Makụ 16
16
Jisọsu shi l'ọnwu teta nọdu ndzụ
(Mát. 28:1-8; Luk. 24:1-12; Jọn. 20:1-10)
1Mbọku ọtuta-ume ono galẹwho, Méri Mágudala mẹe Méri ne Jémusu nshịi mẹe Salómi zụkoo mmanụ-ehuhu dụ l'iche l'iche tẹ whẹ je etee ya Jisọsu. 2O rwua l'okọku ọha-ẹnu lẹ mbọku mbụ l'idzu abalị ẹsaa, whẹ jeshia l'ilu ono nteke ẹnyanwu watawaru. 3Whẹ l'ekfu l'ime onwowhe: “?Onye l'a-gbụfuru anyi agbụgaragbu ẹwhuru ono e gude swichia ọnu ilu ono?” 4Nkele ẹwhuru ọbu parụ ẹka mebyi apaa. Whẹ jeshia ọpali ẹnya, a gbụfuwanu ẹwhuru ọbu. 5Whẹ bahụ l'ime ilu ono. Whẹ whụa nwokorọbya nọdu anọdu l'ụzo ẹka-ụtara, yeewho okpo-wula-wula uwe ọcha. Ọ dụ whẹ biribiri, whẹ tsụde egvu.
6Onye ono sụ whẹ: “Unu ba atsụshi egvu. ?Ọ kwa l'ọo Jisọsu onye Názaretu bẹ unu l'achọ, mbụ onye ono a kpọpyaberu l'oswebe? O tetawaru nọdu ndzụ ọdo, ọ tọ nọhekwa l'ẹka-a. Unu lekwa ẹka e shi nyebe iya. 7Unu la ntaa je ekfuru ndu l'etso ụzo iya mẹe Pyita l'o gbeenu vuwaru unu ụzo jeshia Gálili, o noo ẹka unu l'a-whụ iya, bụnua iwhe o kfuhawaru unu.”
8Whẹ lụfuta l'ilu l'ẹka ono gbagbụa lashia. Ọnu kụgbabe-gee whẹ lẹ nwune iya, ẹhu l'anmakwa whẹ whọ papapa. Egvu, whẹ l'atsụ mee tọ dụ onye whẹ kfuru okfu yeru.
9Nteke Jisọsu shilẹwho l'ọnwu teta l'ishi ẹnyangge mbọku mbụ l'idzu ono b'o vu ụzo mee Méri Mágudala vuru ụzo whụa ya, bụ iya bụ nwanyị ono, ọ chịfujeru ọgvu ẹsaa bu iya l'ẹhu. 10Méri ono gbagbụa je ekfuru iya ndu whẹ lẹ Jisọsu shi alịje l'ẹka whẹ dọkoberu, arya ẹkwa iya. 11Méri kfugeeru whẹ l'o tetawaru mẹe lẹ ya whụwaru iya l'ẹnya iya, whẹ te ekweta l'ọo ezhi-okfu bẹ l'ookfu.
12E megekwaa Jisọsu gbaa ụgbugba ọdo byakfuta ụmadzu labọ l'ime ndu l'etso ụzo iya gẹ whẹ l'eje iwhe whẹ l'eje. 13Whẹ gbawhu azụ je ekfuru iya ndu ọwhuna, whẹ te ekwetakwawho l'ọo ezhi-okfu.
Jisọsu l'egoshi ndu l'etsoje iya nụ onwiya
(Mát. 28:16-20; Luk. 24:36-49; Jọn. 20:19-23; Ndu. 1:6-8)
14E megee, ọ bya abyakfuta ụmadzu iri lẹ nnanụ l'etso ụzo iya gẹ whẹ l'eri nri. Ọ taa whẹ ụta sụ whẹ lẹ whẹ bụ ndu ejo obu, bụru ndu l'abọje obu ẹbo, lẹ whẹ te ekwedu l'iwhe ndu whụru iya nụ nteke ya tetaru kfuru bụ ezhi-okfu.
Unu je lẹ mgboko owhu je ekfua okfu Chileke
15Jisọsu sụ whẹ: “Unu jekotagezhia ẹka lile lẹ mgboko-o ya g'ọ ha je ekfukashiaru whẹ ozhi-ọma-a, t'iwhe bụ madzụ kpamụ-kpamụ nụkota iya. 16Onye kwetaru nụ, e -mee ya baputizimu bẹ Chileke l'a-dzọta, ọle onye l'ekwetaa bẹ Chileke l'a-nma ikpe. 17Ndu ọwhu woru onwowhe ye iya l'ẹka bẹ bụ iwhe-awhụrulenya dụ-gee ẹgube-ẹ, whẹ l'a-nọ emekaa bẹ l'ee-gude hụbe whẹ ama. Whẹ l'e-gude ẹwha mụbe Jisọsu chịfutaje ọgvu, gudekwawho ẹwha mu ghajẹe okfu-alị whẹ kfulahaa okfu Ume-Dụ-Nsọ l'egoshi whẹ. 18Whẹ l'a-chịtaje agwọ l'ẹka, ya aadụ iwhe l'oo-me whẹ, nteke bụ lẹ whẹ ngụru m'ọo iwhe l'egbuje madzụ, ọ tọ dụdu iwhe ọ bya l'e-me whẹ, whẹ l'ebyije ndu ẹhu l'adụa mma ẹka, ndu ọbu emehu.”
Jisọsu l'alakfu Chileke
(Luk. 24:50-53; Ndu. 1:9-11)
19Ọo ya bụ, Onye-Nwe-Ọha, bụ Jisọsu kfugeleruwho yeru whẹ, Chileke wolia ya woba l'imigwe. O je anọdu anọdu l'ẹka-ụtara Chileke. 20Ndu l'etso ụzo iya laa, je ekfukashilahaa ozhi-ọma ono l'ẹka lile. Onye-Nwe-Ọha l'eyeru whẹ ẹka l'ozhi ono, shi l'iwhe-awhụrulenya dụ l'iche l'iche, whẹ l'emekaa egoshi l'ozhi-ọma ono whẹ l'ezhi bụ l'ẹka iya b'o shi. O noo g'ọ dụ.
Currently Selected:
Makụ 16: Ezaa
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Abakaliki Literacy and Translation Trust
Makụ 16
16
Jisọsu shi l'ọnwu teta nọdu ndzụ
(Mát. 28:1-8; Luk. 24:1-12; Jọn. 20:1-10)
1Mbọku ọtuta-ume ono galẹwho, Méri Mágudala mẹe Méri ne Jémusu nshịi mẹe Salómi zụkoo mmanụ-ehuhu dụ l'iche l'iche tẹ whẹ je etee ya Jisọsu. 2O rwua l'okọku ọha-ẹnu lẹ mbọku mbụ l'idzu abalị ẹsaa, whẹ jeshia l'ilu ono nteke ẹnyanwu watawaru. 3Whẹ l'ekfu l'ime onwowhe: “?Onye l'a-gbụfuru anyi agbụgaragbu ẹwhuru ono e gude swichia ọnu ilu ono?” 4Nkele ẹwhuru ọbu parụ ẹka mebyi apaa. Whẹ jeshia ọpali ẹnya, a gbụfuwanu ẹwhuru ọbu. 5Whẹ bahụ l'ime ilu ono. Whẹ whụa nwokorọbya nọdu anọdu l'ụzo ẹka-ụtara, yeewho okpo-wula-wula uwe ọcha. Ọ dụ whẹ biribiri, whẹ tsụde egvu.
6Onye ono sụ whẹ: “Unu ba atsụshi egvu. ?Ọ kwa l'ọo Jisọsu onye Názaretu bẹ unu l'achọ, mbụ onye ono a kpọpyaberu l'oswebe? O tetawaru nọdu ndzụ ọdo, ọ tọ nọhekwa l'ẹka-a. Unu lekwa ẹka e shi nyebe iya. 7Unu la ntaa je ekfuru ndu l'etso ụzo iya mẹe Pyita l'o gbeenu vuwaru unu ụzo jeshia Gálili, o noo ẹka unu l'a-whụ iya, bụnua iwhe o kfuhawaru unu.”
8Whẹ lụfuta l'ilu l'ẹka ono gbagbụa lashia. Ọnu kụgbabe-gee whẹ lẹ nwune iya, ẹhu l'anmakwa whẹ whọ papapa. Egvu, whẹ l'atsụ mee tọ dụ onye whẹ kfuru okfu yeru.
9Nteke Jisọsu shilẹwho l'ọnwu teta l'ishi ẹnyangge mbọku mbụ l'idzu ono b'o vu ụzo mee Méri Mágudala vuru ụzo whụa ya, bụ iya bụ nwanyị ono, ọ chịfujeru ọgvu ẹsaa bu iya l'ẹhu. 10Méri ono gbagbụa je ekfuru iya ndu whẹ lẹ Jisọsu shi alịje l'ẹka whẹ dọkoberu, arya ẹkwa iya. 11Méri kfugeeru whẹ l'o tetawaru mẹe lẹ ya whụwaru iya l'ẹnya iya, whẹ te ekweta l'ọo ezhi-okfu bẹ l'ookfu.
12E megekwaa Jisọsu gbaa ụgbugba ọdo byakfuta ụmadzu labọ l'ime ndu l'etso ụzo iya gẹ whẹ l'eje iwhe whẹ l'eje. 13Whẹ gbawhu azụ je ekfuru iya ndu ọwhuna, whẹ te ekwetakwawho l'ọo ezhi-okfu.
Jisọsu l'egoshi ndu l'etsoje iya nụ onwiya
(Mát. 28:16-20; Luk. 24:36-49; Jọn. 20:19-23; Ndu. 1:6-8)
14E megee, ọ bya abyakfuta ụmadzu iri lẹ nnanụ l'etso ụzo iya gẹ whẹ l'eri nri. Ọ taa whẹ ụta sụ whẹ lẹ whẹ bụ ndu ejo obu, bụru ndu l'abọje obu ẹbo, lẹ whẹ te ekwedu l'iwhe ndu whụru iya nụ nteke ya tetaru kfuru bụ ezhi-okfu.
Unu je lẹ mgboko owhu je ekfua okfu Chileke
15Jisọsu sụ whẹ: “Unu jekotagezhia ẹka lile lẹ mgboko-o ya g'ọ ha je ekfukashiaru whẹ ozhi-ọma-a, t'iwhe bụ madzụ kpamụ-kpamụ nụkota iya. 16Onye kwetaru nụ, e -mee ya baputizimu bẹ Chileke l'a-dzọta, ọle onye l'ekwetaa bẹ Chileke l'a-nma ikpe. 17Ndu ọwhu woru onwowhe ye iya l'ẹka bẹ bụ iwhe-awhụrulenya dụ-gee ẹgube-ẹ, whẹ l'a-nọ emekaa bẹ l'ee-gude hụbe whẹ ama. Whẹ l'e-gude ẹwha mụbe Jisọsu chịfutaje ọgvu, gudekwawho ẹwha mu ghajẹe okfu-alị whẹ kfulahaa okfu Ume-Dụ-Nsọ l'egoshi whẹ. 18Whẹ l'a-chịtaje agwọ l'ẹka, ya aadụ iwhe l'oo-me whẹ, nteke bụ lẹ whẹ ngụru m'ọo iwhe l'egbuje madzụ, ọ tọ dụdu iwhe ọ bya l'e-me whẹ, whẹ l'ebyije ndu ẹhu l'adụa mma ẹka, ndu ọbu emehu.”
Jisọsu l'alakfu Chileke
(Luk. 24:50-53; Ndu. 1:9-11)
19Ọo ya bụ, Onye-Nwe-Ọha, bụ Jisọsu kfugeleruwho yeru whẹ, Chileke wolia ya woba l'imigwe. O je anọdu anọdu l'ẹka-ụtara Chileke. 20Ndu l'etso ụzo iya laa, je ekfukashilahaa ozhi-ọma ono l'ẹka lile. Onye-Nwe-Ọha l'eyeru whẹ ẹka l'ozhi ono, shi l'iwhe-awhụrulenya dụ l'iche l'iche, whẹ l'emekaa egoshi l'ozhi-ọma ono whẹ l'ezhi bụ l'ẹka iya b'o shi. O noo g'ọ dụ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Abakaliki Literacy and Translation Trust