Génesis 44
44
Thi bagixin José vino
1Ko José kuetuꞌen xi nchexree, xi icha chunthiaxin ko ndachro:
—Nchekaon thi dikauxin xii teꞌi nua kachji ko ngaa yaa, kai dakee tumii xa. 2Kuthimejan dakee thi jaꞌan dixin vino, thi dikunchjianxin chia plata ngaa thi jidikauxin nua kachji, xan icha nchiin ko kai tumii xan.
Ko xi ncheꞌe xra bincheꞌe xa thi ndachro José. 3Ko are ubingasaan, xan choo José binthencheka xan kuluchuꞌe xan ko sabinthekji xan. 4Ko xra kjínꞌa bintheji na̱ are José ndachro ngain xi nchexree, xi icha chunthiaxin:
—Dingathjen ko rueꞌe ni xii sabinthekji ko are usasutse na̱ ndache na̱: “Nchana anto jian bincheꞌe ngajin ra, ¿unda jianꞌa bincheꞌe ra ngain nchana? ¿Unda dikema ra thi dixin vino nchana thi dikunchjianxin chia plata? 5Ko mee thi dundeꞌe nchana ixin datsuanxin keꞌe sikuꞌen. ¡Nduaxin jaꞌa ra anto jianꞌa bincheꞌe ra ngain nchana!”
6Ko are xi nchexree José bitse xan, ndachro ngain xan inchin kuetuꞌan José. 7Ko jeꞌe xan binthegatheꞌe xan:
—¿Unda jañaa ndachjejin ni ra? Jaꞌan ná xruꞌin nchaꞌon runthaꞌa ná yaa. 8Suixin nuꞌa ixin kjankiꞌan ná tumi biraxin ná ngaa thi kjuianxin ná nua kachji. Mexinxin, ¿unda rukema ná chia oroe ko chia platee nchaa? 9¡Thjee thi dixin vino nchaa, ko ja̱ sinchii, ncho deꞌen thi dikema!, ko xro icha ná ndarrukjan ná xraa ni nchexraa suixin.
10Kuthimejan xi nchexree José ndachro:
—Jañaa tsuꞌen inchin techro ra, aro jeꞌo xan dikema thi dixin nchana vino, mee xan rukjan xi nchexrana, ko xro icha ra nchao satsji ra ixin xruꞌin teka ra.
11Ko jeꞌe xan jaikua binthegankajiꞌin xan kuluchuꞌe xan thi teringa nueꞌe xan ko binthekunxiree xan. 12Ko xi nchexree José kuexiꞌin kjuee ngaa kain thi teringa nua kachji ko kuexinxin ngain xan saꞌo ko juexinxin ngain xan icha nchiin. Ko bithja xa thi dixin vino José ngaa thi jidikauxin Benjamín nueꞌe. 13Ko kain xan choo José are bikon xan jiꞌi, kuinchje xan lunthue xan ixin anto binthexraon xan ko tabinthechiin xan. Kuthimejan kjan xan binthencheka xan kuluchuꞌe xan ko sakjan xan ngain José. 14Ko are ubinthegiji xan, José xra tajii ngain nchianduꞌa, kuthimejan Judá kunixin kain xan choo binthethuxin xan ko bisetaꞌa xan nunthe ngathexin kon José. 15Ko José ndache xan:
—¿Keꞌe binchena ni ra? ¿Abenuaꞌa ra ixin naa xii xraa jaꞌan, nuꞌe xa datsuꞌen xa thi sikuꞌen?
16Judá batheꞌe:
—¿Keꞌe nchao rundachrjan ná ngajin suixin? Chroꞌa tsjaago ná ixin xruꞌin teka ná, Ndo Dio nuꞌe Ndo thi teka ná, mexinxin jinchegatho ná Ndo thi tangi jiꞌi ko jai kainxin ná tarrukjan ná xi nchexraa suixin, ko kai thi xan bireꞌe na̱ thi degixin vino.
17Ko José ndachro:
—Naꞌi jaꞌan chroꞌa sinthaꞌa yaa; jeꞌo xan bechunda thi jaꞌan dixin vino, yaa thi tarrukjan xi nchexrana ko xro icha ra unchao sathji ra ngain nduꞌa ndudaa ra ko ixruꞌin kensen sinthañao ra.
Judá nichjaxin Benjamín
18Kuthimejan Judá kunchieꞌen ngain José ko ndachro:
—Denthatsaꞌan ñao, dekajanda na senichjaꞌa nchiunchjaon, ko denthatsaꞌan ñao deguñaoꞌa ngajin na ixin suixin anto renthe xraa xi faraón. 19Suixin beganchangina ni ntha a xra chunda ná ndudana ná ko a xra chunda ná chrujan xan chian ná. 20Ko jaꞌan ná bathaa ná, jaan, xra jii ndudana ná ko anto junchjan ndo ko kai xra chunda ná inaa xan chian ná, xan nchiin, xan binchekunkjiꞌi Raquel are ujunchjan ndo, ko naa xan choo xan jiꞌi undabeꞌen xan ko jeꞌo xan nchiin dithuꞌe. Mexinxin ndudana ná anto thjueꞌe ndo xan. 21Ko suixin bendachro ixin sikian ná xan ixin segatsuan xan. 22Ko jaꞌan ná bendathjo ntha ixin xan jiꞌi chroꞌa rukinthuꞌe xan ndudee xan, ko ja̱ rukinthuꞌe xan ndo ndarrugenxin ndo juachjaon. 23Aro suixin bendachro: Ja̱ rugikianꞌa ná xan, suixin irrugayenaꞌa ni ntha.
24«Ko mexinxin are baso ná ngain ndudana ná kuekian ná ndo kain thi suixin bendachjejin ni ntha. 25Kuthimejan ndudana ná kuetuna ná ndo ixin rukjan ná rugikeꞌna ná nua kachji, 26ko jaꞌan ná bathaa na ndudana ná: “Jaꞌan ná chroꞌa rukjan ná ja̱ tsjianꞌa ná xan chian ná, xan Benjamín, ixin xi thetuꞌan jañaa ndachro xa.” 27Ko ndudana ná ndachro ndo: “Jaꞌa ra unuꞌa ra ixin chriꞌna Raquel yuto chjan chjanna nchra. 28Ko naa xan sakjui xan ko ikjanꞌa bikon xan, ko jaꞌan xraxaꞌon ixin naa kuxiigo chrintho taguen ba xan. 29Ko ja̱ satsjiꞌo ra xan jiꞌi ko chrujan thi jianꞌa tsuꞌen xan, jaꞌa ra ndasuenxin ni ra juachjauen xan.”
30«Ko jai, chroꞌa rukjan na nchianduꞌa ndudana ja̱ rukjankianꞌa xan ixin ndudana ná najindaxinxon ndo xan. 31Ko are ndudana ná sikon ndo ixin irrukjankianꞌa ná xan, ndaseꞌen ndo ko jaꞌan ná setsingataꞌa ná ixin ndaseꞌen ndo. 32Jaꞌan ndathjan ndudana ixin jaꞌan sarinda xan, ko ja̱ rukjankianꞌa xan, jaꞌan setsingataꞌa na thi jianꞌa yaa kainxin nchaꞌon. 33Mexinxin denthatsaꞌan ñao, dekajanda na jaꞌan sithuna ixin jeꞌe xan ko rukjan na xinchexraa suixin, ko jeꞌe xan sarrukjankaꞌo choo xan. 34¿Kexreen rukjan na jaꞌan ngain ndudana ja̱ tsjianꞌa xan chian ngajin na? Jaꞌan tsixinaꞌa sikon juachaon sitaꞌa ndudana.
Currently Selected:
Génesis 44: plsNT
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. All rights reserved.
Génesis 44
44
Thi bagixin José vino
1Ko José kuetuꞌen xi nchexree, xi icha chunthiaxin ko ndachro:
—Nchekaon thi dikauxin xii teꞌi nua kachji ko ngaa yaa, kai dakee tumii xa. 2Kuthimejan dakee thi jaꞌan dixin vino, thi dikunchjianxin chia plata ngaa thi jidikauxin nua kachji, xan icha nchiin ko kai tumii xan.
Ko xi ncheꞌe xra bincheꞌe xa thi ndachro José. 3Ko are ubingasaan, xan choo José binthencheka xan kuluchuꞌe xan ko sabinthekji xan. 4Ko xra kjínꞌa bintheji na̱ are José ndachro ngain xi nchexree, xi icha chunthiaxin:
—Dingathjen ko rueꞌe ni xii sabinthekji ko are usasutse na̱ ndache na̱: “Nchana anto jian bincheꞌe ngajin ra, ¿unda jianꞌa bincheꞌe ra ngain nchana? ¿Unda dikema ra thi dixin vino nchana thi dikunchjianxin chia plata? 5Ko mee thi dundeꞌe nchana ixin datsuanxin keꞌe sikuꞌen. ¡Nduaxin jaꞌa ra anto jianꞌa bincheꞌe ra ngain nchana!”
6Ko are xi nchexree José bitse xan, ndachro ngain xan inchin kuetuꞌan José. 7Ko jeꞌe xan binthegatheꞌe xan:
—¿Unda jañaa ndachjejin ni ra? Jaꞌan ná xruꞌin nchaꞌon runthaꞌa ná yaa. 8Suixin nuꞌa ixin kjankiꞌan ná tumi biraxin ná ngaa thi kjuianxin ná nua kachji. Mexinxin, ¿unda rukema ná chia oroe ko chia platee nchaa? 9¡Thjee thi dixin vino nchaa, ko ja̱ sinchii, ncho deꞌen thi dikema!, ko xro icha ná ndarrukjan ná xraa ni nchexraa suixin.
10Kuthimejan xi nchexree José ndachro:
—Jañaa tsuꞌen inchin techro ra, aro jeꞌo xan dikema thi dixin nchana vino, mee xan rukjan xi nchexrana, ko xro icha ra nchao satsji ra ixin xruꞌin teka ra.
11Ko jeꞌe xan jaikua binthegankajiꞌin xan kuluchuꞌe xan thi teringa nueꞌe xan ko binthekunxiree xan. 12Ko xi nchexree José kuexiꞌin kjuee ngaa kain thi teringa nua kachji ko kuexinxin ngain xan saꞌo ko juexinxin ngain xan icha nchiin. Ko bithja xa thi dixin vino José ngaa thi jidikauxin Benjamín nueꞌe. 13Ko kain xan choo José are bikon xan jiꞌi, kuinchje xan lunthue xan ixin anto binthexraon xan ko tabinthechiin xan. Kuthimejan kjan xan binthencheka xan kuluchuꞌe xan ko sakjan xan ngain José. 14Ko are ubinthegiji xan, José xra tajii ngain nchianduꞌa, kuthimejan Judá kunixin kain xan choo binthethuxin xan ko bisetaꞌa xan nunthe ngathexin kon José. 15Ko José ndache xan:
—¿Keꞌe binchena ni ra? ¿Abenuaꞌa ra ixin naa xii xraa jaꞌan, nuꞌe xa datsuꞌen xa thi sikuꞌen?
16Judá batheꞌe:
—¿Keꞌe nchao rundachrjan ná ngajin suixin? Chroꞌa tsjaago ná ixin xruꞌin teka ná, Ndo Dio nuꞌe Ndo thi teka ná, mexinxin jinchegatho ná Ndo thi tangi jiꞌi ko jai kainxin ná tarrukjan ná xi nchexraa suixin, ko kai thi xan bireꞌe na̱ thi degixin vino.
17Ko José ndachro:
—Naꞌi jaꞌan chroꞌa sinthaꞌa yaa; jeꞌo xan bechunda thi jaꞌan dixin vino, yaa thi tarrukjan xi nchexrana ko xro icha ra unchao sathji ra ngain nduꞌa ndudaa ra ko ixruꞌin kensen sinthañao ra.
Judá nichjaxin Benjamín
18Kuthimejan Judá kunchieꞌen ngain José ko ndachro:
—Denthatsaꞌan ñao, dekajanda na senichjaꞌa nchiunchjaon, ko denthatsaꞌan ñao deguñaoꞌa ngajin na ixin suixin anto renthe xraa xi faraón. 19Suixin beganchangina ni ntha a xra chunda ná ndudana ná ko a xra chunda ná chrujan xan chian ná. 20Ko jaꞌan ná bathaa ná, jaan, xra jii ndudana ná ko anto junchjan ndo ko kai xra chunda ná inaa xan chian ná, xan nchiin, xan binchekunkjiꞌi Raquel are ujunchjan ndo, ko naa xan choo xan jiꞌi undabeꞌen xan ko jeꞌo xan nchiin dithuꞌe. Mexinxin ndudana ná anto thjueꞌe ndo xan. 21Ko suixin bendachro ixin sikian ná xan ixin segatsuan xan. 22Ko jaꞌan ná bendathjo ntha ixin xan jiꞌi chroꞌa rukinthuꞌe xan ndudee xan, ko ja̱ rukinthuꞌe xan ndo ndarrugenxin ndo juachjaon. 23Aro suixin bendachro: Ja̱ rugikianꞌa ná xan, suixin irrugayenaꞌa ni ntha.
24«Ko mexinxin are baso ná ngain ndudana ná kuekian ná ndo kain thi suixin bendachjejin ni ntha. 25Kuthimejan ndudana ná kuetuna ná ndo ixin rukjan ná rugikeꞌna ná nua kachji, 26ko jaꞌan ná bathaa na ndudana ná: “Jaꞌan ná chroꞌa rukjan ná ja̱ tsjianꞌa ná xan chian ná, xan Benjamín, ixin xi thetuꞌan jañaa ndachro xa.” 27Ko ndudana ná ndachro ndo: “Jaꞌa ra unuꞌa ra ixin chriꞌna Raquel yuto chjan chjanna nchra. 28Ko naa xan sakjui xan ko ikjanꞌa bikon xan, ko jaꞌan xraxaꞌon ixin naa kuxiigo chrintho taguen ba xan. 29Ko ja̱ satsjiꞌo ra xan jiꞌi ko chrujan thi jianꞌa tsuꞌen xan, jaꞌa ra ndasuenxin ni ra juachjauen xan.”
30«Ko jai, chroꞌa rukjan na nchianduꞌa ndudana ja̱ rukjankianꞌa xan ixin ndudana ná najindaxinxon ndo xan. 31Ko are ndudana ná sikon ndo ixin irrukjankianꞌa ná xan, ndaseꞌen ndo ko jaꞌan ná setsingataꞌa ná ixin ndaseꞌen ndo. 32Jaꞌan ndathjan ndudana ixin jaꞌan sarinda xan, ko ja̱ rukjankianꞌa xan, jaꞌan setsingataꞌa na thi jianꞌa yaa kainxin nchaꞌon. 33Mexinxin denthatsaꞌan ñao, dekajanda na jaꞌan sithuna ixin jeꞌe xan ko rukjan na xinchexraa suixin, ko jeꞌe xan sarrukjankaꞌo choo xan. 34¿Kexreen rukjan na jaꞌan ngain ndudana ja̱ tsjianꞌa xan chian ngajin na? Jaꞌan tsixinaꞌa sikon juachaon sitaꞌa ndudana.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. All rights reserved.