Génesis 42
42
Xan choo José thji xan Egipto
1Are kunuꞌe Jacob ixin ngain nunthe Egipto jii nua kachji, ndachro ngain xeꞌen: «¿Unda tatetjsekua choo ra ko xruꞌin ncheꞌe ra? 2Jaꞌan ukununa ixin ngain nunthe Egipto jii nua kachji. Mexinxin thji ra nthiꞌa ko dikeꞌna ra tsjé thi sunthe ná ko jañaa nchao sunthechon ná ko isenxinꞌa ná ntha.»
3Kuthimejan binthekji the xan choo José ngain nunthe Egipto ixin binthekeꞌna xan nua. 4Aro Jacob kuajandaꞌa kjui Benjamín, xan choo José ngain xan kanxin ixin xraon ixin chrujan thi jianꞌa rukuꞌen Benjamín. 5Ko jañaa thi the xeꞌen Israel sabinthekeꞌna xan nua kachji, ngain kain ni baginthekji ixin bakeꞌna nua ixin ngain nunthe Canaán ixruꞌin thi bane na̱ beꞌe.
6Ko José baketuꞌan ngain nunthe Egipto ko jeꞌe thi banchekjiꞌi nua kain chujni bakixin ngain tsjé nunthe. Ko naa nchaꞌon are binthekii xan choo José, binthethuxin xan ko bisetaꞌa xan nunthe ngathexin kon José. 7Are José bikon xan choo, batsuan xan aro binchexon ixin chunxinꞌa xan ko suji nichjee xan ko ndachro:
—¿Thinoo juixin ra?
Ko jeꞌe xan binthegatheꞌe xan:
—Juixin ná ngain nunthe Canaán ixin bikeꞌna ná thi sine ná.
8Aro José jaan, batsuan xan choo, aro jeꞌe xan binthegatsuanꞌa xan jeꞌe. 9Kuthimejan xraxaon José thi kuxinxin ixin jeꞌe xan, ko ndachro ngain xan:
—Jaꞌa ra jeꞌo bitsayaꞌna ni ra ko bitjseꞌe ra thinoo sixinthexin ni ra.
10Ko xan choo José binthendachro xan:
—¡Thi dendachro yaa nduaꞌa! ¡Jaꞌan ná jeꞌo juiꞌi ná bikeꞌna ná thi sine ná! 11Kain ná jaꞌan ná nakua ndudana ná. Ko jaꞌan ná chujni jian ná ko jeꞌa chujni tsaaya.
12Kuthimejan José kjan ndachro:
—Nduaꞌa thi tendachro ra. Jaꞌa ra jeꞌo juiꞌi ra bitsayaꞌna ni ra.
13Jeꞌe xan binthendachro xan:
—Naꞌi, nduaꞌa yaa. Jaꞌan ná theyoo ná chian ná, xeꞌen nakua xii ko te ná ngain nunthe Canaán ko xan chian na, xan icha nchiin tabithuꞌe xan ngain ndudana ná ko inaa xan chian ná ikuaꞌa xan ngajin ná.
14Ko José kjan ndachro:
—Jaꞌan undachrjan ixin jaꞌa ra chujni tsaaya, 15ko jaꞌin satsuanxin ra: jaꞌan sajin ixin faraón ixin sachrjexinꞌa ra nthiꞌi ja̱ sikoꞌa ra xan choo ra, xan icha nchiin. 16Thji ra nakua ra dirrueꞌe ra xan choo ra ko xro icha ra tadithuꞌa ra ngaxiꞌin nduꞌa xiiso. Ko jañaa sikunxin ajaan, ndua thi tendachjejin ni ra, ko ixin juachaxiin faraón ja̱ jaꞌa ra sikoꞌa ra xan choo ra, yaa ruchro ixin jaꞌa ra jaan, chujni tsaaya.
17Ko jañaa José kuiaxiꞌin kain xan choo nii nchaꞌon, 18aro nchaꞌon ninxin ndachro José ngain xan choo:
—Jaꞌan naa xii xraguen Ndo Dio, mexinxin ncheꞌe ra thi jaꞌan rundathjo ra ko sinthechon ra. 19Ja̱ ndua chujni jian ra, thinthuꞌe ra nthiꞌi nakua xan choo ra, ko xro icha ra dikaan ra nua kachji sine chujnia ra. 20Kuthimejan sikuꞌna ni ra xan choo ra, xan icha nchiin, ko sukon ná ajaan ndua, thi tendachjejin ni ra, ko jañaa isuenꞌa ra.
Ko jeꞌe xan bithikaon xan, 21ko binthendache choo xan:
—Ndua atho jianꞌa binthoꞌo ná ngain xan choo ná, ixin binthuxon ná kuinꞌa ná are binthatsaan ná xan ñao ná ixin runthukjiꞌa ná xan, ko maski bukon ná ixin anto xraon xan. Mexinxin jai bitaꞌa ná thi tangi jiꞌi.
22Kuthimejan Rubén ndachro:
—Mexinxin jaꞌan ndathjo ra xruꞌin runchekoo ra xan aro jaꞌa ra bithikaonꞌa ra ko jai rugunda tsjenga ná ꞌna ixin thi binthoꞌo ná ngain xan.
23Ko jeꞌe xan binthenueꞌa xan ixin José jaan, jithinxin thi techro xan ixin are José banichja ngain xan, inaa chujni bandachro keꞌe jinichja José ngain xan ixin jee ngiigua banichja na̱. 24Kuthimejan José sakjuixin ngain xan ko beꞌe tsjanga. Ko are ujuexin tsjanga kjan ngain xan ko kuetuꞌan ixin kuiathe na̱ xan ko kuiaxiꞌin na̱ Simeón ngathexin kon kain xan choo. 25Kuthimejan ndachro José ngain xi nchexree:
—Nchekaon ra kustee xan, ko thi tumi kjuengaxin xan ꞌna dakee ra ngaa kustee xan. Ko chjeꞌe ra xan thi sine xan ngatja nthiꞌá.
Ko jañaa kuꞌen. 26Kuthimejan xan choo José binthencheka xan kuluchuꞌe xan ko sabinthekji xan.
27Ko are binthegiji xan thi ruginthegathuxin xan thi̱e, naa xan banthjee xan kustee xan ixin ruchjee xan kuluchuꞌe xan rune ba, ko bikon xan ixin ngaxiꞌin yaa jii tumii xan. 28Ko ndachro xan ngain xan choo xan:
—¡Xrakui ra tsjeꞌe ra, dikunkjana na̱ tumina! ¡Nthiꞌi jingaa ngain kustee nuana!
Kuthimejan kain xan anto kuaa xan juachjaon ko anto binthexraon xan ko binthendache choo xan:
—¿Keꞌe binthaa ná Ndo Dio?
29Ko are ubinthegiji xan ngain nunthe Canaán, kuekiin xan ndudee xan kain thi binthekuꞌen xan ko binthendachro xan:
30—Xi thetuꞌan ngain nunthe Egipto anto chrintho nichjana ná xa ko ndachro xa ixin jaꞌan ná chujni tsaaya. 31Aro jaꞌan ná ndathjan ná xa ixin jaꞌan ná xii jian ná ko jeꞌa chujni tsaaya. 32Kai ndathjan ná xa ixin jaꞌan ná theyoo ná chian ná, ko nakua ndudana ná, ko naa xan chian ná ikuꞌa xan ngajin ná ko xan icha nchiin tabithuꞌe xan ngajin, nthiꞌi ngain nunthe Canaán. 33Kuthimejan xi thetuꞌan nunthe Egipto ndachjejin ná: «Jiꞌi sikunxin, ajaan ndua chujni jian ra. Thinthuena ra nthiꞌi, naa xan choo ra ko thji ra dikaan ra thi sine chujnia ra ko isenꞌa na̱ ntha. 34Ko sikuꞌna ni ra xan choo ra, xan icha nchiin. Ko jañaa tsununa ixin jaꞌa ra, jaan, chujni jian ra ko jeꞌa chujni tsaaya, ko jaꞌan tsunkjaꞌan ra xan choo ra. Kuthimejan unchao tseꞌna ra ko sinchekji ra ngain nuntheꞌna ná.»
35Kuthimejan are kunxiree xan kustee nueꞌe xan binthegithja xan thi teringa tumii xan, thi binthekjengaxin xan ꞌna. Ko jeꞌe xan kunixin ndudee xan anto binthexraon na̱. 36Kuthimejan Jacob ndachro ngain xan:
—Jaꞌa ra tatedantsjena ra xanꞌna. Mee José ikoꞌa ngajin na, kai Simeón ikoꞌa ko jai rinao ra satsjiꞌo ra Benjamín. Kain juachjaon jiꞌi ndasuen na jaꞌan.
37Kuthimejan Rubén ndachro ngain ndudee:
—Suixin jeꞌo dechjana juachaxin tsjiꞌan xan ko ujaꞌan sikian xan, ko ja̱ irrukjankianꞌa Benjamín, suixin nchao seguꞌen kayui xanꞌna.
38Ko Jacob batheꞌe ko ndachro:
—Xanꞌna tsjiꞌa xan ngajin ra. José undabeꞌen, ko jeꞌo xan jiꞌi dithuena. Ja̱ chrujan tsuꞌen xan ngatja nthiꞌá, jaꞌa ra tasuꞌen ni ra ixin juachjauen xan.
Currently Selected:
Génesis 42: plsNT
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. All rights reserved.
Génesis 42
42
Xan choo José thji xan Egipto
1Are kunuꞌe Jacob ixin ngain nunthe Egipto jii nua kachji, ndachro ngain xeꞌen: «¿Unda tatetjsekua choo ra ko xruꞌin ncheꞌe ra? 2Jaꞌan ukununa ixin ngain nunthe Egipto jii nua kachji. Mexinxin thji ra nthiꞌa ko dikeꞌna ra tsjé thi sunthe ná ko jañaa nchao sunthechon ná ko isenxinꞌa ná ntha.»
3Kuthimejan binthekji the xan choo José ngain nunthe Egipto ixin binthekeꞌna xan nua. 4Aro Jacob kuajandaꞌa kjui Benjamín, xan choo José ngain xan kanxin ixin xraon ixin chrujan thi jianꞌa rukuꞌen Benjamín. 5Ko jañaa thi the xeꞌen Israel sabinthekeꞌna xan nua kachji, ngain kain ni baginthekji ixin bakeꞌna nua ixin ngain nunthe Canaán ixruꞌin thi bane na̱ beꞌe.
6Ko José baketuꞌan ngain nunthe Egipto ko jeꞌe thi banchekjiꞌi nua kain chujni bakixin ngain tsjé nunthe. Ko naa nchaꞌon are binthekii xan choo José, binthethuxin xan ko bisetaꞌa xan nunthe ngathexin kon José. 7Are José bikon xan choo, batsuan xan aro binchexon ixin chunxinꞌa xan ko suji nichjee xan ko ndachro:
—¿Thinoo juixin ra?
Ko jeꞌe xan binthegatheꞌe xan:
—Juixin ná ngain nunthe Canaán ixin bikeꞌna ná thi sine ná.
8Aro José jaan, batsuan xan choo, aro jeꞌe xan binthegatsuanꞌa xan jeꞌe. 9Kuthimejan xraxaon José thi kuxinxin ixin jeꞌe xan, ko ndachro ngain xan:
—Jaꞌa ra jeꞌo bitsayaꞌna ni ra ko bitjseꞌe ra thinoo sixinthexin ni ra.
10Ko xan choo José binthendachro xan:
—¡Thi dendachro yaa nduaꞌa! ¡Jaꞌan ná jeꞌo juiꞌi ná bikeꞌna ná thi sine ná! 11Kain ná jaꞌan ná nakua ndudana ná. Ko jaꞌan ná chujni jian ná ko jeꞌa chujni tsaaya.
12Kuthimejan José kjan ndachro:
—Nduaꞌa thi tendachro ra. Jaꞌa ra jeꞌo juiꞌi ra bitsayaꞌna ni ra.
13Jeꞌe xan binthendachro xan:
—Naꞌi, nduaꞌa yaa. Jaꞌan ná theyoo ná chian ná, xeꞌen nakua xii ko te ná ngain nunthe Canaán ko xan chian na, xan icha nchiin tabithuꞌe xan ngain ndudana ná ko inaa xan chian ná ikuaꞌa xan ngajin ná.
14Ko José kjan ndachro:
—Jaꞌan undachrjan ixin jaꞌa ra chujni tsaaya, 15ko jaꞌin satsuanxin ra: jaꞌan sajin ixin faraón ixin sachrjexinꞌa ra nthiꞌi ja̱ sikoꞌa ra xan choo ra, xan icha nchiin. 16Thji ra nakua ra dirrueꞌe ra xan choo ra ko xro icha ra tadithuꞌa ra ngaxiꞌin nduꞌa xiiso. Ko jañaa sikunxin ajaan, ndua thi tendachjejin ni ra, ko ixin juachaxiin faraón ja̱ jaꞌa ra sikoꞌa ra xan choo ra, yaa ruchro ixin jaꞌa ra jaan, chujni tsaaya.
17Ko jañaa José kuiaxiꞌin kain xan choo nii nchaꞌon, 18aro nchaꞌon ninxin ndachro José ngain xan choo:
—Jaꞌan naa xii xraguen Ndo Dio, mexinxin ncheꞌe ra thi jaꞌan rundathjo ra ko sinthechon ra. 19Ja̱ ndua chujni jian ra, thinthuꞌe ra nthiꞌi nakua xan choo ra, ko xro icha ra dikaan ra nua kachji sine chujnia ra. 20Kuthimejan sikuꞌna ni ra xan choo ra, xan icha nchiin, ko sukon ná ajaan ndua, thi tendachjejin ni ra, ko jañaa isuenꞌa ra.
Ko jeꞌe xan bithikaon xan, 21ko binthendache choo xan:
—Ndua atho jianꞌa binthoꞌo ná ngain xan choo ná, ixin binthuxon ná kuinꞌa ná are binthatsaan ná xan ñao ná ixin runthukjiꞌa ná xan, ko maski bukon ná ixin anto xraon xan. Mexinxin jai bitaꞌa ná thi tangi jiꞌi.
22Kuthimejan Rubén ndachro:
—Mexinxin jaꞌan ndathjo ra xruꞌin runchekoo ra xan aro jaꞌa ra bithikaonꞌa ra ko jai rugunda tsjenga ná ꞌna ixin thi binthoꞌo ná ngain xan.
23Ko jeꞌe xan binthenueꞌa xan ixin José jaan, jithinxin thi techro xan ixin are José banichja ngain xan, inaa chujni bandachro keꞌe jinichja José ngain xan ixin jee ngiigua banichja na̱. 24Kuthimejan José sakjuixin ngain xan ko beꞌe tsjanga. Ko are ujuexin tsjanga kjan ngain xan ko kuetuꞌan ixin kuiathe na̱ xan ko kuiaxiꞌin na̱ Simeón ngathexin kon kain xan choo. 25Kuthimejan ndachro José ngain xi nchexree:
—Nchekaon ra kustee xan, ko thi tumi kjuengaxin xan ꞌna dakee ra ngaa kustee xan. Ko chjeꞌe ra xan thi sine xan ngatja nthiꞌá.
Ko jañaa kuꞌen. 26Kuthimejan xan choo José binthencheka xan kuluchuꞌe xan ko sabinthekji xan.
27Ko are binthegiji xan thi ruginthegathuxin xan thi̱e, naa xan banthjee xan kustee xan ixin ruchjee xan kuluchuꞌe xan rune ba, ko bikon xan ixin ngaxiꞌin yaa jii tumii xan. 28Ko ndachro xan ngain xan choo xan:
—¡Xrakui ra tsjeꞌe ra, dikunkjana na̱ tumina! ¡Nthiꞌi jingaa ngain kustee nuana!
Kuthimejan kain xan anto kuaa xan juachjaon ko anto binthexraon xan ko binthendache choo xan:
—¿Keꞌe binthaa ná Ndo Dio?
29Ko are ubinthegiji xan ngain nunthe Canaán, kuekiin xan ndudee xan kain thi binthekuꞌen xan ko binthendachro xan:
30—Xi thetuꞌan ngain nunthe Egipto anto chrintho nichjana ná xa ko ndachro xa ixin jaꞌan ná chujni tsaaya. 31Aro jaꞌan ná ndathjan ná xa ixin jaꞌan ná xii jian ná ko jeꞌa chujni tsaaya. 32Kai ndathjan ná xa ixin jaꞌan ná theyoo ná chian ná, ko nakua ndudana ná, ko naa xan chian ná ikuꞌa xan ngajin ná ko xan icha nchiin tabithuꞌe xan ngajin, nthiꞌi ngain nunthe Canaán. 33Kuthimejan xi thetuꞌan nunthe Egipto ndachjejin ná: «Jiꞌi sikunxin, ajaan ndua chujni jian ra. Thinthuena ra nthiꞌi, naa xan choo ra ko thji ra dikaan ra thi sine chujnia ra ko isenꞌa na̱ ntha. 34Ko sikuꞌna ni ra xan choo ra, xan icha nchiin. Ko jañaa tsununa ixin jaꞌa ra, jaan, chujni jian ra ko jeꞌa chujni tsaaya, ko jaꞌan tsunkjaꞌan ra xan choo ra. Kuthimejan unchao tseꞌna ra ko sinchekji ra ngain nuntheꞌna ná.»
35Kuthimejan are kunxiree xan kustee nueꞌe xan binthegithja xan thi teringa tumii xan, thi binthekjengaxin xan ꞌna. Ko jeꞌe xan kunixin ndudee xan anto binthexraon na̱. 36Kuthimejan Jacob ndachro ngain xan:
—Jaꞌa ra tatedantsjena ra xanꞌna. Mee José ikoꞌa ngajin na, kai Simeón ikoꞌa ko jai rinao ra satsjiꞌo ra Benjamín. Kain juachjaon jiꞌi ndasuen na jaꞌan.
37Kuthimejan Rubén ndachro ngain ndudee:
—Suixin jeꞌo dechjana juachaxin tsjiꞌan xan ko ujaꞌan sikian xan, ko ja̱ irrukjankianꞌa Benjamín, suixin nchao seguꞌen kayui xanꞌna.
38Ko Jacob batheꞌe ko ndachro:
—Xanꞌna tsjiꞌa xan ngajin ra. José undabeꞌen, ko jeꞌo xan jiꞌi dithuena. Ja̱ chrujan tsuꞌen xan ngatja nthiꞌá, jaꞌa ra tasuꞌen ni ra ixin juachjauen xan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. All rights reserved.