Génesis 34
34
Thi bincheꞌe Siquem ngain Dina
1Naa nchaꞌon Dina, xeꞌen Lea ko Jacob, kjui xan bitsjeꞌe xan xan nchrii rajna nthiꞌa. 2Ko naa xii biꞌin Hamor, thi heveo, baketuꞌan ngain rajna mee, ko bechunda naa xeꞌen xan xii biꞌin Siquem. Are Siquem bikon Dina tse ko kuaxin nunthe. 3Aro Siquem anto juinao Dina ko anto chrjuin nichjee ko bincheꞌe ixin runchebagangeꞌe ñao ko ixin Dina kai rujinao jeꞌe. 4Kuthimejan Siquem ndache ndudee:
—Deganchia xan nchrii jiꞌa ixin tsuthena ngain xan.
5Ko Jacob kunuꞌe ixin Siquem kuaxin nunthe Dina, aro icha xeꞌen Jacob tate xan ngataon jngi tethingaria xan kuxiigo, ko xruꞌin ndachro kjanxinja xan ngataon jngi. 6Aro Hamor ko xeꞌen kjui bikjao Jacob.
7Ko are xeꞌen Jacob binthekjanxin xan ngataon jngi, kai kunuꞌe xan thi kuꞌen, ko anto bintheguñao xan ko binthechiin xan ixin anto jié juasuaxin ixin Siquem kuaxin nunthe xeꞌen Jacob. ¡Jiꞌi xruꞌin nchaꞌon rukuꞌen! 8Aro Hamor kjuao na̱ ko ndachro:
—Xanꞌna anto rinao xan nchri choo ra. Nthatsaꞌan ñao ra tajanda ra xan sekaꞌo xan xanꞌna. 9Ko jañaa kjan ra chujnina ná, xanꞌna ná tsutheꞌe xan ngain xaꞌan ra xan nchrii ko xaꞌan ra tsutheꞌe xan ngain xanꞌna ná xan nchrii. 10Ko tadinthe ra ngajin ná, yaa jii nunthe, ko dinthe ra ngain nunthe ko nchao tseꞌna ra nunthe, thi jaꞌa ra sinao ra.
11Ko Siquem ndachro ngain Jacob ko ngain xeꞌen:
—Nthatsaꞌan ñao ra dithuaxin ra tsuthena ngain Dina, ko ruchjaꞌa ra thi jaꞌa ra sanchiana ni ra. 12Danchiana ni ra thi jaꞌa ra sinao ra ixin xan choo ra, ko kai ja̱ tsjé rinao ra sithuen xan, maski icha tsjé sanchiana ni ra ke thi jikininxin dajon ni, aro tanchrjanda ra xan tsutheꞌe xan ngajin na.
13Aro xeꞌen Jacob bithikaonꞌa xan ko bincheyeꞌe xan Siquem ko Hamor, ixin teduñao xan ixin Siquem kuaxin nunthe Dina. 14Ko batheꞌe xan:
—Jaꞌan ná chroꞌa sajon ná xan chian ná ngain naa xii chundaꞌa xruꞌe diꞌin circuncisión, ixin ja̱ chundaꞌa xruꞌe, naa juasuaxin ixin jaꞌan ná. 15Aro jaan, nchao sarikoꞌo xan, ja̱ sithikaon ra thi jaꞌan ná rundathjo ra: Ja̱ tsa ra xruꞌe, jaꞌa ra ko kain ni xii te ngajin ra, 16jañaa nchao tsuthaꞌa ra ngain xanꞌna ná xan nchrii ko jaꞌan ná ngain xaꞌan ra xan nchrii, ko sinthe ná ngayaꞌa ra ko rukjan ná nakua rajna. 17Aro ja̱ tsaꞌa ra xruꞌe inchin ndachrjan ná, satsjiꞌan ná xan chian ná.
18Hamor ko Siquem bithuexin na̱ sincheꞌe na̱ thi kuiꞌin na̱. 19Ko Siquem tuin kuaa xruꞌe ixin anto juinao urrugekaꞌo Dina. Ko Siquem kjui naa xii icha juinao ni chujnii. 20Kuthimejan Siquem ko ndudee kjui na̱ thi bagixinxin na̱ rajna ko kjuao na̱ ni thetuꞌan rajna ko binthendachro na̱:
21—Xii teꞌi, xi jian dakjiꞌan ná, tsajanda ná na̱ tasinthe na̱ ngain nuntheꞌa ná ko ncho theꞌna na̱ icha nunthe, ko jaꞌan ná nchao tsuthaa ná ngain xeꞌen na̱ xan nchrii ko jeꞌe na̱ kai nchao tsutheꞌe na̱ ngain xaꞌan ná xan nchrii. 22Ko jeꞌe na̱ sithuexin na̱ sithuꞌe ná ngajin ná, ja̱ kainxin ná xro xii ná sayee ná xruꞌe, jañaa inchin jeꞌe na̱ ncheꞌe na̱. 23Ko kain thi chunda na̱ ko kain kuxigue na̱ tsukuxigua ná kai. Jeꞌo suthikaon ná sayee ná xruꞌe ko sithuꞌe na̱ ngajin ná.
24Ko kain ni thetuꞌan bithikaon na̱ thi ndachro Hamor ko Siquem, ko kain ni xii bayee na̱ xruꞌe. 25Aro batho nii nchaꞌon, ko yoo xeꞌen Jacob, xan Simeón ko xan Leví, xan choo Dina, kjui xan rajna ko teyaa xan chia taade ko ndaguen xan kain ni xii, ko jeꞌe na̱ chroꞌa kjuaaya na̱ ixin anto tethiin na̱. 26Ko Hamor ko Siquem kai guenxin xan chia taade. Kuthimejan bantsjexin xan Dina nchianduꞌe Siquem ko sabikao xan. 27Ko icha xeꞌen Jacob biji xan ngain rajna ko bikon xan chujni ndadigeꞌen, ko bigantsje xan thi bechunda ni rajna, ko jiꞌi bincheꞌe xan ixin thi bincheꞌe Siquem ngain Dina. 28Ko sabikao xan kuleko, kuxinthaa, kulucho ko kain thi bithja xan ngain rajna ko ngataon jngi. 29Kuee xan kain thi jii ngain nchia ko sabikao xan kain xan nchinchinchjan ko ni nchrii. 30Kuthimejan Jacob ndachro ngain Simeón ko Leví:
—Jaꞌa ra bakee ni ra ngain naa thi anto tangi. Jai chujni nunthe jiꞌi, ni cananeo, ni ferezeo anto runingakuna na̱ ko tsato choo na̱ ko tsii na̱ suen ná na̱ ko jaꞌan tsjéꞌa chujni chunda. ¡Kain ná ndaseꞌen ná!
31Aro jeꞌe xan binthegatheꞌe xan:
—Aro, ¿a nchao bincheꞌe Siquem, ixin bincheꞌe ngain xan chian xraa ngain naa nchri nchekji nthauꞌe?
Currently Selected:
Génesis 34: plsNT
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. All rights reserved.
Génesis 34
34
Thi bincheꞌe Siquem ngain Dina
1Naa nchaꞌon Dina, xeꞌen Lea ko Jacob, kjui xan bitsjeꞌe xan xan nchrii rajna nthiꞌa. 2Ko naa xii biꞌin Hamor, thi heveo, baketuꞌan ngain rajna mee, ko bechunda naa xeꞌen xan xii biꞌin Siquem. Are Siquem bikon Dina tse ko kuaxin nunthe. 3Aro Siquem anto juinao Dina ko anto chrjuin nichjee ko bincheꞌe ixin runchebagangeꞌe ñao ko ixin Dina kai rujinao jeꞌe. 4Kuthimejan Siquem ndache ndudee:
—Deganchia xan nchrii jiꞌa ixin tsuthena ngain xan.
5Ko Jacob kunuꞌe ixin Siquem kuaxin nunthe Dina, aro icha xeꞌen Jacob tate xan ngataon jngi tethingaria xan kuxiigo, ko xruꞌin ndachro kjanxinja xan ngataon jngi. 6Aro Hamor ko xeꞌen kjui bikjao Jacob.
7Ko are xeꞌen Jacob binthekjanxin xan ngataon jngi, kai kunuꞌe xan thi kuꞌen, ko anto bintheguñao xan ko binthechiin xan ixin anto jié juasuaxin ixin Siquem kuaxin nunthe xeꞌen Jacob. ¡Jiꞌi xruꞌin nchaꞌon rukuꞌen! 8Aro Hamor kjuao na̱ ko ndachro:
—Xanꞌna anto rinao xan nchri choo ra. Nthatsaꞌan ñao ra tajanda ra xan sekaꞌo xan xanꞌna. 9Ko jañaa kjan ra chujnina ná, xanꞌna ná tsutheꞌe xan ngain xaꞌan ra xan nchrii ko xaꞌan ra tsutheꞌe xan ngain xanꞌna ná xan nchrii. 10Ko tadinthe ra ngajin ná, yaa jii nunthe, ko dinthe ra ngain nunthe ko nchao tseꞌna ra nunthe, thi jaꞌa ra sinao ra.
11Ko Siquem ndachro ngain Jacob ko ngain xeꞌen:
—Nthatsaꞌan ñao ra dithuaxin ra tsuthena ngain Dina, ko ruchjaꞌa ra thi jaꞌa ra sanchiana ni ra. 12Danchiana ni ra thi jaꞌa ra sinao ra ixin xan choo ra, ko kai ja̱ tsjé rinao ra sithuen xan, maski icha tsjé sanchiana ni ra ke thi jikininxin dajon ni, aro tanchrjanda ra xan tsutheꞌe xan ngajin na.
13Aro xeꞌen Jacob bithikaonꞌa xan ko bincheyeꞌe xan Siquem ko Hamor, ixin teduñao xan ixin Siquem kuaxin nunthe Dina. 14Ko batheꞌe xan:
—Jaꞌan ná chroꞌa sajon ná xan chian ná ngain naa xii chundaꞌa xruꞌe diꞌin circuncisión, ixin ja̱ chundaꞌa xruꞌe, naa juasuaxin ixin jaꞌan ná. 15Aro jaan, nchao sarikoꞌo xan, ja̱ sithikaon ra thi jaꞌan ná rundathjo ra: Ja̱ tsa ra xruꞌe, jaꞌa ra ko kain ni xii te ngajin ra, 16jañaa nchao tsuthaꞌa ra ngain xanꞌna ná xan nchrii ko jaꞌan ná ngain xaꞌan ra xan nchrii, ko sinthe ná ngayaꞌa ra ko rukjan ná nakua rajna. 17Aro ja̱ tsaꞌa ra xruꞌe inchin ndachrjan ná, satsjiꞌan ná xan chian ná.
18Hamor ko Siquem bithuexin na̱ sincheꞌe na̱ thi kuiꞌin na̱. 19Ko Siquem tuin kuaa xruꞌe ixin anto juinao urrugekaꞌo Dina. Ko Siquem kjui naa xii icha juinao ni chujnii. 20Kuthimejan Siquem ko ndudee kjui na̱ thi bagixinxin na̱ rajna ko kjuao na̱ ni thetuꞌan rajna ko binthendachro na̱:
21—Xii teꞌi, xi jian dakjiꞌan ná, tsajanda ná na̱ tasinthe na̱ ngain nuntheꞌa ná ko ncho theꞌna na̱ icha nunthe, ko jaꞌan ná nchao tsuthaa ná ngain xeꞌen na̱ xan nchrii ko jeꞌe na̱ kai nchao tsutheꞌe na̱ ngain xaꞌan ná xan nchrii. 22Ko jeꞌe na̱ sithuexin na̱ sithuꞌe ná ngajin ná, ja̱ kainxin ná xro xii ná sayee ná xruꞌe, jañaa inchin jeꞌe na̱ ncheꞌe na̱. 23Ko kain thi chunda na̱ ko kain kuxigue na̱ tsukuxigua ná kai. Jeꞌo suthikaon ná sayee ná xruꞌe ko sithuꞌe na̱ ngajin ná.
24Ko kain ni thetuꞌan bithikaon na̱ thi ndachro Hamor ko Siquem, ko kain ni xii bayee na̱ xruꞌe. 25Aro batho nii nchaꞌon, ko yoo xeꞌen Jacob, xan Simeón ko xan Leví, xan choo Dina, kjui xan rajna ko teyaa xan chia taade ko ndaguen xan kain ni xii, ko jeꞌe na̱ chroꞌa kjuaaya na̱ ixin anto tethiin na̱. 26Ko Hamor ko Siquem kai guenxin xan chia taade. Kuthimejan bantsjexin xan Dina nchianduꞌe Siquem ko sabikao xan. 27Ko icha xeꞌen Jacob biji xan ngain rajna ko bikon xan chujni ndadigeꞌen, ko bigantsje xan thi bechunda ni rajna, ko jiꞌi bincheꞌe xan ixin thi bincheꞌe Siquem ngain Dina. 28Ko sabikao xan kuleko, kuxinthaa, kulucho ko kain thi bithja xan ngain rajna ko ngataon jngi. 29Kuee xan kain thi jii ngain nchia ko sabikao xan kain xan nchinchinchjan ko ni nchrii. 30Kuthimejan Jacob ndachro ngain Simeón ko Leví:
—Jaꞌa ra bakee ni ra ngain naa thi anto tangi. Jai chujni nunthe jiꞌi, ni cananeo, ni ferezeo anto runingakuna na̱ ko tsato choo na̱ ko tsii na̱ suen ná na̱ ko jaꞌan tsjéꞌa chujni chunda. ¡Kain ná ndaseꞌen ná!
31Aro jeꞌe xan binthegatheꞌe xan:
—Aro, ¿a nchao bincheꞌe Siquem, ixin bincheꞌe ngain xan chian xraa ngain naa nchri nchekji nthauꞌe?
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. All rights reserved.