Génesis 25
25
Beꞌen Abraham
1Ko kai Abraham bechunda inaa nchrii, biꞌin Cetura. 2Ko jaꞌin binthegiꞌin chjan bechundakaꞌo nchra: Xan Zimram, xan Jocsán, xan Medán, xan Madián, xan Isbac ko xan Súa. 3Jocsán kjui ndudee xan Seba ko xan Dedán. Ko xeꞌen Dedán kjui xan Asurim, xan Letusim ko xan Leumim. 4Ko xeꞌen Madián kjui xan Efa, xan Efer, xan Hanoc, xan Abida ko xan Elda. Kain ni teꞌi bachrjeninxin Abraham ko Cetura. 5Abraham bajon kain thi bechunda ngain xeꞌen, xan biꞌin Isaac. 6Ko kain chjan bechunda ngain kain nchrii icha, Abraham binchethuen xan nchin thi bechunda, ko are xra bechon jeꞌe bantsjenda kain xan teꞌi ko ruaꞌan xan ngain nunthe te nu thi chrinxin nchaꞌon, ko jeꞌo Isaac bithuꞌe.
Beꞌen ko xrabaa Abraham
7Kain nchaꞌon bechon Abraham kjui naa renkia ko nii kan ko thenaꞌo nano. 8Ko maski unthaxii, xra suji are beꞌen, ko are beꞌen kjuabaa na̱ thi xrabaa chujnii. 9Kuthimejan Isaac ko Ismael, xeꞌen Abraham, kjuabaa ndudee xan ngain thjao jichrjadoꞌo diꞌin Macpela, thi jii nunthe digayee Efrón, xeꞌen Zohar, thi heteo. Ko nunthe mee beꞌe chiaon nunthe Mamre, 10ko mee thi nunthe kueꞌna Abraham ngain ni bachrjeninxin Het. Ko nthiꞌa xrabaa Abraham ngakee chriꞌi. 11Ko are beꞌen Abraham, kuthimejan Ndo Dio binchenchaon Isaac, ko jeꞌe beꞌe chrikee thue dachrjedoꞌo jinda biꞌin «Thi jichon ko dikon na».
Ni bachrjeninxin Ismael
12Ko jaꞌin binthegiꞌin xeꞌen Ismael, thi kjui xeꞌen Abraham ko Agar, thi nchri egipcia kueꞌna Sara. 13Kain jiꞌi xeꞌen Ismael ko nthiꞌi tetaxin xan inchin bintheguan xan: xan saꞌo kjui Nebaiot, kuthejan xan Cedar, xan Adbeel, xan Mibsam, 14xan Misma, xan Duma, xan Massa, 15xan Hadar, xan Tema, xan Jetur, xan Nafis ko xan Cedema. 16Jaꞌin biꞌin thi theyoo xeꞌen Ismael, ko bechunda xan nuntheꞌe xan ko nchia ndasiꞌin xan, ko nuntheꞌe xan biꞌin inchin jeꞌe xan.
17Ko Ismael bechon naa renkia ko kan ko theyaato nano, ko are beꞌen xrabaa thi xrabaa ni chujnii. 18Ko kain chujnii Ismael tatse na̱ nguii nunthe thi thexinxin nu Havila ko diji nu Shur, thi jii nu ngathexin nunthe Egipto ko nu Asiria. Ko nthiꞌa beꞌen ngathexin kon kain xan choo.
Guan Esaú ko Jacob
19Jiꞌi kain ni bachrjeninxin Isaac, thi kjui xeꞌen Abraham. 20Are Isaac bechunda yoo kan nano bekaꞌo Rebeca, xeꞌen Betuel, thi arameo beꞌe nuntheꞌe Padan-aram, kai kjui xan choo Labán, thi arameo. 21Ko Rebeca chroꞌa bagechunda chjan, mexinxin Isaac banchieꞌe Ndo Dio ixin Rebeca ruchunda chjan, ko kuiꞌin Ndo thi banchia Isaac, ko Rebeca unchao beyaa chjan. 22Ko kunuꞌe ixin beyaa yoo chjan, ko baketo xan ngaxiꞌin tseꞌe janee xan, mexinxin ndachro jan ngain Ndo Dio: «Ndo Diuna, ¿unda tuna jiꞌi jaꞌan?» 23Ko Ndo Dio ndachro Ndo:
«Yui xaꞌan jingaa tsee
tsetuꞌan xan yoo nunthe,
ko ngaxiꞌon tsee, uningakuꞌen choo xan.
Ko naa nunthe icha suji tsji ke inaa nunthe,
ko xan saꞌo rukjan xi nchexree xan nchiin.»
24Ko nchaꞌon kunkjiꞌi xan, Rebeca bikon ixin jaan, guan yoo xan. 25Xan saꞌo guan xraa jatse nthauꞌe xan ko nguixin xan bechunda xan xralachjunchjan; mexinxin binchegiꞌin na̱ xan Esaú. 26Ko tuin guan xan choo xan, ko xan jiꞌi jitseꞌe chreen ruthee xan Esaú, mexinxin binchegiꞌin na̱ xan Jacob. Ko Isaac bechunda nii kan nano are bintheguan xeꞌen.
Esaú binchekji thi jikininxin xan saꞌo
27Ko xan teꞌi binthegangi xan, ko Esaú banchexruxiꞌin bakji ngataon jngi ko baguen kuxiigo bane na̱, aro Jacob banchexruxinꞌa bagachrje ko icha banchexruxiꞌin tabagithuꞌe nchia. 28Isaac icha thjueꞌe Esaú ixin bane kuxiigo baguen xan, aro Rebeca icha thjueꞌe Jacob.
29Ko naa nchaꞌon Jacob jinchechjian naa ndaxra, ko Esaú anto dikunchrjen kjanxin ngataon jngi. 30Ko ndachro ngain Jacob:
—¡Chrjuin jatse ndaxra rinchechjian mee! Nthatsaꞌan ñao, chjana nchin ndaxra sine ixin ndajidenxin na jintha.
31Ko Jacob ndachro:
—Saꞌo nchekjina juachaxin jikininxin xan saꞌo.
32Kuthimejan ndachro Esaú:
—Jaan, nthathuꞌan juachaxin mee, ¿keꞌe sundana ja̱ ndajidenxin na jintha?
33Ko Jacob ndachro inaa:
—Saꞌo ngathexin kon Ndo Dio ndachro ixin thi jikininxin dayee xan saꞌo sayaa jaꞌan ngain nchaꞌon jiꞌi.
Ko jañaa Esaú bajin ngathexin kon Ndo Dio ixin jaan, sajon thi jeꞌe jikininxin. 34Kuthimejan Jacob bajon nchin niuthja ko ndaxra lenteja binchechjian jeꞌe. Ko Esaú are juexin juine bingathjen ko sakjui. Ko jañaa Esaú bincherentheꞌa thi juachaxin bagayee xan saꞌo.
Currently Selected:
Génesis 25: plsNT
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. All rights reserved.
Génesis 25
25
Beꞌen Abraham
1Ko kai Abraham bechunda inaa nchrii, biꞌin Cetura. 2Ko jaꞌin binthegiꞌin chjan bechundakaꞌo nchra: Xan Zimram, xan Jocsán, xan Medán, xan Madián, xan Isbac ko xan Súa. 3Jocsán kjui ndudee xan Seba ko xan Dedán. Ko xeꞌen Dedán kjui xan Asurim, xan Letusim ko xan Leumim. 4Ko xeꞌen Madián kjui xan Efa, xan Efer, xan Hanoc, xan Abida ko xan Elda. Kain ni teꞌi bachrjeninxin Abraham ko Cetura. 5Abraham bajon kain thi bechunda ngain xeꞌen, xan biꞌin Isaac. 6Ko kain chjan bechunda ngain kain nchrii icha, Abraham binchethuen xan nchin thi bechunda, ko are xra bechon jeꞌe bantsjenda kain xan teꞌi ko ruaꞌan xan ngain nunthe te nu thi chrinxin nchaꞌon, ko jeꞌo Isaac bithuꞌe.
Beꞌen ko xrabaa Abraham
7Kain nchaꞌon bechon Abraham kjui naa renkia ko nii kan ko thenaꞌo nano. 8Ko maski unthaxii, xra suji are beꞌen, ko are beꞌen kjuabaa na̱ thi xrabaa chujnii. 9Kuthimejan Isaac ko Ismael, xeꞌen Abraham, kjuabaa ndudee xan ngain thjao jichrjadoꞌo diꞌin Macpela, thi jii nunthe digayee Efrón, xeꞌen Zohar, thi heteo. Ko nunthe mee beꞌe chiaon nunthe Mamre, 10ko mee thi nunthe kueꞌna Abraham ngain ni bachrjeninxin Het. Ko nthiꞌa xrabaa Abraham ngakee chriꞌi. 11Ko are beꞌen Abraham, kuthimejan Ndo Dio binchenchaon Isaac, ko jeꞌe beꞌe chrikee thue dachrjedoꞌo jinda biꞌin «Thi jichon ko dikon na».
Ni bachrjeninxin Ismael
12Ko jaꞌin binthegiꞌin xeꞌen Ismael, thi kjui xeꞌen Abraham ko Agar, thi nchri egipcia kueꞌna Sara. 13Kain jiꞌi xeꞌen Ismael ko nthiꞌi tetaxin xan inchin bintheguan xan: xan saꞌo kjui Nebaiot, kuthejan xan Cedar, xan Adbeel, xan Mibsam, 14xan Misma, xan Duma, xan Massa, 15xan Hadar, xan Tema, xan Jetur, xan Nafis ko xan Cedema. 16Jaꞌin biꞌin thi theyoo xeꞌen Ismael, ko bechunda xan nuntheꞌe xan ko nchia ndasiꞌin xan, ko nuntheꞌe xan biꞌin inchin jeꞌe xan.
17Ko Ismael bechon naa renkia ko kan ko theyaato nano, ko are beꞌen xrabaa thi xrabaa ni chujnii. 18Ko kain chujnii Ismael tatse na̱ nguii nunthe thi thexinxin nu Havila ko diji nu Shur, thi jii nu ngathexin nunthe Egipto ko nu Asiria. Ko nthiꞌa beꞌen ngathexin kon kain xan choo.
Guan Esaú ko Jacob
19Jiꞌi kain ni bachrjeninxin Isaac, thi kjui xeꞌen Abraham. 20Are Isaac bechunda yoo kan nano bekaꞌo Rebeca, xeꞌen Betuel, thi arameo beꞌe nuntheꞌe Padan-aram, kai kjui xan choo Labán, thi arameo. 21Ko Rebeca chroꞌa bagechunda chjan, mexinxin Isaac banchieꞌe Ndo Dio ixin Rebeca ruchunda chjan, ko kuiꞌin Ndo thi banchia Isaac, ko Rebeca unchao beyaa chjan. 22Ko kunuꞌe ixin beyaa yoo chjan, ko baketo xan ngaxiꞌin tseꞌe janee xan, mexinxin ndachro jan ngain Ndo Dio: «Ndo Diuna, ¿unda tuna jiꞌi jaꞌan?» 23Ko Ndo Dio ndachro Ndo:
«Yui xaꞌan jingaa tsee
tsetuꞌan xan yoo nunthe,
ko ngaxiꞌon tsee, uningakuꞌen choo xan.
Ko naa nunthe icha suji tsji ke inaa nunthe,
ko xan saꞌo rukjan xi nchexree xan nchiin.»
24Ko nchaꞌon kunkjiꞌi xan, Rebeca bikon ixin jaan, guan yoo xan. 25Xan saꞌo guan xraa jatse nthauꞌe xan ko nguixin xan bechunda xan xralachjunchjan; mexinxin binchegiꞌin na̱ xan Esaú. 26Ko tuin guan xan choo xan, ko xan jiꞌi jitseꞌe chreen ruthee xan Esaú, mexinxin binchegiꞌin na̱ xan Jacob. Ko Isaac bechunda nii kan nano are bintheguan xeꞌen.
Esaú binchekji thi jikininxin xan saꞌo
27Ko xan teꞌi binthegangi xan, ko Esaú banchexruxiꞌin bakji ngataon jngi ko baguen kuxiigo bane na̱, aro Jacob banchexruxinꞌa bagachrje ko icha banchexruxiꞌin tabagithuꞌe nchia. 28Isaac icha thjueꞌe Esaú ixin bane kuxiigo baguen xan, aro Rebeca icha thjueꞌe Jacob.
29Ko naa nchaꞌon Jacob jinchechjian naa ndaxra, ko Esaú anto dikunchrjen kjanxin ngataon jngi. 30Ko ndachro ngain Jacob:
—¡Chrjuin jatse ndaxra rinchechjian mee! Nthatsaꞌan ñao, chjana nchin ndaxra sine ixin ndajidenxin na jintha.
31Ko Jacob ndachro:
—Saꞌo nchekjina juachaxin jikininxin xan saꞌo.
32Kuthimejan ndachro Esaú:
—Jaan, nthathuꞌan juachaxin mee, ¿keꞌe sundana ja̱ ndajidenxin na jintha?
33Ko Jacob ndachro inaa:
—Saꞌo ngathexin kon Ndo Dio ndachro ixin thi jikininxin dayee xan saꞌo sayaa jaꞌan ngain nchaꞌon jiꞌi.
Ko jañaa Esaú bajin ngathexin kon Ndo Dio ixin jaan, sajon thi jeꞌe jikininxin. 34Kuthimejan Jacob bajon nchin niuthja ko ndaxra lenteja binchechjian jeꞌe. Ko Esaú are juexin juine bingathjen ko sakjui. Ko jañaa Esaú bincherentheꞌa thi juachaxin bagayee xan saꞌo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. All rights reserved.