SAN MATEO 19
19
An Jesús jalhixa'alay ixlakata an lamakawt
(Mr. 10:1-12; Lc. 16:18)
1Akxni chunchacha chiwin'olh an Jesús, taxtulhcha an xalakaat'un Galilea, alhcha xalakaat'un Judea, ixtapiktutamcha ayxkan junkan Jordán. 2Chi lhuw lapanaki tat'a'alh, ancha jak'uch'uchalhcha.
3Wa chuncha tala'cha'alh an lapanakni an yu ixjajunkan fariseojnin chi ixtalhila'ts'intanuycha, ixtajuniy:
―¿Oxi li xamati lapanak kamakawlh ixt'iwi wa tuchicha ixlakata?
4An Jesús jajuniy:
―¿Jant'u p'unawt'at'iti tan najun Dios, li akxni ilhtulh an lapanak, ilhtulhcha an lapanak chi ilhtulhcha an t'aku'. 5Chi an Dios najun li xliyu an lapanak kamakawna ixpay chi ixnati, li ixt'iwicha kat'atawla', chi an ixt'uyunk'an li tachanu wa pumatamcha katajuna'? 6Jantucha tacha ixt'uyunk'ani katitawalh, tachanu wa pumatamcha katajuna'. Pus xliyu li yu Dioscha jamala'xto'lhi, an lapanak jantucha kajalamamakawnilh.
7An Jesús tajuniy:
―¿Pus tasu li najuncha an Moisés li layi ak'ilhtuw la'atam jalhiki yu akpumakajuw kint'iwik'ani?
8Yucha jajuniy:
―Wa xliyu jant'u k'is ja'asmatnanat'it, xliyu talhimakawnincha an Moisés, pero an Dios jantu chuni najun. 9Kit'in klajunaw, wa tichicha lapanak yu makajun ixt'iwi, li jantu ixlakata li wa xamaticha t'atamalhi an t'aku, chi li t'atsukupalaycha pumatam t'aku an lapanak, tala'alhincha ilhtuy, chi yu t'atsukupalaycha wachu an yu makawkantacha t'aku, wachu tala'alhincha ilhtuy.
10Tajuniy an ixt'alhtanan an Jesús:
―Li chuncha t'atapasay ixt'iwi an lapanak, jantu oxi akt'atsukukalh.
11Pus an Jesús jajuniy:
―Jantu lhichuxi lay chuncha tsukukan, wa yu chuncha jalhisakxtulh an Diosi lay chuncha tatsukuy. 12Ta'alini yu jantu katijat'atsukukalh, yu wa chunchacha tatsukulh. Chi ta'alini yu wa yucha an ixt'alapanaknichak'an chuncha ta'ilhtulh para li jantu kajat'atsukukalh. Chi ta'alini yu wa ix'akstuchak'an jantu jat'atsukukan wa xliyu li palay oxi tat'atapatsaputun an Dios yu ch'alhkatnan lakt'iyan. Yu layi tsukuy wa ix'akstu, chunchacha katsukulh.
An Jesús tapaynini an Dios li oxi katatsukulh an jas'at'an
(Mr. 10:13-16; Lc. 18:15-17)
13Wa chuncha jalhicha'anikalh jas'at'ani an Jesús, para li kajalaklakpach'apalh chi li kajalhitapaynilh, walh an ixt'alhtanan an Jesús, talaj'aymastuklhi an yu ixtalhi'anta ixjas'at'ank'an. 14Pero an Jesús, jajuniy:
―K'ajamak'awnit'iti an jas'at'an li akintala'milh, jant'u k'ajalaj'aymast'ukt'it, mu yu'uncha ixnawink'ani an lhich'alhkat an lakt'iyan.
15Wa chuncha, jalaklakpach'apa'olh an jas'at'an, alhcha.
Ts'alh yu jamatumin
(Mr. 10:17-31; Lc. 18:18-30)
16La'atam wilhchan pumatam ts'alh yu ixlit'ajun ixtumin, juniy an Jesús:
―Oxi maestro, ¿tasucha aklhit'alalh para li aklhitsukulh an jatsukunti yu jantu min'ojoyi?
17An Jesús, alhtaylh juniy:
―¿T'asu li k'i'uniycha li sawalhcha oxi ikmaestrojo? Jantu xamati yu oxi lapanak, yu chun wa pumatam, Dios. Li lhits'uk'up'ut'uni an jatsukunti yu jantu min'ojoy wa k'a'ilht'ucha tacha an najunta laka lhamap'a'sin.
18An ts'alh najun:
―¿Tanyucha lhamap'a'sini?
Pus an Jesús juniy, an tan najunta:
―Jant'u kat'ijama'nin, jant'u k'at'it'at'amat'i yu jant'u yu t'at'a'un, jant'u k'at'ija'alhawan, jant'u k'at'imaslak'at'in. 19Oxi k'ala'ts'i mimpay chi minati ch'i k'amap'aynit'i mint'alapanak t'ach'a akst'u map'aynik'an.
20Pus an ts'alh najun:
―Chunchacha k'ilhtuy wa kintajas'at'at, ¿tanyucha yu kintits'an'aniya?
21An Jesús juniy:
―Li ts'ajwi ts'uk'up'ut'un, k'ast'at'i an yu lhit'a'un, ch'i k'ajaxt'a'nincha an tumin an jakilhpatinin, ch'unch'a k'alhits'uk'uya'a yu laj'oxi tanlhun an lakt'iyan, ch'i k'at'ana'acha, ak'inch'a'o'aya'acha.
22Akxni chunchacha asmatlhi an ts'alh, ancho'olhcha, sawalhcha ta'oxila'alhi'alh, mu lhuw ixtanlhuni ixlit'ajun.
23Pus akxni an Jesús, jajuniy an ixt'alhtanan:
―Sawalh lhima'anxkayi kacha'ana pumatam yu jamatumin laka lhich'alhkat an lakt'iyan. 24Chi a'tam klajumpalaw, li palay wa lasi la'atam camello kala'pusli la ix'istaj makskat, walh jantu li katanuchalh la ixlich'alhkat Dios xamati jamatumin lapanak.
25Pus sawalhcha ixtalhi'a'niya akxni chunchacha ta'alha'asmatlhi an ixt'alhtanan an Jesús, chi tajuniy:
―¿Pus chuncha tisiyuchacha lay kata'alhtaxtuya'a?
26Chi sa'cha jala'ts'in, jajuniy:
―Yu jantu lay ilhtuy an lapanak, an Dios yucha layi ilhtu'ojoy, wa tuchicha.
27An Pedro, ja'alhtayanalh, najun:
―Kitnan iklhimakaw'otawcha kilaktanlhunk'an chi iklach'a'o'atawcha, ¿tisuncha akla'a'iyawi?
28An Jesús jajuniy:
―Sawalhi ani yu klajunaw akxni chuxcha kalaklasast'i'okana, kit'in isTs'alh Lapanak aktawlanta la kilhich'alhkat, tan iklhajaxtuta. Uxitnan yu kilach'a'o'ayaw, wachu ka'alina tan k'at'awlht'achi'it, lakakawt'uyi juntachalh, chi uxitnani k'ajach'alhk'atnaniya'it an kilhmakkawt'uy xalapanakni Israel. 29Wa tichicha yu kint'alhtanan chi lhimakajuncha ixcha'a, u ixjat'ala'awnin, u ixjamatsanan, u ixpay, u ixnati, u ixt'iwi, u ixjas'at'an, u ixlakaat'un, tam cientoj palayi kaxta'nikana', chi kaxta'nikana jatsukunti yu jantu min'ojoy. 30Pero ixluwk'ani yu p'ulhnaj chaway, yu'uncha astani katajuna', chi yu astan chaway p'ulhnaja katajuna'.
Currently Selected:
SAN MATEO 19: tpp
Highlight
Share
Copy
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.
SAN MATEO 19
19
An Jesús jalhixa'alay ixlakata an lamakawt
(Mr. 10:1-12; Lc. 16:18)
1Akxni chunchacha chiwin'olh an Jesús, taxtulhcha an xalakaat'un Galilea, alhcha xalakaat'un Judea, ixtapiktutamcha ayxkan junkan Jordán. 2Chi lhuw lapanaki tat'a'alh, ancha jak'uch'uchalhcha.
3Wa chuncha tala'cha'alh an lapanakni an yu ixjajunkan fariseojnin chi ixtalhila'ts'intanuycha, ixtajuniy:
―¿Oxi li xamati lapanak kamakawlh ixt'iwi wa tuchicha ixlakata?
4An Jesús jajuniy:
―¿Jant'u p'unawt'at'iti tan najun Dios, li akxni ilhtulh an lapanak, ilhtulhcha an lapanak chi ilhtulhcha an t'aku'. 5Chi an Dios najun li xliyu an lapanak kamakawna ixpay chi ixnati, li ixt'iwicha kat'atawla', chi an ixt'uyunk'an li tachanu wa pumatamcha katajuna'? 6Jantucha tacha ixt'uyunk'ani katitawalh, tachanu wa pumatamcha katajuna'. Pus xliyu li yu Dioscha jamala'xto'lhi, an lapanak jantucha kajalamamakawnilh.
7An Jesús tajuniy:
―¿Pus tasu li najuncha an Moisés li layi ak'ilhtuw la'atam jalhiki yu akpumakajuw kint'iwik'ani?
8Yucha jajuniy:
―Wa xliyu jant'u k'is ja'asmatnanat'it, xliyu talhimakawnincha an Moisés, pero an Dios jantu chuni najun. 9Kit'in klajunaw, wa tichicha lapanak yu makajun ixt'iwi, li jantu ixlakata li wa xamaticha t'atamalhi an t'aku, chi li t'atsukupalaycha pumatam t'aku an lapanak, tala'alhincha ilhtuy, chi yu t'atsukupalaycha wachu an yu makawkantacha t'aku, wachu tala'alhincha ilhtuy.
10Tajuniy an ixt'alhtanan an Jesús:
―Li chuncha t'atapasay ixt'iwi an lapanak, jantu oxi akt'atsukukalh.
11Pus an Jesús jajuniy:
―Jantu lhichuxi lay chuncha tsukukan, wa yu chuncha jalhisakxtulh an Diosi lay chuncha tatsukuy. 12Ta'alini yu jantu katijat'atsukukalh, yu wa chunchacha tatsukulh. Chi ta'alini yu wa yucha an ixt'alapanaknichak'an chuncha ta'ilhtulh para li jantu kajat'atsukukalh. Chi ta'alini yu wa ix'akstuchak'an jantu jat'atsukukan wa xliyu li palay oxi tat'atapatsaputun an Dios yu ch'alhkatnan lakt'iyan. Yu layi tsukuy wa ix'akstu, chunchacha katsukulh.
An Jesús tapaynini an Dios li oxi katatsukulh an jas'at'an
(Mr. 10:13-16; Lc. 18:15-17)
13Wa chuncha jalhicha'anikalh jas'at'ani an Jesús, para li kajalaklakpach'apalh chi li kajalhitapaynilh, walh an ixt'alhtanan an Jesús, talaj'aymastuklhi an yu ixtalhi'anta ixjas'at'ank'an. 14Pero an Jesús, jajuniy:
―K'ajamak'awnit'iti an jas'at'an li akintala'milh, jant'u k'ajalaj'aymast'ukt'it, mu yu'uncha ixnawink'ani an lhich'alhkat an lakt'iyan.
15Wa chuncha, jalaklakpach'apa'olh an jas'at'an, alhcha.
Ts'alh yu jamatumin
(Mr. 10:17-31; Lc. 18:18-30)
16La'atam wilhchan pumatam ts'alh yu ixlit'ajun ixtumin, juniy an Jesús:
―Oxi maestro, ¿tasucha aklhit'alalh para li aklhitsukulh an jatsukunti yu jantu min'ojoyi?
17An Jesús, alhtaylh juniy:
―¿T'asu li k'i'uniycha li sawalhcha oxi ikmaestrojo? Jantu xamati yu oxi lapanak, yu chun wa pumatam, Dios. Li lhits'uk'up'ut'uni an jatsukunti yu jantu min'ojoy wa k'a'ilht'ucha tacha an najunta laka lhamap'a'sin.
18An ts'alh najun:
―¿Tanyucha lhamap'a'sini?
Pus an Jesús juniy, an tan najunta:
―Jant'u kat'ijama'nin, jant'u k'at'it'at'amat'i yu jant'u yu t'at'a'un, jant'u k'at'ija'alhawan, jant'u k'at'imaslak'at'in. 19Oxi k'ala'ts'i mimpay chi minati ch'i k'amap'aynit'i mint'alapanak t'ach'a akst'u map'aynik'an.
20Pus an ts'alh najun:
―Chunchacha k'ilhtuy wa kintajas'at'at, ¿tanyucha yu kintits'an'aniya?
21An Jesús juniy:
―Li ts'ajwi ts'uk'up'ut'un, k'ast'at'i an yu lhit'a'un, ch'i k'ajaxt'a'nincha an tumin an jakilhpatinin, ch'unch'a k'alhits'uk'uya'a yu laj'oxi tanlhun an lakt'iyan, ch'i k'at'ana'acha, ak'inch'a'o'aya'acha.
22Akxni chunchacha asmatlhi an ts'alh, ancho'olhcha, sawalhcha ta'oxila'alhi'alh, mu lhuw ixtanlhuni ixlit'ajun.
23Pus akxni an Jesús, jajuniy an ixt'alhtanan:
―Sawalh lhima'anxkayi kacha'ana pumatam yu jamatumin laka lhich'alhkat an lakt'iyan. 24Chi a'tam klajumpalaw, li palay wa lasi la'atam camello kala'pusli la ix'istaj makskat, walh jantu li katanuchalh la ixlich'alhkat Dios xamati jamatumin lapanak.
25Pus sawalhcha ixtalhi'a'niya akxni chunchacha ta'alha'asmatlhi an ixt'alhtanan an Jesús, chi tajuniy:
―¿Pus chuncha tisiyuchacha lay kata'alhtaxtuya'a?
26Chi sa'cha jala'ts'in, jajuniy:
―Yu jantu lay ilhtuy an lapanak, an Dios yucha layi ilhtu'ojoy, wa tuchicha.
27An Pedro, ja'alhtayanalh, najun:
―Kitnan iklhimakaw'otawcha kilaktanlhunk'an chi iklach'a'o'atawcha, ¿tisuncha akla'a'iyawi?
28An Jesús jajuniy:
―Sawalhi ani yu klajunaw akxni chuxcha kalaklasast'i'okana, kit'in isTs'alh Lapanak aktawlanta la kilhich'alhkat, tan iklhajaxtuta. Uxitnan yu kilach'a'o'ayaw, wachu ka'alina tan k'at'awlht'achi'it, lakakawt'uyi juntachalh, chi uxitnani k'ajach'alhk'atnaniya'it an kilhmakkawt'uy xalapanakni Israel. 29Wa tichicha yu kint'alhtanan chi lhimakajuncha ixcha'a, u ixjat'ala'awnin, u ixjamatsanan, u ixpay, u ixnati, u ixt'iwi, u ixjas'at'an, u ixlakaat'un, tam cientoj palayi kaxta'nikana', chi kaxta'nikana jatsukunti yu jantu min'ojoy. 30Pero ixluwk'ani yu p'ulhnaj chaway, yu'uncha astani katajuna', chi yu astan chaway p'ulhnaja katajuna'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.