Génesis 27
27
Jacob kai bantsjeꞌe Esaú juachaxin rukunchaon saꞌo
1Naa nchaꞌon are Isaac ndakujoon ko ndakukajin, bayee Esaú, xan saꞌo, ko ndache xan:
—Esaú.
Ko jeꞌe batheꞌe:
—Nthiꞌi riꞌi.
2Ko Isaac ndachro ngain xan:
—Jaꞌan ujuchjan na ko ngain kexeꞌo nchaꞌon teꞌi ndaseꞌen na. 3Mexinxin rinaꞌo ixin jaꞌa tama ntha chijnuꞌa ko thi tamanxin chijno ko thji ngataon jngi ko duꞌen naa kuxiigo sine. 4Kuthimejan nchechjiana naa ndaxra anto jni, inchin jaꞌan nchexruxina ko sikoo ixin sine. Ko jañaa sinthanchaon; kuthimejan nchao seꞌen na.
5Ko Rebeca kuiꞌin thi ndachro Isaac ngain Esaú. Ko are Esaú sakjui ngataon jngi ixin bikjee kuxiigo ruguen, 6Rebeca kjui ko ndache Jacob:
—Jaꞌan kuian are ndudaa ndachro ndo ngain Esaú: 7“Duꞌen naa kuxiigo ko nchechjian ba ndaxra sine, ko sinthanchaon ngathexin kon Ndo Dio. Kuthimejan nchao seꞌen na.” 8Mexinxin thiꞌin ko ncheꞌe kain thi rundathjo. 9Thji thi jii kuleko ko sikuꞌna yoo kuchibatuchjan chrjuin te. Ko jaꞌan sinthachjiaan ndudaa naa ndaxra anto jni, jañaa inchin nchexruxiꞌin ndo. 10Ko jaꞌa tsjiuꞌe ndo ixin sine ndo, ko jañaa sinthanchaon ndo jaꞌa; kuthimejan nchao seꞌen ndo.
11Aro Jacob ndachro ngain janee:
—Xan chian anto paxra nthauꞌe xan, ko jaꞌan naꞌi. 12Ja̱ ndudana rukathe na ndo, tsunuꞌe ndo kensen na jaꞌan ko tsunuꞌe ndo ixin rinthayaa ndo, ko isinchenchaonꞌa na ndo ko sinchekininxin na ndo thi jianꞌa.
13Aro janee ndachro jan:
—¡Jaꞌa xan Jacona, thi jianꞌa sinthakininxin ndo, jaꞌan setsingataꞌa na! Jaꞌa jeꞌo ncheꞌe thi jaꞌan rindathjo. ¡Thji ko sikuꞌna kuchibatuchjan!
14Ko Jacob kjui birrue ba, ko juiauꞌe ba ngain janee ko binchechjian jan naa ndaxra anto jni inchin nchexruxiꞌin Isaac. 15Kuthimejan kuaa Rebeca lunthue Esaú, xan saꞌo, thi luntho icha chrjuin bechunda ko kuentuxiꞌin Jacob. 16Kuthimejan kunixin ruee kuchibatuchjan jeꞌe jan bakeꞌe jan ngain raa ko nu thusin Jacob thi xruꞌin xra bechunda. 17Ko chjee Jacob latue ndaxra anto jni ko niuthja najuexinkua chjan.
18Jacob bixiꞌin thi beꞌe ndudee ko ndache ndo:
—¡Pa!
Ko Isaac batheꞌe:
—Nthiꞌi riꞌi, ko ¿kexeꞌe xanꞌna jaꞌa?
19Ko Jacob ndachro ngain ndudee:
—Jaꞌan xan saꞌo na, xan Esaú; ko ubinthaꞌa thi suixin ndachjejin na. Anchee degingathjen ko denthe thi ku gueꞌen, ko dinchenchaon na.
20Ko Isaac ndachro ngain xeꞌen:
—¿Kexreen binchixin ba tuin?
Ko Jacob ndachro:
—Nchaa, Ndo Dio, bincheꞌe ixin jaꞌan bithja ba tuin.
21Aro Isaac ndachro ngain Jacob:
—Tunchieꞌen ko rukathe ko jañaa tsununa a nduaxin jaꞌa xanꞌna xan Esaú.
22Ko Jacob kunchieꞌen ngain ndudee ixin jeꞌe ndo kathe ndo, ko ndachro ndo: «Thaa thiꞌin ni inchin thee Jacob, aro raa inchin raa Esaú.» 23Ko Isaac batsuanꞌa Jacob ixin raa anto yaa xra inchin raa Esaú. Ko are urrunchenchaon, 24ndachro:
—¿Andua jaꞌa xanꞌna Esaú?
—Jaan, jaꞌan Esaú na —ndachro Jacob.
25Kuthejan ndachro Isaac:
—Xrakui ko thekiaꞌna ixin sine thi jaꞌa guꞌen. Kuthejan jaꞌan sinthanchaon.
Ko Jacob binchechieꞌen thi rune ndudee; kai juiauꞌe vino ko jañaa juine ndo ko biꞌi ndo. 26Kuthimejan ndachro:
—Tunchieꞌen ngajin ko tjua na.
27Ko are Jacob kunchieꞌen ixin kjuua ndo, Isaac kuxreꞌe lunthue. Ko binchenchaon ko ndachro:
«Jaan, jaꞌin xrajni xanꞌna,
inchin xrajni ngataon jngi
thi binchenchaon Ndo Dio.
28Ndo Dio ruchjaa chrin thixin ngajni,
ko kain thi jian dajon nunthe,
ruchjaa tsjé nua kachji ko vino.
29Tsjé chujni rukjan ni nchexraa,
ko chujnii tsjé nunthe sinthasayaꞌa.
Jaꞌa tsetuꞌen kain xan choo,
ko kain xeꞌen janaa sethuxin xan ngajin.
Chujni sinthakininxin thi jianꞌa, tsjiꞌi na̱ jianꞌa,
ko tsunchaon thi sinthanchaon.»
30Ko are Isaac juexin binchenchaon Jacob, ko are nthiꞌi bachrjexin nchia ndasiꞌin ndudee, Esaú kjanxin thi biguen kuxiigo. 31Kai binchechjian ndaxra anto jni, ko bikauꞌe ndudee ko ndachro:
—Degingathjen ko denthe thi guꞌen, ko denchenchaon na.
32Kuthejan Isaac banchiangi:
—¿Kensen jaꞌa?
Ko Esaú batheꞌe:
—Jaꞌan Esaú na, xaꞌan xan saꞌo.
33Ko Isaac atho xrangama ixin kua juachjaon ko ndachro:
—¿Mee kensen kjui biguen kuxiigo ko chjana thi juine renue? Ixin jaꞌan ujuexin juine. Ko jaꞌan ubinthanchaon thi juii ko sayee thi jian.
34Ko are Esaú kuiꞌin kain thi ndachro ndudee, jeꞌe suji tsjanga ixin thi kuꞌen ko ndachro:
—¡Nchenchaon na jaꞌan kai!
35Ko Isaac ndachro:
—Ujuii xan choo ko bincheyana xan, ko jeꞌe xan bayee xan thi jaꞌa rugayeꞌe.
36Ko Esaú ndachro:
—Mexinxin binchegiꞌin ra xan, Jacob. ¡Jiꞌi uyuxin nthiꞌá ncheyana xan! Saꞌo bantsjena xan thi juachaxin dayee xan saꞌo, ko jai bantsjena xan thi rukunchaunxin na. Ko ¿axruꞌin bekenchjiꞌan suixin ixin sayaa jaꞌan?
37Ko Isaac batheꞌe ko ndachro:
—Jaꞌan undachrjan ixin Jacob tsetuꞌan ngajin, ko ngain kain ni sachrjeninxin jaꞌa rukjan na̱ ni nchexree, kai sechunda xan tsjé nua kachji ko vino. ¿Ko keꞌe rinao sinthaꞌa ixin jaꞌa?
38Ko Esaú kjan ndachro:
—¿A jeꞌo nakua nthiꞌá nchao sinchenchaon naa chujni? ¡Nthatsaꞌan ñao nchenchaon na kai!
Ko seen kuyao ko tsjanga.
39Kuthimejan Isaac nichja ko ndachro:
«Jaꞌa sariꞌi kjínxin thi nunthe anto duan,
ko kjínxin thi tjao danianxin ngajni.
40Ko chia taade sayakuenxin thi richon,
ko rukjan ni nchexree xan choo;
Ko siji nchaꞌon jaꞌa rundachro, ixin isincheꞌa xree xan choo,
Ko jaꞌa isithikaonꞌa thi tsetuꞌan xan.»
Jacob sathingeꞌe Esaú
41Ko Esaú kuexiꞌin ningakuꞌen Jacob ixin kexreen binchenchaon ndudee, ko ngathe anseen bandachro: «Uchiaon sinkee nchaꞌon seꞌe juachjaon ixin ndaseꞌen ndudana, kuthimejan suꞌen xan chian xan Jacob.»
42Ko are Rebeca kunuꞌe thi rinao sincheꞌe Esaú, ruaꞌan juajna ixin juii Jacob ko ndachro:
—Thiꞌin thi rundathjo; Esaú rinao suen ko jañaa sabanga ñao. 43Mexinxin, jaꞌa sathinga ngain nunthe Harán, nthiꞌa ngain nchianduꞌa xan chian Labán, 44ko nthiꞌa dithuꞌa ngain xan, sabangaja ñao xan choo. 45Ko are tasabanga ñao xan ko rutjañeꞌe xan thi bincheꞌe ngain xan, kuthimejan jaꞌan rurruꞌan sirruaꞌa na̱ ixin rukjan. Ixin jaꞌan rinaoꞌa sinthatjaan kayui xanꞌna ngain nakua nchaꞌon.
46Kuthimejan Rebeca kjui ngain Isaac ko ndachro:
—Uanto ncheñao na nchri hitita teꞌi, nchri binthekaꞌo Esaú. Ko ja̱ Jacob sekaꞌo naa xeꞌen ni heteo, inchin nchrii teꞌi, icha jian ndaseꞌen na, ¿unda sarichon?
Currently Selected:
Génesis 27: plsNT
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. All rights reserved.
Génesis 27
27
Jacob kai bantsjeꞌe Esaú juachaxin rukunchaon saꞌo
1Naa nchaꞌon are Isaac ndakujoon ko ndakukajin, bayee Esaú, xan saꞌo, ko ndache xan:
—Esaú.
Ko jeꞌe batheꞌe:
—Nthiꞌi riꞌi.
2Ko Isaac ndachro ngain xan:
—Jaꞌan ujuchjan na ko ngain kexeꞌo nchaꞌon teꞌi ndaseꞌen na. 3Mexinxin rinaꞌo ixin jaꞌa tama ntha chijnuꞌa ko thi tamanxin chijno ko thji ngataon jngi ko duꞌen naa kuxiigo sine. 4Kuthimejan nchechjiana naa ndaxra anto jni, inchin jaꞌan nchexruxina ko sikoo ixin sine. Ko jañaa sinthanchaon; kuthimejan nchao seꞌen na.
5Ko Rebeca kuiꞌin thi ndachro Isaac ngain Esaú. Ko are Esaú sakjui ngataon jngi ixin bikjee kuxiigo ruguen, 6Rebeca kjui ko ndache Jacob:
—Jaꞌan kuian are ndudaa ndachro ndo ngain Esaú: 7“Duꞌen naa kuxiigo ko nchechjian ba ndaxra sine, ko sinthanchaon ngathexin kon Ndo Dio. Kuthimejan nchao seꞌen na.” 8Mexinxin thiꞌin ko ncheꞌe kain thi rundathjo. 9Thji thi jii kuleko ko sikuꞌna yoo kuchibatuchjan chrjuin te. Ko jaꞌan sinthachjiaan ndudaa naa ndaxra anto jni, jañaa inchin nchexruxiꞌin ndo. 10Ko jaꞌa tsjiuꞌe ndo ixin sine ndo, ko jañaa sinthanchaon ndo jaꞌa; kuthimejan nchao seꞌen ndo.
11Aro Jacob ndachro ngain janee:
—Xan chian anto paxra nthauꞌe xan, ko jaꞌan naꞌi. 12Ja̱ ndudana rukathe na ndo, tsunuꞌe ndo kensen na jaꞌan ko tsunuꞌe ndo ixin rinthayaa ndo, ko isinchenchaonꞌa na ndo ko sinchekininxin na ndo thi jianꞌa.
13Aro janee ndachro jan:
—¡Jaꞌa xan Jacona, thi jianꞌa sinthakininxin ndo, jaꞌan setsingataꞌa na! Jaꞌa jeꞌo ncheꞌe thi jaꞌan rindathjo. ¡Thji ko sikuꞌna kuchibatuchjan!
14Ko Jacob kjui birrue ba, ko juiauꞌe ba ngain janee ko binchechjian jan naa ndaxra anto jni inchin nchexruxiꞌin Isaac. 15Kuthimejan kuaa Rebeca lunthue Esaú, xan saꞌo, thi luntho icha chrjuin bechunda ko kuentuxiꞌin Jacob. 16Kuthimejan kunixin ruee kuchibatuchjan jeꞌe jan bakeꞌe jan ngain raa ko nu thusin Jacob thi xruꞌin xra bechunda. 17Ko chjee Jacob latue ndaxra anto jni ko niuthja najuexinkua chjan.
18Jacob bixiꞌin thi beꞌe ndudee ko ndache ndo:
—¡Pa!
Ko Isaac batheꞌe:
—Nthiꞌi riꞌi, ko ¿kexeꞌe xanꞌna jaꞌa?
19Ko Jacob ndachro ngain ndudee:
—Jaꞌan xan saꞌo na, xan Esaú; ko ubinthaꞌa thi suixin ndachjejin na. Anchee degingathjen ko denthe thi ku gueꞌen, ko dinchenchaon na.
20Ko Isaac ndachro ngain xeꞌen:
—¿Kexreen binchixin ba tuin?
Ko Jacob ndachro:
—Nchaa, Ndo Dio, bincheꞌe ixin jaꞌan bithja ba tuin.
21Aro Isaac ndachro ngain Jacob:
—Tunchieꞌen ko rukathe ko jañaa tsununa a nduaxin jaꞌa xanꞌna xan Esaú.
22Ko Jacob kunchieꞌen ngain ndudee ixin jeꞌe ndo kathe ndo, ko ndachro ndo: «Thaa thiꞌin ni inchin thee Jacob, aro raa inchin raa Esaú.» 23Ko Isaac batsuanꞌa Jacob ixin raa anto yaa xra inchin raa Esaú. Ko are urrunchenchaon, 24ndachro:
—¿Andua jaꞌa xanꞌna Esaú?
—Jaan, jaꞌan Esaú na —ndachro Jacob.
25Kuthejan ndachro Isaac:
—Xrakui ko thekiaꞌna ixin sine thi jaꞌa guꞌen. Kuthejan jaꞌan sinthanchaon.
Ko Jacob binchechieꞌen thi rune ndudee; kai juiauꞌe vino ko jañaa juine ndo ko biꞌi ndo. 26Kuthimejan ndachro:
—Tunchieꞌen ngajin ko tjua na.
27Ko are Jacob kunchieꞌen ixin kjuua ndo, Isaac kuxreꞌe lunthue. Ko binchenchaon ko ndachro:
«Jaan, jaꞌin xrajni xanꞌna,
inchin xrajni ngataon jngi
thi binchenchaon Ndo Dio.
28Ndo Dio ruchjaa chrin thixin ngajni,
ko kain thi jian dajon nunthe,
ruchjaa tsjé nua kachji ko vino.
29Tsjé chujni rukjan ni nchexraa,
ko chujnii tsjé nunthe sinthasayaꞌa.
Jaꞌa tsetuꞌen kain xan choo,
ko kain xeꞌen janaa sethuxin xan ngajin.
Chujni sinthakininxin thi jianꞌa, tsjiꞌi na̱ jianꞌa,
ko tsunchaon thi sinthanchaon.»
30Ko are Isaac juexin binchenchaon Jacob, ko are nthiꞌi bachrjexin nchia ndasiꞌin ndudee, Esaú kjanxin thi biguen kuxiigo. 31Kai binchechjian ndaxra anto jni, ko bikauꞌe ndudee ko ndachro:
—Degingathjen ko denthe thi guꞌen, ko denchenchaon na.
32Kuthejan Isaac banchiangi:
—¿Kensen jaꞌa?
Ko Esaú batheꞌe:
—Jaꞌan Esaú na, xaꞌan xan saꞌo.
33Ko Isaac atho xrangama ixin kua juachjaon ko ndachro:
—¿Mee kensen kjui biguen kuxiigo ko chjana thi juine renue? Ixin jaꞌan ujuexin juine. Ko jaꞌan ubinthanchaon thi juii ko sayee thi jian.
34Ko are Esaú kuiꞌin kain thi ndachro ndudee, jeꞌe suji tsjanga ixin thi kuꞌen ko ndachro:
—¡Nchenchaon na jaꞌan kai!
35Ko Isaac ndachro:
—Ujuii xan choo ko bincheyana xan, ko jeꞌe xan bayee xan thi jaꞌa rugayeꞌe.
36Ko Esaú ndachro:
—Mexinxin binchegiꞌin ra xan, Jacob. ¡Jiꞌi uyuxin nthiꞌá ncheyana xan! Saꞌo bantsjena xan thi juachaxin dayee xan saꞌo, ko jai bantsjena xan thi rukunchaunxin na. Ko ¿axruꞌin bekenchjiꞌan suixin ixin sayaa jaꞌan?
37Ko Isaac batheꞌe ko ndachro:
—Jaꞌan undachrjan ixin Jacob tsetuꞌan ngajin, ko ngain kain ni sachrjeninxin jaꞌa rukjan na̱ ni nchexree, kai sechunda xan tsjé nua kachji ko vino. ¿Ko keꞌe rinao sinthaꞌa ixin jaꞌa?
38Ko Esaú kjan ndachro:
—¿A jeꞌo nakua nthiꞌá nchao sinchenchaon naa chujni? ¡Nthatsaꞌan ñao nchenchaon na kai!
Ko seen kuyao ko tsjanga.
39Kuthimejan Isaac nichja ko ndachro:
«Jaꞌa sariꞌi kjínxin thi nunthe anto duan,
ko kjínxin thi tjao danianxin ngajni.
40Ko chia taade sayakuenxin thi richon,
ko rukjan ni nchexree xan choo;
Ko siji nchaꞌon jaꞌa rundachro, ixin isincheꞌa xree xan choo,
Ko jaꞌa isithikaonꞌa thi tsetuꞌan xan.»
Jacob sathingeꞌe Esaú
41Ko Esaú kuexiꞌin ningakuꞌen Jacob ixin kexreen binchenchaon ndudee, ko ngathe anseen bandachro: «Uchiaon sinkee nchaꞌon seꞌe juachjaon ixin ndaseꞌen ndudana, kuthimejan suꞌen xan chian xan Jacob.»
42Ko are Rebeca kunuꞌe thi rinao sincheꞌe Esaú, ruaꞌan juajna ixin juii Jacob ko ndachro:
—Thiꞌin thi rundathjo; Esaú rinao suen ko jañaa sabanga ñao. 43Mexinxin, jaꞌa sathinga ngain nunthe Harán, nthiꞌa ngain nchianduꞌa xan chian Labán, 44ko nthiꞌa dithuꞌa ngain xan, sabangaja ñao xan choo. 45Ko are tasabanga ñao xan ko rutjañeꞌe xan thi bincheꞌe ngain xan, kuthimejan jaꞌan rurruꞌan sirruaꞌa na̱ ixin rukjan. Ixin jaꞌan rinaoꞌa sinthatjaan kayui xanꞌna ngain nakua nchaꞌon.
46Kuthimejan Rebeca kjui ngain Isaac ko ndachro:
—Uanto ncheñao na nchri hitita teꞌi, nchri binthekaꞌo Esaú. Ko ja̱ Jacob sekaꞌo naa xeꞌen ni heteo, inchin nchrii teꞌi, icha jian ndaseꞌen na, ¿unda sarichon?
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. All rights reserved.