Lukéstar 14
14
1Nakló so nakló, del odovká sabatoné andé jekhé kheréste káte bešélas jek baró maškár e rašajénde, bešél te xal maŗó, ol‐da sa dikhén les.
2Áke aló léske jek nasfaló — vodjánka sas léske.
3Amí vakerél o Ísus e sikljardénge, thai e rašajénge: Lačés‐li, sabatoné ta te sastjaráv?
4Ol‐da táinen, na vakerén. Togái astarél les o Ísus, sastjarél, mukjél.
5Thai vakerél: Isí‐li déko paš tuménde — perél léske ándo xaník o gurúv ili o xer, — nána ikalél les sabatoné?
6Ol‐da nána džanén so te vakerén.
7Odolkénge kai alé vakerél jek paramísi, sostár dikhél kai sáoŗe mangén o nái‐glávno than káte bešén. Vakerél:
8Tumén, ko biáv kána vikínen, ma‐thovén tumén nái‐anglé, sostár mošt’ avél tuméndar jek pó‐baredér.
9Thai móšte avél odovká kai posreštínel hem tut hem e pó‐barederés‐da, thai te vakerél túke: De‐ta akalkéske to than, thai togái ladžaindós kadžás ko telutnó than.
10Amí te posreštínen tut, dža‐ta ko telutnó than, ta t’aavél o gostiničári, túke te phenél: Ábe Sínko, t’aavés pó‐anglé. Čoká k’oovél túke ašaribé mamúi e muršénde kai isí ki mása bešté.
11Sostár odovká kai barjarél pes, les kateljarén, ko teljarél pes, les ka‐uxtjavén.
12E gostiničarjéske‐da vakerél: Ko xabé javiné ili beleáke kána vikínes, ma vikín te amalén, ni te phralén, ni te endanjén, ni e komšidén kai isí barvalé, ta te na vikínen tut ol‐da, thai adžuká t’ovél túke ti nagráda.
13Amí xabé kána gotvínes, e čoŗén, e bangén thai odolkén kai langén, thai e koŗén, saoŗén te vikínes,
14Čoká baxtaló kovés, sostár ol‐da naští pále posreštínen tut, amí t’oovél túke nagráda, kána uxtjén o sfjáti mulé.
15Šunél jek murš kai beštó sas ki mása, vakerél: Baxtaló isí odovká kai xal maŗó ándo thagaribé e Devléskoro.
16Odovká‐da, o Ísus, vakerél: Siné jek murš, kerél baró xabé, but dženén‐da vikínel.
17Ko sáxati e xabnáskoro, pe slugás andé dromén ko góstja bičhalél, te vakerél: T’aavén ko xabé, sóske sa gutóvo isí.
18Sáoŗe len, izvinínen‐pes. Phenél adavká: Isí man jek livádia, kindjóm, t’ íkljovav, te dikháv les, mangáv tut, te izvinínes man.
19Odovká phenél: Panš čift guruvén kindjóm, te džav, te dikháv len, mangáv tut, te izvinínes man.
20Avér jek džené vakerén: Džuvljá liljóm, naští aváv.
21Irisájlo i slúga, anél o nevipé pe gospodinjéske. Odovká‐da zoralés xoljasájlo, pe slugáske phenél: Pó‐sigo te džas ko dromá thai ko úlitses ándi Dis, igál‐ta e telutné‐dadéskere dženén, e bangén thai odolkén kai langén, e koŗéntsa berabér saoŗén t’ igalés athé.
22Phenél i slúga: Ábe baréja čoká kerdjóm, amá pánda than ačhól.
23Phenél adavká pe slugáske: Dža‐ta, íkljov ko baré‐dromá, thai ko barjá, thai ker‐ta t’aavén paš man, ta te phérdjol mo kher.
24Amí tuménge phenáv: Níko kai vikindjómas kaxál mo xabé.
25But manúš palál les geló, ov‐da irisájlo, phendjás:
26T’aavél déko paš man, thai mándar po‐but déxel pe dadés, pe daiá, pe ŗomnjá, pe čhavén, thai pe phralén, pe phenjén, thai oví po džiipé‐da, odovká naští ovél amál moŗó.
27Thai savó nána lel po trušúl, thai palál man avél, odovká mo amál naští ovél.
28Isí‐li maškár tuménde džené kai mangén te kerén jek baró kher, ne‐li po‐anglé kabešén, kagenén kití páres trebínel, ta te svŭršínen les?
29Ta te na aprasán len sáoŗe kána dikhén kai ol naští svŭršínen so lilé te kerén.
30Ta te na vakerén: Áke liljás, kerjardjás, amí naští doresavélas.
31Jek thagár kána íkljol, averé thagarés ta te mudarél, ne‐li pó‐anglé bešél, del pez godí, t’ovén léske deš xiljádes džené askérja, resél‐li po zoralipé ta te džal, biš xiljádes dženén askerjén te mudarél, odolká‐da düšmánja kai isí?
32Avér túrlis nanái léske so te kerél, togái trébe te džal, o avér thagár kána léstar pánda durál térdjol, thai te bičhalél léske rasilnikós, te mangél les’, te na mudarél pes lésa.
33Čoká ko na otvakerél pes katár po barvalipé thai katár sa, so si léske andé dünjás, naští ovél učénikos moŗó.
34O lon, lačó kai isí, amí te našavél po zoralibé, sar te ispravíndjovel?
35Nanái lačó ni e phuvjáke ni e gošnjénge, amí čhívdjovel na‐avrí. Káske isí kaná, te kándel.
Currently Selected:
Lukéstar 14: ARL1912
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society
Lukéstar 14
14
1Nakló so nakló, del odovká sabatoné andé jekhé kheréste káte bešélas jek baró maškár e rašajénde, bešél te xal maŗó, ol‐da sa dikhén les.
2Áke aló léske jek nasfaló — vodjánka sas léske.
3Amí vakerél o Ísus e sikljardénge, thai e rašajénge: Lačés‐li, sabatoné ta te sastjaráv?
4Ol‐da táinen, na vakerén. Togái astarél les o Ísus, sastjarél, mukjél.
5Thai vakerél: Isí‐li déko paš tuménde — perél léske ándo xaník o gurúv ili o xer, — nána ikalél les sabatoné?
6Ol‐da nána džanén so te vakerén.
7Odolkénge kai alé vakerél jek paramísi, sostár dikhél kai sáoŗe mangén o nái‐glávno than káte bešén. Vakerél:
8Tumén, ko biáv kána vikínen, ma‐thovén tumén nái‐anglé, sostár mošt’ avél tuméndar jek pó‐baredér.
9Thai móšte avél odovká kai posreštínel hem tut hem e pó‐barederés‐da, thai te vakerél túke: De‐ta akalkéske to than, thai togái ladžaindós kadžás ko telutnó than.
10Amí te posreštínen tut, dža‐ta ko telutnó than, ta t’aavél o gostiničári, túke te phenél: Ábe Sínko, t’aavés pó‐anglé. Čoká k’oovél túke ašaribé mamúi e muršénde kai isí ki mása bešté.
11Sostár odovká kai barjarél pes, les kateljarén, ko teljarél pes, les ka‐uxtjavén.
12E gostiničarjéske‐da vakerél: Ko xabé javiné ili beleáke kána vikínes, ma vikín te amalén, ni te phralén, ni te endanjén, ni e komšidén kai isí barvalé, ta te na vikínen tut ol‐da, thai adžuká t’ovél túke ti nagráda.
13Amí xabé kána gotvínes, e čoŗén, e bangén thai odolkén kai langén, thai e koŗén, saoŗén te vikínes,
14Čoká baxtaló kovés, sostár ol‐da naští pále posreštínen tut, amí t’oovél túke nagráda, kána uxtjén o sfjáti mulé.
15Šunél jek murš kai beštó sas ki mása, vakerél: Baxtaló isí odovká kai xal maŗó ándo thagaribé e Devléskoro.
16Odovká‐da, o Ísus, vakerél: Siné jek murš, kerél baró xabé, but dženén‐da vikínel.
17Ko sáxati e xabnáskoro, pe slugás andé dromén ko góstja bičhalél, te vakerél: T’aavén ko xabé, sóske sa gutóvo isí.
18Sáoŗe len, izvinínen‐pes. Phenél adavká: Isí man jek livádia, kindjóm, t’ íkljovav, te dikháv les, mangáv tut, te izvinínes man.
19Odovká phenél: Panš čift guruvén kindjóm, te džav, te dikháv len, mangáv tut, te izvinínes man.
20Avér jek džené vakerén: Džuvljá liljóm, naští aváv.
21Irisájlo i slúga, anél o nevipé pe gospodinjéske. Odovká‐da zoralés xoljasájlo, pe slugáske phenél: Pó‐sigo te džas ko dromá thai ko úlitses ándi Dis, igál‐ta e telutné‐dadéskere dženén, e bangén thai odolkén kai langén, e koŗéntsa berabér saoŗén t’ igalés athé.
22Phenél i slúga: Ábe baréja čoká kerdjóm, amá pánda than ačhól.
23Phenél adavká pe slugáske: Dža‐ta, íkljov ko baré‐dromá, thai ko barjá, thai ker‐ta t’aavén paš man, ta te phérdjol mo kher.
24Amí tuménge phenáv: Níko kai vikindjómas kaxál mo xabé.
25But manúš palál les geló, ov‐da irisájlo, phendjás:
26T’aavél déko paš man, thai mándar po‐but déxel pe dadés, pe daiá, pe ŗomnjá, pe čhavén, thai pe phralén, pe phenjén, thai oví po džiipé‐da, odovká naští ovél amál moŗó.
27Thai savó nána lel po trušúl, thai palál man avél, odovká mo amál naští ovél.
28Isí‐li maškár tuménde džené kai mangén te kerén jek baró kher, ne‐li po‐anglé kabešén, kagenén kití páres trebínel, ta te svŭršínen les?
29Ta te na aprasán len sáoŗe kána dikhén kai ol naští svŭršínen so lilé te kerén.
30Ta te na vakerén: Áke liljás, kerjardjás, amí naští doresavélas.
31Jek thagár kána íkljol, averé thagarés ta te mudarél, ne‐li pó‐anglé bešél, del pez godí, t’ovén léske deš xiljádes džené askérja, resél‐li po zoralipé ta te džal, biš xiljádes dženén askerjén te mudarél, odolká‐da düšmánja kai isí?
32Avér túrlis nanái léske so te kerél, togái trébe te džal, o avér thagár kána léstar pánda durál térdjol, thai te bičhalél léske rasilnikós, te mangél les’, te na mudarél pes lésa.
33Čoká ko na otvakerél pes katár po barvalipé thai katár sa, so si léske andé dünjás, naští ovél učénikos moŗó.
34O lon, lačó kai isí, amí te našavél po zoralibé, sar te ispravíndjovel?
35Nanái lačó ni e phuvjáke ni e gošnjénge, amí čhívdjovel na‐avrí. Káske isí kaná, te kándel.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society