San Marcos 12:29-31

San Marcos 12:29-31 MIY

Te̱ ni̱ kaꞌa̱n Jesús xiinꞌ ra̱ ndii: ―Tu̱ꞌu̱n nde̱iꞌ kaꞌnuꞌ ka̱ ndii, ña̱ yo̱ꞌo̱ꞌ nduuꞌ a̱: “Ne̱ vi̱ꞌe̱ Israel, ku̱ni̱ so̱ꞌo̱ ndo̱ꞌ, xa̱ i̱i̱n nda̱a̱ꞌ xto̱ꞌo̱ e̱ꞌ Ndiosí kui̱ti̱ꞌ nduuꞌ xto̱ꞌo̱ e̱ꞌ. Sa̱kanꞌ na kuiiꞌ ku̱ndani̱ ndo̱ꞌ xto̱ꞌo̱ e̱ꞌ Ndiosí xiinꞌ ka̱niiꞌ nimá ndo̱ꞌ, xiinꞌ ka̱niiꞌ ña̱ nduuꞌ ndo̱ꞌ, xiinꞌ sa̱kuuꞌ ña̱ xanini ndo̱ꞌ, xiinꞌ sa̱kuuꞌ ña̱ ndi̱e̱eꞌ ndo̱ꞌ”, ña̱ kaa̱ꞌ nduuꞌ ña̱ kaꞌnuꞌ ka̱. Te̱ ña̱ uvi̱ ndii, yatinꞌ i̱i̱n kachi kaꞌnuꞌ a̱ xiinꞌ ña̱ kaa̱ꞌ, kaꞌán a̱ ndii: “Ku̱ndani̱ ndo̱ꞌ sa̱kuuꞌ ne̱ yivi̱ꞌ xiinꞌ ndo̱ꞌ nde̱e̱ naa kundani̱ xiinꞌ miiꞌ mi̱iꞌ ndo̱ꞌ”, sa̱kanꞌ kachi a̱. Te̱ kö̱o̱ꞌ ka̱ i̱nga̱ tu̱ꞌu̱n nde̱iꞌ ña̱ kaꞌnuꞌ ka̱ te̱ sa̱kanꞌ ña̱ uvi̱ ta̱ꞌan ja̱a̱nꞌ ―ni̱ kachi̱ Jesús.

Read San Marcos 12

Listen to San Marcos 12