jisọsu bụ iya bụ ẹwha ojozhi-imigwe kfuhawaruro l'aa-gụ iya tẹmenu a tsụta ime iya.
Eeye Jisọsu l'ẹka Chileke l'ime eze-ụlo Chileke
22O rwua nteke ọ gbarụ whẹ l'ome nsọ nsachafụ lẹge iwu, shi l'ẹka Mósisu kfuru, whẹ kuru iya byatashia Jerúsalẹmu tẹ whẹ bya eye iya Onye-Nwe-Ọha l'ẹka. 23Bụ iya bụ iwhe e deru l'ẹkwo iwu Onye-Nwe-Ọha sụ: “Iwhe bụ nwata nwoke vu ụzo waa ne iya ẹkpa-nwa bẹ l'ee-dobejeru Onye-Nwe-Ọha nsọ.” 24Whẹ jekwaruwho tẹ whẹ je anụ ngwo-ẹja t'e gude gbaarụ Chileke ẹja, bu iya bụ lẹge e deru iya l'iwu Onye-Nwe-Ọha: Ndukfu labọ, ọdua ya abụru kparakụ labọ.
25O nweru nwoke lanụ ọbu, bu lẹ Jerúsalẹmu, ẹwha iya bụ Símiyọnu. Nwoke ono bụ onye dụ chịriri, bụkwaruwho onye l'atsụ egvu Chileke, elekwawho ẹnya onye ono, l'a-dụ Ízurẹlu obu. Ọ bụ onye Ume Chileke jiru ẹhu. 26Ebebenu Ume Chileke ono mehawaro, ọ marụ l'ọnwu te eshitadu ẹka ọ nọ jeye nteke l'ọo-whụadaa Kuráyisutu ọbu, shi l'ẹka Onye-Nwe-Ọha. 27Ume Chileke duta iya duba l'eze-ụlo Chileke. O rwua nteke ndu nwụru Jisọsu ku nwata ono, bụ Jisọsu bata tẹ whẹ meeru iya lẹge iwu whẹ kfuru, 28Símiyọnu bya ekuta iya heru jalahaa Chileke sụ:
29“Onye-Nwe-Ọha,
hawarọ ntaa tẹ mụbe onye ono,
nọ ghu l'ẹka lashia maa l'ẹhu-guu,
bụ iya bụ iwhe i kfuru.
30O noo l'ẹnya mu whụwaru Onye Ndzọta,
31ọwhu i kwakọberu t'iwhe bụ mba lile whụ-dzuru,
32Iwhoro, e gude eme tẹ ndu mba lile marụ ghu,
mẹe iwhe l'a-bụ iwhe ọja-ama
nke ndibe, bụ Ízurẹlu.”
33Iwhe ono tụfu ne lẹ nna nwata ono ẹhu, mbụ iwhe ono Símiyọnu kfuru l'ẹka nwa whẹ. 34Símiyọnu bya agọru ọnu-ọma nụ whẹ sụ Méri, bụ ne nwata ono: “Nwata-a bẹ Chileke họtaru t'ọ bụru a -kpokuta a daa, bụkwaruwho a -kụbe ẹka a gbashi dụru igwe madzụ lẹ Ízurẹlu; ọ bụkwaruwho onye l'aa-ha l'igweligwe jịka nkiya, 35e shikwanu nno madzuru iwhe whẹ l'arị l'obu whẹ. Gụbedua, bụ ne iya bẹ áwhụ l'a-nọ agbajashị obu l'okfu ẹhu iya g'ọo ogu-ịgba b'e gude nmafua ghu obu ono.”
36O nwekwaruwho nwanyị ọbu, l'aza Ana, bụ onye nkfuchiru Chileke. Nwanyị ono, bụ nwa Fánuwẹlu. O shi l'ẹnya ikfu Asha. Ọ waa nwanyị nochee, kahụwaru akahụ. Ji iya lụru iya lẹ nwamgbọko, whẹ lụa awha ẹsaa, ji iya ono nwụhu, t'ọ lụtahe ji ọdo. 37Ọ bụru nwa-mbunu jeye ọ nọwaa ụkporo awha ugbo ẹno l'awha ẹno, ọkpa iya ta ahajẹru ẹja l'eze-ụlo Chileke ono. L'ọonoduje abarụ Chileke ẹja, aswị ẹgu ekfu anụ iya eswe l'ẹnyashi. 38Ọ byakwawhọ nteke ono bya ekele Chileke ekele. Ọ bya ekfua nke nwata ono ye lẹ nchị iwhe bụ ndu l'ele ẹnya tẹ Chileke gbata Jerúsalẹmu.
Ndu nwụru Jisọsu du iya adawhu azụ lẹ Názaretu
39Tọ dụ iya bụ lẹ ndu nwụru nwata ono emekotagelewho iwhe lile lẹge iwu Onye-Nwe-Ọha dụ, whẹ lwawhu azụ l'ibe whẹ, bụ Názaretu dụ lẹ Gálili. 40Nwata ono l'evulekwawho ivu eshihu ike, ẹka l'akakwa iya whọ l'ọma agụ. Chileke l'emeru iya eze-iwhe-ọma.
Nwata ono, bụ Jisọsu nọ l'eze-ụlo Chileke
41Awha g'awha ha bẹ ndu nwụru nwata ono l'ejeje Jerúsalẹmu m'o rwulewho l'oge O-je-ghata. 42O rwua gẹ Jisọsu gbarụ awha iri l'ẹbo, whẹ tụko jeshia Jerúsalẹmu lẹge whẹ l'ejejehawaa. 43E rigelewho oge ono whẹ tụgbua lwatashia. Nwata ono, bụ Jisọsu nọshia lẹ Jerúsalẹmu, ndu nwụru iya nụ ta amarọo. 44Whẹ tụgbua ala, jeekwaa ije ujiku owhu, tẹ whẹ wata iya achọcho nkele whẹ shinu arịle-ẹ l'ootso l'igbudu ndu ono, l'awụ l'echi-ụzo. Whẹ chọlahaa ya l'ẹka abụbu whẹ nọ mẹe l'ẹka ndu whẹ marụ nọ. 45Whẹ chọ-gee ya, whẹ ta awhụ iya, whẹ chọru iya dawhushia azụ lẹ Jerúsalẹmu. 46Whẹ chọo ya ujiku labọ, o belewho lẹ mbọku ọwhu kwe iya ẹto, whẹ whụa ya l'eze-ụlo Chileke l'ẹka yẹle ndu l'ezhije ndu Ju iwhe nọdukota. Ọ ngabẹ nchị l'iwhe whẹ l'ezhi, ajịkwa whẹ whọ ajị. 47Ọ dụkota iwhe bụ ndu l'anụ iwhe l'ookfu biribiri lẹge iwhe l'edobeje iya ẹnya mẹe lẹge o gude asa okfu ree. 48Ndu nwụru iya nụ whụle iya whọ, ọ kpụbe whẹ ọnu okfu. Ne iya sụ iya: “Nwa mu ?ndẹnu g'o gude i mee ya anyi ẹgube-ẹ? ?Ị marụ-a lẹ mu lẹ nna ghu gudekwa ẹnya-mini achọ ghu?”
49Ọ sụ whẹ: “?Ọ bụru gụnu bẹ unu l'achọru mu? ?Unu ta amahaada l'o rwuberu mu l'ọnodu l'ụlo Nna mu?” 50Okfu ono, o kfuru whẹ te edo whẹ ẹnya ilile.
51O tsoru whẹ lashia Názaretu. L'ọonoje-zhiawho eme iwhe whẹ kfuru iya. Ne iya tụkokwawho iwhe g'iwhe ha ono pyachia l'ime obu iya. 52Jisọsu l'ama agụ eje eje, evukwawho ivu eje eje, ọ dụ Chileke ree l'obu, dụ iya ndiwhe.
Currently Selected:
Luku 2: Ezaa
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Abakaliki Literacy and Translation Trust
Luku 2
2
Anwụnwu Jisọsu
(Mát. 1:18-25)
1Ọ bụru nteke ono bẹ ishi ọ-chị-ọha bụ Siza Ọgósutosu tụru iwu sụ t'e deshia ẹwha madzụ kpamụ kpamụ l'ẹkwo, mbụ iwhe bụ-zhia onye bu lẹ mba gẹ mba ha dụkota l'alị-eze iya. 2O noo ọgu mbụlembu, e vugezhia ụzo gụa. Nteke a gụru ọgu ono bẹ bụ Kwịríniyosu bụ ọ-chị-ọha ndu Siriya. 3Ọo ya bụ l'onyenọnu alashigee ẹka a nwụru iya, jeshia t'e dee ẹwha iya l'ẹkwo.
4Jósẹfu shikwawho lẹ Názaretu, dụ l'alị Gálili lashia Bẹ́tulehemu dụ l'alị Judíya, bụ obodo Dévidi, nkele Jósẹfu bẹ shi l'ẹnya ikfu Dévidi, bụkwaruwho onye uwhu ono gẹdegede. 5Jósẹfu yẹle nwanyị ono, e kwehawaru l'ọolu ono, bụ Méri lịru jeshia t'e dee ẹwha whẹ. Nteke ono bẹ Méri dụwaa ime. 6Ọ bụru nteke Méri whẹ nọ lẹ Bẹ́tulehemu b'ọ gbaberu iya l'ezeda. 7Ọ bya ezeda nwụa nwata nwoke bụ iya bụ ọkpara iya. Ọ bya ewota nwa mpete ẹkwa gude whukpua ya, kuru iya nyebe l'iwhe l'eeyejeru élwù nri nkele ọ tọ dụdu ẹka whẹ whụru ụzo nọdu l'ụlo-ndụ-ije.
Ojozhi-imigwe l'ezhi ndu l'eche atụru ozhi-ọma
8L'ẹka ono b'o nweru ndu l'eche atụru, nọ l'ẹgbudu eche igwe atụru whẹ l'ẹnyashi ono. 9Ojozhi-imigwe ono, shi l'ẹka Onye-Nwe-Ọha see whẹ l'iwhu; o-gbu-zaazaa nke Onye-Nwe-Ọha nwuwhe whẹ mgburumgburu. Whẹ tsụlahaa egvu. 10Ojozhi-imigwe ono sụ whẹ: “Unu ba atsụshi egvu! Unu ngabẹ nchị, mu byarụ tẹ mu bya ezhia unu ozhi-ọma, l'eme t'ẹhu tsọo ndiwhe l'owhu ụtso shinene. 11O noo l'ọo ntanụ-a b'a nwụru unu Onye Ndzọta l'obodo Dévidi, bụ iya bụ Kuráyisutu ọbu, bụ Onye-Nwe-Ọha. 12Ọ waa iwhe unu l'e-gude marụ ndọwa: Unu l'a-whụ nwata, a whukpuru nwa mpete ẹkwa, nyebe l'iwhe l'eeyejeru élwù nri.”
13A bya l'eledeshia ẹnya, igweligwe ojozhi-imigwe wukfuta ojozhi-imigwe ono, whẹ tụko aja Chileke ajaja asụje:
14“Chileke ono, nọ l'imigwe
gbarụ t'a kwabẹ iya ugvu.
Amadụ, nọ l'alị, bụ ndu kweru
l'o yeru whẹ obu bẹ ẹhu l'a-dụ guu.”
15Ndu Ojozhi-imigwe ono wụfulewho l'ẹka whẹ nọ,
wụba l'imigwe, ndu nche atụru ono kfulahaa sụ:
“T'anyi jezhiadaa Bẹ́tulehemu je awhụ iwhe ọbu meru nụ,
Onye-Nwe-Ọha meru t'anyi marụ.”
16Whẹ gude ntụtu-ọso jeshia. Whẹ rwua, whẹ whụa Méri yẹle Jósẹfu, whụkwaawho nwata ọbu, e nyeberu l'iwhe ọbu l'eeyejeru élwù nri. 17Whẹ whụ-gele iya whọ, whẹ bya ewota iwhe ono, e kfuru l'okfu ẹhu nwata ono bya akọoru ndu nọ l'ẹka ono. 18Ọ tụfukota iwhe bụ ndu nụru iya nụ ẹhu, mbụ iwhe ono ndu l'eche atụru kfuru. 19Méri tụko-gezhia iwhe lile ono g'ọ ha kwakọbe l'obu iya, tụko iya arịkashikwawho. 20Ndu ono, l'eche atụru lashia. Whẹ l'ala whẹ l'etu Chileke ẹwha, aja iya ajaja iwhe lile ono, whẹ nụru lẹ nchị, whụa ya l'ẹnya; ọ bụleruwho g'e kfuru whẹ iya bụ g'ọ dụ.
Eebu Jisọsu ugvu
21A nọlewho abalị ẹsato, e bua nwata ono ugvu, gụa ya Jisọsu bụ iya bụ ẹwha ojozhi-imigwe kfuhawaruro l'aa-gụ iya tẹmenu a tsụta ime iya.
Eeye Jisọsu l'ẹka Chileke l'ime eze-ụlo Chileke
22O rwua nteke ọ gbarụ whẹ l'ome nsọ nsachafụ lẹge iwu, shi l'ẹka Mósisu kfuru, whẹ kuru iya byatashia Jerúsalẹmu tẹ whẹ bya eye iya Onye-Nwe-Ọha l'ẹka. 23Bụ iya bụ iwhe e deru l'ẹkwo iwu Onye-Nwe-Ọha sụ: “Iwhe bụ nwata nwoke vu ụzo waa ne iya ẹkpa-nwa bẹ l'ee-dobejeru Onye-Nwe-Ọha nsọ.” 24Whẹ jekwaruwho tẹ whẹ je anụ ngwo-ẹja t'e gude gbaarụ Chileke ẹja, bu iya bụ lẹge e deru iya l'iwu Onye-Nwe-Ọha: Ndukfu labọ, ọdua ya abụru kparakụ labọ.
25O nweru nwoke lanụ ọbu, bu lẹ Jerúsalẹmu, ẹwha iya bụ Símiyọnu. Nwoke ono bụ onye dụ chịriri, bụkwaruwho onye l'atsụ egvu Chileke, elekwawho ẹnya onye ono, l'a-dụ Ízurẹlu obu. Ọ bụ onye Ume Chileke jiru ẹhu. 26Ebebenu Ume Chileke ono mehawaro, ọ marụ l'ọnwu te eshitadu ẹka ọ nọ jeye nteke l'ọo-whụadaa Kuráyisutu ọbu, shi l'ẹka Onye-Nwe-Ọha. 27Ume Chileke duta iya duba l'eze-ụlo Chileke. O rwua nteke ndu nwụru Jisọsu ku nwata ono, bụ Jisọsu bata tẹ whẹ meeru iya lẹge iwu whẹ kfuru, 28Símiyọnu bya ekuta iya heru jalahaa Chileke sụ:
29“Onye-Nwe-Ọha,
hawarọ ntaa tẹ mụbe onye ono,
nọ ghu l'ẹka lashia maa l'ẹhu-guu,
bụ iya bụ iwhe i kfuru.
30O noo l'ẹnya mu whụwaru Onye Ndzọta,
31ọwhu i kwakọberu t'iwhe bụ mba lile whụ-dzuru,
32Iwhoro, e gude eme tẹ ndu mba lile marụ ghu,
mẹe iwhe l'a-bụ iwhe ọja-ama
nke ndibe, bụ Ízurẹlu.”
33Iwhe ono tụfu ne lẹ nna nwata ono ẹhu, mbụ iwhe ono Símiyọnu kfuru l'ẹka nwa whẹ. 34Símiyọnu bya agọru ọnu-ọma nụ whẹ sụ Méri, bụ ne nwata ono: “Nwata-a bẹ Chileke họtaru t'ọ bụru a -kpokuta a daa, bụkwaruwho a -kụbe ẹka a gbashi dụru igwe madzụ lẹ Ízurẹlu; ọ bụkwaruwho onye l'aa-ha l'igweligwe jịka nkiya, 35e shikwanu nno madzuru iwhe whẹ l'arị l'obu whẹ. Gụbedua, bụ ne iya bẹ áwhụ l'a-nọ agbajashị obu l'okfu ẹhu iya g'ọo ogu-ịgba b'e gude nmafua ghu obu ono.”
36O nwekwaruwho nwanyị ọbu, l'aza Ana, bụ onye nkfuchiru Chileke. Nwanyị ono, bụ nwa Fánuwẹlu. O shi l'ẹnya ikfu Asha. Ọ waa nwanyị nochee, kahụwaru akahụ. Ji iya lụru iya lẹ nwamgbọko, whẹ lụa awha ẹsaa, ji iya ono nwụhu, t'ọ lụtahe ji ọdo. 37Ọ bụru nwa-mbunu jeye ọ nọwaa ụkporo awha ugbo ẹno l'awha ẹno, ọkpa iya ta ahajẹru ẹja l'eze-ụlo Chileke ono. L'ọonoduje abarụ Chileke ẹja, aswị ẹgu ekfu anụ iya eswe l'ẹnyashi. 38Ọ byakwawhọ nteke ono bya ekele Chileke ekele. Ọ bya ekfua nke nwata ono ye lẹ nchị iwhe bụ ndu l'ele ẹnya tẹ Chileke gbata Jerúsalẹmu.
Ndu nwụru Jisọsu du iya adawhu azụ lẹ Názaretu
39Tọ dụ iya bụ lẹ ndu nwụru nwata ono emekotagelewho iwhe lile lẹge iwu Onye-Nwe-Ọha dụ, whẹ lwawhu azụ l'ibe whẹ, bụ Názaretu dụ lẹ Gálili. 40Nwata ono l'evulekwawho ivu eshihu ike, ẹka l'akakwa iya whọ l'ọma agụ. Chileke l'emeru iya eze-iwhe-ọma.
Nwata ono, bụ Jisọsu nọ l'eze-ụlo Chileke
41Awha g'awha ha bẹ ndu nwụru nwata ono l'ejeje Jerúsalẹmu m'o rwulewho l'oge O-je-ghata. 42O rwua gẹ Jisọsu gbarụ awha iri l'ẹbo, whẹ tụko jeshia Jerúsalẹmu lẹge whẹ l'ejejehawaa. 43E rigelewho oge ono whẹ tụgbua lwatashia. Nwata ono, bụ Jisọsu nọshia lẹ Jerúsalẹmu, ndu nwụru iya nụ ta amarọo. 44Whẹ tụgbua ala, jeekwaa ije ujiku owhu, tẹ whẹ wata iya achọcho nkele whẹ shinu arịle-ẹ l'ootso l'igbudu ndu ono, l'awụ l'echi-ụzo. Whẹ chọlahaa ya l'ẹka abụbu whẹ nọ mẹe l'ẹka ndu whẹ marụ nọ. 45Whẹ chọ-gee ya, whẹ ta awhụ iya, whẹ chọru iya dawhushia azụ lẹ Jerúsalẹmu. 46Whẹ chọo ya ujiku labọ, o belewho lẹ mbọku ọwhu kwe iya ẹto, whẹ whụa ya l'eze-ụlo Chileke l'ẹka yẹle ndu l'ezhije ndu Ju iwhe nọdukota. Ọ ngabẹ nchị l'iwhe whẹ l'ezhi, ajịkwa whẹ whọ ajị. 47Ọ dụkota iwhe bụ ndu l'anụ iwhe l'ookfu biribiri lẹge iwhe l'edobeje iya ẹnya mẹe lẹge o gude asa okfu ree. 48Ndu nwụru iya nụ whụle iya whọ, ọ kpụbe whẹ ọnu okfu. Ne iya sụ iya: “Nwa mu ?ndẹnu g'o gude i mee ya anyi ẹgube-ẹ? ?Ị marụ-a lẹ mu lẹ nna ghu gudekwa ẹnya-mini achọ ghu?”
49Ọ sụ whẹ: “?Ọ bụru gụnu bẹ unu l'achọru mu? ?Unu ta amahaada l'o rwuberu mu l'ọnodu l'ụlo Nna mu?” 50Okfu ono, o kfuru whẹ te edo whẹ ẹnya ilile.
51O tsoru whẹ lashia Názaretu. L'ọonoje-zhiawho eme iwhe whẹ kfuru iya. Ne iya tụkokwawho iwhe g'iwhe ha ono pyachia l'ime obu iya. 52Jisọsu l'ama agụ eje eje, evukwawho ivu eje eje, ọ dụ Chileke ree l'obu, dụ iya ndiwhe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Abakaliki Literacy and Translation Trust