Génesis 16
16
Xeꞌen Abram ko Agar
1Ko Sarai, chriꞌi Abram, chroꞌa banchekunkjiꞌi chjan, ko jeꞌe bechunda naa nchri nchexra egipcia, thi kueꞌna ko biꞌin nchra Agar. 2Kuthimejan Sarai ndache Abram:
—Ndo Dio chjanaꞌa juachaxin sinthakunkjia chjan. Nthatsaꞌan ñao darichrikoꞌo nchri nchexrana ko jañaa chjan sinchekunkjiꞌi nchra, rukjan xraa xanꞌna.
Ko Abram bithikaon thi ndachro Sarai. 3Ko Sarai bajon nchri nchexree ixin kai rukji chriꞌi Abram. Ko ubathuja the nano binthe na̱ ngain nunthe Canaán are kuꞌen jiꞌi. 4Ko Abram bejuakaꞌo nchra ko tabeyaa nchra chjan. Ko are kunuꞌe nchra ixin ubeyaa nchra chjan ichrjuinꞌa bancheꞌe nchra ngain Sarai. 5Kuthimejan ndachro Sarai ngain Abram:
—Kain jiꞌi jaꞌa rika. Jaꞌan bajon nchri nchexrana barichrikoꞌo nchra ko jai ixin ujiyaa nchra chjan, icha renthe tunuꞌe nchra ko ningakuna nchra. Ko Ndo Dio rundachro kensen jianꞌa bincheꞌe, jaꞌa o jaꞌan.
6Kuthimejan batheꞌe Abram:
—Tsjexin, jaꞌa kueꞌna Agar, nchri nchexraa, mexinxin ncheꞌe ngain nchra thi jaꞌa rinao.
Ko kuexiꞌin Sarai binchegatho tangi Agar, mexinxin Agar sakuingeꞌe nchri nchee. 7Kuthimejan Agar biji ngain naa thi chrinduxin jinda ngain nunthe xema thi xruꞌin jii, nu ngandeꞌe nthiꞌá bakjixin na̱ Shur, ko chrika nda mee, angeel Ndo Dio betan Agar. 8Ko ángel ndachro:
—Agar, nchri nchexree Sarai, ¿thinoo juixin jaꞌa, ko thinoo thji?
Ko Agar batheꞌe:
—Sarrithingaa nchana, Sarai.
9Ko ndachro angeel Ndo Dio:
—Sakjan ngain nchri nchaa, ko dithikaon kain thi situꞌan.
10Kai ndachro ángel ngain Agar:
«Anto sinthatsjé chujni sachrjeninxin jaꞌa,
ko chroꞌa sikin na̱ ixin anto tsjé na̱.
11Jai urriyaꞌa chjan ko sinchekunkjiꞌi naa xan xii.
Ko sinchegiꞌin xan Ismael
ixin Ndo Dio bikon ko kuiꞌin Ndo kain thi tangi kuꞌan.
12Ko tsji xan naa xii xruꞌin kensen sacha ngain xan,
ko tsetukaꞌo xan kain chujni, ko kain chujni tsetukaꞌo jeꞌe xan,
ko ngain nuntheꞌe xan seꞌe xan
maski tsetukaꞌo xan xan choo xan.»
13Are Ndo Dio juexin nichjee Agar, jeꞌe binchegiꞌin Ndo: «Suixin, thi Dio dikon na jaꞌan.» Ixin ndachro: «Anto ndua ixin jaꞌan bikon, thi bikon na jaꞌan.» 14Mexinxin are maꞌo thi thue bagantsjexin na̱ jinda biꞌin: «Thue thetuꞌan Ndo Dio, Ndo jichon ko kain dikon Ndo.» Ko thue jiꞌi xra jii ngayee rajna Cades ko rajna Bered.
15Ko Agar binchekunkjiꞌi xeꞌen Abram, ko Abram binchegiꞌin xan Ismael. 16Abram bechunda noo kan ko inkjaon nano are Agar binchekunkjiꞌi Ismael.
Currently Selected:
Génesis 16: plsNT
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. All rights reserved.
Génesis 16
16
Xeꞌen Abram ko Agar
1Ko Sarai, chriꞌi Abram, chroꞌa banchekunkjiꞌi chjan, ko jeꞌe bechunda naa nchri nchexra egipcia, thi kueꞌna ko biꞌin nchra Agar. 2Kuthimejan Sarai ndache Abram:
—Ndo Dio chjanaꞌa juachaxin sinthakunkjia chjan. Nthatsaꞌan ñao darichrikoꞌo nchri nchexrana ko jañaa chjan sinchekunkjiꞌi nchra, rukjan xraa xanꞌna.
Ko Abram bithikaon thi ndachro Sarai. 3Ko Sarai bajon nchri nchexree ixin kai rukji chriꞌi Abram. Ko ubathuja the nano binthe na̱ ngain nunthe Canaán are kuꞌen jiꞌi. 4Ko Abram bejuakaꞌo nchra ko tabeyaa nchra chjan. Ko are kunuꞌe nchra ixin ubeyaa nchra chjan ichrjuinꞌa bancheꞌe nchra ngain Sarai. 5Kuthimejan ndachro Sarai ngain Abram:
—Kain jiꞌi jaꞌa rika. Jaꞌan bajon nchri nchexrana barichrikoꞌo nchra ko jai ixin ujiyaa nchra chjan, icha renthe tunuꞌe nchra ko ningakuna nchra. Ko Ndo Dio rundachro kensen jianꞌa bincheꞌe, jaꞌa o jaꞌan.
6Kuthimejan batheꞌe Abram:
—Tsjexin, jaꞌa kueꞌna Agar, nchri nchexraa, mexinxin ncheꞌe ngain nchra thi jaꞌa rinao.
Ko kuexiꞌin Sarai binchegatho tangi Agar, mexinxin Agar sakuingeꞌe nchri nchee. 7Kuthimejan Agar biji ngain naa thi chrinduxin jinda ngain nunthe xema thi xruꞌin jii, nu ngandeꞌe nthiꞌá bakjixin na̱ Shur, ko chrika nda mee, angeel Ndo Dio betan Agar. 8Ko ángel ndachro:
—Agar, nchri nchexree Sarai, ¿thinoo juixin jaꞌa, ko thinoo thji?
Ko Agar batheꞌe:
—Sarrithingaa nchana, Sarai.
9Ko ndachro angeel Ndo Dio:
—Sakjan ngain nchri nchaa, ko dithikaon kain thi situꞌan.
10Kai ndachro ángel ngain Agar:
«Anto sinthatsjé chujni sachrjeninxin jaꞌa,
ko chroꞌa sikin na̱ ixin anto tsjé na̱.
11Jai urriyaꞌa chjan ko sinchekunkjiꞌi naa xan xii.
Ko sinchegiꞌin xan Ismael
ixin Ndo Dio bikon ko kuiꞌin Ndo kain thi tangi kuꞌan.
12Ko tsji xan naa xii xruꞌin kensen sacha ngain xan,
ko tsetukaꞌo xan kain chujni, ko kain chujni tsetukaꞌo jeꞌe xan,
ko ngain nuntheꞌe xan seꞌe xan
maski tsetukaꞌo xan xan choo xan.»
13Are Ndo Dio juexin nichjee Agar, jeꞌe binchegiꞌin Ndo: «Suixin, thi Dio dikon na jaꞌan.» Ixin ndachro: «Anto ndua ixin jaꞌan bikon, thi bikon na jaꞌan.» 14Mexinxin are maꞌo thi thue bagantsjexin na̱ jinda biꞌin: «Thue thetuꞌan Ndo Dio, Ndo jichon ko kain dikon Ndo.» Ko thue jiꞌi xra jii ngayee rajna Cades ko rajna Bered.
15Ko Agar binchekunkjiꞌi xeꞌen Abram, ko Abram binchegiꞌin xan Ismael. 16Abram bechunda noo kan ko inkjaon nano are Agar binchekunkjiꞌi Ismael.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. All rights reserved.