Hechos 8
8
Ndo Saulo tjaun ndo tsóña ndo sen titikaon ndo Jesús
1Ndo Saulo naxrajeꞌo xraxaon ndo xranchi ni kóña ndo Esteban.
Ko nchakon meꞌe juangíxin na̱ tóña na̱ sen titikaon ndo Jesús tjajna Jerusalén ko kain sen titikaon ndo Cristo kuaxi chjekeꞌe sen sakjui sen nchijíi nunte Judea ko nunte Samaria. Ko jeꞌo sen apóstol tsikincheꞌe ndo Jesús kuituꞌe sen Jerusalén. 2Kaxin sen tsango titikaon ndo Dio juabaa sen ndo Esteban ko tsjangaxin sen ndo. 3#Hch. 22:4, 5; 26:9-11.*Ko xi Saulo ningakonꞌen xa sen titikaon ndo Cristo. Ko kuaxi xa kuixinꞌin xa ngujngu ndoꞌa sen ko itsé xa sen xi ko sen nchri ko bingakjin xa sen ko xraxinꞌin xa sen ndoꞌachjiso.
Juako sen chijnie ndo Cristo nunte Samaria
4Ko sen sajuixin tjajna Jerusalén stetjako sen chijnie ndo Cristo nchijíi ti no kuintekji sen. 5Naa ndo ndatinꞌin Felipe sakjui ndo naa tjajna nunte Samaria ko kuaxi ndo chronga ndo chijnie ndo Cristo. 6Ko tsango tsjé na̱ xraꞌo ntiꞌa ko kuinꞌen na̱ ngeꞌe ndachro ndo Felipe ixi ó bikon na̱ ixra̱ ijié juako ndo. 7Ko itsjé ni chónda espíritue Xixronꞌanxrée koxruenꞌen na̱ ko espíritu meꞌe kuyako kuachrjexin jeꞌe chujni meꞌe. Kueya ni juaꞌi tingatjen kuaxi na̱ itji na̱ ko ni ntarengo chao itji na̱ kaxon. 8Ko kain ni tjajna ijié tsango juaxruxin bakeꞌe na̱.
9Tjajna meꞌe bakeꞌe naa xi ndatinꞌin Simón, xi meꞌe tuso xa ko bancheyeꞌe xa ni nunte Samaria ko jeꞌe xa ndachro xa tsango tetuanꞌan xa. 10Kain na̱ jian stetinꞌen na̱, xjanchínchín ko ni tachríi ko ndachro na̱:
―Xi jiꞌi tsango chónda xa juachaxien ndo Dio.
11Kain na̱ bakitikaon na̱ xa ixi ti ixra̱ ijié bancheꞌe xa meꞌe juincheyeꞌe xa na̱ itsjé nano. 12Ko nchakon kuitikaon na̱ chijni juako ndo Felipe kondee juachaxien ndo Dio ko ndo Jesucristo, tjumeꞌe ni xi ko ni nchri bikitée na̱. 13Ko kaxon xi Simón, kuitikaon xa ko bikitée xa ko juangíxin xa ruéꞌe xa ndo Felipe ko tsango kuitekaon xa ixi bikon xa ixra̱ ijié juako ndo Felipe.
14Tjumeꞌe sen apóstol, sen tsikituꞌe tjajna Jerusalén, kuinꞌen sen ixi itsjé ni nunte Samaria ó kuitikaon na̱ chijnie ndo Dio. Ko tjumeꞌe kuetuenꞌen sen ndo Pedro ko ndo Juan satsji sen ntiꞌa. 15Ko nchakon kuiji sen juancheꞌe sen ndo Dio ixi ni titikaon ndo Cristo ntiꞌa xrokuayéꞌe na̱ Espíritue ndo Dio 16ixi xratayéꞌa na̱ Espíritue ndo. Jeꞌo tsikikitexin na̱ nombrée Ncháina Jesús. 17Tjumeꞌe ndo Pedro ko ndo Juan bakeꞌe itja sen ngataꞌa jaa na̱ ko kuayéꞌe na̱ Espíritue ndo Dio.
18Ko xi Simón bikon xa ixi sen apóstol bakeꞌe itja sen ngataꞌa jaa ni tsikitikaon ko kuayéꞌe na̱ Espíritue ndo Dio, ko tjumeꞌe xi Simón tjaun xa tsajon xa tomi ngajin sen apóstol 19ko ndachro xa:
―Chjánanta juachaxin ixi kaxon janꞌan tsakée tjáana ngataꞌa jaa chujni ko tsayéꞌe na̱ Espíritue ndo Dio.
20Ko ndachro ndo Pedro:
―Jaꞌa ko tomia xroche ti xroꞌi tangaꞌi ixi xraxaoan tseꞌna juachaxien ndo Dio. 21Jaꞌa juaꞌi sincheꞌe ixra̱ jiꞌi ixi ndo Dio noꞌe ndo ixi jaꞌa tjúáꞌi asáan. 22Ko tintuꞌé ti ndakoꞌa ncheꞌe ko tinóatáa ngajin ndo Dio ixi sincheméꞌe ndo ijie̱ chonda. 23Ó bikona ixi tsango chjuyeꞌe asáan ko kueya ijie̱ chonda.
24Ko tjumeꞌe xi Simón juateꞌe xa ndachro xa:
―Tjancheꞌenta Ncháina Jesús ixi ti ndachronta tsoenꞌa jiꞌin ngajin janꞌan. 25Tjumeꞌe juexin chronga sen apóstol chijnie ndo Jesús, sakjui sen itsjé tjajna tikinixinꞌen nunte Samaria ko juinchekuenꞌen sen na̱ chijni tajon juachaxin tsechón aséen chujni. Ko tjumeꞌe ikjan sen tjajna Jerusalén.
Ndo Felipe ko xi tsiki̱ꞌxi̱n tjajna Etiopía
26Tjumeꞌe naa ndo ángel neꞌe Ncháina Dio ndache ndo Felipe:
―Tingatjen satjia no níjin, ti jii chaꞌo xingajinxin chujni tjajna Jerusalén ti tjixin ni tjajna Gaza.
Chaꞌo jiꞌi tatsinga no ntajie. 27Ko ndo Felipe bingatjen ndo ko sakjui ndo no chaꞌo meꞌe. Ntiꞌa kuetan ndo naa xi tjajna Etiopía. Jeꞌe xa naa xi eunuco ko xi meꞌe tjaꞌo xa tomie jan Candace, naa jan reina tetuenꞌen tjajna Etiopía. Jeꞌe xa tsikji xa tjajna Jerusalén, ntiꞌa kuajon xa juasaya ngajin ndo Dio. 28Tjumeꞌe jeꞌe xa kjanxin xa tjajna Jerusalén ko satsji xa tjajnée xa ko jeꞌe xa jiyá xa naa carreta meꞌe jinchekuanxin xa naa xroon tsikjin ndo profeta Isaías, ndo kuachronga chijnie ndo Dio ó saꞌó. 29Ko Espíritue ndo Dio kuetuenꞌen ndo Felipe:
―Itjia tonchjiñeꞌe tjenka carreta meꞌe.
30Ko konchjiñeꞌe ndo Felipe ti jii carreta, ko kuinꞌen ndo ixi xi meꞌe jinchekuanxin xa xroon tsikjin ndo Isaías. Ko juanchangiꞌe ndo xa:
―¿Á tienxian ngeꞌe rinchekuanxian?
31Tjumeꞌe juateꞌe xa ko ndachro xa:
―¿Xranchi tsianxin siá xroꞌan ngisen tingijnana tsianxin ngeꞌe jichro xroon jiꞌi?
Ko juancheꞌe xa ndo Felipe tsajinꞌin ndo carreta tsakeꞌe ndo tjenka xa.
32Ko xroon chijnie ndo Dio jinchekuanxin xa, jaꞌin ndachro:
Sabikao na̱ ndo xranchi naa kutuchjon tsóña na̱.
Xranchi naa kutuchjon tenko ba nchakon kjinꞌen na̱ ba,
jaña jeꞌe ndo kaxon xroꞌan ngeꞌe ndachro ndo
ko xroꞌan ngeꞌe nichja ndo.
33Juanoa na̱ ndo ko juincheñeꞌa na̱ ndo ijie̱.
Ko sen kuachrjenixin ndo, ¿ngisen tseki jiꞌi?,
ixi jeꞌe ndo kuenꞌen ndo ngataꞌa nunte ntiꞌi.
34Tjumeꞌe xi eunuco juanchangiꞌe xa ndo Felipe ko ndachro xa:
―Ixudio ndachijiana ngisen konꞌen kain jiꞌin. ¿Á ndo tsikjin xroon jiꞌin o̱ á inaa ngisen?
35Tjumeꞌe ndo Felipe kuaxi ndo chronga ndo ti no jinchekuanxin xa ko juakoꞌe ndo xa chijnie ndo Jesús. 36Ko stetatsinga sen ti no jii inda, meꞌe ndachro xi eunuco:
―Ntiꞌi jii inda. ¿Á juaꞌi tsikitéexinna ntiꞌi?
37Ko ndachro ndo Felipe:
―Siá nduaxin titikáoan ngaya asáan, chao tsikitée.
Ko jeꞌe xa juateꞌe xa:
―Titikaꞌon ixi ndo Jesucristo, Chjenꞌen ndo Dio.
38Ko kuetuanꞌan xi meꞌe tsíxin carreta ko kayui sen xingajin sen ti jii inda ko ndo Felipe bikitée ndo xa. 39Tjumeꞌe juexin kuachrjexin sen inda, Espíritue ndo Dio sabikao ndo Felipe íjngo. Ko xi bikitée, í bikonꞌa xa ndo Felipe. Ko tsango juaxruxin kua xa chaoé xa. 40Ko ndo Felipe konoxin ndo tjajna Azoto ko bakatsinga ndo ngujngu tjajna ko kuachronga ndo chijnie Ncháina Jesús, jaña juincheꞌe ndo ko kuiji ndo tjajna Cesarea.
Currently Selected:
Hechos 8: ppsNT
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Hechos 8
8
Ndo Saulo tjaun ndo tsóña ndo sen titikaon ndo Jesús
1Ndo Saulo naxrajeꞌo xraxaon ndo xranchi ni kóña ndo Esteban.
Ko nchakon meꞌe juangíxin na̱ tóña na̱ sen titikaon ndo Jesús tjajna Jerusalén ko kain sen titikaon ndo Cristo kuaxi chjekeꞌe sen sakjui sen nchijíi nunte Judea ko nunte Samaria. Ko jeꞌo sen apóstol tsikincheꞌe ndo Jesús kuituꞌe sen Jerusalén. 2Kaxin sen tsango titikaon ndo Dio juabaa sen ndo Esteban ko tsjangaxin sen ndo. 3#Hch. 22:4, 5; 26:9-11.*Ko xi Saulo ningakonꞌen xa sen titikaon ndo Cristo. Ko kuaxi xa kuixinꞌin xa ngujngu ndoꞌa sen ko itsé xa sen xi ko sen nchri ko bingakjin xa sen ko xraxinꞌin xa sen ndoꞌachjiso.
Juako sen chijnie ndo Cristo nunte Samaria
4Ko sen sajuixin tjajna Jerusalén stetjako sen chijnie ndo Cristo nchijíi ti no kuintekji sen. 5Naa ndo ndatinꞌin Felipe sakjui ndo naa tjajna nunte Samaria ko kuaxi ndo chronga ndo chijnie ndo Cristo. 6Ko tsango tsjé na̱ xraꞌo ntiꞌa ko kuinꞌen na̱ ngeꞌe ndachro ndo Felipe ixi ó bikon na̱ ixra̱ ijié juako ndo. 7Ko itsjé ni chónda espíritue Xixronꞌanxrée koxruenꞌen na̱ ko espíritu meꞌe kuyako kuachrjexin jeꞌe chujni meꞌe. Kueya ni juaꞌi tingatjen kuaxi na̱ itji na̱ ko ni ntarengo chao itji na̱ kaxon. 8Ko kain ni tjajna ijié tsango juaxruxin bakeꞌe na̱.
9Tjajna meꞌe bakeꞌe naa xi ndatinꞌin Simón, xi meꞌe tuso xa ko bancheyeꞌe xa ni nunte Samaria ko jeꞌe xa ndachro xa tsango tetuanꞌan xa. 10Kain na̱ jian stetinꞌen na̱, xjanchínchín ko ni tachríi ko ndachro na̱:
―Xi jiꞌi tsango chónda xa juachaxien ndo Dio.
11Kain na̱ bakitikaon na̱ xa ixi ti ixra̱ ijié bancheꞌe xa meꞌe juincheyeꞌe xa na̱ itsjé nano. 12Ko nchakon kuitikaon na̱ chijni juako ndo Felipe kondee juachaxien ndo Dio ko ndo Jesucristo, tjumeꞌe ni xi ko ni nchri bikitée na̱. 13Ko kaxon xi Simón, kuitikaon xa ko bikitée xa ko juangíxin xa ruéꞌe xa ndo Felipe ko tsango kuitekaon xa ixi bikon xa ixra̱ ijié juako ndo Felipe.
14Tjumeꞌe sen apóstol, sen tsikituꞌe tjajna Jerusalén, kuinꞌen sen ixi itsjé ni nunte Samaria ó kuitikaon na̱ chijnie ndo Dio. Ko tjumeꞌe kuetuenꞌen sen ndo Pedro ko ndo Juan satsji sen ntiꞌa. 15Ko nchakon kuiji sen juancheꞌe sen ndo Dio ixi ni titikaon ndo Cristo ntiꞌa xrokuayéꞌe na̱ Espíritue ndo Dio 16ixi xratayéꞌa na̱ Espíritue ndo. Jeꞌo tsikikitexin na̱ nombrée Ncháina Jesús. 17Tjumeꞌe ndo Pedro ko ndo Juan bakeꞌe itja sen ngataꞌa jaa na̱ ko kuayéꞌe na̱ Espíritue ndo Dio.
18Ko xi Simón bikon xa ixi sen apóstol bakeꞌe itja sen ngataꞌa jaa ni tsikitikaon ko kuayéꞌe na̱ Espíritue ndo Dio, ko tjumeꞌe xi Simón tjaun xa tsajon xa tomi ngajin sen apóstol 19ko ndachro xa:
―Chjánanta juachaxin ixi kaxon janꞌan tsakée tjáana ngataꞌa jaa chujni ko tsayéꞌe na̱ Espíritue ndo Dio.
20Ko ndachro ndo Pedro:
―Jaꞌa ko tomia xroche ti xroꞌi tangaꞌi ixi xraxaoan tseꞌna juachaxien ndo Dio. 21Jaꞌa juaꞌi sincheꞌe ixra̱ jiꞌi ixi ndo Dio noꞌe ndo ixi jaꞌa tjúáꞌi asáan. 22Ko tintuꞌé ti ndakoꞌa ncheꞌe ko tinóatáa ngajin ndo Dio ixi sincheméꞌe ndo ijie̱ chonda. 23Ó bikona ixi tsango chjuyeꞌe asáan ko kueya ijie̱ chonda.
24Ko tjumeꞌe xi Simón juateꞌe xa ndachro xa:
―Tjancheꞌenta Ncháina Jesús ixi ti ndachronta tsoenꞌa jiꞌin ngajin janꞌan. 25Tjumeꞌe juexin chronga sen apóstol chijnie ndo Jesús, sakjui sen itsjé tjajna tikinixinꞌen nunte Samaria ko juinchekuenꞌen sen na̱ chijni tajon juachaxin tsechón aséen chujni. Ko tjumeꞌe ikjan sen tjajna Jerusalén.
Ndo Felipe ko xi tsiki̱ꞌxi̱n tjajna Etiopía
26Tjumeꞌe naa ndo ángel neꞌe Ncháina Dio ndache ndo Felipe:
―Tingatjen satjia no níjin, ti jii chaꞌo xingajinxin chujni tjajna Jerusalén ti tjixin ni tjajna Gaza.
Chaꞌo jiꞌi tatsinga no ntajie. 27Ko ndo Felipe bingatjen ndo ko sakjui ndo no chaꞌo meꞌe. Ntiꞌa kuetan ndo naa xi tjajna Etiopía. Jeꞌe xa naa xi eunuco ko xi meꞌe tjaꞌo xa tomie jan Candace, naa jan reina tetuenꞌen tjajna Etiopía. Jeꞌe xa tsikji xa tjajna Jerusalén, ntiꞌa kuajon xa juasaya ngajin ndo Dio. 28Tjumeꞌe jeꞌe xa kjanxin xa tjajna Jerusalén ko satsji xa tjajnée xa ko jeꞌe xa jiyá xa naa carreta meꞌe jinchekuanxin xa naa xroon tsikjin ndo profeta Isaías, ndo kuachronga chijnie ndo Dio ó saꞌó. 29Ko Espíritue ndo Dio kuetuenꞌen ndo Felipe:
―Itjia tonchjiñeꞌe tjenka carreta meꞌe.
30Ko konchjiñeꞌe ndo Felipe ti jii carreta, ko kuinꞌen ndo ixi xi meꞌe jinchekuanxin xa xroon tsikjin ndo Isaías. Ko juanchangiꞌe ndo xa:
―¿Á tienxian ngeꞌe rinchekuanxian?
31Tjumeꞌe juateꞌe xa ko ndachro xa:
―¿Xranchi tsianxin siá xroꞌan ngisen tingijnana tsianxin ngeꞌe jichro xroon jiꞌi?
Ko juancheꞌe xa ndo Felipe tsajinꞌin ndo carreta tsakeꞌe ndo tjenka xa.
32Ko xroon chijnie ndo Dio jinchekuanxin xa, jaꞌin ndachro:
Sabikao na̱ ndo xranchi naa kutuchjon tsóña na̱.
Xranchi naa kutuchjon tenko ba nchakon kjinꞌen na̱ ba,
jaña jeꞌe ndo kaxon xroꞌan ngeꞌe ndachro ndo
ko xroꞌan ngeꞌe nichja ndo.
33Juanoa na̱ ndo ko juincheñeꞌa na̱ ndo ijie̱.
Ko sen kuachrjenixin ndo, ¿ngisen tseki jiꞌi?,
ixi jeꞌe ndo kuenꞌen ndo ngataꞌa nunte ntiꞌi.
34Tjumeꞌe xi eunuco juanchangiꞌe xa ndo Felipe ko ndachro xa:
―Ixudio ndachijiana ngisen konꞌen kain jiꞌin. ¿Á ndo tsikjin xroon jiꞌin o̱ á inaa ngisen?
35Tjumeꞌe ndo Felipe kuaxi ndo chronga ndo ti no jinchekuanxin xa ko juakoꞌe ndo xa chijnie ndo Jesús. 36Ko stetatsinga sen ti no jii inda, meꞌe ndachro xi eunuco:
―Ntiꞌi jii inda. ¿Á juaꞌi tsikitéexinna ntiꞌi?
37Ko ndachro ndo Felipe:
―Siá nduaxin titikáoan ngaya asáan, chao tsikitée.
Ko jeꞌe xa juateꞌe xa:
―Titikaꞌon ixi ndo Jesucristo, Chjenꞌen ndo Dio.
38Ko kuetuanꞌan xi meꞌe tsíxin carreta ko kayui sen xingajin sen ti jii inda ko ndo Felipe bikitée ndo xa. 39Tjumeꞌe juexin kuachrjexin sen inda, Espíritue ndo Dio sabikao ndo Felipe íjngo. Ko xi bikitée, í bikonꞌa xa ndo Felipe. Ko tsango juaxruxin kua xa chaoé xa. 40Ko ndo Felipe konoxin ndo tjajna Azoto ko bakatsinga ndo ngujngu tjajna ko kuachronga ndo chijnie Ncháina Jesús, jaña juincheꞌe ndo ko kuiji ndo tjajna Cesarea.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.